2 Corintios 3:6 - Kaqchikel Santo Domingo (Xenacoj)

⁶ Ja rijaꞌ bꞌanayon chaqe chi ngojtiker ndiqabꞌen ri samaj chupan ri kꞌakꞌakꞌ pacto. Y ri rukꞌuꞌx ri pacto riꞌ, kin ja ri Espíritu Santo, y ma ja ta ri ndubꞌij chupan ri ley xyoꞌox chare ri Moisés. Porque chupan ri ley riꞌ ndubꞌij chi ndiqaqa kamik pa kiwiꞌ ri ngebꞌanun mak, pero ri Espíritu Santo nduyaꞌ kꞌaslen.

နောက်ထပ်ဗားရှင်းများ

Kaqchikel Santa Maria de Jesus

⁶ Jajaꞌ nkojrucusaj pa rusamaj, y xuꞌon rusamajiel chika richin ri cꞌacꞌacꞌ pacto. Can xuꞌon chika chi nkojtiquir nakaꞌan ri samaj. Pero man richin ta ri pacto ri tzꞌibꞌan choch ri tzꞌajtzꞌak tak abꞌaj. Ojreꞌ nakaꞌan ri samaj richin ri cꞌacꞌacꞌ pacto ri tzꞌibꞌan ruma ri Espíritu. Ruma ri pacto ri tzꞌibꞌan choch ri tzꞌajtzꞌak tak abꞌaj man nuyaꞌ ta cꞌaslien; reꞌ joꞌc nucꞌut chakavach chi nika ri camic pa kaveꞌ. Pero ri tzꞌibꞌan ruma ri Espíritu, can nuyaꞌ cꞌaslien.

Kaqchiquel Bible

⁶ Ja rija' k'a ri xbanon chiqe richin niqasamajij ri jun k'ak'a' jikibel-tzij. Ri jikibel-tzij ri' man tz'iban ta chuwech tz'alem taq abej. Xa kan tz'iban k'a rik'in ri Espíritu. Roma ri jikibel-tzij ri tz'iban chuwech tz'alem taq abej man nuya' ta k'aslen. Jak'a ri tz'iban rik'in ri Espíritu, kan nuya-wi k'aslen.

Kaqchikel Central Guatemala

⁶ Ja rija' c'a yojucusan pa rusamaj, y xuben c'a rusamajela' chike richin nikasamajij ri c'ac'a' trato. Can xuya-vi c'a chike ri nic'atzin, richin can yojtiquir nikaben ri samaj. Man richin ta c'a nikasamajij ri trato ri xa tz'iban can chuvech tz'alen tak abej, man que ta ri', can richin c'a chi nikasamajij ri c'ac'a' trato ri tz'iban riq'uin ri Espíritu. Roma ri trato ri tz'iban chuvech tz'alen tak abej man nuya' ta c'aslen, xa nuc'ut chikavech chi nika' ri camic pa kavi' roma oj aj-maqui'. Pero ri tz'iban riq'uin ri Espíritu, can nuya-vi c'aslen.

Re C'ac'a Testamento pa Kach'abal

⁶ Ja reja' re xbano chaka che xojtiquir xojoc rusamajela' chin nakasamajij re c'ac'a trato, y xuban chaka che yojtiquir nakaban re samaj re'. Man chin-ta nakasamajij re trato re tz'iban can chach tz'alam tak aboj, xa ja re c'ac'a trato re tz'iban cha re Espíritu Santo jare' re nakasamajij. Roma re trato re tz'iban chach tz'alam tak aboj, nuc'ut chakavach che nika re camic pa kave' roma yoj aj-maqui'. Pero re c'ac'a trato re tz'iban cha re Espíritu Santo, can nuya-va c'aslen re man niq'uis-ta.

Kaqchikel Western Solola

⁶ Y ya c'a Riya' ri yojucusan pa rusamaj, y xuben c'a chake chi xoj-oc rusamajel riche (rixin) chi nikak'alajsaj ri c'ac'ac' trato chiquiwech ri winek. Y ya c'a chuka' Riya' niya'o chake ri rajawaxic, riche (rixin) chi can yojcowin nikaben ri samaj ri'. Y ma riche (rixin) ta c'a chi nikasamajij ri ojer trato ri tz'iban ca chuwech tz'alan tak abej, ma que ta ri', can riche (rixin) c'a chi nikak'alajsaj ri c'ac'ac' trato ri tz'iban riq'ui ri Espíritu. Ruma ri ojer trato ri tz'iban chuwech tz'alan tak abej ma nuya' ta c'aslen, xa nuc'ut chkawech chi nika ri camic pa kawi' ruma xa yoj aj maqui'. Pero ri tz'iban riq'ui ri Espíritu, can nuya' wi c'aslen.

