2 Corintios 4:9 - Kaqchikel Santo Domingo (Xenacoj)

⁹ Roj tzeqlebꞌen chin ndibꞌan itzel chaqe, pero ri Dios ma roj ruyoꞌon ta kan qayon, y maske ndiqanaꞌ achel roj torin pa ulew, pero ri Dios ma ruyoꞌon ta qꞌij chi kꞌisneq jumul qaqꞌij.

နောက်ထပ်ဗားရှင်းများ

Kaqchikel Santa Maria de Jesus

⁹ Pacheꞌ nkubꞌaka-ve, ri vinak man otz ta nkojquitzꞌat, pero ri Dios cꞌo kiqꞌuin. Mesque oj-quikasan pan ulief, pero man i-tiquirnak ta chi oj-quiquimisan.

Kaqchiquel Bible

⁹ Xabakuchi k'a yojapon-wi, ri winaqi' man utz ta yojkitz'et, jak'a man jun bey qayon ta ojk'o. kan oj qajineq chuqa' pa kiq'a', jak'a man e tikirineq ta oj kikamisan.

Kaqchikel Central Guatemala

⁹ Xabacuchi c'a yojapon-vi, ri vinek man utz ta yojquitz'et, pero ri' xaxe ri vinek, roma ri Dios can c'o-vi kiq'uin roj. Y can yojka-vi c'a chuka' pa tak quik'a', pero man e tiquirinek ta oj quicamisan.

Re C'ac'a Testamento pa Kach'abal

⁹ Xabanche' yojapon-va, re vinak man otz-ta yojquitz'at, pero re' xa ja re vinak, roma re Dios can c'o-va kaq'uin. Y c'o bey can yojka-va chuka' pa quik'a', pero man je'tiquirnak-ta chakij chin che yojquiquimisan-ta.

Kaqchikel Western Solola

⁹ Xabacuchi (xabachique) c'a yojapon wi, ri winek can yojquetzelaj, yac'a ri Dios can c'o kiq'ui riyoj, y ma yoj ruya'on ta ca. Can yoj quikasan pa tak ulef, pero ma ye cowinek ta yoj quicamisan.

2 Corintios 4:9 ပူးပေါင်းရင်းမြစ်များ

San Juan 15:20

Tikꞌuxlaꞌaj ri tzij nubꞌiꞌin kan chiwa: Ma jun samajel más ta kꞌo ruqꞌij ke chuwech ri rajaw. Romariꞌ, si ri wineq yin kitzeqlebꞌen chin ndikibꞌen itzel chuwa, keriꞌ chuqaꞌ xtikibꞌen chiwa rix. Pero si xtikinimaj nutzij riyin, kin xtikinimaj chuqaꞌ itzij rix.

Romanos 8:35

¿Kꞌo kami jun achike ngojelesan pa ruqꞌaꞌ ri Cristo ri tzꞌan ngojrajoꞌ? Nixta jun. Nixta ri kꞌayew, nixta ri qꞌaxomal, nixta ri ngojtzeqlebꞌex chin ndibꞌan itzel chaqe, nixta ri wayijal, nixta ri maneq ok qachajin, nixta ri jubꞌama ngojkamisex, nixta ri ngojkamisex ta rikꞌin espada. Ma jun chikiwech nojel reꞌ nditiker ngojrelesaj e.

2 Corintios 7:6

Pero ri Dios ri ndiyoꞌon kuchuqꞌaꞌ ri poyineq kánima, xuyaꞌ ruchuqꞌaꞌ qánima roj, roma xuqaqa ri Tito chireꞌ qikꞌin.

2 Timoteo 3:12

Y qetzij wi, konojel ri xe jun kibꞌanun rikꞌin ri Cristo Jesús y ndikajoꞌ ndikikꞌuaj jun utzulej kꞌaslen chuwech ri Dios, kin ngetzeqlebꞌex chin ndibꞌan itzel chake.

Hebreos 13:5

Ma kixjamem chirij méra, kixkikot rikꞌin ri ruyoꞌon ri Dios chiwa. Porque ri Dios kereꞌ rubꞌiꞌin kan: Ma jumbꞌey xkatinyaꞌ kan, y ma jumbꞌey xtinmalij kan awech, xchajeꞌ.