2 Corintios 13:5 - Kaqchikel Santo Domingo (Xenacoj)

⁵ Tinikꞌoj utz-utz ri ikꞌaslen chin nditzꞌet si qetzij itaqin ri Jesucristo. ¿Ma ndiyaꞌ ta kꞌa cuenta chare chi rijaꞌ kꞌo pa iwánima? O rikꞌin jubꞌaꞌ atoq ndinikꞌoj ri ikꞌaslen, xa ndinaꞌ qa iwiꞌ chi ma itaqin ta rijaꞌ.

နောက်ထပ်ဗားရှင်းများ

Kaqchikel Santa Maria de Jesus

⁵ Vacame titzꞌata-ka-iviꞌ ixreꞌ, xa ketzij chi cukul icꞌuꞌx riqꞌuin ri Jesucristo. ¿O xa man ivataꞌn ta cꞌa chi ri Jesucristo cꞌo riqꞌuin ivánima? Ri Jesucristo cꞌo iviqꞌuin; pero xa ixreꞌ ketzij chi iniman.

Kaqchiquel Bible

⁵ Jak'a re wakami, kan titzu-qa-iwi', wi kan qitzij chi kuqul ik'u'x rik'in ri Cristo. Titz'eta-qa iwi' jebel. ¿Man iwetaman ta k'a chi ri Jesucristo k'o pa taq iwánima? ¡Xaxe wi man iya'on ta kan chi nikuquba-ik'u'x rik'in!

Kaqchikel Central Guatemala

⁵ Jac'a re vacami can titzu' na c'a ka ivi' rix, vi can kitzij chi cukul ic'u'x riq'uin ri Jesucristo. ¿O xa can man ivetaman ta chi ri Jesucristo c'o pa tak ivánima? Yin ninbij chi xaxe vi man iniman ta, man c'o ta ri Jesucristo iviq'uin y man ix ruc'ulun ta.

Re C'ac'a Testamento pa Kach'abal

⁵ Vocame titzu-ka-ivi' yex mismo, vo xa can katzij che ibanon confiar-ivi' riq'uin re Jesucristo. Y yex can itaman che re Jesucristo c'o pa tak ivánma. Yen nimbij che vo xa man iniman-ta, man c'o-ta re Jesucristo pa tak ivánma, ndel che tzij che xa chak nibij che iniman.

Kaqchikel Western Solola

⁵ Yac'a re wacami can tina' c'a ka iwi' riyix, wi can kitzij chi cukul ic'u'x riq'ui ri Jesucristo. ¿O xa ma iwetaman ta chi ri Jesucristo c'o chic pa tak iwánima? C'o na c'a, wi kas kitzij chi iniman chic ri Jesucristo.

2 Corintios 13:5 ပူးပေါင်းရင်းမြစ်များ

1 Corintios 11:28

Romariꞌ, chiqajununal tiqanikꞌoj utz-utz ri kꞌo pa qánima, y kꞌateriꞌ tiqakꞌuxuꞌ ri kaxlan wey y tiqatijaꞌ ri vino kꞌuxlabꞌel rukamik ri Ajaw.

1 Corintios 9:27

Porque riyin niyaꞌ pa kꞌayew ri nu-cuerpo y nibꞌen chare chi tunimaj nutzij, porque ma kꞌateꞌ xa xkinelesex kan pa maratón, maske enutijon ekꞌiy chin ndikil ri rajel-rukꞌexel nduyaꞌ ri Dios.

Apocalipsis 2:5

Romariꞌ takꞌuxlaꞌaj ri kꞌaslen akꞌuan pa nabꞌey, tajalaꞌ anoꞌoj y titzolij pe awánima wikꞌin, y tabꞌanaꞌ achel xabꞌen pa nabꞌey. Si ma ke ta riꞌ xtabꞌen, ngibꞌa qa apeꞌ ratkꞌo, y niwelesaj e ri a-candelero pa rukꞌojlibꞌel.

Gálatas 6:4

Roma kꞌa riꞌ, chiqajununal tiqatzꞌetaꞌ si utz ri ngojtajin rikꞌin. Si utz, kꞌo cheꞌel ndikikot qánima, y ma ndikꞌatzin ta ndiqajunumaj ri qasamaj rikꞌin ri samaj rubꞌanun jun chik.

Hebreos 12:15

Titoꞌ iwiꞌ rix iwonojel, chin man ta kꞌo jun chiꞌikajal ri ma xtiril ta ri favor nduyaꞌ ri Dios. Ma kꞌateꞌ xtalex pe jun kꞌayilej noꞌoj chiꞌikajal ri ndukꞌen pe kꞌayew chiwa y xa nduchꞌabꞌaqrisaj kikꞌaslen ekꞌiy.

1 Corintios 11:31

Xa ta roj ndiqanikꞌoj utz-utz ri kꞌo pa qánima, ma ndiqaqa ta pa qawiꞌ ri castigo nduyaꞌ ri Dios.

