2 Pedro 2:3 - Kaqchikel Santo Domingo (Xenacoj)

³ Y roma ngejamem chirij méra, ri itzel teq tijonelaꞌ riꞌ kin xtikikanolaꞌ rubꞌeyal jun tijonik chin ndikelesaj méra chiꞌiqꞌaꞌ. Pero xe jampeꞌ ojer bꞌiꞌin pe pa kiwiꞌ roma ri Dios chi ngebꞌan castigar, y maneq cheꞌel ndikikal kiꞌ chuwech ri castigo riꞌ.

နောက်ထပ်ဗားရှင်းများ

Kaqchikel Santa Maria de Jesus

³ Y ri falsos maestros, ruma joꞌc miera nicajoꞌ, can qꞌuiy tzij xtiquicusaj chi quireꞌ nquiꞌnimaj chi richin ri Dios ri niquicꞌut; pero quireꞌ xtiquiꞌan joꞌc chi nicalasaj miera pan ikꞌaꞌ. Pero can xcaꞌqꞌuis, ruma ojier can ruꞌeꞌn-pa ri Dios chi xtika ri nem castigo pa quiveꞌ, y can quire-ve xtibꞌanataj.

Kaqchiquel Bible

³ Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

Kaqchikel Central Guatemala

³ Y ri vinek ri' roma ri rayinic chirij mero, xtiquibij c'a chi can richin vi ri Dios ri tijonic ri niquiya'. Y xa man que ta ri'. Xaxe richin niquelesaj-el mero chive. Y ri vinek c'a ri yebanon quere', can ec'o chic c'a chi yeq'uis, roma can ojer-ojer ri' rubin can ri Dios chi xtuya' ruc'ayeval pa quivi'. Ruc'ayeval ri can nipe-vi.

Re C'ac'a Testamento pa Kach'abal

³ Y re vinak re' roma camas niquirayij re mero, xtiquibij che can chin-va re Dios re enseñanza niquiya', y man quire-ta. Xaxe chin niquilisaj mero chi'ik'a'. Y re vinak ye'bano quire' can xque'q'uis, roma can ajuer rubin can re Dios che xtuya' castigo pa quive'. Y re castigo re' can xtipo-va chiquij.

Kaqchikel Western Solola

³ Y ri winek ri' ruma chi can benak cánima chrij ri puek, xtiquibij c'a chi can riche (rixin) wi ri Dios ri ch'abel ri niquic'ut. Y xa ma que ta ri'. Y riq'ui chi queri' niquiben can xtiquelesaj el puek chiwe. Y ri winek c'a ri yebano queri', can yec'o chic c'a chi xqueq'uis, ruma can ojer ojer ri' rubin pe ri Dios chi xtuya' ruc'ayewal pa quiwi'. Ri ruc'ayewal ri' can nipe wi.

2 Pedro 2:3 ပူးပေါင်းရင်းမြစ်များ

San Mateo 23:14

¡Juyo iwech rix tijonelaꞌ chin ri ley y rix fariseos, ri xa kaꞌiꞌ ipalej! Porque chikiqꞌaꞌ ri malkaꞌ teq ixoqiꞌ ndiwelesaj nojel ri kichajin, y chin ma kixnabꞌex chi rix machꞌikilik, layaj ndibꞌen orar. Y roma ri keriꞌ ndibꞌen, más nim castigo ndiyoꞌox chiwa.

San Lucas 18:8

Nibꞌij chiwa chi chaꞌanin paqiꞌ ngerutoꞌ. Pero atoq nginuqaqa chik jumbꞌey riyin ri aj chikaj ri xinuꞌalex chiꞌikajal, ¿kꞌa ekꞌo kami wineq ri kikuqubꞌan kikꞌuꞌx rikꞌin ri Dios xketunwilaꞌ? xchajeꞌ ri Jesús.

