2 Timoteo 2:2 - Kaqchikel Santo Domingo (Xenacoj)

² Ri utzulej tijonik xawakꞌaxaj junan kikꞌin santienta wineq ri xeꞌakꞌaxan wichin, ja tijonik riꞌ tachilabꞌej chake hermanos ri ndanaꞌ chi kin xtikibꞌen rusamaj ri Dios y kꞌes kinoꞌoj chin ngekitijoj chꞌaqa chik.

နောက်ထပ်ဗားရှင်းများ

Kaqchikel Santa Maria de Jesus

² Ri tzij ri xavaxaj antok xinꞌej chava chiquivach iqꞌuiy hermanos, jareꞌ taꞌej jeꞌ atreꞌ chica nicꞌaj chic hermanos ri ncaꞌtiquir ncaꞌquitijuoj nicꞌaj chic y chi can xtiquiꞌan ri samaj.

Kaqchiquel Bible

² Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

Kaqchikel Central Guatemala

² Ri tijonic ri xinya' chave chiquivech e q'uiy, can jac'a chuka' ri' taya' chique ch'aka' chic achi'a' ri can yetiquir-vi yetijon jebel y cukul ac'u'x rat chi ri kach'alal ri' can xtiquiben-vi ri rusamaj ri Dios.

Re C'ac'a Testamento pa Kach'abal

² Re enseñanza re xinc'ut chavach chiquivach je q'uiy hermanos, can ja chuka' re' tac'utu' chiquivach re nic'aj chic achi'a' re can ye'tiquir niquic'ut jabal, y chuka' can c'o a-confianza quiq'uin che can xtiquiban-va re rusamaj re Dios.

Kaqchikel Western Solola

² Y ri xinbij chawe chiquiwech ye q'uiy kach'alal, can ya c'a chuka' ri' tac'utu' chiquiwech ri nic'aj chic kach'alal achi'a' ri can cukul wi ac'u'x quiq'ui chi yecowin yequitijoj jabel ri nic'aj chic.

2 Timoteo 2:2 ပူးပေါင်းရင်းမြစ်များ

San Mateo 13:52

Y ri Jesús xubꞌij chake: Roma rix ndibꞌij chi ndikꞌoxomaj, romariꞌ nibꞌij chiwa: Nojel tijonel chin ri ley ri xyoꞌox chare ri Moisés ri rutijon pe riꞌ chirij ri ru-reino ri aj chikaj Dios, ri tijonel riꞌ achel jun rajaw achoch ri kꞌo kꞌakꞌakꞌ y ojer teq bꞌeyomal ruyakon y atoq ndikꞌatzin, ngerelesaj pe chin ngerukusaj.

San Mateo 24:25

Tikꞌoxomaj reꞌ, porque nabꞌey chi ndibꞌanatej, riyin ja yan xinbꞌij chiwa.

San Lucas 12:42

Ri Ajaw xubꞌij: Jun samajel ri ndubꞌen ri ndubꞌij ri rajaw chare y ndunojij utz-utz ri ngerubꞌanalaꞌ, ja samajel riꞌ ri ndichaꞌox roma ri rajaw chin nduyaꞌ pa kiwiꞌ chꞌaqa chik samajelaꞌ, chin keriꞌ atoq ndiril hora chin rujachik ri ndikꞌatzin chake chin ndikikꞌux, runabꞌan chi apu nojel chin ndujech chake.

1 Corintios 4:2

Reꞌ ndubꞌij tzij chi qonojel ri jachon jun samaj pa qaqꞌaꞌ roma ri Dios, ndikꞌatzin ndiqabꞌen ri samaj achel bꞌiꞌin chaqe.

2 Corintios 2:14

Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ.

2 Corintios 3:5

Ma ndiqabꞌij ta chi qayon chiqawech ngojtiker ndiqabꞌen ri samaj, xa kin nojel ri ndiqabꞌen, ja ri Dios ndibꞌanun chaqe chi ngojtiker ndiqabꞌen.

Colosenses 1:7

Jariꞌ ri xukꞌut kan ri hermano Epafras chiwech. Rijaꞌ jun qachibꞌil ri tzꞌan ndiqajoꞌ y rikꞌin nojel ránima ndubꞌen rusamaj ri Cristo chiꞌikajal, chin kꞌo utz ndukꞌen pe chiwa.