Tito 1:16

Ndikibꞌij chi ketaman runoꞌoj ri Dios, pero roma ri itzel ndikibꞌanalaꞌ, kin ndiqꞌalajin chi xa maneq Dios pa kiwech. Xa ndimulu rukꞌuꞌx ri Dios rikꞌin ri itzel ngetajiyaj. Ma ngeniman ta y ma jun kikꞌaꞌtz chin ndikibꞌen ri utz.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

San Juan 14:23

Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

Romanos 8:10

Pero si kꞌo ri Cristo pa iwánima, maske ri i-cuerpo ndiken e roma ri mak, ri iwánima kꞌo rukꞌaslen, porque ri Dios rubꞌanun chiwa chi nixta jun imak iweqalen chuwech rijaꞌ.

Hebreos 4:1

Romariꞌ, tiqabꞌanaꞌ cuenta ri qakꞌaslen, utz chi kꞌa kꞌo cheꞌel ngojok chupan ri uxlanen rusujun ri Dios. Ma kꞌateꞌ ekꞌo jujun chiꞌikajal ri ma xkeꞌok ta chupan ri uxlanen riꞌ.

1 Corintios 9:24

Rix iwetaman chi pa jun maratón, konojel ndikitij kiqꞌij chin ndikichꞌek ri premio ndiyoꞌox, pero xaxe jun ri ndichꞌakon richin. Keriꞌ kꞌa chuqaꞌ rix, titijaꞌ iqꞌij chi pa ruchojmil tikꞌuaj ri ikꞌaslen, chin keriꞌ ndichꞌek ri nduyaꞌ ri Dios chiwa chikaj.

1 Corintios 3:16

¿Ma iwetaman ta kꞌa chi rix ri itaqin ri Cristo, rix rachoch ri Dios y ri Espíritu chin ri Dios kꞌo pa iwánima?

San Juan 15:4

Rix jumul xe jun tibꞌanaꞌ wikꞌin, y riyin jumul ngikꞌojeꞌ pa iwánima. Porque kin achel ruqꞌaꞌ jun raqen uva maneq cheꞌel ruyon ta chuwech ndiwachin si ma jun ta rubꞌanun rikꞌin ri raqen uva, keriꞌ chuqaꞌ rix, maneq cheꞌel xtiwachin ri ikꞌaslen si ma jumul ta xe jun ibꞌanun wikꞌin.

Tito 2:2

Ri rijilej teq achiꞌaꞌ ndikꞌatzin chi kereꞌ ndiqꞌalajin pa kikꞌaslen: Ketaman ndikijekꞌ kiꞌ rikꞌin ri ndikibꞌij y ri ndikibꞌen, ndikikꞌuaj jun kꞌaslen ri utz nditzꞌetetej koma ri wineq, ndikinojij utz-utz ri ndikibꞌen, kuqul kikꞌuꞌx rikꞌin ri utzulej teq tijonik ruyoꞌon ri Dios ri kꞌutun kan chikiwech, ngeꞌojowan y ngekochꞌon chupan ri kꞌayew ndikiqꞌasaj pa kikꞌaslen.

Efesios 3:17

Nikꞌutuj chuqaꞌ chare chi ri Cristo ndikꞌojeꞌ jumul pa iwánima, roma kuqul ikꞌuꞌx rikꞌin, y chi ndikꞌojeꞌ chuqaꞌ ruxeꞌ ri ikꞌaslen chupan ri ajowabꞌel,

San Juan 17:26

Riyin nuqꞌalajrisan achike rat chikiwech, y kꞌa ngatinqꞌalajrisaj más chikiwech, chin keriꞌ ri ajowabꞌel ri achoq ikꞌin nganawojoꞌ, ndikꞌojeꞌ pa kánima rejeꞌ y riyin chuqaꞌ ngikꞌojeꞌ pa kánima.

San Juan 17:23

Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.

Santiago 4:4

¡Rix ma xe ta chare ri Dios iyoꞌon ri iwánima! ¿La ma iwetaman ta kꞌa si ndibꞌa iwánima chirij ri ndusuj ri rochꞌulew, rix yakatajneq chirij ri Dios? Romariꞌ konojel ri ndibꞌa kánima chirij ri ndusuj ri rochꞌulew, kin eyakatajneq chirij ri Dios.

Colosenses 2:7

Jumul titikeꞌ ri ikꞌaslen rikꞌin, achel jun cheꞌ nej bꞌaneq qa ruxeꞌ, o achel jun achoch ri jabꞌel ruxeꞌ yoꞌon, y jumul tikuqubꞌaꞌ ikꞌuꞌx rikꞌin achel ri kꞌutun kan chiwech, y jumul tinoj iwánima rikꞌin matioxinik chare ri Dios.

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

Gálatas 4:19

Rix ri kin achel rix walkꞌuaꞌl keriꞌ, iwoma ninaꞌ chik jumbꞌey qꞌaxon pa wánima, y nijunumaj re qꞌaxon reꞌ rikꞌin ri qꞌaxomal nduqꞌasaj jun ixaq atoq ndalan, y ndikꞌis e, hasta kꞌa tiqꞌalajin na ri utzulej runoꞌoj ri Cristo pa ikꞌaslen.

