2 Corintios 6:6 - Kaqchikel Santo Domingo (Xenacoj)

⁶ Qatijon chuqaꞌ qaqꞌij chi titzꞌetetej chi roj rusamajelaꞌ ri Dios rikꞌin chꞌajchꞌaj chi kꞌaslen qakꞌuan, rikꞌin qetaman rubꞌeyal ri qetzij, rikꞌin qakochꞌon ri kibꞌanun ri wineq chaqe, rikꞌin rupoqonaxik kiwech ri wineq ngeqabꞌen, rikꞌin chuqaꞌ chi ukꞌuan qakꞌaslen roma ri Espíritu Santo, rikꞌin ri ngojojowan,

နောက်ထပ်ဗားရှင်းများ

Kaqchikel Santa Maria de Jesus

⁶ Ojreꞌ nakacꞌut chi sak ri kacꞌaslien, kataꞌn ri ketzij, cꞌo ka-paciencia y oj otz quiqꞌuin ri vinak, can ncaꞌkajoꞌ ri vinak riqꞌuin nojiel kánima, y cꞌo jeꞌ ri Espíritu Santo kiqꞌuin.

Kaqchiquel Bible

⁶ Kan niq'alajin-wi chi oj rusamajela' ri Dios roma ch'ajch'oj ri qak'aslen, qetaman ri qitzij, nim qánima, oj utz kik'in ri winaqi', ri ajowabel ri k'o qik'in kan qitzij, k'o ri Loq'olej Espíritu qik'in,

Kaqchikel Central Guatemala

⁶ Roj c'o chuka' ch'ajch'ojil kiq'uin, c'o etamabel, nim kánima, oj utz quiq'uin ri vinek, ri ajovabel c'o kiq'uin can kitzij vi, y c'o ri Lok'olej Espíritu kiq'uin.

Re C'ac'a Testamento pa Kach'abal

⁶ Y chuka' kac'uan jun c'aslen ch'ajch'oj, kataman re ruch'abal re Dios, camas yojcoch'on, y camas otz kana'oj quiq'uin re vinak, y can katzij-va che ye'kajo' re vinak y chuka' c'o re Espíritu Santo kaq'uin.

Kaqchikel Western Solola

⁶ Kac'uan chuka' jun c'aslen ch'ajch'oj, ketaman ri ruch'abel ri Dios, nikacoch' ronojel ri pokon ri niquiben ri winek chake, utz kana'oj nikaben quiq'ui ri winek, yekajo' quinojel ri winek y ma riq'ui ta ca'i' kapalej, y c'o chuka' ri Lok'olaj Espíritu kiq'ui.

2 Corintios 6:6 ပူးပေါင်းရင်းမြစ်များ

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

Efesios 4:32

Pa rukꞌexel riꞌ, utz inoꞌoj tibꞌanaꞌ chiwech, kixpoqonan y tikuyuꞌ imak chiwech, achel ri Dios rix rukuyun roma xe jun ibꞌanun rikꞌin ri Cristo.

Efesios 4:2

Tiqasaj iwiꞌ, utz inoꞌoj tibꞌanaꞌ chake ri wineq, ma tikꞌo ikꞌuꞌx chupan ri ndiqꞌasaj, rikꞌin ajowabꞌel tikochꞌoꞌ iwiꞌ chiwech,

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Gálatas 3:5

Romariꞌ nibꞌij chiwa: Ri Dios ruyoꞌon pe ri Espíritu Santo pa iwánima y ndubꞌanalaꞌ chuqaꞌ milagros chiꞌikajal, y keriꞌ ndubꞌen ma roma ta chi rix ndibꞌen ri ndubꞌij ri ley xyoꞌox chare ri Moisés, xa kin roma xitaqij ri Jesucristo atoq xiwakꞌaxaj ri xqatzijoj kan chiwa.

2 Corintios 12:15

Riyin rikꞌin nojel wánima nikusaj ri nuchajin y hasta niyaꞌ wiꞌ pa samaj chin kꞌo utz ndukꞌen pe chare ri iwánima. Si riyin qꞌij-qꞌij más ndikꞌiy pa wánima chi ngixinwojoꞌ, ¿pa ruchojmil kami ndibꞌen chi qꞌij-qꞌij más ndikꞌis qa pa iwánima chi nginiwojoꞌ?

2 Corintios 11:11

Y, ¿achike roma nibꞌij keriꞌ chiwa? ¿Roma kami ma ngixinwojoꞌ ta? ¡Dios retaman chi kin ngixinwojoꞌ!

2 Corintios 11:6

Maske pa kiwech jujun, riyin ma ngitiker ta ngichꞌaꞌa utz-utz chikiwech wineq, pero kin jabꞌel nukꞌoxoman ri achoq pa ruwiꞌ ngichꞌaꞌa. Y rikꞌin nojel ri xqabꞌij y xqabꞌen atoq xojkꞌojeꞌ chiꞌikajal, kin xqꞌalajin chiwech chi nukꞌoxoman.

