2 Corintios 7:7 - Kaqchikel Santo Domingo (Xenacoj)

⁷ Y ma xe ta roma xuqaqa ri Tito xikikot, xa kin roma chuqaꞌ kꞌo ruchuqꞌaꞌ ránima xuqaqa y reꞌ roma ri ngixtajin rikꞌin rix, y xubꞌij chuqaꞌ chaqe chi rix santienta ndiwojoꞌ nditzꞌet qawech, chi xinaꞌ bꞌis roma ri xbꞌanatej chiꞌikajal, y chi nditij iqꞌij ndibꞌen ri nubꞌiꞌin e chiwa, y roma nojel reꞌ más xikikot.

နောက်ထပ်ဗားရှင်းများ

Kaqchikel Santa Maria de Jesus

⁷ Y man joꞌc ta ruma xalka ri Tito kiqꞌuin y xkatzꞌat roch; xojruꞌon consolar ruma xkatzꞌat chi jajaꞌ ibꞌanun-pa consolar. Xalruꞌej jeꞌ chika chi ixreꞌ can nkojivajoꞌ, chi nquixbꞌisuon ruma man chaꞌnin ta xiꞌan arreglar ri xbꞌanataj chicajol. Y xalrutzijuoj jeꞌ chi ixreꞌ altíra ntitej ikꞌij chi ntiꞌan ri nuꞌeꞌn chiva. Nojiel cꞌa reꞌ can xuꞌon chuva chi can altíra xquicuot ri vánima.

Kaqchiquel Bible

⁷ Ri Tito xorukuquba' qak'u'x, man xaxe ta roma ri xoqaqa qik'in y xqatz'et ruwech. Kan roma chuqa' xutzijoj chiqe ri rubanik ri xikuquba-pe ruk'u'x ri chila'. Xoruya' chuqa' rutzijol chiqe chi rix kan yojiwajo-wi, y chi rix kan janila yixbison. Y chuqa' xorutzijoj chi rix jantape' yinich'ob-pe. Ronojel k'a re', xuben chuwe chi kan janila xkikot ri wánima.

Kaqchikel Central Guatemala

⁷ Ri Tito xorucukuba' kac'u'x man xe ta c'a roma ri xoka' kiq'uin y xkatz'et ruvech, man que ta ri', rija' xa can xorucukuba' chuka' kac'u'x roj vave' roma rix can xicukuba-vi c'a pe ruc'u'x ri chila'. Xoruya' chuka' rutzijol chike chi rix xa can yojivajo-vi, chi rix xa yixbison vacami roma ri man chanin ta xixtiquir xichojmirisaj ri xbanatej. Y chuka' xorutzijoj chi rix janíla nitej ik'ij richin niben ri nubin chive yin. Ronojel c'a ri', can xuben c'a chuve chi can janíla xquicot ri vánima.

Re C'ac'a Testamento pa Kach'abal

⁷ Re hermano Tito xbo'rcukuba' kac'o'x, man xe-ta roma xbeka kaq'uin y xkatz'at rach, man quire-ta, reja' xbo'rcukuba' kac'o'x vova' roma yex can xicukuba-va-pa ruc'o'x chila' iviq'uin. Xbo'rya' rutzijol chaka che yex can yojijo-va, che vocame yex xa yixbison roma man cha'nin-ta xiban rubiyal re xbanataj chi'icojol. Y chuka' xbo'rtzijoj chaka che yex camas nitaj ik'ij chin niban re ninjo' yen che niban. Ronojel re xya' rutzijol chua, can xuban chua che camas xqui'cot re vánma.

