2 Pedro 1:6 - Kaqchikel Santo Domingo (Xenacoj)

⁶ Y pa ruwiꞌ ngixkꞌoxoman utz-utz, ndiqꞌet chuqaꞌ iwiꞌ chuwech ri mak, y pa ruwiꞌ ndiqꞌet iwiꞌ chuwech ri mak, ngixkochꞌon, y pa ruwiꞌ ngixkochꞌon, ndikꞌuaj jun kꞌaslen achel ndirajoꞌ ri Dios,

နောက်ထပ်ဗားရှင်းများ

Kaqchikel Santa Maria de Jesus

⁶ Y man joꞌc ta ntivatamaj más chirij ri Dios, xa titijaꞌ ikꞌij ntikꞌil-iviꞌ chi man chic tiꞌan pecado. Y man joꞌc ta ntikꞌil-iviꞌ chi man chic tiꞌan pecado, xa titijaꞌ ikꞌij nicꞌujieꞌ i-paciencia. Y man joꞌc ta nicꞌujieꞌ i-paciencia, titijaꞌ ikꞌij ntivucꞌuaj ri cꞌaslien incheꞌl nrajoꞌ ri Dios.

Kaqchiquel Bible

⁶ Tiq'ila-iwi' chubanik ri mak; tik'oje' koch'onik pa taq iwánima; y tik'uaj ri ik'aslen achi'el ri nrajo' ri Dios.

Kaqchikel Central Guatemala

⁶ Y tok ivetaman chic ri tz'ibatel can chupan ri ruch'abel ri Dios, ruc'amon c'a chuka' chi man niya' ta k'ij chire ri mac. Y tok yixtiquir chic niben chi man niya' ta k'ij chire ri mac, ruc'amon c'a chi tic'oje' ri coch'onic pa tak ivánima. Y tok can c'o chuka' chic ri coch'onic ri pa tak ivánima, ruc'amon c'a chi nic'uaj ri ic'aslen achi'el ri nrajo' ri Dios.

Re C'ac'a Testamento pa Kach'abal

⁶ Y tak itaman chic re tz'iban can chupan re ruch'abal re Dios, nic'atzin chuka' che man tiya' k'ij cha re mac. Y tak xixtiquir-yan che man niya-ta k'ij cha re mac, can ruc'amon che yixcoch'on. Y tak xixcoch'on-yan, can ruc'amon che nic'uaj jun c'aslen ancha'l nrajo' re Dios.

Kaqchikel Western Solola

⁶ Tik'ila' iwi' chuwech ri mac. Tic'oje' coch'onic pa tak iwánima. Tic'uaj ri ic'aslen achi'el ri nrajo' ri Dios.

2 Pedro 1:6 ပူးပေါင်းရင်းမြစ်များ

2 Pedro 1:3

Ri Dios rikꞌin ri nimalej ruchuqꞌaꞌ rusipan nojel ri ndikꞌatzin chaqe chin ri qakꞌaslen chochꞌulew, y chin chuqaꞌ ndiqakꞌuaj jun loqꞌolej kꞌaslen chuwech. Rijaꞌ ruyoꞌon nojel riꞌ chaqe, roma xqetamaj ri utzulej runoꞌoj ri Cristo ri xoyon qichin chin ndiqꞌalajin pa qakꞌaslen ri nimalej ruqꞌij rijaꞌ y ri utzulej runoꞌoj.

Hebreos 10:36

Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

San Lucas 21:19

Si ma xkixtzolij ta chiwij y jumul xtikachꞌ iwech hasta pa rukꞌisibꞌel, kin xtikolotej ri ikꞌaslen.

Hebreos 12:1

Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.

1 Corintios 9:25

Konojel ri ndikitijlaꞌ kanin pa jun etzꞌanin, ndikijekꞌ kiꞌ chuwech ri ma utz ta ndubꞌen chare ri ki-cuerpo. Keriꞌ ndikibꞌen chin ndikichꞌek jun premio ri xa ndikꞌis, jakꞌa roj ndiqatij qaqꞌij chi ndiqachꞌek jun nimalej rajel-rukꞌexel ri ma ndikꞌis ta.

Tito 2:2

Ri rijilej teq achiꞌaꞌ ndikꞌatzin chi kereꞌ ndiqꞌalajin pa kikꞌaslen: Ketaman ndikijekꞌ kiꞌ rikꞌin ri ndikibꞌij y ri ndikibꞌen, ndikikꞌuaj jun kꞌaslen ri utz nditzꞌetetej koma ri wineq, ndikinojij utz-utz ri ndikibꞌen, kuqul kikꞌuꞌx rikꞌin ri utzulej teq tijonik ruyoꞌon ri Dios ri kꞌutun kan chikiwech, ngeꞌojowan y ngekochꞌon chupan ri kꞌayew ndikiqꞌasaj pa kikꞌaslen.