San Lucas 20:20

Ri tijonelaꞌ chin ri ley y ri sacerdotes israelitas más kꞌo ruchuqꞌaꞌ kitzij xe koyobꞌen jun roma chin ta nditzaq ri Jesús pa kiqꞌaꞌ. Romariꞌ xekiteq jujun achiꞌaꞌ ri kimána ndikibꞌen apu chi echojmilej teq wineq. Rejeꞌ ndikiyaꞌ apu cuenta chare ri ngerubꞌij ri Jesús chin kꞌateꞌ ta ndel pe jun tzij pa ruchiꞌ ri ndikikusaj chirij, chin kꞌo cheꞌel ndikitzꞌen e y ndekisujuj chuwech ri achi yoꞌon uchuqꞌaꞌ pa ruqꞌaꞌ pa ruwiꞌ ri tinamit.

San Lucas 22:47

Atoq kꞌaja keriꞌ ndajin chubꞌixik ri Jesús, kꞌateꞌ ruwech xebꞌeqaqa kꞌiy wineq. Y ja ri Judas jun chikikajal ri kabꞌlajuj discípulos, ukꞌuayon kibꞌey. Y xjel apu apeꞌ kꞌo ri Jesús, chin xutzꞌubꞌaj ruqꞌoꞌtz.

San Juan 2:16

Y xubꞌij chake ri ngekꞌayin palomas: Keꞌiwelesaj e waweꞌ re chikap reꞌ, y ma tibꞌen chare rachoch ri Nataꞌ Dios, jun kꞌayibꞌel, xchajeꞌ.

Romanos 16:18

Porque ri wineq ri keriꞌ ngekibꞌanalaꞌ, ma rusamaj ta ri Qajaw Jesucristo ngetajin chubꞌanik, xa ja ri itzel teq rayinik chin ri ki-cuerpo ri ngetajin rikꞌin. Rikꞌin chaꞌon teq tzij y rikꞌin tzij chin ndikiyaꞌ kiqꞌij wineq, ndikisuqꞌulaꞌ kinoꞌoj ri payaya ndiqasex kijolon.

2 Corintios 2:17

Keriꞌ nibꞌij chiwa, porque roj ma roma ta chꞌakoj méra ndiqatzijoj ri rutzij ri Dios achel ndikibꞌen ekꞌiy. Roj ndiqatzijoj ri rutzij ri Dios chake ri wineq rikꞌin nojel qánima, roma xe jun qabꞌanun rikꞌin ri Cristo. Keriꞌ ndiqabꞌen chuwech ri Dios ri taqayon qichin chin ndiqabꞌen ri samaj riꞌ.

1 Tesalonicenses 2:5

Porque rix iwetaman, chi atoq xbꞌeqatzijoj ri rutzij ri Dios chiwa, ma xqayaꞌ ta iqꞌij rikꞌin jabꞌel teq tzij chin ta xqaqasaj ijolon, nixta xixqachꞌakatij chin ta xqelesaj méra chiꞌiqꞌaꞌ. Ri Dios kin retaman wi chi qetzij nojel ri ngojtajin chubꞌixik.

1 Tesalonicenses 5:3

Atoq ri wineq ndikibꞌilaꞌ chi nojel utz rubꞌanun y maneq oyowal ndajin, ja atoq riꞌ kꞌateꞌ ruwech nduqaqa castigo pa kiwiꞌ chin ndikꞌis kiqꞌij. Ndebꞌanatej achel ndibꞌanatej rikꞌin jun ixaq royobꞌen akꞌual, kꞌateꞌ ruwech nditzꞌukutej pe ruqꞌaxon. Ri tiempo riꞌ nixta jun wineq xtitiker xtukal riꞌ chuwech ri castigo riꞌ.

1 Timoteo 3:3

nditiker nduqꞌet riꞌ chuwech rutijik yaꞌ, ma chꞌeyonel ta, kin utz runoꞌoj, maneq oyowal ndirajoꞌ y ma ndijamem ta chirij méra.

1 Timoteo 3:8

Y keriꞌ chuqaꞌ ri diáconos, jareꞌ rubꞌeyal kikꞌaslen ndikꞌatzin ndikikꞌuaj: Ndikꞌatzin chi chojmilej kikꞌaslen, ma kaꞌiꞌ ta ruwech kitzij ndikiyaꞌ, ndikiqꞌet kiꞌ chuwech rutijik yaꞌ, y ma bꞌaneq ta kánima chirij rubꞌanik itzel teq achike chuchꞌakik méra.

