2 Corintios 12:17 - Kaqchikel Santo Domingo (Xenacoj)

¹⁷ ¿Xenkusaj kami ri hermanos xenteq chiꞌitzꞌetik chin xixinchꞌakatij? Ma ke ta riꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁷ ¿Acaso xa jun chiquivach ri xaꞌntak-pa iviqꞌuin ri xincusaj chi xixꞌan engañar?

Kaqchiquel Bible

¹⁷ ¿Xixinq'ol kami yin rik'in jun chike ri qach'alal ri xenteq chila' iwik'in?

Kaqchikel Central Guatemala

¹⁷ Pero rix jebel ivetaman chi man que ta ri'. ¿O xixink'ol cami yin riq'uin jun chique ri kach'alal ri xentek chila' iviq'uin?

Re C'ac'a Testamento pa Kach'abal

¹⁷ Pero yex jabal itaman che man quire-ta. Roma man jun chique re hermanos re xintak-a iviq'uin re xixruk'ol chin c'o mero xulisaj chi'ik'a'.

Kaqchikel Western Solola

¹⁷ Pero riyix jabel iwetaman chi ma que ta ri'. ¿O la xixink'ol cami riyin riq'ui jun chique ri kach'alal ri xentek chila' iwuq'ui?

2 Corintios 12:17 ပူးပေါင်းရင်းမြစ်များ

2 Corintios 12:18

Chare ri Tito xinkꞌutuj chi xixbꞌerutzꞌetaꞌ y rikꞌin rijaꞌ xinteq ri jun chik hermano. ¿Xbꞌerelesaj kami méra chiꞌiqꞌaꞌ ri Tito? Ma ke ta riꞌ. Porque junan qánima y qanoꞌoj qabꞌanun rikꞌin ri Tito pa rusamaj ri Ajaw.

2 Corintios 9:5

Romariꞌ, xinnaꞌ chi xkꞌatzin xinkꞌutuj kamelal chake ri hermanos chi nabꞌey kebꞌa apeꞌ rixkꞌo rix chin ndekikꞌisaꞌ rumolik ri ofrenda ri xe junabꞌir ibꞌiꞌin chi ndiyaꞌ. Y keriꞌ ndiqꞌalajin chi ri ma jubꞌaꞌ ta ok ofrenda ri ndiyaꞌ, pa iwánima rix xalex pe, y ma roma ta ja roj ngojkꞌutun chiwa.

1 Corintios 16:10

Atoq ndeqaqa ri hermano Timoteo, tibꞌanaꞌ chi rijaꞌ utz ndunaꞌ chare atoq kꞌo chiꞌikajal, porque rijaꞌ ndubꞌen chuqaꞌ rusamaj ri Ajaw, achel riyin.

1 Corintios 4:17

Romariꞌ xinteq ri Timoteo apeꞌ rixkꞌo. Rijaꞌ kin achel walkꞌuaꞌl, tzꞌan niwojoꞌ y kin ndubꞌen ri ndubꞌij ri Ajaw. Ja rijaꞌ ndekꞌuxlaꞌan chiwa ri achike chi kꞌaslen nukꞌuan roma xe jun nubꞌanun rikꞌin ri Cristo Jesús, achel nikꞌut nojel teq apeꞌ chikiwech ri eralkꞌuaꞌl ri Dios ri ndikimal kiꞌ pa rubꞌiꞌ.

Marcos 5:26

Ri ixaq riꞌ santienta qꞌaxon ruqꞌasan pe roma ri jalajaj teq achike kibꞌiꞌin pe ekꞌiy aqꞌomanelaꞌ chin ta ndikoqꞌomaj, rukꞌison chik nojel ri ruchajin y nixta jun aqꞌon kꞌachojrisayon richin, xa qꞌij-qꞌij más kꞌayew rubꞌanun qa pa ruqꞌaꞌ ri ruyabꞌil.