2 Corintios 3:6 ပူးပေါင်းရင်းမြစ်များ

San Juan 6:63

Ri ndiyoꞌon ri kꞌaslen ma ndikꞌis ta ja ri Espíritu Santo. Ri cuerpo chin jun wineq ma nduyaꞌ ta ri kꞌaslen riꞌ. Ri tzij ri nubꞌiꞌin pe chiwa, kin rikꞌin ri Espíritu epataneq wi y kin ndikiyaꞌ ri kꞌaslen ma ndikꞌis ta.

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.

Romanos 8:2

Porque ukꞌuan qakꞌaslen roma ri Espíritu Santo ri ndiyoꞌon kꞌaslen, y ja rijaꞌ kꞌisiyon ruqꞌij ruchuqꞌaꞌ ri mak ri xa kamik ndukꞌen pe chaqe. Y riꞌ roma xe jun qabꞌanun rikꞌin ri Cristo Jesús.

Hebreos 12:24

Rix jeleneq apu chunaqaj ri Jesús ri xkusex roma ri Dios chin xubꞌen ri kꞌakꞌakꞌ pacto qikꞌin. Rix jeleneq apu chuqaꞌ rikꞌin rukikꞌel ri Jesús, kikꞌ ri ndukꞌutuj rukuyik kimak ri wineq, y ma achel ta rukikꞌel ri Abel ri xkamisex ojer, ri xa ndukꞌutuj chare ri Dios chi nduqꞌet tzij pa ruwiꞌ ri xkamisan richin.

Hebreos 7:22

Y rikꞌin ri keriꞌ xubꞌen jurar ri Dios, ja ri Jesús ri etal chi kin ndikꞌachaj wi ri pacto rubꞌanun ri Dios qikꞌin roj ri qataqin, y re kꞌakꞌakꞌ pacto reꞌ más jabꞌel chuwech ri nabꞌey.

2 Corintios 3:14

Pero ri nuwinaqul israelitas xtzꞌapitej ruwech ri kinoꞌoj, romariꞌ ma xkikꞌoxomaj ta rubꞌeyal reꞌ, y kꞌa keriꞌ kibꞌanun wokami. Atoq ndibꞌan leer ri ojer pacto chikiwech, ma ndikikꞌoxomaj ta, xa kin achel tzꞌapin kiwech rikꞌin ri kꞌul riꞌ, porque kꞌaja na atoq jun ndabꞌen rikꞌin ri Cristo, ndel e ri kꞌul riꞌ.

1 Corintios 15:45

Achel tzꞌibꞌan kan chupan ri rutzij ri Dios ri ndubꞌij: Ri nabꞌey achi xubꞌiniꞌaj Adán, xyoꞌox rukꞌaslen chochꞌulew, keriꞌ tzꞌibꞌan kan. Pero ri rukꞌisibꞌel Adán, rijaꞌ Espíritu ri ndiyoꞌon kꞌaslen, y riꞌ ja ri Jesucristo.

Romanos 3:20

Roma kꞌa riꞌ, maske jun wineq ndubꞌen ri ndubꞌij ri ley, ma roma ta riꞌ ma jun rumak ndireqalej chuwech ri Dios, porque ri ley ndukꞌut chiqawech chi roj qonojel roj aj mak.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

San Lucas 22:20

Atoq xewaꞌ yan, xutzꞌen chuqaꞌ ri copa chin ri Pascua, y xubꞌij: Ri vino kꞌo chupan re copa reꞌ, jareꞌ ri nukikꞌel ri ndibꞌiyin cho cruz chin kꞌo utz ndukꞌen pe chiwa. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ndubꞌen ri Dios kikꞌin ri wineq.

1 Corintios 11:25

Atoq xewaꞌ yan, xutzꞌen chuqaꞌ ri copa chin ri Pascua y xubꞌij: Ri vino kꞌo chupan re copa reꞌ, jareꞌ ri nukikꞌel ri ndibꞌiyin cho cruz, rajel ri nitaj riyin chin nditzꞌukutej e ri kꞌakꞌakꞌ pacto ndubꞌen ri Dios kikꞌin ri wineq, y nojel teq mul xtitij, tibꞌanaꞌ chin ndikꞌuxlaꞌaj chi xiken iwoma, xchajeꞌ ri Ajaw.

