2 Pedro 2:2 - Kaqchikel Santo Domingo (Xenacoj)

² Y ekꞌiy ri xketzeqlebꞌen ri seqꞌ teq noꞌoj ndikibꞌanalaꞌ rejeꞌ, y romariꞌ kin xtibꞌix itzel teq tzij chirij ri qetzij bꞌey.

နောက်ထပ်ဗားရှင်းများ

Kaqchikel Santa Maria de Jesus

² Y iqꞌuiy ri xcaꞌa chiquij y xtiquiꞌan ri itziel tak kax incheꞌl niquiꞌan ijejeꞌ. Y ruma ri xcaꞌquiꞌan, ri vinak ri man quiniman ta ri Dios, itziel xcaꞌchꞌoꞌ chirij ri ketzij bꞌay.

Kaqchiquel Bible

² Man rik'in ri' kan e k'iy winaqi' ri xketzeqeliben kichin roma ri itzel rubanik k'aslen ri kik'uan. Roma ri' xtiyoq'otej ri qitzij bey.

Kaqchikel Central Guatemala

² Y e q'uiy c'a ri xquetzekelben quichin roma ri rubanic c'aslen ri quic'uan; stape' ri jun rubanic c'aslen ri' xa man utzilej c'aslen ta. Y romari' xtiyok'otej c'a ri kitzij bey, roma ri ec'o-apo iviq'uin.

Re C'ac'a Testamento pa Kach'abal

² Y je q'uiy re xque'tzekelben quichin roma re c'aslen quic'uan, astapa' re jun c'aslen re' xa man utzulaj c'aslen-ta. Y mare' quitzij reje' tak xtiyok' re katzij bey y re utzulaj ch'abal richin re Dios, roma jec'o-apo iviq'uin.

Kaqchikel Western Solola

² Y ye q'uiy c'a ri xquetzekelben ri itzel c'aslen ri quic'uan ri achi'a' ri'. Y cuma c'a riye' tek xtiyok'otej ri kitzij bey.

2 Pedro 2:2 ပူးပေါင်းရင်းမြစ်များ

San Mateo 22:16

Y xekiteq jujun ki-discípulos junan kikꞌin jujun ruwinaq ri rey Herodes chin kereꞌ xkibꞌij chare ri Jesús: Tijonel, qetaman chi rat ja ri qetzij ndabꞌij, y atoq ngatijon, ja ri qetzij bꞌey ri ndukꞌuan rikꞌin ri Dios ri ndakꞌut. Y nixta jun achoq chuwech ndaxibꞌij awiꞌ, porque junan kiwech ngaꞌatzꞌet konojel ri wineq.

San Mateo 24:24

Porque ngebꞌeqꞌalajin pe wineq ri ndikiqꞌabꞌaj kiꞌ chi etaqon pe roma ri Dios chukolik ri rutinamit, y chuqaꞌ wineq ri ndikiqꞌabꞌaj kiꞌ chi e-profetas, y ngekibꞌanalaꞌ nimalej teq achike ri nixta jumbꞌey etzꞌeton y milagros, chin ngekichꞌakatij wineq, y xa ta ngetiker, hasta ngekichꞌakatij ri echaꞌon roma ri Dios.

San Mateo 7:14

Pero ri puerta y ri bꞌey ri ndukꞌuan chin ndawil ri kꞌaslen ma ndikꞌis ta, kaꞌal ok kiwech, y ma ekꞌiy ta ndikil ri bꞌey riꞌ, porque kꞌayew ngabꞌiyin chupan.

Marcos 12:14

Atoq xebꞌeqaqa, kereꞌ xkibꞌij chare: Tijonel, qetaman chi rat kin ja ri qetzij ndabꞌij y nixta jun achoq chuwech ndaxibꞌij awiꞌ, porque junan kiwech ngaꞌatzꞌet konojel ri wineq, y atoq ngatijon, ja ri qetzij bꞌey ri ndukꞌuan rikꞌin ri Dios ri ndakꞌut. Tabꞌij chaqe: ¿La xajan kami chuwech ri Dios chi ndiqayaꞌ ri méra ndikꞌutux pa rubꞌiꞌ ri rey César? ¿Utz ndiqayaꞌ o naq?