2 Corintios 11:4

Rix ndikꞌen apu ruwech jun ri nderutzijoj jun chik Jesús chiwa, y ma ja ta ri Jesús ri qatzijon kan roj chiwa, y rikꞌin nojel ikꞌuꞌx ikꞌamon apu chuqaꞌ ruwech jun chik espíritu, pero ma ja ta ri Espíritu Santo ri kꞌo chik pa iwánima, y ikꞌulun apu chuqaꞌ jun chik tijonik ri achel ta utzulej teq tzij chin kolotajik keriꞌ, pero ma ja ta ri qatzijon kan roj chiwa.

2 Corintios 7:2

¡Tijaqaꞌ ri iwánima chaqe! Ma jun chiꞌikajal rix ri achoq chare qabꞌanun ri ma pa rubꞌeyal ta, ma jun ri qataqchiꞌin chin ndubꞌen ri ma pa rubꞌeyal ta, y ma jun chuqaꞌ qachꞌakatin.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

2 Corintios 3:3

Kin ndiqꞌalajin chi rix, rix achel jun wuj taqon roma ri Cristo, y ja roj ri roj rukusan ri Dios chin keriꞌ ri wuj riꞌ nditzꞌetetej koma ri wineq. Y ma tzꞌibꞌan ta chuwech tzꞌalen teq abꞌej, nixta rikꞌin tzꞌibꞌabꞌel, xa kin rikꞌin ri Espíritu chin ri Kꞌaslik Dios tzꞌibꞌan pa kánima ri kitaqin rijaꞌ.

2 Corintios 2:4

Santienta bꞌis xinnaꞌ y tzꞌan xqꞌaxa wánima atoq xintzꞌibꞌaj e ri jun wuj chiwa, hasta santienta xinoqꞌ. Pero ma chin ta xinbꞌen chiwa chi xixbꞌison xintzꞌibꞌaj e, xa chin tiwetamaj jarupeꞌ ngixinwojoꞌ.

1 Corintios 13:4

Ri ndojowan rikꞌin nojel ránima, ndukachꞌ ri ndibꞌan chare y ndubꞌen utz chake chꞌaqa chik. Ma itzel ta ndunaꞌ pa ránima roma ndutzꞌet chi jun wineq utz rubꞌanun, ma ndunimrisalaꞌ ta riꞌ y ma ndubꞌananej ta riꞌ.

1 Corintios 2:16

Achel tzꞌibꞌan kan chupan ri rutzij ri Dios ri kereꞌ ndubꞌij: ¿Kꞌo kami jun wineq retaman achike ndunojij ri Ajaw, chin ta ndubꞌij chare achike utz chin ndubꞌen? Keriꞌ tzꞌibꞌan kan. Pero roj ri ukꞌuan qakꞌaslen roma ri Espíritu Santo ngojtiker ngojnojin achel ndinojin ri Cristo.

Romanos 12:9

Kixojowan rikꞌin nojel iwánima, tiyaꞌ kan roꞌiwacheq chuwech ri ma utz ta y kin tiwoqaj ri utz.

1 Juan 3:18

Rix ri kin achel rix walkꞌuaꞌl keriꞌ, ma xe rikꞌin qachiꞌ tiqabꞌij chi ngeqajoꞌ ri hermanos, xa kin qetzij qojojowan rikꞌin ri utz ri ngeqabꞌanalaꞌ chikitoꞌik.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

1 Timoteo 4:12

Man ta jun ri xtubꞌen chawa chi ma jun aweqalen roma kꞌa rat kꞌajol. Pero chin ma tibꞌanatej keriꞌ, katok ejemplo chikiwech ri hermanos rikꞌin ri tzij ngeꞌel pa achiꞌ, rikꞌin chuqaꞌ akꞌuan jun chojmilej kꞌaslen, rikꞌin ngatojowan, rikꞌin kuqul akꞌuꞌx rikꞌin ri Dios, y rikꞌin akꞌuan jun chꞌajchꞌaj kꞌaslen.

1 Tesalonicenses 2:10

Ri Dios y rix iwetaman chi xqakꞌuaj jun loqꞌolej kꞌaslen, iwetaman chuqaꞌ chi nojel ri xqabꞌen kin pa ruchojmil, y ma jun itzel xitzꞌet pa qakꞌaslen atoq xojkꞌojeꞌ chiꞌikajal rix ri itaqin ri Cristo.

Colosenses 3:12

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

Efesios 3:4

Y atoq rix ndibꞌen leer ri nutzꞌibꞌan e chiwa, ndikꞌoxomaj chi qetzij qꞌalajrisan chinuwech ri ewan rubꞌeyal ojer kan pa ruwiꞌ ri xurubꞌanaꞌ ri Cristo chochꞌulew.

Gálatas 3:2

Xaxe niwojoꞌ nikꞌutuj razón chiwa: ¿Xyoꞌox ri Espíritu Santo pa iwánima porque xibꞌen ri ndubꞌij ri ley xyoꞌox chare ri Moisés? Ma ke ta riꞌ. Ri Espíritu Santo xyoꞌox pa iwánima porque xitaqij ri Jesucristo ri xtzijox chiwa.