San Mateo 13:52

Y ri Jesús xubꞌij chake: Roma rix ndibꞌij chi ndikꞌoxomaj, romariꞌ nibꞌij chiwa: Nojel tijonel chin ri ley ri xyoꞌox chare ri Moisés ri rutijon pe riꞌ chirij ri ru-reino ri aj chikaj Dios, ri tijonel riꞌ achel jun rajaw achoch ri kꞌo kꞌakꞌakꞌ y ojer teq bꞌeyomal ruyakon y atoq ndikꞌatzin, ngerelesaj pe chin ngerukusaj.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

1 Timoteo 4:6

Y rat Timoteo, si ngaꞌatijoj ri hermanos rikꞌin ri tijonik nitzꞌibꞌaj e chawa, kin ndiqꞌalajin chi rat jun utzulej rusamajel ri Cristo Jesús, ri kin kꞌiyineq pa awánima ri utzulej teq tijonik awoqan pe pa akꞌaslen y kꞌiyineq chuqaꞌ pa awánima ri utzulej teq tzij ri rubꞌanun chawa chi akuqubꞌan akꞌuꞌx rikꞌin ri Cristo Jesús.

Efesios 3:7

Y roma ri favor rusipan ri Dios chuwa rikꞌin ri nimalej ruchuqꞌaꞌ ri ndisamej pa nukꞌaslen, yin okuneq rusamajel chin nitzijoj ri utzulej teq tzij chin kolotajik.

Gálatas 3:21

Nojel reꞌ ndubꞌij tzij chi ri ley xuyaꞌ ri Dios chare ri Moisés, ma xuyuj ta ri rusujun ri Dios chare ri Abraham. Porque xa ta ri ley nditiker nduyaꞌ ri kꞌaslen ma ndikꞌis ta, ndubꞌen ta chuqaꞌ chaqe chi nixta jun qamak ndiqeqalej chuwech ri Dios.

2 Corintios 3:7

Y ri ley ri ndubꞌij chi ndiqaqa kamik pa kiwiꞌ ri ngebꞌanun mak, xtzꞌibꞌex chuwech tzꞌalen teq abꞌej, y xqꞌalajin chi kin kꞌo nimalej ruqꞌij atoq xyoꞌox chare ri Moisés. Romariꞌ ri israelitas ma xetiker ta xkitzꞌet ruwech ri Moisés, porque kin ndiyikꞌilan ri ruwech y ri yikꞌinik riꞌ xa eqal-eqal xkꞌis qa chiruwech ri Moisés.

1 Corintios 12:28

Y ri Dios chin ndibꞌanatej ri rusamaj chiqakajal roj ri qataqin chik ri Cristo, xeruyaꞌ jalajaj teq samajelaꞌ: Nabꞌey xojruyaꞌ roj, ri roj apóstoles, rukan ri ngeqꞌalajrisan ri ndubꞌij pe ri Dios pa kánima, rox ri tijonelaꞌ, chirij riꞌ ri ngebꞌanun milagros, chirij riꞌ xeruyaꞌ ri yoꞌon chake loqꞌolej teq sipanik chin ngekikꞌachojrisaj ri ngeyawej, y chuqaꞌ ri ngetoꞌon kichin ri ndikꞌatzin kitoꞌik. Xeruyaꞌ chuqaꞌ ri eyoꞌon pa kiwiꞌ ri hermanos chin ndibꞌanatej ri jalajaj ruwech rusamaj ri Dios chikikajal y chuqaꞌ ri ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin.

1 Corintios 3:5

¿Achike kꞌa más ri Apolos, y achike kꞌa más riyin Pablo ndibꞌij rix? Roj, xa roj ok rusamajelaꞌ ri Dios, ri xojrukusaj chin xitaqij ri Ajaw. Y chiqajununal xyoꞌox chaqe achike chi samaj xqabꞌen chiꞌikajal y jariꞌ ri xqabꞌen.

Romanos 4:15

Pero ma ke ta riꞌ, porque atoq ma ndinimex ta ri ndubꞌij ri ley, riꞌ ndukꞌen pe ri castigo nduyaꞌ ri Dios, pero apeꞌ maneq ley yoꞌon kan chin ndinimex, maneq cheꞌel ndiqꞌajox.

San Juan 5:21

Keriꞌ nibꞌij chiwa porque achel ri Tataꞌaj Dios ngerukꞌastajbꞌaꞌ ri animaꞌiꞌ y nduyaꞌ chik kikꞌaslen, keriꞌ chuqaꞌ yin ri Rukꞌajol, niyaꞌ kikꞌaslen ri achoq chake niwojoꞌ niyaꞌ.

Marcos 14:24

Y xubꞌij chake: Jareꞌ ri nukikꞌel ri ndibꞌiyin koma santienta wineq. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

San Mateo 26:28

Jareꞌ ri nukikꞌel ri ndibꞌiyin koma santienta wineq chin ndikuyutej kimak. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

2 Corintios 3:9

Porque si ri ojer pacto ri xa castigo ndukꞌen pe xqꞌalajin chi kin kꞌo nimalej ruqꞌij, más nimalej ruqꞌij ri kꞌakꞌakꞌ pacto ri ndubꞌen chi nixta jun qamak ndiqeqalej chuwech ri Dios.

