2 Corintios 11:20 - Kaqchikel Santo Domingo (Xenacoj)

²⁰ Y ngeꞌikachꞌ chuqaꞌ ri ngixkiyaꞌ chuxeꞌ kitzij, ri ngewaꞌ chiwij, ri ngixkichꞌakatij, ri nixta jun iweqalen ndikibꞌen y ri ndikitzꞌajilaꞌ iwech.

နောက်ထပ်ဗားရှင်းများ

Kaqchikel Santa Maria de Jesus

²⁰ Ixreꞌ can nquixtiquir nquiꞌcochꞌ ri vinak reꞌ y can otz ntinaꞌ chi niquiꞌan chiva chi ix incheꞌl qui-esclavos. Can otz chivach chi cꞌo niquichꞌec ijejeꞌ chivij y can ncaꞌuoc ivajaf, can man jun ivakalien chiquivach, y can niquipakꞌ ipalaj.

Kaqchiquel Bible

²⁰ Rix kan jebel k'a e itz'eton ri yebanon chiwe chi yixk'oje' chuxe' kitzij. Kan utz ina'on chi ye'ilon chiwij, chi kan ix kiq'olon y man jun iq'ij chikiwech. Chuqa' kan utz ina'on chi nikiya' q'a' chi'ipalej.

Kaqchikel Central Guatemala

²⁰ Rix can jebel c'a ina'on y jebel chuka' nitz'et chi c'o ri nibanon chive chi quixc'oje' chuxe' rutzij y nuben chive chi achi'el xa ix lok'on tak rusamajela'. Can utz chuka' nina' rix chi c'o jun ri najin chubik'ic (chubek'ic) ivichin, chi c'o ri nelesan chive ri c'o iviq'uin, chi c'o ri palibeyon ivichin y man jun ik'ij chuvech, y c'o chuka' niyo'on k'a' chi'ipalej. Rix can jebel c'a itz'eton ri'.

Re C'ac'a Testamento pa Kach'abal

²⁰ Yex can jabal c'a ina'on y jabal chuka' nitz'at che c'o jun vinak nibano mandar pan ive' y nuban chiva che ancha'l yixlak'on tak samajela' re nibex esclavos chique. Can otz chuka' nina' che c'o jun re ntajin chuq'uisic ivichin, che c'o jun re nilisan-a re cosas c'o iviq'uin, che c'o jun re nuban chiva che jumul manak ik'ij chach y hasta c'o re ye'quiyala' k'a' chi'ipalaj, y yex can jabal c'a nina' cha ronojel re'.

Kaqchikel Western Solola

²⁰ Riyix can jabel c'a ina'on y jabel chuka' nitz'et chi c'o ri nibano chiwe chi yix achi'el jun mozo ri ximil pa samaj riq'ui jun patrón. Can jabel chuka' ina'on riyix chi c'o jun ri ntajin yixruq'uis y nrelesaj el chiwe ri c'o iwuq'ui, chi c'o ri palbeyon iwuche (iwixin) y majun ik'ij chuwech, y c'o chuka' nipak'ilon ipalej chi k'a'. Riyix can jabel c'a itz'eton ri'.

2 Corintios 11:20 ပူးပေါင်းရင်းမြစ်များ

Gálatas 2:4

Ri Tito kin ma xbꞌan ta wi circuncidar, maske ekꞌo jujun achiꞌaꞌ ri xkajoꞌ keriꞌ. Rejeꞌ chilaqꞌel xeꞌok chiqakajal y kiqꞌabꞌan kiꞌ chi e-hermanos, pero xaxe chin ndikinachaj ri ndiqabꞌen roj ri xe jun qabꞌanun rikꞌin ri Cristo Jesús, si ndiqabꞌen o naq ri ndubꞌij ri ley xyoꞌox chare ri Moisés, roma xkajoꞌ xojkiyaꞌ chik chuxeꞌ ruchuqꞌaꞌ ri ley riꞌ.

Gálatas 5:1

Ri Cristo xojrelesaj chuxeꞌ ruchuqꞌaꞌ ri ley xyoꞌox chare ri Moisés chin xojel libre. Roma kꞌa riꞌ, kaw kixpeꞌeꞌ chupan ri libertad riꞌ, y ma tiyaꞌ chik iwiꞌ chuxeꞌ ruchuqꞌaꞌ ri ley riꞌ.

Gálatas 4:9

Pero wokami rix iwetaman chik ruwech ri Dios, o más utz ndiqabꞌij, chi ri Dios retaman iwech rix. Y roma keriꞌ, ¿achike roma ndiwojoꞌ ndiyaꞌ chik iwiꞌ chuxeꞌ ruchuqꞌaꞌ aj rochꞌulew costumbres ri xa maneq kuchuqꞌaꞌ chin ngixkikal y ma jun keqalen?

Gálatas 4:3

Keriꞌ chuqaꞌ roj israelitas jumbꞌey kan atoq kꞌajani tiqataqij ri Cristo, xojkꞌojeꞌ chuxeꞌ ruchuqꞌaꞌ ri aj rochꞌulew costumbres.

