2 Corintios 5:14 - Kaqchikel Santo Domingo (Xenacoj)

¹⁴ Y keriꞌ ndiqabꞌen roma ja ri ajowabꞌel chin ri Cristo ukꞌuayon qichin, porque kin qetaman chi ri rukamik ri Cristo xutaj qamak roj qonojel, y keriꞌ roj qonojel xojken yan chuwech ri castigo ndukꞌen pe ri mak.

နောက်ထပ်ဗားရှင်းများ

Kaqchikel Santa Maria de Jesus

¹⁴ Y ruma ri ru-amor ri Cristo ri nibꞌano chika chi nakaꞌan ri samaj, rumareꞌ nakaꞌan pensar: Ri Cristo xcon kuma konojiel. Y xojcon jeꞌ riqꞌuin jajaꞌ, ruma pa kacꞌaxiel ojreꞌ xcon-ve.

Kaqchiquel Bible

¹⁴ Roj kan ja ri ajowabel richin ri Cristo ri nibanon chiqe chi niqanimaj rutzij. Kan kuqul k'a qak'u'x chi pa qak'exel qonojel roj toq rija' xken. Y roma ri' roj kan xojken-wi k'a rik'in rija'.

Kaqchikel Central Guatemala

¹⁴ Roj can jac'a ri ajovabel richin ri Cristo ri nibanon chike chi queri' nikaben, roma ri ajovabel richin ri Cristo janíla nim, chi xa koma konojel roj aj-maqui' tok rija' xquen (xcom). Y romari' can chanin vi c'a chuka' nikach'ob chi roj can xojquen-vi c'a (xojcom-vi c'a) riq'uin rija', roma pa kaq'uexel roj xquen-vi (xcom-vi).

Re C'ac'a Testamento pa Kach'abal

¹⁴ Y roma camas yojrajo' re Jesucristo, jare' re nibano chaka yoj che quire' nakaban, roma re Jesucristo camas-va yojrajo' y reja' xcom koma konojel. Y mare' can cha'nin chuka' nakanojij-ka che yoj can xojcom-va riq'uin reja', roma pa kaq'uixel yoj xcom-va.

Kaqchikel Western Solola

¹⁴ Ruma riyoj can ya c'a ri ajowabel riche (rixin) ri Cristo ri nibano chake chi queri' nikaben, ruma ri ajowabel riche (rixin) ri Cristo sibilaj nim, rumari' tek nikach'ob: Ri Cristo, wi kuma riyoj ri yoj aj maqui' tek xcom, re' ntel chi tzij chi konojel ri yoj aj maqui' can xojcom chuka' riq'ui Riya'.

2 Corintios 5:14 ပူးပေါင်းရင်းမြစ်များ

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Romanos 5:15

Pero jun wi ndukꞌen pe ri kolotajik ndusipaj ri Dios y jun wi ndukꞌen pe ri mak xubꞌen ri Adán, porque ri rumak ri Adán, xukꞌen pe ri kamik pa qawiꞌ roj qonojel wineq, pero kin más wi nim reqalen ri ru-favor ri Dios y ri sipanik ri xuyaꞌ ri Jesucristo chaqe roj kꞌiy.

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

1 Pedro 1:8

Rix kin ndiwojoꞌ rijaꞌ maske ma itzꞌeton ta ruwech, y wokami itaqin maske ma nditzꞌet yan ta. Y roma santienta ngixkikot, hasta ma ndiwil ta tzij chin ndibꞌij ri ndinaꞌ, xa kin ngixkikot achel ngekikot ri ekꞌo chikaj.

San Juan 1:29

Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

Hebreos 6:10

Porque ri Dios kin pa ruchojmil ndubꞌen nojel, romariꞌ ma ndumestaj ta ri samaj ibꞌanun pe pa rubꞌiꞌ, y ma ndumestaj ta chuqaꞌ chi rix ndiwojoꞌ rijaꞌ. Keriꞌ ndiqꞌalajin roma eꞌitoꞌon pe y kꞌa ngeꞌitoꞌ ri loqꞌolej teq ralkꞌuaꞌl.

2 Corintios 3:9

Porque si ri ojer pacto ri xa castigo ndukꞌen pe xqꞌalajin chi kin kꞌo nimalej ruqꞌij, más nimalej ruqꞌij ri kꞌakꞌakꞌ pacto ri ndubꞌen chi nixta jun qamak ndiqeqalej chuwech ri Dios.

Hebreos 2:9

Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.

Tito 3:3

Porque jumbꞌey kan, roj chuqaꞌ ma jun qanoꞌoj, xetal xojtajiyaj rikꞌin. Ma xojniman ta chuwech ri Dios. Kin roj chꞌakatin. Xojkꞌojeꞌ chuqaꞌ pa ruqꞌaꞌ ri itzel teq rayinik ri xeqabꞌanalaꞌ y xkikot qánima kikꞌin. Chubꞌanik xqabꞌen itzel teq achike chake chꞌaqa wineq. Itzel xqanaꞌ chare roma utz kibꞌanun chꞌaqa chik, itzel xqatzꞌetelaꞌ qiꞌ chiqawech y xeqabꞌanalaꞌ itzel teq achike ri achoq roma ri wineq xmulu kikꞌuꞌx qikꞌin.

1 Timoteo 5:6

Pero ri malkaꞌ ixaq ri ndujech riꞌ pa ruqꞌaꞌ ri rayinik chin ri ru-cuerpo, maske kꞌo rukꞌaslen, xa kamineq chuwech ri Dios.

1 Corintios 16:22

Si kꞌo jun wineq chiꞌikajal ri ma ndirajoꞌ ta ri Ajaw Jesucristo, tiqaqa nojel ri castigo nduyaꞌ ri Dios pa ruwiꞌ. ¡Ajaw, katuqaqa paqiꞌ!

