2 Corintios 4:10 - Kaqchikel Santo Domingo (Xenacoj)

¹⁰ Xa apejeꞌ na ngojbꞌa wi, roj royobꞌen ri kamik achel xukꞌulwachij ri Jesús, chin keriꞌ ri rukꞌaslen ri Jesús ndiqꞌalajin chuqaꞌ pa qa-cuerpo.

နောက်ထပ်ဗားရှင်းများ

Kaqchikel Santa Maria de Jesus

¹⁰ Ojreꞌ can choch-ve ri camic ojcꞌo-ve chica-na lugar. Can nakacꞌul incheꞌl xucꞌul ri Jesús, chi quireꞌ kꞌij-kꞌij nakacꞌut chi cꞌo ri Jesús pa kacꞌaslien.

Kaqchiquel Bible

¹⁰ Roj, xabakuchi yojapon-wi, kan chuwech-wi k'a ri kamik ojk'o-wi roma ri Jesús, richin keri' niq'alajin chi roj kan niqak'ul-wi k'a chuqa' qak'aslen achi'el ri ruk'aslen rija' wakami.

Kaqchikel Central Guatemala

¹⁰ Roj can chuvech vi c'a ri camic ojc'o-vi, xabacuchi yojapon-vi. Can nikac'ulvachij-vi achi'el ri xuc'ulvachij ri Jesús, richin queri' nik'alajin chi roj can nikac'ul-vi c'a chuka' kac'aslen achi'el ri ruc'aslen rija' vacami.

Re C'ac'a Testamento pa Kach'abal

¹⁰ Yoj can yojpa'al-va chach re camic rutzij re Jesucristo. Xabanche' yojbo-va, can nakac'alvachij-va ancha'l re xuc'alvachij re Jesucristo, chin quire' chuka' yoj can nakac'ul kac'aslen ancha'l re ruc'aslen reja'.

Kaqchikel Western Solola

¹⁰ Re ch'aculaj re kac'uan wacami can ronojel k'ij c'o chuwech ri camic, ruma xabacuchi (xabachique) yojapon wi can najowex yojcamisex. Can nikac'ulwachij wi achi'el xuc'ulwachij ri Jesús, riche (rixin) chi queri' nik'alajin chi re ch'aculaj re kac'uan wacami can nuc'ul chuka' ruc'aslen achi'el ri ruc'aslen ri Jesús.

2 Corintios 4:10 ပူးပေါင်းရင်းမြစ်များ

San Juan 14:19

Jubꞌaꞌ chik qꞌij ndirajoꞌ chi ri wineq ri ma nginikitaqij ta ma nginikitzꞌet ta chik, pero rix kꞌa nginitzꞌet. Y roma kꞌo nukꞌaslen riyin, rix chuqaꞌ ndikꞌojeꞌ ikꞌaslen chin jumul.

Romanos 6:5

Porque si rikꞌin ri xojbꞌan bautizar achel xojken yan rikꞌin ri Cristo, keriꞌ chuqaꞌ jun qꞌij más apu chiqawech ngojkꞌastajbꞌex, achel xkꞌastajbꞌex e rijaꞌ chikikajal ri animaꞌiꞌ.

Romanos 6:8

Y si ri itzel kꞌaslen xqakꞌuaj rubꞌanun kan xken rikꞌin ri Cristo cho cruz, kin kuqul qakꞌuꞌx chi ndikꞌojeꞌ qakꞌaslen rikꞌin rijaꞌ chin jumul.

Romanos 8:36

Achel tzꞌibꞌan kan chupan ri rutzij ri Dios ri kereꞌ ndubꞌij: Roma rat qataqin, qꞌij-qꞌij ndirayix ri qakamik, Ndibꞌan chaqe achel ndibꞌan chake ri karneꞌl ri nojin chik pa kiwiꞌ chi ngekamisex. Keriꞌ tzꞌibꞌan kan.

