2 Timoteo 1:1 - Kaqchikel Santo Domingo (Xenacoj)

¹ Riyin Pablo ru-apóstol ri Cristo Jesús porque jariꞌ rurayibꞌel ri Dios. Ri Dios xiruchaꞌ chin nitzijoj chi konojel ri xe jun ndikibꞌen rikꞌin ri Cristo Jesús, ndikil ri utzulej kꞌaslen ri ndusuj rijaꞌ.

နောက်ထပ်ဗားရှင်းများ

Kaqchikel Santa Maria de Jesus

¹ Inreꞌ Pablo, in ru-apóstol ri Jesucristo ruma quireꞌ nrajoꞌ ri Dios chi nitzijuoj chica ri vinak chi ri Dios nuyaꞌ ri cꞌaslien ri ranun prometer chica ri vinak ri niquiyaꞌ cánima riqꞌuin ri Cristo Jesús.

Kaqchiquel Bible

¹ Yin Pablo, in jun taqon roma ri Jesucristo, roma kan rurayibel wi ri Dios chi xirucha' richin nintzijoj ri k'aslen ri nusuj chike ri winaqi', ri nikikuquba' kik'u'x rik'in ri Cristo Jesús.

Kaqchikel Central Guatemala

¹ Yin Pablo, ru-apóstol ri Jesucristo roma jari' ri rurayibel ri Dios. Rija' xirucha' c'a richin chi nintzijoj ri nusuj chique ri vinek. Y ri' ja ri c'aslen ri nuya' chique ri vinek ri niquicukuba' quic'u'x riq'uin ri Cristo Jesús.

Re C'ac'a Testamento pa Kach'abal

¹ Yen Pablo, ru-apóstol re Jesucristo roma jare' re nurayij re Dios. Reja' xinrucha' chin nintzijoj re nusuj chique re vinak. Y re' ja re c'aslen re nuya' chique re vinak re xa jun quibanon riq'uin re Cristo Jesús.

Kaqchikel Western Solola

¹ Riyin ri Pablo, yin ru'apóstol ri Jesucristo ruma queri' ri xrajo' ri Dios riche (rixin) chi ntzijoj ri nutzuj (nusuj) chique ri winek. Y ri' ya ri c'aslen ri nuya' chique ri winek ri xa jun chic quibanon riq'ui ri Cristo Jesús.

2 Timoteo 1:1 ပူးပေါင်းရင်းမြစ်များ

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

2 Corintios 1:1

Riyin Pablo, apóstol chin ri Cristo Jesús roma jariꞌ rurayibꞌel ri Dios, junan rikꞌin ri hermano Timoteo ndiqatzꞌibꞌaj e re wuj reꞌ chiwa rix ri ralkꞌuaꞌl ri Dios ri ndimal iwiꞌ pa rubꞌiꞌ pa tinamit Corinto, y chake konojel ri hermanos ekꞌo chiriꞌ pa rochꞌulew Acaya.

San Juan 10:28

Y riyin niyaꞌ ri kꞌaslen ma ndikꞌis ta chake, y ma ngebꞌa ta chupan ri kamik ri kin chin jumul, y nixta jun nditiker ngerumej e pa nuqꞌaꞌ.

Tito 1:2

Ri rukꞌuꞌx ri kꞌaslen riꞌ, ja ri ndoyobꞌex ri kꞌaslen ma ndikꞌis ta. Y ja kꞌaslen riꞌ rusujun ri Dios chi nduyaꞌ xe jampeꞌ atoq kꞌajani titzꞌukutej pe ri tiempo ojer kan. Y kin nduyaꞌ wi ri rusujun, porque ri Dios ma ndireqꞌon ta.

Efesios 3:6

Y ri ruqꞌalajrisan ri Espíritu Santo jareꞌ: Rix ri ma rix israelitas ta, itaqin ri utzulej teq tzij chin kolotajik, y romariꞌ kꞌo favor ndiyoꞌox chiwa junan qikꞌin roj israelitas, y junan roj okuneq ruwachinel ruqꞌa-raqen ri Cristo y junan chuqaꞌ ndiyoꞌox chaqe ri rusujun ri Dios chi nduyaꞌ, porque xe jun qabꞌanun qonojel rikꞌin ri Cristo Jesús.

San Juan 6:40

Porque ri rurayibꞌel ri Nataꞌ ri taqayon pe wichin, jareꞌ: Konojel ri ndiketamaj achike riyin y nginikitaqij, ndikil ri kꞌaslen ma ndikꞌis ta, y riyin ngenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

1 Juan 2:25

Y si jumul xe jun qabꞌanun rikꞌin, kin qichin wi ri kꞌaslen ma ndikꞌis ta ri rusujun kan rijaꞌ chaqe.

1 Timoteo 6:19

Porque si keriꞌ ndikibꞌen, ndikinabꞌeyirisaj apu utzulej bꞌeyomal chikaj, y ndikibꞌen kichin chare ri qetzij kꞌaslen nduyaꞌ ri Dios.

2 Corintios 1:20

porque nojel ri rusujun pe ri Dios, rikꞌin ri Cristo Jesús ndiqil wi. Roma kꞌa riꞌ, atoq ngojchꞌaꞌa chare ri Dios pa rubꞌiꞌ ri Cristo, ndiqabꞌij: Amén, kin qetzij wi chi ndabꞌen ri ndabꞌij, ngojchajeꞌ chare, chin ndiyoꞌox ruqꞌij qoma roj.