2 Corintios 6:16

Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan: Ri yin kitaqin, nibꞌen wachoch chare ri kánima y ngikꞌojeꞌ chikikajal, Riyin nginok ki-Dios, Y rejeꞌ ngeꞌok nutinamit.

1 Corintios 6:19

Tikꞌuxlaꞌaj kꞌa chi ri i-cuerpo rachoch ri Espíritu Santo, y ja ri Dios yoyon pe ri Espíritu Santo pa iwánima. Y romariꞌ, rix ma rix rajaw chi ta ri i-cuerpo,

1 Corintios 6:2

Rix iwetaman chi nderilaꞌ ri qꞌij atoq ri loqꞌolej rutinamit ri Dios ndikiqꞌet tzij pa kiwiꞌ ri wineq, y si kin keriꞌ xtibꞌen, ¿achike roma ma ngixtiker ta ndibꞌen kikꞌojlen ri hermanos ri kꞌo chꞌuteq oyowal chikiwech?

San Juan 6:56

Ri ndikꞌuxu ri nu-cuerpo y ndutij ri nukikꞌel, jumul xe jun rubꞌanun wikꞌin y riyin jumul ngikꞌojeꞌ pa ránima.

San Juan 6:6

Rijaꞌ keriꞌ xubꞌij chare ri Felipe, xe chin ndutojtobꞌej achike na kꞌa ri xtubꞌij, porque ri Jesús kin retaman wi ri achike ndubꞌen chin ngerutzuq ri wineq.

1 Pedro 5:9

Tipabꞌaꞌ iwiꞌ chuwech ri itzel, rikꞌin jabꞌel kuqul ikꞌuꞌx rikꞌin ri Dios, porque iwetaman chi nojel apeꞌ pariꞌ ri rochꞌulew, ri qa-hermanos ndikiqꞌasaj kꞌayew achel ri ndiqꞌasaj rix wokami.

Hebreos 6:8

Pero ri wineq ri ndikimalij kan ri Dios, xa eꞌachel jun ulew ri ma jun rikꞌaꞌtz, porque xa qꞌayis y kꞌix ngebꞌeꞌel pe chuwech. Jun ulew achel riꞌ xa itzel nditzꞌat y pa rukꞌisibꞌel xa ndikꞌatisex nojel ruwech.

1 Corintios 6:15

Rix iwetaman chi ri i-cuerpo okuneq ruqꞌa-raqen ri Cristo. ¿Utz kami chi yin o jun ta chik achi ri okuneq ruqꞌa-raqen ri Cristo ndirelesaj e riꞌ rikꞌin ri Cristo chin ndikꞌojeꞌ rikꞌin jun ixaq ri ndukꞌayilaꞌ riꞌ chake achiꞌaꞌ? ¡Ma utz ta!

Romanos 1:28

Y roma xkichaꞌ chi ma ndikiyaꞌ ta pa cuenta ri ketaman pa ruwiꞌ ri Dios, ri Dios xerujech chupan ri itzel teq achike ndikinojilaꞌ chin ndikibꞌanalaꞌ ri ma utz ta chin ndibꞌan.

Tito 1:13

Y kin qetzij ri xubꞌij kan. Roma kꞌa riꞌ, rat Tito, kaꞌachꞌolij chin tikiyaꞌ kan nojel ri tijonik ri ma pa rubꞌeyal ta y tikitaqij ri qetzij.

2 Timoteo 3:8

Y kin achel ri Janes y ri Jambres ojer kan xkipabꞌaꞌ kiꞌ chuwech ri Moisés, keriꞌ chuqaꞌ ri achiꞌaꞌ ri ngeꞌok pa teq achoch, ndikipabꞌaꞌ kiꞌ chuwech ri qetzij. Suqꞌurneq kinoꞌoj roma ri itzel ngekinojilaꞌ. Ndikibꞌananej chi kitaqin ri Dios, pero xa ma ke ta riꞌ.

1 Timoteo 2:15

Pero ri ixoqiꞌ kin ngekolotej wi, roma ngeꞌalan, si jumul kuqul kikꞌuꞌx rikꞌin ri Dios, si ngeꞌojowan, si ndikikꞌuaj jun loqꞌolej kꞌaslen, y si ndikibꞌen ri rukꞌulun chi ndikibꞌen.

Colosenses 2:19

Ri wineq riꞌ, ma jun ta kánima kibꞌanun rikꞌin ri Cristo ri ukꞌuey bꞌey qichin roj ri qataqin rijaꞌ y roj okuneq ru-cuerpo. Ri Cristo nduyaꞌ ri ndikꞌatzin chare ri qakꞌaslen chin ngojkꞌiy achel ndirajoꞌ ri Dios. Roj achel jun cuerpo ri kin jabꞌel rutunun y ruyuqen riꞌ ri rubꞌochꞌil chin ndikꞌiy utz-utz.