Marcos 13:22

Porque ngebꞌeqꞌalajin pe wineq ri ndikiqꞌabꞌaj kiꞌ chi etaqon pe roma ri Dios chukolik ri rutinamit, y chuqaꞌ wineq ri ndikiqꞌabꞌaj kiꞌ chi e-profetas, y ngekibꞌanalaꞌ nimalej teq achike ri nixta jumbꞌey etzꞌeton y milagros, chin ngekichꞌakatij wineq, y xa ta ngetiker, hasta jajun ri echaꞌon roma ri Dios, ngekichꞌakatij.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

Hechos 13:10

y kereꞌ xubꞌij chare: ¡Elimas! Rat xa nojneq awánima rikꞌin nojel ruwech chꞌakatinik, y rat machꞌikilik chubꞌanik, rat jun ralkꞌuaꞌl ri itzel, porque itzel ndatzꞌet nojel ri ndibꞌanatej pa ruchojmil. ¿La ma xkataneꞌ ta kꞌa chi ndasuqꞌ ri chojmilej bꞌey rukꞌutun kan ri Ajaw?

Hechos 14:2

Pero ri israelitas ri ma xkajoꞌ ta xkitaqij, xkiyaꞌ tzij pa kixikin ri ma israelitas ta, chin xeyakatej chikij ri kitaqin ri Ajaw.

Hechos 16:17

Ri xten riꞌ roqan pe ri Pablo y roj roqan roj, y ndisikꞌiyaj chubꞌixik: Re achiꞌaꞌ reꞌ, erusamajelaꞌ ri nimalej ruqꞌij Dios, y ndikitzijoj chiwa ri bꞌey chin ndiwil kolotajik, ndichajeꞌ.

Hechos 18:26

Y ma nduxibꞌij ta riꞌ ndutzijoj ri rutzij ri Ajaw chikiwech ri kimolon kiꞌ pa sinagoga. Pero atoq ri Priscila y ri Aquila xkakꞌaxaj ri ndutzijoj, xechꞌaꞌa chare atoq kiyon ekꞌo, y xkitijoj más rikꞌin ri qitz méra bꞌey ri ndukꞌuan rikꞌin ri Dios.

Hechos 19:9

Pero jujun teq israelitas ri ekꞌo chikikajal xkikowirisaj kánima. Ma xkinimaj ta ri rutzij ri Dios y chikiwech ri wineq itzel xechꞌaꞌa chirij ri utzulej bꞌey chin ri Dios. Romariꞌ ri Pablo xel e chikikajal, y xerukꞌuaj ri kitaqin ri Jesús, y qꞌij-qꞌij nditzijon kikꞌin pa ruwiꞌ ri rutzij ri Dios pa jun tijobꞌel richin jun achi rubꞌiniꞌan Tirano.

Hechos 22:4

Romariꞌ jumbꞌey kan, xentzeqlebꞌej ri kitaqin ri qetzij bꞌey chin ri Ajaw chin nibꞌen itzel chake. Chi achiꞌaꞌ chi ixoqiꞌ xenyut y xenkꞌuaj chin ngetzꞌapix pa cheꞌ.

Hechos 24:14

Pero niyaꞌ chuwij chi woqan ri qetzij bꞌey xukꞌut kan ri Jesús, bꞌey ri ndikibꞌij rejeꞌ chi ma qetzij ta. Riyin roma woqan ri qetzij bꞌey riꞌ nibꞌen rusamaj ri Dios, ri Dios ri xkiyaꞌ ruqꞌij ri ojer teq qatit-qamamaꞌ roj israelitas. Y nutaqin nojel ri tzꞌibꞌan chupan ri ley xyoꞌox chare ri Moisés, y ri kitzꞌibꞌan kan ri profetas ojer.

Romanos 2:24

Romariꞌ kereꞌ ndubꞌij ri rutzij ri Dios tzꞌibꞌan kan: Iwoma rix ndiyoqꞌotej rubꞌiꞌ ri Dios chikikajal ri ma israelitas ta. Keriꞌ tzꞌibꞌan kan.