Kaqchikel Western Solola

⁷ Ri Tito xorucukuba' kac'u'x, ma xu (xe) ta wi c'a ruma ri xoka kiq'ui y xkatz'et ruwech, ma que ta ri'. Riya' xa can xorucukuba' chuka' kac'u'x riyoj wawe', ruma riyix can xicukuba' wi c'a pe ruc'u'x ri chila'. Xoruya' chuka' rutzijol chake chi riyix xa can yojiwajo' wi, chi riyix xa yixbison wacami ruma ma chanin ta xixcowin xichojmirisaj ri xbanatej chicojol. Y chuka' xorutzijoj chake chi riyix sibilaj c'a nitij ik'ij riche (rixin) chi niben ri nbin chiwe. Ronojel c'a ri', can xuben c'a chuwe chi can sibilaj xquicot ri wánima.

2 Corintios 7:7 ပူးပေါင်းရင်းမြစ်များ

Judas 1:3

Rix ri tzꞌan ngixinwojoꞌ, riyin kin nutijon nuqꞌij chi nutzꞌibꞌan e jun wuj chiwa pa ruwiꞌ ri kolotajik yoꞌon chaqe. Pero xinnaꞌ pa wánima nitzꞌibꞌaj e re wuj reꞌ chiwa, chin ngixinpixabꞌaj chi tipabꞌaꞌ iwiꞌ chikiwech ri ndikajoꞌ ndikijel qa rubꞌeyal ri tijonik ri xe jumbꞌey y chin jumul ruyoꞌon kan ri Dios chaqe roj ri loqꞌolej rutinamit.

2 Corintios 5:2

Romariꞌ, ri qánima ndijila, ndurayij chi ja yan ta paqiꞌ ndiweqeꞌ rikꞌin ri aj chikaj cuerpo riꞌ.

2 Juan 1:4

Riyin tzꞌan xikikot chi xenwil jujun hermanos eꞌiwinaq rix chi kikꞌuan kikꞌaslen chupan ri qetzij, achel rubꞌanun kan mandar ri Tataꞌaj Dios chaqe.

Santiago 5:17

Achel xbꞌanatej rikꞌin ri profeta Elías ojer, rijaꞌ maske xa jun ok relik wineq ri xunaꞌ rayinik pa ránima achel roj, pero roma rijaꞌ rikꞌin nojel ránima xubꞌen orar y xukꞌutuj chi ma tiqaqa jabꞌ pa ruwiꞌ ri rochꞌulew, kin keriꞌ wi xbꞌanatej y ma xubꞌen ta jabꞌ oxiꞌ junaꞌ rikꞌin nikꞌaj.

Hebreos 2:1

Roma ri kꞌaja xqabꞌij pe pa ruwiꞌ ri Rukꞌajol ri Dios, kin más ndikꞌatzin ndiqatij qaqꞌij chi ndiqakꞌoxomaj ri ndubꞌij ri utzulej teq tzij chin kolotajik qakꞌaxan pe, ma kꞌateꞌ tisach ri qetzij bꞌey chiqawech.

1 Tesalonicenses 3:8

Y wokami xqaqa qánima porque rix kin kuqul ikꞌuꞌx ibꞌanun chiraqen ri Ajaw.

1 Tesalonicenses 3:6

Pero atoq xtzolij pe ri Timoteo, xukꞌen pe utzulej itzijol, porque xubꞌij chi rix kuqul ikꞌuꞌx rikꞌin ri Cristo y ngixojowan. Y xubꞌij chuqaꞌ chi ngixkikot ngojikꞌuxlaꞌaj y kin ndirayij ngojuꞌitzꞌetaꞌ, achel chuqaꞌ roj ndiqarayij ngixbꞌeqatzꞌetaꞌ.

Colosenses 2:5

Y maske ma yinkꞌo ta apu iwikꞌin, ri wánima kin kꞌo iwikꞌin, y ngikikot porque wetaman chi pa rubꞌeyal ngixtajin rikꞌin nojel pa ikꞌaslen y kaw rix peꞌel chiraqen ri Cristo roma kuqul ikꞌuꞌx rikꞌin.

Filipenses 1:20

kin achel nurayin pe, y nukuqubꞌan nukꞌuꞌx chi ma jun achoq roma xkikꞌixbꞌisex, xa kin nibꞌen achel nubꞌanun pe xe jampeꞌ pa nabꞌey, chi ma jun xibꞌriꞌil pa wánima ninimrisaj ruqꞌij ri Cristo rikꞌin ri nu-cuerpo, si kꞌa ngikꞌaseꞌ na o ngikamisex.

