2 Corintios 11:12 - Kaqchikel Santo Domingo (Xenacoj)

¹² Y achel ri nubꞌanun pe chi ma niyaꞌ ta eqaꞌ chiwij, keriꞌ xtinbꞌen ri más chiqawech apu, chin keriꞌ ma niyaꞌ ta jun roma chake ri ndikajoꞌ ndikijunumaj kiꞌ qikꞌin, chin ta ndikibꞌij chi junan ndiqabꞌen kikꞌin, roma pa kitzij rejeꞌ qonojel ndiqakꞌutuj méra chiwa.

နောက်ထပ်ဗားရှင်းများ

Kaqchikel Santa Maria de Jesus

¹² Y ri nubꞌanun-pa, can quireꞌ xtinꞌan, ruma nivajoꞌ nicꞌut chi ri nicꞌaj chic ri niquiꞌej chi i-rusamajiel ri Dios incheꞌl ojreꞌ, can man i-junan ta kiqꞌuin.

Kaqchiquel Bible

¹² Y ri nubanon-pe chi nuyon ninq'axaj-wi', kan k'a xtinben na keri', roma ninwajo' ninwelesaj ri ch'obonik ri k'o kik'in ch'aqa' chik ri nikibananej chi e rusamajela' ri Dios. Keri' rije' man xketikir ta xtikibij chi kan e junan qik'in roj.

Kaqchikel Central Guatemala

¹² Y ri nubanon-pe chi can nintzuk-vi', can c'a xtinben na queri', roma ninvajo' chi riq'uin yin man ninc'ul ta jun to'onic ivichin rix, yitiquir ninvelesaj ri ch'obonic ri c'o quiq'uin ch'aka' chic ri yebin chi e rusamajela' ri Dios, pero xa man que ta ri'. Richin queri' rije' man yetiquir ta niquibij chi can e junan vi kiq'uin roj.

Re C'ac'a Testamento pa Kach'abal

¹² Y re nbanom-pa che nayon yen nintzuk-vi', can c'a quire' xtimban, roma ninjo' che riq'uin re man ninc'ul-ta jun ayuda ivichin yex, yintiquir nimban chique re ye'bin che je rusamajela' re Dios, pero xa man katzij-ta. Chin quire' man ye'tiquir-ta niquibij che can je junan kaq'uin yoj.

Kaqchikel Western Solola

¹² Y ri nbanon pe chi can nuyon ntzuk wi' y majun wajel nc'utun ta chiwe, can c'a que na ri' xtinben, ruma nwajo' chi ri winek ri quipo'on anej qui' chi ye rusamajel ri Dios ma xquecowin ta xtiquibij chi can ye junan wi kiq'ui riyoj.

2 Corintios 11:12 ပူးပေါင်းရင်းမြစ်များ

1 Corintios 9:12

Porque si chꞌaqa chik rusamajelaꞌ ri Dios kꞌo kitoꞌik iyoꞌon rix, roj más rukꞌulun chi ndiyaꞌ qatoꞌik. Pero roj ma ndiqakꞌutuj ta qatoꞌik chiwa, xa kin ndiqakachꞌ qawech, porque ma kꞌateꞌ roma kꞌo ndiqakꞌutuj, ma xtitaqix ta ri utzulej teq tzij chin kolotajik ri rukꞌamon pe ri Jesucristo.

1 Timoteo 5:14

Romariꞌ, ngenpixabꞌaj ri malkaꞌ ri kꞌa ma eꞌintéra ta ixoqiꞌ chi kekꞌuleꞌ chik jumbꞌey, kekikꞌiytisaj kal. Kin ta utz ndikibꞌen cuenta ri kachoch, chin keriꞌ ma ndikiyaꞌ jun roma chake ri itzel ngetzꞌeto kichin ri eralkꞌuaꞌl ri Dios, chi ngechꞌaꞌa itzel teq tzij chikij.

Gálatas 1:7

Y maneq chik jun rubꞌeyal ri utzulej teq tzij chin kolotajik, pero ri ndajin chiꞌikajal jareꞌ: Ekꞌo jujun wineq ri ndikiyaꞌ tzij pa ixikin chin ndikiqasaj ijolon, chin keriꞌ nditaqij jun chik tijonik ri ma junan ta rikꞌin ri utzulej teq tzij chin kolotajik ri xukꞌen pe ri Cristo.

2 Corintios 11:18

Y roma ekꞌiy ndikiyalaꞌ kiqꞌij roma ri ketaman o kichajin, riyin chuqaꞌ niyaꞌ jubꞌaꞌ nuqꞌij.

2 Corintios 11:9

Y atoq xikꞌojeꞌ chiꞌikajal y maneq nikusaj, nixta jun chiꞌikajal rix ri xinyaꞌ ta ri eqaꞌ chirij, porque ri hermanos aj rochꞌulew Macedonia xinkitoꞌ rikꞌin ri xkꞌatzin chuwa atoq xebꞌeqaqa chiriꞌ. Riyin xintij nuqꞌij chi nixta jun eqaꞌ xinyaꞌ chiwij, y kꞌa keriꞌ na xtinbꞌen ri más chiqawech apu.

2 Corintios 10:17

Achel ndubꞌij ri rutzij ri Dios tzꞌibꞌan kan: Ri ndirajoꞌ nim ndunaꞌ chare, nim kꞌa tunaꞌ chare roma ri rubꞌanun ri Ajaw pa rukꞌaslen. Keriꞌ tzꞌibꞌan kan.

2 Corintios 5:12

Atoq ndiqabꞌij reꞌ, ma tinojij chi jumbꞌey chik qatzꞌamon rubꞌixik chi kin roj utz chin ndikꞌen apu qawech. Ndiqabꞌij kereꞌ roma ndiqajoꞌ ndiqayaꞌ chiwa jun roma chin ndikikot iwánima qoma, chin keriꞌ ngixtiker nditzolij ruwech kitzij ri tijonelaꞌ ri ndikajoꞌ ngeqꞌalajin chi kin achel ta kikꞌuan jun utz kꞌaslen, pero ri kánima ma chꞌajchꞌaj ta.

2 Corintios 1:17

Atoq xinyaꞌ pa wánima nojel reꞌ, ¿ndibꞌij rix chi yin ma xinnojij ta utz-utz? ¿Ndinojij rix chi nibꞌen achel ndubꞌen jun ri ma rutaqin ta ri Dios, ri ndubꞌij chi ndubꞌen jun achike y xa ma ndubꞌen ta?

1 Corintios 5:6

Ma utz ta chi rix ndinimrisalaꞌ iwiꞌ xu ndajin ri mak riꞌ chiꞌikajal. Rix iwetaman si ndiyaꞌ qꞌij chare ri mak chiꞌikajal, xa ndoqan chikij konojel, achel ndubꞌen jubꞌaꞌ levadura ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen.

San Mateo 26:16

Y ri Judas ja xutzꞌen rukanoxik jampeꞌ ma cuesta ta chin ndujech e ri Jesús.