Gálatas 5:23

loqꞌ ránima y nditiker nduqꞌet ri ru-cuerpo chuwech ri itzel teq rayinik. Si keriꞌ ri ikꞌaslen ndikꞌuaj, nixta jun ley ri xtubꞌij chiwij chi ma utz ta ri ngixtajin rikꞌin.

Apocalipsis 14:12

¡Chireꞌ nditzꞌetetej chi ri eloqꞌolej ralkꞌuaꞌl ri Dios ri kiniman ri ru-mandamientos y ma kiyoꞌon ta kan chi kuqul kikꞌuꞌx rikꞌin ri Jesús, ndikꞌatzin chi ngekochꞌon!

Apocalipsis 2:2

Riyin wetaman ri ngaꞌabꞌanalaꞌ, chi atijon aqꞌij ndabꞌen ri nusamaj y akochꞌon awech chupan ri kꞌayew ndaqꞌasaj, y ma akꞌamon ta apu kiwech ri wineq itzel kinoꞌoj. Keriꞌ chuqaꞌ eꞌatojtobꞌen ri ndikibꞌij chi e-apóstoles y xa kiqꞌabꞌan kiꞌ y xaꞌawil chi xa ereqꞌóta.

Tito 1:8

Ndikꞌatzin chuqaꞌ chi jabꞌel ndukꞌen apu kiwech pa rachoch ri epataneq jukꞌan chik apeꞌ, bꞌaneq ránima chubꞌanik ri utz, ndunojij utz-utz ri ndubꞌen, rukꞌuan jun chojmilej kꞌaslen, chꞌajchꞌaj rukꞌaslen, y nditiker nduqꞌet riꞌ chuwech ri mak.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

Colosenses 1:11

Ndiqakꞌutuj chi ri Dios rikꞌin ri santienta ruchuqꞌaꞌ ri kin nimalej ruqꞌij, kin ta xtuyaꞌ ruchuqꞌaꞌ ri iwánima, chin keriꞌ jumul kuqul ikꞌuꞌx rikꞌin ri Cristo, y ngixkochꞌon chupan ri kꞌayew ndiqꞌasaj pa ikꞌaslen.

2 Corintios 6:4

Pa rukꞌexel riꞌ, ndiqatij qaqꞌij chi nditzꞌetetej pa qakꞌaslen chi qetzij roj rusamajelaꞌ ri Dios rikꞌin nojel ri ndiqabꞌen. Qakochꞌon ri qꞌaxomal ndiqaqꞌasaj pa kiqꞌaꞌ ri wineq, qakochꞌon atoq maneq ndutzꞌen qaqꞌaꞌ, qakochꞌon ri kꞌayew qaqꞌasan pe,

Romanos 8:25

Pero si qoyobꞌen ri kꞌajani tuyaꞌ ri Dios chaqe, kin rikꞌin nojel qánima ndiqoyobꞌej y ma ndikꞌo ta qakꞌuꞌx chiroyobꞌexik.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

Hechos 24:25

Pero atoq ri Pablo xubꞌij chi ndikꞌatzin ndakꞌuaj jun chojmilej kꞌaslen, chi ndikꞌatzin ndaqꞌet awiꞌ chikiwech ri itzel teq achike, y chi jun qꞌij más apu chiqawech, ri Dios nduqꞌet tzij pa qawiꞌ roj wineq chin nduyaꞌ rukꞌexel chaqe, ri Félix xuxibꞌij qa riꞌ y xubꞌij chare: Wokami kabꞌiyin, y atoq xtijamajoꞌ jubꞌaꞌ nuwech, ngatinwoyoj chik.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

Romanos 15:4

Porque ri xtzꞌibꞌex chupan ri rutzij ri Dios ojer kan, xtzꞌibꞌex chin ngojtijox roj, chin keriꞌ roma ri xtzꞌibꞌex kan, ndiqil ruchuqꞌaꞌ qánima y ngojkochꞌon pa qakꞌaslen chiroyobꞌexik ri rusujun ri Dios.

Apocalipsis 13:10

Chupan teq ri qꞌij riꞌ, si kꞌo jun ri bꞌiꞌin chik pa ruwiꞌ chi ndukꞌuꞌex pa cheꞌ, Pa cheꞌ ndeyoꞌox wi, Si kꞌo jun bꞌiꞌin chik chi ndikamisex rikꞌin espada, Rikꞌin espada ndikamisex. Rikꞌin ri keriꞌ ndibꞌanatej, ndikꞌatzin chi ngekochꞌon ri loqꞌolej ralkꞌuaꞌl ri Dios, y ndikꞌatzin chuqaꞌ chi ma ndikiyaꞌ kan chi kuqul kikꞌuꞌx rikꞌin ri Dios.