Romanos 4:17

Achel ndubꞌij ri tzꞌibꞌan kan, atoq ri Dios kereꞌ xubꞌij chare ri Abraham: Nibꞌen chawa chi rat tataꞌatz pa kiwiꞌ santienta jalajaj kiwech wineq. Keriꞌ tzꞌibꞌan kan. Y ri Abraham xutaqij ri xbꞌix chare roma ri Dios ri ndiyoꞌon kikꞌaslen ri animaꞌiꞌ, y ndibꞌanun chi ngekꞌojeꞌ ri kꞌajani kekꞌojeꞌ.

Romanos 1:5

Y roma ri xubꞌen ri Jesucristo, y chin ndinimrisex rubꞌiꞌ, xyoꞌox favor chaqe chin xojok ru-apóstoles y romariꞌ ndiqatzijoj chake ri jalajaj kiwech wineq chochꞌulew chi tikitaqij rijaꞌ y tikinimaj rutzij.

1 Juan 1:1

Re wuj re nitzꞌibꞌaj e chiwa, ndichꞌaꞌa pa ruwiꞌ ri Jun ri kin xixkꞌo wi atoq kꞌajani tibꞌan ri kaj y ri rochꞌulew. Y roj ri roj apóstoles kin rikꞌin qawech xqatzꞌet rijaꞌ, rikꞌin qaxikin xqakꞌaxaj ri xubꞌij, y rikꞌin qaqꞌaꞌ xqatzꞌen. Y ri achoq pa ruwiꞌ ngojchꞌaꞌa, ja ri Jun ri ndiqꞌalajrisan runoꞌoj ri Dios y nduyaꞌ kꞌaslen.

2 Timoteo 1:11

Y ri Dios xiruchaꞌ yin chin xinok apóstol, tijonel y tzijoy richin ri utzulej teq tzij riꞌ.

Efesios 2:5

Keriꞌ ndiqꞌalajin, porque atoq kꞌa roj kamineq pa mak xubꞌen chaqe achel xubꞌen chare ri Cristo. Xuyaꞌ chik rukꞌaslen ri Cristo y xuyaꞌ chuqaꞌ kꞌakꞌakꞌ qakꞌaslen roj ri roj kamineq pa qamak. Kin roma ri favor ruyoꞌon ri Dios pa iwiꞌ, rix kolotajneq.

1 Corintios 3:10

Yin roma ri favor ruyoꞌon ri Dios chuwa, xinok jun ri retaman nduyaꞌ ruxeꞌ ri jay riꞌ. Yin xintik qa ri ruxeꞌ y chꞌaqa chik samajelaꞌ ngetajin rikꞌin ri samaj pariꞌ ruxeꞌ ri jay riꞌ, pero chikijununal ndikꞌatzin ndikitzꞌet utz-utz achike rubꞌanik ndikibꞌen chare ri jay.

Efesios 2:1

Rubꞌanun kan, rix kamineq chupan ri imak y ri itzel teq achike xeꞌibꞌanalaꞌ.

2 Corintios 3:3

Kin ndiqꞌalajin chi rix, rix achel jun wuj taqon roma ri Cristo, y ja roj ri roj rukusan ri Dios chin keriꞌ ri wuj riꞌ nditzꞌetetej koma ri wineq. Y ma tzꞌibꞌan ta chuwech tzꞌalen teq abꞌej, nixta rikꞌin tzꞌibꞌabꞌel, xa kin rikꞌin ri Espíritu chin ri Kꞌaslik Dios tzꞌibꞌan pa kánima ri kitaqin rijaꞌ.

2 Corintios 11:23

Rejeꞌ nim ndikinaꞌ chare roma ndikibꞌij chi erusamajelaꞌ ri Cristo. Pero riyin kꞌo cheꞌel más nim ninaꞌ chare porque kꞌo más samaj chin ri Cristo nubꞌanun ke chikiwech rejeꞌ, maske atoq keriꞌ nibꞌij, xa yin achel jun wineq ri ngerubꞌilaꞌ tzij ri ma erunojin ta. Riyin más nutijon nuqꞌij nibꞌen rusamaj ri Cristo, más kꞌiy mul yin tzꞌapin pa cheꞌ, más kꞌiy mul yin roqon y kꞌiy mul jubꞌama yin kamisan.

Hebreos 8:13

Y atoq ri Dios ndichꞌaꞌa pa ruwiꞌ jun kꞌakꞌakꞌ pacto, riꞌ ndubꞌij tzij chi xubꞌen chare ri nabꞌey pacto chi ma ndikꞌatzin chi ta, y qetaman chi ri ma ndikꞌatzin chi ta, y nditziaqur qa, jubꞌaꞌ chik ndirajoꞌ chin ndikꞌis ruqꞌij.