2 Corintios 12:1 - Kaqchikel Santo Domingo (Xenacoj)

¹ Hermanos, riyin wetaman chi nixta jun utz ndukꞌen pe si niyaꞌ nuqꞌij, pero roma rix kin ndiqaꞌ chiwech ngeꞌiwakꞌaxaj ri ndikiyalaꞌ kiqꞌij, riyin chuqaꞌ niyaꞌ jubꞌaꞌ nuqꞌij y ngichꞌaꞌa pa ruwiꞌ ri achel teq achikꞌ y ri nojel teq achike ruqꞌalajrisan ri Ajaw.

နောက်ထပ်ဗားရှင်းများ

Kaqchikel Santa Maria de Jesus

¹ Y can ketzij, chi man otz ta chi inreꞌ nuyuon niya-ka nukꞌij. Pero vacame nivajoꞌ nquichꞌoꞌ jubꞌaꞌ chirij ri xucꞌut ri Ajaf chupan jun incheꞌl achicꞌ, y nicꞌaj chic kax ri xaꞌruꞌej chuva.

Kaqchiquel Bible

¹ Y kan qitzij wi chi man ruk'amon ta ninya-qa nuq'ij. Jak'a wakami yin xkich'on juba' chirij ri achik' y ronojel ri nuk'ut ri ajaw chinuwech.

Kaqchikel Central Guatemala

¹ Y can kitzij vi chi man ruc'amon ta chuve yin chi ninya' nuk'ij. Pero vacami yin xaxe c'a yich'on juba' chirij ri nuc'ut ri Ajaf chuvech ri niniman richin. Roma can c'o c'a ri nuc'ut chuvech pan achi'el tak achic', y c'o chuka' yeruk'alajirisaj chuvech.

Re C'ac'a Testamento pa Kach'abal

¹ Y can katzij-va che man ruc'amon-ta che yen mismo ninya-ka nuk'ij. Pero vocame xaxe yinch'o ba' chij re nuc'ut re Ajaf chach re niniman richin, roma can c'o re nuc'ut chach pan ancha'l achic' y chuka' c'o ye'rusekresaj chach.

Kaqchikel Western Solola

¹ Y can kitzij wi chi ma ruc'amon ta chi riyin nya' nuk'ij. Pero wacami riyin xaxu (xaxe wi) c'a nwajo' ntzijoj juba' ri xuc'ut ri Ajaf chinuwech pa jun achi'el achic'. Y nwajo' chuka' ntzijoj ri ye ruk'alajsan chinuwech.

2 Corintios 12:1 ပူးပေါင်းရင်းမြစ်များ

Gálatas 1:12

Porque riyin ma jun ta wineq waweꞌ chochꞌulew xbꞌiꞌin chuwa o xirutijoj rikꞌin. Xa kin ja ri Jesucristo ri xqꞌalajrisan chinuwech.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.

2 Corintios 12:7

Kin nimalej teq achike ri xeqꞌalajrisex chinuwech chupan ri achel teq achikꞌ. Y chin ma tinyaꞌ más nuqꞌij, ri Ajaw xuyaꞌ qꞌij chare ri itzel chi xuyaꞌ jun achel kꞌix pa nu-cuerpo ri ngiruyaꞌ pa kꞌayew chin ma ninimrisaj ta más wiꞌ.

Gálatas 2:2

Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

2 Corintios 12:11

Qetzij wi kin achel yin jun achi ri ma ndunojij ta ri ngerubꞌilaꞌ ngiqꞌalajin chiwech, pero ja rix ri xixok chuwa chi xkꞌatzin xinyaꞌ jubꞌaꞌ nuqꞌij. Porque ja ta rix ri xkꞌatzin chi xibꞌij chi kꞌo nuqꞌij, roma riyin ma wíta ta weqalen ke chikiwech ri ndikibꞌij chi enimalej teq apóstoles. Keriꞌ nibꞌij chiwa maske wetaman chi maneq ok nuqꞌij.

2 Corintios 8:10

Wokami nibꞌij chiwa ri ninojij riyin pa ruwiꞌ ri ofrenda ndimal, porque riꞌ kin kꞌo utz ndukꞌen pe chiwa. Rix xe junabꞌir ma xe ta xiwojoꞌ xiyaꞌ, xa kin rikꞌin nojel iwánima xitzꞌuk rumolik.

1 Corintios 10:23

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma nojel ta ndubꞌen chaqe roj ri qataqin ri Ajaw chi ngojkꞌiy pa qakꞌaslen.