Apocalipsis 1:9

Riyin Juan, yin i-hermano y iwachibꞌil chupan ri kꞌayew ndiqaqꞌasaj, y keriꞌ chuqaꞌ junan roj jun tinamit apeꞌ ri Dios ndubꞌen reinar pa qawiꞌ, y junan chuqaꞌ qakochꞌon qawech chupan ri ndiqaqꞌasaj roma xe jun qabꞌanun rikꞌin ri Jesús. Riyin Juan xibꞌeyoꞌox pa jun chꞌuti rochꞌulew rubꞌiniꞌan Patmos ri kꞌo pa mar, roma nitzijoj ri utzulej rutzij ri Dios y niyaꞌ rutzijol ri xuqꞌalajrisaj ri Jesús.

2 Pedro 3:11

Y roma iwetaman chi nojel reꞌ kin xtikꞌis ruqꞌij, ndikꞌatzin chi ndikꞌuaj jun loqꞌolej kꞌaslen ri ndiqaꞌ chuwech ri Dios.

Hebreos 6:15

Y keriꞌ ri Abraham ma xkꞌo ta rukꞌuꞌx chiroyobꞌexik ri xsuj chare, y kin xyoꞌox wi chare.

Hebreos 6:12

Ma ndiqajoꞌ ta chi ngixqꞌorayaj, ndiqajoꞌ chi ndiwoqaj kikꞌaslen ri ndok kichin ri rusujun ri Dios porque kiyoꞌon kánima rikꞌin rijaꞌ y ma qꞌaxneq ta kikꞌuꞌx chiroyobꞌexik ri rusujun.

Tito 1:1

Riyin Pablo, yin rusamajel ri Dios y ru-apóstol ri Jesucristo y yin taqon chikitoꞌik ri echaꞌon roma ri Dios chin ndikitaqij ri Jesucristo. Yin taqon chuqaꞌ chin ndiketamaj utz-utz ri qetzij ri ndukꞌut chikiwech achike ndikibꞌen chin ndikikꞌuaj jun loqꞌolej kꞌaslen achel ndirajoꞌ ri Dios.

2 Timoteo 3:5

Rejeꞌ xtikibꞌananej achel ndikibꞌen ta ri ndiqaꞌ chuwech ri Dios, pero ma xtikiyaꞌ ta qꞌij chare chin ndujel ri kikꞌaslen. Ma tatzeq awiꞌ kikꞌin wineq ri ngebꞌanun keriꞌ.

1 Timoteo 6:11

Pero rat Timoteo, rat jun achi rusamajel ri Dios. Katanimej chuwech nojel ri ngetajin rikꞌin rejeꞌ. Takꞌuaj jun chojmilej kꞌaslen, tabꞌanaꞌ ri ndiqaꞌ chuwech ri Dios, takuqubꞌaꞌ más akꞌuꞌx rikꞌin rijaꞌ, katojowan, kakochꞌon y loqꞌ awánima tabꞌanaꞌ chake konojel.

1 Timoteo 6:6

Pero ri más nim bꞌeyomal ja ri akꞌuan jun loqꞌolej kꞌaslen y ngakikot rikꞌin ri achajin.

1 Timoteo 6:3

Xa achike na jun ri ndukꞌut jun chik tijonik ri ma junan ta rubꞌeyal rikꞌin ri utzulej tijonik chin ri Qajaw Jesucristo, y ma junan ta chuqaꞌ rubꞌeyal rikꞌin ri tijonik ri ndukꞌen pe utzulej kꞌaslen ri ndiqaꞌ chuwech ri Dios,

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

1 Timoteo 2:10

Pa rukꞌexel riꞌ, tikiweqaꞌ ri kikꞌaslen rikꞌin ndikibꞌen ri utz chake chꞌaqa chik, achel rukꞌulun chi ndikibꞌen ri ixoqiꞌ ri kꞌo ruqꞌij ri Dios pa kiwech.

1 Timoteo 2:2

y tibꞌan chuqaꞌ orar koma ri reyes y koma konojel ri kꞌo uchuqꞌaꞌ pa kiqꞌaꞌ, chin keriꞌ ndikꞌojeꞌ uxlanen chiqakajal roj wineq y ma jun oyowal xtibꞌanatej, chin ma cuesta ta ndiqakꞌuaj jun loqꞌolej kꞌaslen chuwech ri Dios y chikiwech ri wineq.

2 Tesalonicenses 3:5

Ja ta kꞌa ri Ajaw ndukꞌuan ri iwánima chin ngixojowan achel ndojowan ri Dios, y ndikachꞌ ri kꞌayew ndiqꞌasaj pa ikꞌaslen, achel ri Cristo xukachꞌ ri kꞌayew xuqꞌasaj.

2 Tesalonicenses 1:4

Y roma keriꞌ ngixtajin rikꞌin rix, roj ngojkikot ndiqatzijoj chake ri hermanos ri ndikimal kiꞌ pa rubꞌiꞌ ri Dios pa chꞌaqa chik tinamit, chi maske rix tzeqlebꞌen chin ndibꞌan itzel chiwa y maske kꞌo kꞌayew ndiqꞌasaj pa ikꞌaslen, kin ikochꞌon nojel y jumul kuqul ikꞌuꞌx rikꞌin ri Dios.