1 Corintios 2:4

Atoq xintzijoj rutzij ri Dios chiwa, ma xichꞌaꞌa ta rikꞌin aj rochꞌulew nojibꞌel chin ta xinqasaj ijolon. Pa rukꞌexel riꞌ, ri tzij xenkusaj xtzꞌetetej chi qetzij, roma ri nimalej teq achike xubꞌen ruchuqꞌaꞌ ri Espíritu Santo chiꞌikajal,

Romanos 15:19

Y ri samaj riꞌ, ndiqꞌalajin rikꞌin nimalej teq retal ruchuqꞌaꞌ ri Dios y nimalej teq achike ri ma jumbꞌey etzꞌeton, ri erubꞌanun pe ri ruchuqꞌaꞌ ri Espíritu Santo chinuqꞌaꞌ. Riyin pa tinamit Jerusalén nutzꞌukun pe rutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo, y nojel teq apeꞌ yin qꞌaxneq wi, nuyoꞌon pe rutzijol hasta pa rochꞌulew Iliria.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

Tito 2:7

Y nojel ri ndabꞌen, takꞌutuꞌ rikꞌin ri akꞌaslen ri utz ri ndikꞌatzin chi ndikibꞌen ri kitaqin ri Ajaw. Y atoq ngaꞌatijoj rikꞌin ri rutzij ri Dios, kin pa ruchojmil tayaꞌ ri tijonik, y tiqꞌalajin chuqaꞌ chi kin kꞌo reqalen ri ndabꞌij.

2 Timoteo 4:2

chi ma kataneꞌ chutzijoxik ri rutzij ri Dios chake ri ndikajoꞌ ndikakꞌaxaj y chake ri ma ndikajoꞌ ta ndikakꞌaxaj. Tabꞌij chake ri wineq ri koqan jun tijonik ma qetzij ta, chi tikiyaꞌ kan. Tabꞌij chake ri kikꞌuan itzel kꞌaslen, chi tikijalaꞌ ri kikꞌaslen. Kaꞌapixabꞌaj konojel chi jumul tikibꞌanaꞌ ri utz. Rikꞌin nojel awánima kaꞌatijoj konojel rikꞌin rutzij ri Dios, y ma tikꞌo akꞌuꞌx.

2 Timoteo 3:10

Pero rat, Timoteo, awoqan utz-utz ri tijonik ri rat nutijon rikꞌin. Awoqan rubꞌeyal ri utzulej kꞌaslen nukꞌuan. Kꞌo chuqaꞌ pa awánima ri achike roma ngitajin rikꞌin ri samaj nibꞌen, chi kin kuqul nukꞌuꞌx rikꞌin ri Dios, chi ma poyineq ta nukꞌuꞌx nibꞌen ri samaj, chi nginojowan y chi nukochꞌon nuwech chupan ri kꞌayew niqꞌasaj.

1 Timoteo 5:2

Ri hermanas erijilej chi ok, kaꞌapixabꞌaj achel kin ta chare ateꞌ ngachꞌaꞌa keriꞌ. Y ri xtaniꞌ, rikꞌin chꞌajchꞌaj awánima kaꞌapixabꞌaj, achel ta chake eꞌawanaꞌ ngachꞌaꞌa keriꞌ.

Colosenses 2:3

Porque rikꞌin ri Cristo ndilitej nojel utzulej nojibꞌel y etamabꞌel chin ri Dios, ri kin jun nimalej bꞌeyomal.

1 Corintios 12:8

Porque chake jujun, ri Espíritu Santo nduyaꞌ chi ngechꞌaꞌa rikꞌin nojibꞌel pataneq rikꞌin ri Dios. Chake chꞌaqa ri Espíritu Santo nduyaꞌ pa kánima tzij chin ngechꞌaꞌa nimalej teq etamabꞌel pataneq rikꞌin ri Dios.

2 Corintios 1:23

Pero ma yin bꞌaneq ta chiꞌitzꞌetik pa tinamit Corinto achel nunojin roma nipoqonaj iwech, y kin ja ta ri Dios xtok testigo chuwij y xtirelesaj ri nukꞌaslen, si ma qetzij ta ri nibꞌij.

2 Corintios 2:10

Y keriꞌ kꞌa, si rix ndikuy rumak jun, keriꞌ chuqaꞌ nibꞌen yin. Si kꞌo jun achike ndikꞌatzin chi ndikuyutej, xinkuy yan roma ngixinwojoꞌ rix, y riꞌ kin chuwech ri Cristo nukuyun chik,

2 Corintios 13:10

Romariꞌ nitzꞌibꞌaj e re wuj reꞌ chiwa wokami re kꞌajani kibꞌa chiꞌitzꞌetik, chin keriꞌ atoq xkibꞌeqaqa chiriꞌ, ri uchuqꞌaꞌ ruyoꞌon ri Ajaw pa nuqꞌaꞌ, ma nikusaj ta chin ngixinchꞌolij, porque ri uchuqꞌaꞌ riꞌ, ma chin ta chꞌolinik, xa chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa, y ma chin ta nikꞌis iqꞌij.

Santiago 3:17

Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.