1 Timoteo 5:14

Romariꞌ, ngenpixabꞌaj ri malkaꞌ ri kꞌa ma eꞌintéra ta ixoqiꞌ chi kekꞌuleꞌ chik jumbꞌey, kekikꞌiytisaj kal. Kin ta utz ndikibꞌen cuenta ri kachoch, chin keriꞌ ma ndikiyaꞌ jun roma chake ri itzel ngetzꞌeto kichin ri eralkꞌuaꞌl ri Dios, chi ngechꞌaꞌa itzel teq tzij chikij.

Tito 2:5

chi tikijekꞌaꞌ kiꞌ rikꞌin ri ndikibꞌij y ri ndikibꞌen, chi tikikꞌuaj jun chꞌajchꞌaj kꞌaslen, chi jabꞌel tikibꞌanaꞌ chare ri kopísa chikachoch, chi utz tikibꞌanaꞌ chake chꞌaqa, y chi tikinimaj kitzij ri kachijil. Keriꞌ tijonik tikiyaꞌ chake ri ixoqiꞌ ri más kꞌa eꞌakꞌolaꞌ chin ma tiyoqꞌotej ri rutzij ri Dios.

Tito 2:8

Kaꞌakusaj tzij ri rukꞌulun chi ndakusaj chubꞌixik, tzij ri ma jun itzel achike ndibꞌix chikij, chin keriꞌ ri ngechꞌaꞌa chirij ri rutzij ri Dios kin xkekꞌix, roma ma jun achike itzel ndikil chin ndikibꞌij chiqij.

1 Pedro 2:12

Tikꞌuaj jun utzulej kꞌaslen chikikajal ri ma kitaqin ta ri Dios, chin keriꞌ maske ndikibꞌij chiwij chi rix bꞌanuy itzel teq achike, rejeꞌ roma ndikitzꞌet chi rix ndibꞌen ri utz chikitoꞌik ri wineq, kin xtikiyaꞌ ruqꞌij ri Dios chupan ri qꞌij atoq rijaꞌ nduyaꞌ qꞌij chake chi ndikitaqij ri utzulej teq tzij chin kolotajik.

2 Pedro 2:12

Pero ri itzel teq tijonelaꞌ riꞌ, itzel ngechꞌaꞌa chirij ri nixta ketaman rubꞌeyal. Rejeꞌ xa eꞌachel chikap maneq kinoꞌoj y ndikiyaꞌ kiꞌ chin ngetzꞌan y ngekamisex. Y achel ndikikꞌulwachij ri chikap, keriꞌ chuqaꞌ ndikikꞌulwachij ri tijonelaꞌ riꞌ.

2 Pedro 2:15

Rejeꞌ xkiyaꞌ kan ri chojmilej bꞌey chin ri Ajaw, xesach roma xkoqaj rubꞌey rukꞌaslen ri profeta Balaam, rukꞌajol jun achi rubꞌiniꞌan Bosor. Ri Balaam riꞌ, ri xkꞌojeꞌ ojer kan, xurayij xuchꞌek méra, maske ma utz ta xtajiyaj rikꞌin chin ta xuchꞌek.

2 Pedro 2:18

Atoq ngechꞌaꞌa, ngekibꞌilaꞌ tzij chin ndikinimrisalaꞌ kiꞌ, pero ri ndikibꞌilaꞌ, xa nixta jun rubꞌeyal. Rejeꞌ ngekibꞌochilaꞌ ri kꞌa jubꞌaꞌ qꞌij kekolotej pe chikikajal ri wineq ri sachineq rubꞌey ri Dios chikiwech, y ndikibꞌilaꞌ chake chi ma tikijekꞌ kiꞌ chuwech ri ndiqaꞌ chikiwech y tikibꞌanalaꞌ xa achike na ri ndurayij ri ki-cuerpo.

2 Pedro 2:21

Xa más ta utz, man ta xketamaj rubꞌeyal ri chojmilej kꞌaslen, ke chuwech xketamaj y ngetzolij chikij y ndikiyaꞌ kan ri loqꞌolej mandamiento xyoꞌox chake.

