2 Timoteo 1:7 - Kaqchikel Santo Domingo (Xenacoj)

⁷ Porque ri espíritu ruyoꞌon ri Dios pa qánima, ma jun ta espíritu ri ndubꞌen chaqe chi ndiqaxibꞌij qiꞌ chi ndiqabꞌen ri samaj yoꞌon chaqe. Xa kin jun espíritu ri ndubꞌen chaqe chi ngojtiker ndiqabꞌen ri samaj riꞌ rikꞌin ruchuqꞌaꞌ rijaꞌ, ndubꞌen chuqaꞌ chaqe chi ngojojowan, y ndubꞌen chaqe chi ngojtiker ndiqaqꞌet qiꞌ chuwech ri itzel teq rayinik.

နောက်ထပ်ဗားရှင်းများ

Kaqchikel Santa Maria de Jesus

⁷ Y ri Espíritu ri ruyoꞌn ri Dios chika ojreꞌ ri kaniman chic jajaꞌ, man richin ta chi nakaxiꞌij-kiꞌ. Xa nuyaꞌ poder chika, y nuꞌon chika chi ncaꞌkajoꞌ quinojiel ri vinak y nuꞌon chika chi nkojtiquir nakakꞌil-kiꞌ chi man nakaꞌan ta pecar-kiꞌ.

Kaqchiquel Bible

⁷ Roma ri Dios rubanon chiqe chi man niqaxibij ta qi', kan ruya'on uchuq'a' chiqe, rubanon chiqe chi yojajowan y chi yojtikir niqaq'et-qi' chubanik ri etzelal.

Kaqchikel Central Guatemala

⁷ Y ri Espíritu ri ruyo'on ri Dios chike roj ri kaniman chic rija', man nuben ta chike chi nikaxibij-ki'. Xa can nuya' kuchuk'a', y nuben chike chi yojajovan y man nikaya' ta k'ij chire ri mac.

Re C'ac'a Testamento pa Kach'abal

⁷ Y re Espíritu re ruyi'on re Dios chaka yoj re kaniman chic reja', man nuban-ta chaka che nakaxibij-ki'. Xa can nuya' kachuk'a', y nuban chaka che yojovan y man nakaya-ta k'ij cha re mac.

Kaqchikel Western Solola

⁷ Ruma ri Espíritu ri ruya'on ri Dios chake riyoj ri kaniman chic Riya', ma riche (rixin) ta chi nikaxibij ki'. Ri Espíritu ri' can nuya' wi kachuk'a', y nuben chake chi yekajo' quinojel y nuben chuka' chake chi yojcowin nikak'il ka ki' riche (rixin) chi ma nikaben ta ri mac.

2 Timoteo 1:7 ပူးပေါင်းရင်းမြစ်များ

San Lucas 10:19

Riyin nuyoꞌon uchuqꞌaꞌ pa iqꞌaꞌ chin ngeꞌiwelesaj itzel teq espíritu ri eꞌachel teq kumetz y alacrán, y nuyoꞌon uchuqꞌaꞌ pa iqꞌaꞌ pa ruwiꞌ nojel ruchuqꞌaꞌ ri itzel, y ma jun achike xtikꞌulwachij pa ruqꞌaꞌ.

San Lucas 15:17

Re kꞌajol reꞌ xtzolij kꞌa pe runoꞌoj pa seq y xubꞌij: Chirachoch ri nataꞌ riꞌ… kꞌiy samajelaꞌ ekꞌo y kꞌiy achike ndikikꞌux, jakꞌa riyin ngiken chi ruchꞌumunik nupan chireꞌ.

San Lucas 24:49

Y riyin niteq pe pa iwiꞌ ri rusujun ri Nataꞌ Dios, y riꞌ ja ri Espíritu Santo. Pero kixkꞌojeꞌ pa tinamit Jerusalén, kꞌa tuqaqa na pa iwiꞌ ri Espíritu Santo ri nduruyaꞌ uchuqꞌaꞌ chin chikaj chiwa.

San Lucas 8:35

Ja atoq riꞌ ri wineq xeꞌel e chutzꞌetik ri xbꞌanatej y atoq xebꞌeqaqa apeꞌ kꞌo ri Jesús, xkitzꞌet chi ri achi ri xeꞌel e ri seqꞌ teq espíritu pa rukꞌaslen, tzꞌuyul chiraqen ri Jesús, rukusan yan chik rutziaq y kin pa ruxnaqil yan chik kꞌo. Y ri wineq xkixibꞌij kiꞌ.

San Juan 14:27

Riyin niyaꞌ kan uxlanen pa iwánima, achel ri uxlanen kꞌo pa wánima riyin, y ri uxlanen niyaꞌ kan pa iwánima, ma ngetiker ta ndikiyaꞌ ri wineq. Ma tichꞌujrisaj iwiꞌ, y ma tixibꞌij iwiꞌ.

Hechos 1:8

Pero atoq nduqaqa ri Espíritu Santo pa iwiꞌ, ndiyoꞌox uchuqꞌaꞌ chiwa chin ndiyaꞌ utzulej nutzijol pa tinamit Jerusalén, pa nojel teq tinamit chin ri rochꞌulew Judea y chin ri rochꞌulew Samaria, y pa teq tinamit ri kꞌa más nej ekꞌo chuwech ri rochꞌulew, xchajeꞌ ri Jesús.