1 Timoteo 1:12

Nimatioxij chare ri Qajaw Cristo Jesús ri ruyoꞌon wuchuqꞌaꞌ chin nibꞌen ri rusamaj, porque xunikꞌoj ri wánima, xutzꞌet chi kin xtinbꞌen wi ri rusamaj nduyaꞌ pa nuqꞌaꞌ, y nimatioxij chuqaꞌ chare chi xiruyaꞌ chin nibꞌen ri samaj riꞌ.

1 Timoteo 1:18

Y rat Timoteo, ri kin rat achel nukꞌajol roma ataqin ri Cristo, nichilabꞌej chawa chi tatzijoj nojel re nubꞌiꞌin chawa. Ma tamestaj ri tzij kibꞌiꞌin pa awiꞌ ri hermanos ri ngeqꞌalajrisan ri ndubꞌij pe ri Dios pa kánima. Rikꞌin ri tzij riꞌ tawilaꞌ ruchuqꞌaꞌ ri awánima chin ndabꞌen ri utzulej rusamaj ri Dios ri ruyoꞌon chawa chin ndabꞌen.

1 Timoteo 4:14

Tabꞌanaꞌ cuenta ri loqꞌolej sipanik ruyoꞌon ri Espíritu Santo chawa, sipanik ri xqꞌalajrisex pe roma ri Dios chin ndiyoꞌox chawa y kin xyoꞌox wi atoq ri eꞌukꞌuey bꞌey chikiwech ri rutinamit ri Dios xkiyaꞌ kiqꞌaꞌ pa awiꞌ.

1 Timoteo 4:6

Y rat Timoteo, si ngaꞌatijoj ri hermanos rikꞌin ri tijonik nitzꞌibꞌaj e chawa, kin ndiqꞌalajin chi rat jun utzulej rusamajel ri Cristo Jesús, ri kin kꞌiyineq pa awánima ri utzulej teq tijonik awoqan pe pa akꞌaslen y kꞌiyineq chuqaꞌ pa awánima ri utzulej teq tzij ri rubꞌanun chawa chi akuqubꞌan akꞌuꞌx rikꞌin ri Cristo Jesús.

1 Timoteo 5:22

Ma xetal chaꞌanin tayaꞌ aqꞌaꞌ pariꞌ jun hermano chin ndok pa rusamaj ri Dios, si ma awetaman ta achike rubꞌanun rukꞌaslen. Ma kꞌateꞌ ndajin rikꞌin mak, y jajun rat ndaweqalej ri rumak. Xa kin tachajij awiꞌ, chin keriꞌ jabꞌel chꞌajchꞌaj ri akꞌaslen.

1 Timoteo 6:12

Rikꞌin ri kuqubꞌel kꞌuxlaj kꞌo pa awánima, tatijaꞌ aqꞌij chi jumul ndabꞌen pa akꞌaslen ri ndubꞌij ri rutzij ri Dios. Kin tiqꞌalajin utz-utz chi kꞌo chik awikꞌin ri kꞌaslen ma ndikꞌis ta, porque chin riꞌ xatoyox roma ri Dios. Y kin chikiwech ekꞌiy testigos xabꞌij chi akuqubꞌan akꞌuꞌx rikꞌin ri Ajaw.

2 Timoteo 3:10

Pero rat, Timoteo, awoqan utz-utz ri tijonik ri rat nutijon rikꞌin. Awoqan rubꞌeyal ri utzulej kꞌaslen nukꞌuan. Kꞌo chuqaꞌ pa awánima ri achike roma ngitajin rikꞌin ri samaj nibꞌen, chi kin kuqul nukꞌuꞌx rikꞌin ri Dios, chi ma poyineq ta nukꞌuꞌx nibꞌen ri samaj, chi nginojowan y chi nukochꞌon nuwech chupan ri kꞌayew niqꞌasaj.

2 Timoteo 3:14

Jakꞌa rat Timoteo, ma jun tayaꞌ kan ri utzulej tijonik ri xawetamaj y xok pa awánima, porque kin awetaman ri achoq kikꞌin xawetamaj wi ri tijonik riꞌ.

Hebreos 2:17

Y chin xtiker xubꞌen keriꞌ, xkꞌatzin chi xuꞌok wineq achel ri wineq ri ngerukal e, chin xok ri más nimalej ruqꞌij Sacerdote ri ndujoyowaj kiwech ri wineq ri ngeꞌok ruchaqꞌ, y kin jumul wi ndubꞌen rusamaj ri Dios pa ruchojmil, chin keriꞌ roma ri kamik xuqꞌasaj, ndikuyutej kimak ri wineq chuwech ri Dios.