2 Corintios 1:5

Porque achel ndikꞌiyer ri kꞌayew pa qakꞌaslen roma qataqin ri Cristo, keriꞌ chuqaꞌ roma qataqin ri Cristo ndikꞌiyer ri toꞌonik nduyaꞌ ri Dios chin ndubꞌochiꞌij qánima.

2 Corintios 1:9

Y kin xqanaꞌ pa qánima chi ngojken, pero riꞌ chin ma tiqakuqubꞌaꞌ qakꞌuꞌx rikꞌin ok ri quchuqꞌaꞌ roj, xa kin rikꞌin ri Dios ri ngerukꞌastajbꞌaꞌ pe ri animaꞌiꞌ.

2 Corintios 13:4

Qetzij wi chi atoq xkamisex ri Cristo cho cruz, xqꞌalajin achel maneq ok ruchuqꞌaꞌ, pero wokami kꞌo rukꞌaslen roma ruchuqꞌaꞌ ri Dios. Keriꞌ chuqaꞌ roj ri xe jun qabꞌanun rikꞌin ri Cristo, ndiqꞌalajin achel maneq ok quchuqꞌaꞌ, pero rikꞌin ruchuqꞌaꞌ ri Dios kꞌo qakꞌaslen rikꞌin ri Cristo, y rikꞌin ri uchuqꞌaꞌ riꞌ ndeqabꞌanaꞌ ri ndikꞌatzin chi ndiqabꞌen chiꞌikajal.

2 Corintios 4:11

Porque ri qakꞌaslen, qꞌij-qꞌij ndiyoꞌox pa ruqꞌaꞌ ri kamik roma qataqin ri Jesús, chin keriꞌ rukꞌaslen ri Jesús ndiqꞌalajin chuqaꞌ pa qa-cuerpo ri xa ndiken wi e.

Gálatas 6:17

Wokami y ri más chiqawech apu, niwojoꞌ chi nixta jun chik xtiyoꞌon kꞌayew chuwa, porque riyin nukꞌuan pa nu-cuerpo ri retal ri kꞌayew nuqꞌasan roma yin rusamajel ri Jesús.

Colosenses 1:24

Riyin ngikikot roma ri kꞌayew niqꞌasaj iwoma, porque rikꞌin ri keriꞌ niqꞌasaj pa nukꞌaslen, nitzꞌaqatisaj pa nu-cuerpo ri kꞌayew qꞌaton pa nuwiꞌ chin niqꞌasaj pa rubꞌiꞌ ri Cristo koma ri ralkꞌuaꞌl ri Dios, y riꞌ ja roj ri roj okuneq ruwachinel ruqꞌa-raqen ri Cristo.

2 Timoteo 2:11

Kin qetzij wi re ndibꞌix: Si roj achel roj kamineq chik rikꞌin rijaꞌ, ndiqil chuqaꞌ qakꞌaslen roma rijaꞌ.

1 Pedro 4:13

Pa rukꞌexel chi ndisach ikꞌuꞌx, xa kixkikot chi jajun rix ndiqꞌasaj jubꞌaꞌ kꞌayew achel xuqꞌasaj ri Cristo iwoma, chin keriꞌ atoq nduruqꞌalajrisaj riꞌ chupan ri nimalej ruqꞌij, rix chuqaꞌ kin santienta xkixkikot rikꞌin.

1 Pedro 4:14

Jabꞌel roꞌiqꞌij atoq ndibꞌix itzel teq tzij chiwa roma itaqin ri Cristo, porque ri Espíritu chin ri Dios ri kꞌo nimalej ruqꞌij kin kꞌo wi pa iwiꞌ rix.

Apocalipsis 1:17

Y atoq xintzꞌet reꞌ, achel yin kamineq xitzaq qa chiraqen. Pero rijaꞌ xuyaꞌ ri rikiqꞌaꞌ ruqꞌaꞌ pa nuwiꞌ y xubꞌij chuwa: Ma taxibꞌij awiꞌ. Ja riyin ri nabꞌey y ri rukꞌisibꞌel chare nojel,