1 Timoteo 2:6

Rijaꞌ xuyaꞌ ri rukꞌaslen pa kamik chin xutaj ri qamak roj qonojel wineq, y ri kamik riꞌ ndukꞌut chi xuqaqa ri tiempo ri rubꞌanun pe ruwech ri Dios chin xuqꞌalajrisaj chi ri rurayibꞌel ja ri ngekolotej ri wineq.

Colosenses 2:13

Rubꞌanun kan rix kamineq pa mak chuwech ri Dios, y kꞌajani kixelesex chuxeꞌ ruchuqꞌaꞌ ri itzel teq rayinik chin ri i-cuerpo ri ximiyon iwichin, pero wokami ri Dios xuyaꞌ ikꞌaslen rikꞌin ri Cristo, roma xukuy nojel qamak.

Efesios 6:24

Kin ta xtikꞌojeꞌ ri favor nduyaꞌ ri Dios pa iwiꞌ iwonojel rix ri ndiwojoꞌ ri Qajaw Jesucristo rikꞌin nojel iwánima.

San Juan 11:25

Ri Jesús xubꞌij: Ja riyin ri ngikꞌastajbꞌan e kichin ri animaꞌiꞌ, y ja riyin ri ngiyoꞌon ri kꞌaslen ma ndikꞌis ta. Ri nditaqin wichin, maske xtiken, kin ndikꞌastajbꞌex pe.

1 Corintios 2:14

Pero ri wineq ri maneq ri Espíritu Santo pa rukꞌaslen, ma ndirajoꞌ ta ri pataneq rikꞌin ri ru-Espíritu ri Dios. Chare rijaꞌ xa achel chꞌujulej teq tzij ndirakꞌaxaj y ma nditiker ta ndukꞌoxomaj. Porque xaxe ri yikꞌan kinojibꞌal roma ri Espíritu Santo ndikikꞌoxomaj riꞌ.

San Lucas 15:24

Porque re jun nukꞌajol reꞌ xa achel kamineq chik, y wokami achel xkꞌojeꞌ chik rukꞌaslen; sachineq y wokami xilitej, xchajeꞌ ri rutataꞌ. Y keriꞌ, ja xkitzꞌuk qa ri nimaqꞌij.

1 Juan 5:19

Roj qetaman chi roj richin ri Dios, y qetaman chuqaꞌ chi konojel wineq ri ma kitaqin ta ri Cristo, ekꞌo chuxeꞌ ruchuqꞌaꞌ ri itzel.

2 Corintios 3:7

Y ri ley ri ndubꞌij chi ndiqaqa kamik pa kiwiꞌ ri ngebꞌanun mak, xtzꞌibꞌex chuwech tzꞌalen teq abꞌej, y xqꞌalajin chi kin kꞌo nimalej ruqꞌij atoq xyoꞌox chare ri Moisés. Romariꞌ ri israelitas ma xetiker ta xkitzꞌet ruwech ri Moisés, porque kin ndiyikꞌilan ri ruwech y ri yikꞌinik riꞌ xa eqal-eqal xkꞌis qa chiruwech ri Moisés.

Romanos 2:2

Y qetaman chi ri Dios pa ruchojmil nduyaꞌ castigo pa kiwiꞌ ri ngebꞌanun mak achel ri qabꞌiꞌin pe. Y kin achel ri kibꞌanaloꞌon, keriꞌ ri castigo ndiyoꞌox chake.

San Juan 5:25

Kin qetzij nibꞌij chiwa chi nduqaqa ri qꞌij, y ri qꞌij riꞌ ja xuqaqa, chi ri ekamineq pa kimak pa ruwech ri Dios xtikakꞌaxaj ri nibꞌij riyin ri Rukꞌajol ri Dios chake, y ri ngeꞌakꞌaxan y ngetaqin ri nutzij ndikꞌojeꞌ ri kꞌaslen ma ndikꞌis ta kikꞌin.

Hechos 18:5

Atoq ri Silas y ri Timoteo xeꞌel pe pa rochꞌulew Macedonia y xebꞌa qa apeꞌ kꞌo ri Pablo pa tinamit Corinto, ri Pablo rujachon riꞌ chutzijoxik ri rutzij ri Dios chiriꞌ, y kin nduqꞌalajrisaj chikiwech ri israelitas chi ja ri Jesús ri xtaq pe roma ri Dios chukolik ri rutinamit.

San Lucas 24:29

Pero rejeꞌ kin xkibꞌochiꞌij y xkibꞌij chare: Kakꞌojeꞌ qa chireꞌ, porque ja xbꞌa qa hora y ri qꞌij ja ndiqaqa. Y ri Jesús xok apu kikꞌin chin ndikꞌojeꞌ qa chiriꞌ.

San Lucas 15:32

Pero kin ndikꞌatzin chi wokami ndiqabꞌen nimaqꞌij, porque ri achaqꞌ xa achel kamineq chik y wokami achel xkꞌojeꞌ chik rukꞌaslen; sachineq y wokami xilitej, xchajeꞌ ri tataꞌatz.

Romanos 6:6

Qetaman chi ri itzel kꞌaslen xqakꞌuaj rubꞌanun kan, xbꞌajix cho cruz junan rikꞌin ri Cristo ri nixta jun rumak, y keriꞌ ri itzel rurayinik ri qa-cuerpo xkꞌis ruchuqꞌaꞌ, chin keriꞌ ma ngojkꞌojeꞌ chi ta chuxeꞌ ruchuqꞌaꞌ ri mak.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

Colosenses 3:3

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.