1 Timoteo 6:5

y ndukꞌen pe chi jutaqil kꞌo oyowal chikikajal wineq. Ri ngekꞌutu jun chik tijonik, xa kin suqꞌurneq kinoꞌoj roma ri itzel ngekinojilaꞌ, y kiyoꞌon kan rokacheq chuwech ri qetzij, y xa ndikinojij chi rikꞌin ri tijonik ndikiyaꞌ, kin kꞌo cheꞌel ndikibꞌen méra chin ngebꞌeyomer.

Tito 1:11

Rukꞌulun chi ndibꞌan chake ri ngeyoꞌon jun tijonik keriꞌ chi kechꞌojochiꞌ, porque ngekichꞌakatij chi teꞌej-tataꞌatz y ri kalkꞌuaꞌl. Y ma xe ta riꞌ ndikibꞌen, xa kin ndikajoꞌ chi ngetoj roma ri tijonik ndikiyaꞌ, tijonik ri ma rukꞌulun ta chi ndiyoꞌox.

Tito 1:7

Ri ndok ukꞌuey bꞌey kin ndikꞌatzin chi ma jun itzel ndilitej pa rukꞌaslen, porque pa ruwiꞌ rusamaj ri Dios ndiyoꞌox wi. Romariꞌ ndikꞌatzin chi ma nim kerunaꞌ chare, ma chaꞌanin ta ndipuꞌun royowal, nduqꞌet riꞌ chuwech rutijik yaꞌ, ma chꞌeyonel ta, y ma ndibꞌa ta ránima chirij méra ri ma pa ruchojmil ta ndichꞌak.

1 Pedro 2:8

Y chupan ri rutzij ri Dios tzꞌibꞌan kan ndubꞌij chuqaꞌ: Jun abꞌej ri achoq chuwech ndikipajkꞌij kaqen ri wineq, jun nimalej abꞌej ri achoq pariꞌ ngetzaq. Keriꞌ tzꞌibꞌan kan. Ri wineq riꞌ ndikipajkꞌij kaqen chuwech, porque keriꞌ bꞌiꞌin kan chi ndibꞌanatej kikꞌin, porque ma ndikitaqij ta ri utzulej teq tzij chin kolotajik.

1 Pedro 5:2

Keꞌichajij utz-utz ri hermanos achel ndubꞌen jun yuqꞌunel kikꞌin ri rukarneꞌl, porque ri hermanos riꞌ erichin ri Dios y ejachon pa iqꞌaꞌ rix chin ngeꞌichajij. Ma tinaꞌ chi jun eqaꞌ chiwij, xa kin nojel iwánima keꞌichajij achel ndirajoꞌ ri Dios chi ndibꞌen. Ma tibꞌen ri samaj roma ndiwojoꞌ ndiwelesaj méra chikiqꞌaꞌ, xa kin tibꞌa iwánima chikichajixik.

2 Pedro 1:16

Nojel re nibꞌij chiwa kin qetzij, porque roj apóstoles ma qakusan ta tzꞌukun y nojin teq tzij eyoꞌon qa ruqꞌa-raqen chin qabꞌiꞌin chiwa ri uchuqꞌaꞌ kꞌo pa ruqꞌaꞌ ri Qajaw Jesucristo y chi rijaꞌ nduqaqa chik jumbꞌey. Xa kin rikꞌin qawech xqatzꞌet ri nimalej ruqꞌij.

