2 Pedro 2:16 - Kaqchikel Santo Domingo (Xenacoj)

¹⁶ Ri Balaam xchꞌolix roma ri itzel ndirajoꞌ nderubꞌanaꞌ chake ri israelitas. Ri ru-burra ri ma ndichꞌaꞌa ta, xchꞌaꞌa chare achel ndichꞌaꞌa jun wineq, y riꞌ xubꞌen chare ri Balaam chi xujekꞌ riꞌ chuwech ri chꞌujulej teq achike runojin ndubꞌen.

နောက်ထပ်ဗားရှင်းများ

Kaqchikel Santa Maria de Jesus

¹⁶ Y ruma ri itziel kax ri xuꞌon ri Balaam ri jun profeta ri xcꞌujieꞌ ojier can tiempo, can xchꞌolix ruma man otz ta ri xuꞌon. Y ja ri ru-burro ri xchꞌoꞌ cha. Y mesque jun burro man nichꞌoꞌ ta, ri ru-burro ri Balaam can xchꞌoꞌ cha incheꞌl jun vinak, chi quireꞌ xukꞌat y man xuyaꞌ ta lugar cha chi xbꞌarubꞌanaꞌ ri ruchꞌujulal.

Kaqchiquel Bible

¹⁶ Y roma beneq chubanik ri etzelal, ri rubur xbech'on-pe chire achi'el nich'on jun wineq richin xuch'olij, richin xuq'et ta chire ri ch'ujilej na'oj ri beneq chubanik.

Kaqchikel Central Guatemala

¹⁶ Y roma c'a ri itzel ri xuben ri Balaam, xbix chire chi man utz ta ri xuben. Y can ja ri ruquiej ri xch'on chire. Y stape' jun quiej man nitiquir ta nich'on, ri ruquiej ri Balaam xch'on-pe chire achi'el nich'on jun vinek, richin queri' xuk'et ta ri rusamajel ri Dios ri benek richin nerubana' ri ch'ujilej na'oj.

Re C'ac'a Testamento pa Kach'abal

¹⁶ Y roma re etzelal nrajo' nuban re Balaam, xbex cha che man otz-ta re nunojij. Y can ja re ruquiej re xch'o-pa cha. Y astapa' jun quiej man nitiquir-ta nich'o, re ruquiej re Balaam xch'o-pa cha ancha'l nich'o jun vinak, chin che man chic xuya-ta k'ij cha che no'rbana' re itzel tak banabal re runojin che nuban.

Kaqchikel Western Solola

¹⁶ Y ruma c'a ri etzelal ri xuben ri Balaam, xbix chare chi ma utz ta ri xuben. Y can ya ri ruquiej ri xch'o chare. Y astape' jun quiej ma nicowin ta nich'o, pero xch'o pe chare achi'el nich'o jun winek, riche (rixin) chi queri' xuk'et ta ri profeta ri' chi ma tuben ta ri itzel ri xuch'ob chi nuben.

2 Pedro 2:16 ပူးပေါင်းရင်းမြစ်များ

Hechos 26:11

Kꞌiy mul xenbꞌen castigar pa teq sinagogas, chin xinbꞌen chake chi tikiyaqꞌ rubꞌiꞌ ri Jesús. Santienta woyowal yakatajneq chikij, hasta xentzeqlebꞌej pa teq tinamit ri ma chin ta ri rochꞌulew Israel chin xinbꞌen itzel chake.

San Lucas 16:11

Roma kꞌa riꞌ, si rix ma utz ta rukusaxik ndibꞌen chare ri aj rochꞌulew bꞌeyomal, ri Dios ma nduyaꞌ ta ri qetzij bꞌeyomal chiwa.