Hechos 23:11

Chukan aqꞌaꞌ, ri Ajaw xuqꞌalajrisaj riꞌ chuwech ri Pablo y xubꞌij chare: ¡Tikꞌojeꞌ ruchuqꞌaꞌ ri awánima! Porque achel xayaꞌ utzulej nutzijol chireꞌ pa tinamit Jerusalén, keriꞌ ndikꞌatzin ndabꞌen chuqaꞌ pa tinamit Roma, xchajeꞌ.

Hechos 18:9

Pa jun tokoqꞌaꞌ, pa jun achel achikꞌ, ri Ajaw kereꞌ xubꞌij chare ri Pablo: Ma taxibꞌij awiꞌ, ma kataneꞌ chutzijoxik ri utzulej teq tzij chin kolotajik.

San Juan 16:7

Pero riyin ja ri qetzij nibꞌij: Chiwa rix más kꞌo utz ndukꞌen pe ri ngibꞌa riyin, porque si ma xkibꞌa ta, ma nduqaqa ta ri Bꞌochinel. Pero si ngibꞌa, niteq pe iwikꞌin.

1 Corintios 6:12

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma xtinbꞌen ta jun achike ri ndubꞌen chuwa chi ngiqaqa pa ruqꞌaꞌ.

San Juan 18:14

Y ja ri Caifás ri bꞌiyon chake ri achiꞌaꞌ israelitas kꞌo uchuqꞌaꞌ pa kiqꞌaꞌ chi más utz chake chi xe jun achi ndiken pa rukꞌexel ri tinamit.

Efesios 3:3

Achel xintzꞌibꞌaj yan jubꞌaꞌ chiwa, chi ri Dios xuqꞌalajrisaj chinuwech ri rubꞌanun pe ruwech pa iwiꞌ, ri ewan rubꞌeyal ojer kan, pero wokami xqꞌalajrisex.

1 Corintios 14:6

Wokami hermanos, si riyin ngibꞌa apeꞌ rixkꞌo y ngichꞌaꞌa chiwa pa jun chꞌabꞌel ri ma nutijon ta wiꞌ rikꞌin, ma jun ndikꞌatzin chiwa ri ngixbꞌentzꞌetaꞌ, porque ma ndikꞌoxomaj ta ri nebꞌij chiwa. Pero si pa ichꞌabꞌel niyaꞌ kan rubꞌixik ri ruqꞌalajrisan ri Dios chinuwech, o ngichꞌaꞌa jun nimalej etamabꞌel pataneq rikꞌin ri Dios, o niqꞌalajrisaj kan ri ndubꞌij pe ri Dios pa wánima, o niyaꞌ kan jun tijonik pa ruwiꞌ ri rutzij ri Dios, si keriꞌ nibꞌen, kin kꞌo ndikꞌatzin wi ri ngixbꞌentzꞌetaꞌ.

2 Corintios 12:5

Riyin kꞌo cheꞌel niyaꞌ ruqꞌij ri achi riꞌ roma ri xbꞌerakꞌaxaj, pero nuyon chinuwech ma niyaꞌ ta qa nuqꞌij. Pero si niyaꞌ jubꞌaꞌ nuqꞌij, ngichꞌaꞌa pa ruwiꞌ ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ.

2 Corintios 12:9

Pero ri Ajaw rubꞌiꞌin chuwa: Kelaꞌ na tubꞌanaꞌ ri akꞌaslen. Maske maneq ok awuchuqꞌaꞌ, xa kin kꞌo ri nu-favor pa awiꞌ. Keriꞌ nibꞌij chawa porque ri wuchuqꞌaꞌ ndiqꞌalajin pa kikꞌaslen ri maneq ok kuchuqꞌaꞌ, xchajeꞌ. Romariꞌ, si niyaꞌ jubꞌaꞌ nuqꞌij, niyaꞌ nuqꞌij rikꞌin ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ, chin keriꞌ nditzꞌetetej ruchuqꞌaꞌ ri Cristo pa nukꞌaslen.

1 Tesalonicenses 4:15

Porque ri ndiqabꞌij chiwa wokami, ja ri rubꞌiꞌin kan ri Ajaw: Roj ri qataqin rijaꞌ ri kꞌa roj kꞌes chochꞌulew atoq nditzolij pe, ma ngojnabꞌeyaj ta e chikiwech ri ekamineq chik.