Hechos 10:38

Iwakꞌaxan chuqaꞌ chi ri Dios xunojisaj ránima ri Jesús aj Nazaret rikꞌin ri Espíritu Santo y rikꞌin uchuqꞌaꞌ. Ri Jesús pa rukꞌaslen chochꞌulew jalajaj teq apeꞌ xubꞌen ri utz y xerukꞌachojrisaj konojel ri ekꞌo pa ruqꞌaꞌ ri itzel, porque ri Dios kin kꞌo wi rikꞌin.

Hechos 20:24

Pero riyin ma ja ta ri nukꞌaslen ri más kꞌo reqalen chinuwech. Ri kꞌo reqalen, ja ri ndikikot wánima nekꞌisaꞌ ri samaj ruyoꞌon ri Ajaw Jesús pa nuqꞌaꞌ, chi niyaꞌ rutzijol ri utzulej teq tzij chin kolotajik ri ndikꞌutu chiqawech chi roma ru-favor ri Dios ngojkolotej.

Hechos 21:13

Pero ri Pablo xubꞌij: ¿Achike roma ngixoqꞌ y ndiyaꞌ bꞌis chuwa? Porque riyin nuyoꞌon pa wánima chi maske ngixim o ngikamisex pa tinamit Jerusalén roma yin rusamajel ri Ajaw Jesús, keriꞌ tibꞌanatej, xchajeꞌ.

Hechos 26:11

Kꞌiy mul xenbꞌen castigar pa teq sinagogas, chin xinbꞌen chake chi tikiyaqꞌ rubꞌiꞌ ri Jesús. Santienta woyowal yakatajneq chikij, hasta xentzeqlebꞌej pa teq tinamit ri ma chin ta ri rochꞌulew Israel chin xinbꞌen itzel chake.

Hechos 26:25

Ri Pablo xubꞌij: ¡Ma yin ta chꞌuꞌj, nimalej Festo! Keriꞌ nibꞌij chawa porque ri ngitajin chubꞌixik qetzij, y pa wuxnaqil nibꞌij.

Hechos 6:8

Ri Esteban jun achi nojneq ránima rikꞌin ri ruchuqꞌaꞌ ri Dios y rikꞌin ri ru-favor ri Dios. Y chikikajal ri israelitas, rijaꞌ ndubꞌen nimalej teq achike ri nixta jumbꞌey etzꞌeton y nimalej teq retal ruchuqꞌaꞌ ri Dios.

Hechos 9:22

Pero ri Saulo qꞌij-qꞌij más nditiker ndichꞌaꞌa pa ruwiꞌ ri Ajaw Jesús chake ri israelitas pa tinamit Damasco, y ndusuqꞌ kinoꞌoj porque ndukusaj ri rutzij ri Dios chin ndukꞌut chi ja ri Jesús ri xtaq pe roma ri Dios chukolik ri rutinamit.

Romanos 5:5

Y kin ma xqojkꞌixbꞌisex ta rikꞌin ri keriꞌ qoyobꞌen, porque ri Dios rikꞌin ri Espíritu Santo ri ruyoꞌon pa qánima, rukꞌutun chiqawech chi santienta ngojrajoꞌ.

Romanos 8:15

Porque rix ma xyoꞌox ta pa iwánima jun espíritu ri ngixruxim chik chuxeꞌ ruchuqꞌaꞌ ri mak, chin ta ndixibꞌij chik iwiꞌ chi ri Dios nduyaꞌ castigo chiwa. Pa rukꞌexel riꞌ, rix kin ja ri Espíritu Santo yoꞌon pa iwánima, y roma ri xubꞌen pa ikꞌaslen, ri Dios xuyaꞌ rubꞌiꞌ chiwij chin xixok ralkꞌuaꞌl. Y ja Espíritu riꞌ ndibꞌanun chaqe chi ndiqabꞌij ¡Nataꞌ! chare ri Tataꞌaj Dios.

1 Corintios 2:4

Atoq xintzijoj rutzij ri Dios chiwa, ma xichꞌaꞌa ta rikꞌin aj rochꞌulew nojibꞌel chin ta xinqasaj ijolon. Pa rukꞌexel riꞌ, ri tzij xenkusaj xtzꞌetetej chi qetzij, roma ri nimalej teq achike xubꞌen ruchuqꞌaꞌ ri Espíritu Santo chiꞌikajal,

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Colosenses 1:8

Ja rijaꞌ kꞌamayon pe rutzijol chaqe chi ngixojowan roma kꞌo ri Espíritu Santo pa iwánima.

Hebreos 2:15

Ri kamik xuqꞌasaj ri Jesús, chin chuqaꞌ ngerukal konojel ri jumul ekꞌo pa ruqꞌaꞌ ri xibꞌriꞌil, porque kixibꞌin kiꞌ chuwech ri xtibꞌanatej kikꞌin atoq ngeken e.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

1 Juan 4:18

Si ngojojowan achel ndojowan rijaꞌ, maneq roma ndiqaxibꞌij qiꞌ, porque ri tzꞌaqet ajowabꞌel ndirelesaj ri xibꞌriꞌil. Ri wineq ri kꞌa nduxibꞌij riꞌ chi ri Dios nduyaꞌ castigo chare, kꞌajani tzꞌaqet ndojowan.