2 Corintios 1:24

Ma tibꞌij rix chi roj kin kꞌo uchuqꞌaꞌ pa qaqꞌaꞌ chin ndiqabꞌij chiwa achike ri utz chi nditaqij, ma ke ta riꞌ, porque rix kin kuqul chik ikꞌuꞌx utz-utz rikꞌin ri Cristo. Ri ndiqajoꞌ roj, ja ri ngixqatoꞌ chin ndikikot más iwánima.

San Lucas 6:29

Si kꞌo jun ndutzꞌej ri aqꞌoꞌtz, tayaꞌ chi apu ri jun aqꞌoꞌtz chuwech, y si kꞌo jun ndumej e ri kꞌul aqꞌuꞌun, tayaꞌ qꞌij chare chi ndukꞌuaj chuqaꞌ ri atziaq más kꞌo reqalen.

1 Tesalonicenses 2:5

Porque rix iwetaman, chi atoq xbꞌeqatzijoj ri rutzij ri Dios chiwa, ma xqayaꞌ ta iqꞌij rikꞌin jabꞌel teq tzij chin ta xqaqasaj ijolon, nixta xixqachꞌakatij chin ta xqelesaj méra chiꞌiqꞌaꞌ. Ri Dios kin retaman wi chi qetzij nojel ri ngojtajin chubꞌixik.

Filipenses 3:19

Ri wineq riꞌ pa qꞌaqꞌ ngebꞌekꞌis wi, y xa ja ri itzel teq rayinik chin ri ki-cuerpo ri okuneq ki-dios. Rejeꞌ nim ngekinaꞌ chare ri kꞌixbꞌel palej ngetajin rikꞌin, y xe ri achike chin re rochꞌulew ndikinojij.

Gálatas 6:12

Ri ndikajoꞌ chi por fuerza ndibꞌen circuncidar iwiꞌ, keriꞌ ndikibꞌen xe chin utz ngetzꞌat koma ri israelitas ri ma kitaqin ta ri Cristo, chin keriꞌ ma ngetzeqlebꞌex ta chin ndibꞌan itzel chake roma ndikitzijoj chi ri wineq ngekolotej roma rukamik ri Cristo cho cruz.

Gálatas 5:10

Pero riyin kuqul nukꞌuꞌx rikꞌin ri Ajaw, chi rix ma xtijel ta ri ndinojij pa ruwiꞌ ri qetzij. Pero ri ndisuqꞌu inoꞌoj, maske achike na chi wineq, kꞌo na jun qꞌij ndiqaqa pa ruwiꞌ ri castigo ri nduyaꞌ ri Dios.

Gálatas 4:25

Y ndiqajunumaj chuqaꞌ ri Agar rikꞌin ri juyuꞌ rubꞌiniꞌan Sinaí ri kꞌo pa rochꞌulew Arabia, y ri rukꞌaslen ri Agar kꞌo ndukꞌut chiqawech pa ruwiꞌ ri achike rubꞌanun kikꞌaslen ri wineq pa tinamit Jerusalén wokami. Porque achel ri teꞌej rubꞌiniꞌan Agar ma libre ta, ri israelitas ri ekꞌo chuxeꞌ ruchuqꞌaꞌ ri ley, kin eꞌachel ri Agar y ri ral keriꞌ, porque ma e-libre ta chuqaꞌ.

1 Corintios 4:11

Hasta jampeꞌ wokami ndiqaqꞌasaj wayijal, ndichaqiꞌj qachiꞌ, kꞌisneq qa qatziaq chiqij, nditzꞌajiloꞌox qawech chi qꞌaꞌaj, y maneq jun qachoch apeꞌ ngojkꞌojeꞌ jumul.

Marcos 12:40

Chikiqꞌaꞌ malkaꞌ teq ixoqiꞌ ndikelesaj nojel ri kichajin, y chin ma kenabꞌex chi emachꞌikilik, layaj ndikibꞌen orar. Pero más nim castigo ndiyoꞌox chake.

2 Corintios 10:5

Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ.

2 Corintios 11:3

Pero nuxibꞌin wiꞌ chi achel ri kumetz xkaney ma xkaney xubꞌen chin xuchꞌakatij ri Eva ojer kan, keriꞌ chuqaꞌ xkixchꞌakatix rix chin xtiyaꞌ qꞌij chare ri itzel chi xtujel ri inojibꞌal y ma rikꞌin chi ta chꞌajchꞌaj ikꞌaslen, nixta rikꞌin nojel iwánima xtiwoqaj ri Cristo.

2 Corintios 12:16

Rix iwetaman chi riyin ma yin okuneq ta jun eqaꞌ chiwij. Pero ekꞌo jujun chiꞌikajal ri ngebꞌiꞌin chi keriꞌ xinbꞌen roma xkaney nunoꞌoj chi rikꞌin chꞌakatinik xtinwelesaj méra chiꞌiqꞌaꞌ.