2 Pedro 2:1

Chikikajal ri israelitas ojer kan, xebꞌeqꞌalajin pe ri xkiqꞌabꞌaj kiꞌ chi eru-profetas ri Dios. Keriꞌ chuqaꞌ chiꞌikajal rix, ngebꞌeqꞌalajin pe ri ndikiqꞌabꞌaj kiꞌ chi etijonelaꞌ etaqon roma ri Dios, y ma ndinabꞌex ta atoq ndikijulaꞌ apu jalajaj teq tijonik ma eqetzij ta ri ndukꞌis kiqꞌij ri hermanos, hasta ndikibꞌij chi ri Jesucristo ri xloqꞌon kichin, ma ja ta rijaꞌ ri Ajaw pa ruwiꞌ nojel. Pero ri keriꞌ ndikibꞌen, ndikoyoj castigo chikij ri pa jumel ruwech nduyaꞌ ri Dios pa kiwiꞌ.

2 Pedro 2:9

Nojel reꞌ ndukꞌut chiqawech chi ri kikꞌuan jun utzulej kꞌaslen ri ndiqaꞌ chuwech ri Ajaw, rijaꞌ retaman ngerelesaj chuxeꞌ ri kꞌayew ndikil pa kikꞌaslen, pero ri kikꞌuan jun itzel kꞌaslen, chuxeꞌ castigo eruyoꞌon wi mientras nduqaqa ri qꞌij atoq ndiqꞌat tzij pa kiwiꞌ chin ndiyoꞌox ri castigo chin jumul chake.

Judas 1:11

¡Juyo kiwech rejeꞌ! Porque koqan rukꞌuaxik ri kꞌaslen xukꞌuaj ri Caín, y roma ngejamem chirij méra, xeqaqa chupan ri mak xubꞌen ri Balaam, y ndikꞌis kiqꞌij achel xkꞌis ruqꞌij ri Coré, roma xeyakatej chirij ri Dios.

Judas 1:15

chin nduqꞌet tzij pa kiwiꞌ konojel y nduyaꞌ castigo chake ri ngebꞌanun itzel teq achike roma maneq Dios pa kiwech. Rijaꞌ nduyaꞌ castigo chake porque kin qꞌalej chi maneq ruqꞌij pa kiwech rikꞌin ri itzel teq achike ngekibꞌanalaꞌ y rikꞌin chuqaꞌ ri itzel teq tzij ndikibꞌilaꞌ chirij. Keriꞌ rubꞌiꞌin kan ri Henoc.

Judas 1:16

Ri wineq ri eꞌokuneq chiꞌikajal, nojel achike ngechꞌaꞌa chirij, ma jun ndiqaꞌ chikiwech, xe ri itzel teq rayinik kꞌo pa kánima ngekibꞌanalaꞌ, kiyon ndikinimrisalaꞌ kiꞌ chikiwech, y ndikinimrisalaꞌ rubꞌiꞌ jun wineq rikꞌin jabꞌel teq tzij, xe chin kꞌo achike ndikelesaj chiruqꞌaꞌ.

Judas 1:4

Porque chilaqꞌel xeꞌok chiꞌikajal wineq ri maneq Dios pa kiwech ri tzꞌibꞌan chi kan pa kiwiꞌ chi ndiyoꞌox castigo chake. Ri wineq riꞌ ndikikusaj ru-favor ri qa-Dios chin ndikikꞌuaj jun kꞌaslen ri nduyaꞌ kꞌixbꞌel palej, y ndikibꞌij chi ri Jesucristo ma ja ta rijaꞌ ri Ajaw pa ruwiꞌ nojel.

Judas 1:7

Y achel xyoꞌox castigo chake rejeꞌ, keriꞌ chuqaꞌ xyoꞌox castigo chake ri aj Sodoma y ri aj Gomorra, y ri chꞌaqa chik tinamit ri ekꞌo chikinaqaj. Ri wineq riꞌ xa achoq na ikꞌin xkikꞌamalaꞌ qa kiꞌ chin xkibꞌen mak, y xbꞌa kánima chirij y xekibꞌanalaꞌ xa apux y seqꞌ teq mak rikꞌin ri ki-cuerpo. Romariꞌ, ri Dios xeruyaꞌ pa qꞌaxomal chupan ri qꞌaqꞌ ri ma jubꞌaꞌ xtichup, chin xeꞌok ejemplo chi ma tiqabꞌen keriꞌ.