2 Corintios 8:16

Pero matiox chare ri Dios chi xubꞌen chare ránima ri Tito chi tzꞌan ndirajoꞌ ngixrutoꞌ, achel ri wánima yin.

2 Corintios 2:9

Keriꞌ nibꞌij chiwa porque ri jun chik roma xintzꞌibꞌaj e ri jun wuj, chin ngixintojtobꞌej si ndinimaj nojel ri nutaqon e rubꞌixik chiwa.

2 Corintios 1:14

achel ikꞌoxoman chik jubꞌaꞌ ri achike roj, chi atoq nduqaqa chik jumbꞌey ri Ajaw Jesús, kin xkixkikot qoma, achel roj xqojkikot iwoma rix.

Romanos 1:12

O más utz nibꞌij chi ndiqayalaꞌ ruchuqꞌaꞌ qánima chiqawech atoq ndiqatzijoj ri utz rubꞌanun ri Ajaw chaqe, roma qakuqubꞌan qakꞌuꞌx rikꞌin.

Hechos 11:23

Atoq ri Bernabé xbꞌeqaqa chiriꞌ, santienta xkikot atoq xutzꞌet chi ri Dios ruyoꞌon ri ru-favor pa kiwiꞌ ri hermanos. Y xerupixabꞌaj konojel chi rikꞌin nojel kánima, jumul kekꞌojeꞌ rikꞌin ri Ajaw.

San Lucas 22:44

Y roma ralal ri kꞌayew ndunaꞌ ri Jesús pa ránima, rikꞌin más ruchuqꞌaꞌ ndubꞌen orar y ri rutzꞌajabꞌ kin achel nimaꞌq teq tzꞌuj kikꞌ ngeqaqa pa ulew.

San Mateo 26:75

Y ri Pedro xukꞌuxlaꞌaj chi ri Jesús kereꞌ rubꞌiꞌin kan chare: Atoq kꞌajani titziritzin pe jun ekꞌ mamaꞌ, rat oxmul yan tabꞌij chi ma awetaman ta nuwech. Y ri Pedro xel e pa bꞌey y xujitzꞌitzꞌelaꞌ riꞌ chi oqꞌej.

San Mateo 5:4

Kin jabꞌel rokiqꞌij ri ngeꞌoqꞌ chuwech ri Dios, Porque kin xtibꞌochiꞌix ri kánima.

1 Corintios 5:2

Y rix xa ndinimrisalaꞌ iwiꞌ. Xa más ta utz ngixbꞌison roma ri keriꞌ ndajin, y xiwelesaj yan ta e ri ndajin rikꞌin ri mak riꞌ.

2 Corintios 1:4

Ja rijaꞌ ri ndibꞌochiꞌin qánima chupan nojel ri kꞌayew ndiqaqꞌasaj, chin keriꞌ rikꞌin ri bꞌochinik ruyoꞌon chaqe ngojtiker ndiqabꞌochiꞌij kánima ri ndikiqꞌasaj xa achike na chi kꞌayew.

2 Corintios 7:6

Pero ri Dios ri ndiyoꞌon kuchuqꞌaꞌ ri poyineq kánima, xuyaꞌ ruchuqꞌaꞌ qánima roj, roma xuqaqa ri Tito chireꞌ qikꞌin.

2 Corintios 7:8

Porque maske ri wuj ri xintzꞌibꞌaj e xukꞌen pe bꞌis chiwa, ma ndiqꞌaxa ta chuwa chi xintzꞌibꞌaj e. Nabꞌey xqꞌaxa wi jubꞌaꞌ chuwa porque xinwetamaj chi ri wuj riꞌ xukꞌen pe bꞌis chiwa, pero ri bꞌis riꞌ ma xlayaj ta pa iwánima.