1 Corintios 1:1

Riyin Pablo, yin oyon chin xinok apóstol chin ri Cristo Jesús, roma jariꞌ rurayibꞌel ri Dios. Riyin rachibꞌilan ri hermano Sóstenes nitzꞌibꞌaj e re wuj reꞌ,

Romanos 6:23

Porque ri tojik ndukꞌen pe ri mak, ja ri kamik, jakꞌa ri Dios ndusipaj ri kꞌaslen ma ndikꞌis ta, y riꞌ roma xe jun qabꞌanun rikꞌin ri Qajaw Cristo Jesús.

Romanos 5:21

Chin keriꞌ, achel ri mak xkꞌojeꞌ ruchuqꞌaꞌ pa kiwiꞌ ri wineq chin ngerukꞌuaj pa kamik, keriꞌ chuqaꞌ ri nimalej ru-favor ri Dios ndikꞌojeꞌ ruchuqꞌaꞌ pa kiwiꞌ ri wineq, y ndubꞌen chake chi nixta jun kimak ndikeqalej chin ngerukꞌuaj chupan ri kꞌaslen ma ndikꞌis ta roma ri xubꞌen ri Qajaw Jesucristo pa kikꞌexel.

Romanos 1:1

Riyin Pablo rusamajel ri Cristo Jesús, yin oyon chin xinok jun apóstol, yin chaꞌon pe chuqaꞌ roma ri Dios chin nitzijoj ri utzulej teq tzij chin kolotajik ri pataneq rikꞌin rijaꞌ.

San Juan 6:54

Ri ndikꞌuxu ri nu-cuerpo, y ndutij ri nukikꞌel, kꞌo ri kꞌaslen ma ndikꞌis ta rikꞌin, y riyin nikꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

Gálatas 3:26

Keriꞌ nibꞌij chiwa porque rix iwonojel ri itaqin ri Cristo Jesús, rix ralkꞌuaꞌl chik ri Dios.

Gálatas 3:28

Y chiqakajal roj ri xe jun qabꞌanun rikꞌin ri Cristo Jesús, ma jun ri más ta kꞌo ruqꞌij o maneq ta ok ruqꞌij chuwech ri Dios, si roj israelitas o ma roj ta israelitas, si rojkꞌo chuxeꞌ rutzij jun ajaw chochꞌulew o naq, si achiꞌaꞌ o ixoqiꞌ.

2 Timoteo 1:9

Ri Dios xojrukal, y xojroyoj chin ndiqakꞌuaj jun chꞌajchꞌaj kꞌaslen. Rijaꞌ xojroyoj ma roma ta chi kꞌo utz qabꞌanun. Xa kin roma ri nimalej ru-favor rijaꞌ, y roma chuqaꞌ keriꞌ runojin pe xe pa nabꞌey atoq kꞌajani tubꞌen ri rochꞌulew. Xe jampeꞌ atoq riꞌ runojin chi nduyaꞌ ru-favor chaqe roj ri xe jun qabꞌanun rikꞌin ri Cristo Jesús.

2 Timoteo 1:10

Y ri nimalej favor riꞌ xqꞌalajrisex chiqawech chupan re tiempo rojkꞌo, rikꞌin ri xuruqꞌalajrisaj riꞌ ri Qakolonel Cristo Jesús. Rijaꞌ xukꞌis ruqꞌij ri ruchuqꞌaꞌ ri kamik y xuyikꞌaj ri bꞌey chiqawech chin ndiqil ri kꞌaslen ma ndikꞌis ta, jun kꞌaslen ri maneq ruqꞌaꞌ ri kamik chare. Keriꞌ xubꞌen roma rutzijoxik ri utzulej teq tzij chin kolotajik.

2 Timoteo 1:13

Y nibꞌij kꞌa chawa rat Timoteo, chi kin achel ri utzulej teq tijonik ri nuyoꞌon chawa, kin keriꞌ rubꞌeyal ri tijonik tayaꞌ chake chꞌaqa chik. Y kin ta kuqul akꞌuꞌx keriꞌ ndabꞌen, y ngatojowan chuqaꞌ roma xe jun abꞌanun rikꞌin ri Cristo Jesús.

2 Timoteo 2:1

Rat Timoteo ri rat achel nukꞌajol, rikꞌin ri favor yoꞌon pa awiꞌ, tikꞌojeꞌ ruchuqꞌaꞌ awánima, porque xe jun abꞌanun rikꞌin ri Cristo Jesús.

2 Timoteo 2:3

Y jajun rat takochꞌoꞌ ri kꞌayew ndaqꞌasaj roma ndabꞌen rusamaj ri Cristo Jesús. Kin takochꞌoꞌ achel ndikochꞌon jun utzulej soldado.

2 Timoteo 2:10

Romariꞌ nikachꞌ nojel ri kꞌayew niqꞌasaj. Keriꞌ nibꞌen koma ri eruchaꞌon ri Dios chin ngekolotej roma xe jun ndikibꞌen rikꞌin ri Cristo Jesús, y keriꞌ ngebꞌeqaqa apeꞌ kꞌo rijaꞌ y ndikꞌojeꞌ kiqꞌij chin jumul.

2 Timoteo 3:15

Y xe jampeꞌ kꞌa rat kaꞌal, awetaman pe rubꞌeyal ri rutzij ri Dios tzꞌibꞌan kan. Ri utzulej teq tzij riꞌ kꞌo cheꞌel nduyaꞌ nojibꞌel chawa chin ndawil ri kolotajik roma kin kuqul akꞌuꞌx rikꞌin ri Cristo Jesús.

Tito 1:4

Nitzꞌibꞌaj e re wuj reꞌ chawa rat Tito, ri kin qetzij rat achel nukꞌajol roma junan qataqin ri Cristo Jesús. Ri Qatataꞌ Dios y ri Qakolonel Cristo Jesús kin ta xtikiyaꞌ ki-favor pa awiꞌ y xtikiyaꞌ chuqaꞌ uxlanen pa awánima.