2 Corintios 7:15 - Kaqchikel Santo Domingo (Xenacoj)

¹⁵ Y rijaꞌ más ngixrajoꞌ kami, atoq ndukꞌuxlaꞌaj chi xinimaj rutzij, y hasta ixibꞌin iwiꞌ y ngixbꞌarbꞌot chuwech ri Dios xikꞌen apu ruwech.

နောက်ထပ်ဗားရှင်းများ

Kaqchikel Santa Maria de Jesus

¹⁵ Vacame ri Tito más nquixrajoꞌ que antok cꞌa majaꞌ tiꞌka iviqꞌuin. Can nalka paroꞌ antok jajaꞌ xbꞌaka iviqꞌuin, ixreꞌ can ixiꞌin-iviꞌ y nquixbꞌarbꞌuot xiꞌan recibir. Y can nalka paroꞌ jeꞌ chi ixreꞌ altíra nquixniman.

Kaqchiquel Bible

¹⁵ Ri Tito kan janila yixrajo' wakami, más ke chuwech toq k'a man jani tapon iwik'in. Kan noqaqa k'a chuk'u'x chi toq rija' xapon iwik'in, rix xik'ul rik'in xibinri'il y kan xiya' rejqalen. Chuqa' kan noqaqa chuk'u'x chi rix kan janila xinimaj rutzij.

Kaqchikel Central Guatemala

¹⁵ Ri Tito can janíla vi c'a yixrajo' vacami, más que chuvech tok can c'a man jani tapon iviq'uin. Can noka-vi c'a chuc'u'x chi tok rija' xapon iviq'uin, ixibin-ivi' y yixbaybot (yixbarbot) roma riq'uin juba' xa man ibanon ta ri achique ruc'amon chi ibanon ta. Can ivoyoben c'a ri achique ch'abel ruc'uan-el rija' chive. Y chuka' can noka-vi c'a chuc'u'x chi rix can janíla yixniman tzij.

Re C'ac'a Testamento pa Kach'abal

¹⁵ Mare' vocame re hermano Tito camas yixrajo', más que chach tak c'amaje-na tapon iviq'uin, roma reja' ne'ka chuc'o'x che yex can riq'uin ximbire' xic'ul. Can iyaben c'a re andex che ch'abal re je'ruc'uan-a reja' chiva. Y chuka' can ne'ka-va c'a chuc'o'x che yex camas yixniman tzij.

Kaqchikel Western Solola

¹⁵ Y ri Tito can sibilaj wi c'a yixrajo' wacami, más que chuwech tek can c'a ma jane napon ta iwuq'ui. Ruma noka c'a chuc'u'x chi tek riya' xapon iwuq'ui, ixibin iwi' xic'ul y yixbarbot (yixbaybot) ruma riq'ui juba' xa ma ibanon ta ri achique ruc'amon chi niben. Can iwoyoben c'a ri achique ch'abel ruc'uan el riya' chiwe. Y chuka' can noka wi c'a chuc'u'x chi riyix can sibilaj yixniman tzij.

2 Corintios 7:15 ပူးပေါင်းရင်းမြစ်များ

Filipenses 2:12

Roma kꞌa riꞌ, hermanos ri tzꞌan ngixinwojoꞌ, achel jumul xixniman, ma xe ta atoq xikꞌojeꞌ chiꞌikajal, xa kin más wokami ri ma yinkꞌo ta apu iwikꞌin, tiyaꞌ pa iwánima chi kin nimalej wi ruqꞌij ri Dios, y romariꞌ ndikꞌatzin chi ndikꞌuaj ri kꞌaslen ri rukꞌulun chi ndikꞌuaj roma rix kolotajneq chik.

2 Corintios 2:9

Keriꞌ nibꞌij chiwa porque ri jun chik roma xintzꞌibꞌaj e ri jun wuj, chin ngixintojtobꞌej si ndinimaj nojel ri nutaqon e rubꞌixik chiwa.

1 Juan 3:17

Pero si kꞌo jun kꞌo ruchajin chochꞌulew, y ndutzꞌet chi ri ru-hermano maneq ok achike rikꞌin chin nduqꞌasaj rukꞌaslen, y ma ndupoqonaj ta ruwech chin ndutoꞌ, ri jun riꞌ xa maneq rajowabꞌel ri Dios pa ránima.

2 Tesalonicenses 3:14

Si kꞌo jun chiꞌikajal ri ma ndirajoꞌ ta ndubꞌen ri qatzꞌibꞌan e chupan re wuj reꞌ, tibꞌanaꞌ chi ndiqꞌalajin chikiwech konojel achike ri ndibꞌanun keriꞌ y ma tiwachibꞌilaj, chin keriꞌ tikꞌix.

Colosenses 3:12

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

Filipenses 1:8

Ri Dios kin retaman chi ma ngireqꞌon ta atoq nibꞌij chi tzꞌan ngixinwojoꞌ rix iwonojel, achel ngixrajoꞌ ri Cristo Jesús.

2 Corintios 6:12

¡Rix aj Corinto! Kin rix tikil pa qánima, pero roj ma rojkꞌo ta pa iwánima rix.

Hechos 16:29

Ja atoq riꞌ ri chajinel chin ri cheꞌ xubꞌij chi tikꞌan pe jun lámpara chare, y juꞌanin xok apu pa cheꞌ. Santienta ndibꞌarbꞌot rikꞌin xibꞌriꞌil, xbꞌexukeꞌ chikiwech ri Pablo y ri Silas.

Efesios 6:5

Rix loqꞌon teq samajelaꞌ, tinimaj kitzij ri iwajaw. Rikꞌin nojel iwánima tibꞌanaꞌ ri ndikibꞌij chiwa chi ndibꞌen, y tiyaꞌ pa iwánima chi kin kꞌo kiqꞌij chiwech. Titijaꞌ iqꞌij chin ndibꞌen utz chare ri samaj, kin achel ta rusamaj ri Cristo ri ndibꞌen keriꞌ.

San Juan 16:21

Ri bꞌis riꞌ ndikꞌis achel ndikꞌis ri qꞌaxomal ndunaꞌ jun ixaq atoq ndiralaj ral, pero atoq xalex yan ri ral, ndumestaj ri qꞌaxomal xuqꞌasaj, porque ndikikot chi xuyaꞌ jun chꞌuti akꞌual chochꞌulew.

1 Corintios 2:3

Y atoq xikꞌojeꞌ chiꞌikajal chin xinbꞌen rusamaj ri Dios, xa maneq ok wuchuqꞌaꞌ, nuxibꞌin wiꞌ y hasta ngibꞌarbꞌot.