2 Pedro 2:7

Pero xukal pe ri Lot ri kin chojmilej rukꞌaslen chikikajal ri itzel teq wineq chin ri kaꞌiꞌ tinamit riꞌ, jun achi ri janíma poyineq ránima roma ri itzel teq achike ngekibꞌanalaꞌ ri wineq chiriꞌ.

Judas 1:10

Jakꞌa ri wineq ri eꞌokuneq chiꞌikajal, ndikibꞌilaꞌ itzel teq tzij chirij nojel achike ri ma ketaman ta rubꞌeyal. Pero ri itzel teq achike ri ndurayij ri ki-cuerpo, ri kin etaman wi rubꞌanik, ndikikichilaꞌ kiꞌ chupan. Eꞌachel teq awej, ri xetal ngetajiyaj. Ma ndikinojij ta si utz o ma utz ta ndukꞌen pe chake ri itzel teq achike ngekibꞌanalaꞌ, y jariꞌ ri ndikꞌiso kiqꞌij.

Judas 1:15

chin nduqꞌet tzij pa kiwiꞌ konojel y nduyaꞌ castigo chake ri ngebꞌanun itzel teq achike roma maneq Dios pa kiwech. Rijaꞌ nduyaꞌ castigo chake porque kin qꞌalej chi maneq ruqꞌij pa kiwech rikꞌin ri itzel teq achike ngekibꞌanalaꞌ y rikꞌin chuqaꞌ ri itzel teq tzij ndikibꞌilaꞌ chirij. Keriꞌ rubꞌiꞌin kan ri Henoc.

Judas 1:4

Porque chilaqꞌel xeꞌok chiꞌikajal wineq ri maneq Dios pa kiwech ri tzꞌibꞌan chi kan pa kiwiꞌ chi ndiyoꞌox castigo chake. Ri wineq riꞌ ndikikusaj ru-favor ri qa-Dios chin ndikikꞌuaj jun kꞌaslen ri nduyaꞌ kꞌixbꞌel palej, y ndikibꞌij chi ri Jesucristo ma ja ta rijaꞌ ri Ajaw pa ruwiꞌ nojel.

Judas 1:7

Y achel xyoꞌox castigo chake rejeꞌ, keriꞌ chuqaꞌ xyoꞌox castigo chake ri aj Sodoma y ri aj Gomorra, y ri chꞌaqa chik tinamit ri ekꞌo chikinaqaj. Ri wineq riꞌ xa achoq na ikꞌin xkikꞌamalaꞌ qa kiꞌ chin xkibꞌen mak, y xbꞌa kánima chirij y xekibꞌanalaꞌ xa apux y seqꞌ teq mak rikꞌin ri ki-cuerpo. Romariꞌ, ri Dios xeruyaꞌ pa qꞌaxomal chupan ri qꞌaqꞌ ri ma jubꞌaꞌ xtichup, chin xeꞌok ejemplo chi ma tiqabꞌen keriꞌ.

Apocalipsis 12:9

Xelesex kꞌa e ri mama ojer itzel kumetz ri ndibꞌix chuqaꞌ Satanás chare. Ja rijaꞌ ri ndichꞌakatin kichin ri jalajaj kiwech wineq chochꞌulew. Y xetorix qa rijaꞌ y ri ru-ángeles chochꞌulew.

Apocalipsis 13:14

Rikꞌin ri milagros ri xyoꞌox qꞌij chare chi ngerubꞌanalaꞌ chuwech ri nabꞌey itzel chikap, ngeruchꞌakatij ri wineq chochꞌulew. Xubꞌen mandar chi tikibꞌanaꞌ jun rachibꞌel ri nabꞌey itzel chikap ri xsokotej rikꞌin espada y ma xken ta.

Apocalipsis 13:8

Ri ngeyoꞌon ruqꞌij ri itzel chikap, ja ri wineq ri ekꞌo chochꞌulew ri xe jampeꞌ pa nabꞌey atoq kꞌajani titzꞌukutej pe ri rochꞌulew ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl ri altíra sokotajneq roma ri kamik xuqꞌasaj.