2 Corintios 5:7 - Kaqchikel Santo Domingo (Xenacoj)

⁷ Wokami, ma ndiqatzꞌet ta ri Ajaw, pero ri qakꞌaslen ukꞌuan roma rijaꞌ, roma kuqul qakꞌuꞌx rikꞌin.

နောက်ထပ်ဗားရှင်းများ

Kaqchikel Santa Maria de Jesus

⁷ Ojreꞌ ruma kacukubꞌan kacꞌuꞌx riqꞌuin ri Kajaf Jesús, rumareꞌ katzꞌamuon bꞌay chi nkubꞌaka riqꞌuin y mesque man nakatzꞌat ta roch vacame.

Kaqchiquel Bible

⁷ Re wakami qachapon bey stape' xa man niqatz'et ta ruwech ri Cristo, jak'a kan qakuquban qak'u'x rik'in.

Kaqchikel Central Guatemala

⁷ Roma re vacami, roj xa man nikatz'et ta ruvech. Roj xa roma kacukuban kac'u'x riq'uin, romari' kachapon bey.

Re C'ac'a Testamento pa Kach'abal

⁷ Vocame man nakatz'at-ta rach, yoj xa roma kaniman reja' mare' katz'amon bey.

Kaqchikel Western Solola

⁷ Riyoj ruma kacukuban kac'u'x riq'ui ri Ajaf Jesús, rumari' tek kachapon bey chi yojapon riq'ui y astape' ma yojtajin ta nikatz'et ruwech wacami.

2 Corintios 5:7 ပူးပေါင်းရင်းမြစ်များ

1 Corintios 13:12

Wokami, kin kꞌa ndimoymot ruwech ndiqatzꞌet nojel, achel ta ngojtzuꞌun chupan jun espejo ndimoyilan ruwech, pero nduqaqa jun qꞌij atoq kin jabꞌel qꞌalej ndiqatzꞌet nojel. Wokami kꞌo nimalej teq etamabꞌel qakꞌoxoman, pero ma nojel ta, pero ri qꞌij riꞌ, xtiqetamaj nojel, achel retaman qawech rijaꞌ.

2 Corintios 1:24

Ma tibꞌij rix chi roj kin kꞌo uchuqꞌaꞌ pa qaqꞌaꞌ chin ndiqabꞌij chiwa achike ri utz chi nditaqij, ma ke ta riꞌ, porque rix kin kuqul chik ikꞌuꞌx utz-utz rikꞌin ri Cristo. Ri ndiqajoꞌ roj, ja ri ngixqatoꞌ chin ndikikot más iwánima.

2 Corintios 4:18

Porque roj ma chirij ta ri ngetzꞌetetej bꞌaneq qánima, xa kin chirij ri ma ngetzꞌetetej ta, porque ri ngetzꞌetetej wokami, kꞌo jun qꞌij ngebꞌekꞌis, pero ri ma ngetzꞌetetej ta, riꞌ jumul ngekꞌojeꞌ.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Hebreos 10:38

Ri ma jun rumak reqalen chinuwech, kin ndiril ri qetzij kꞌaslen, roma kuqul rukꞌuꞌx wikꞌin. Pero si xtitzolij chirij y ma xkiroqaj chi ta, Ma jubꞌaꞌ xtikikot ri wánima rikꞌin. Keriꞌ tzꞌibꞌan kan.

1 Pedro 1:8

Rix kin ndiwojoꞌ rijaꞌ maske ma itzꞌeton ta ruwech, y wokami itaqin maske ma nditzꞌet yan ta. Y roma santienta ngixkikot, hasta ma ndiwil ta tzij chin ndibꞌij ri ndinaꞌ, xa kin ngixkikot achel ngekikot ri ekꞌo chikaj.

1 Pedro 5:9

Tipabꞌaꞌ iwiꞌ chuwech ri itzel, rikꞌin jabꞌel kuqul ikꞌuꞌx rikꞌin ri Dios, porque iwetaman chi nojel apeꞌ pariꞌ ri rochꞌulew, ri qa-hermanos ndikiqꞌasaj kꞌayew achel ri ndiqꞌasaj rix wokami.