2 Corintios 11:1 - Kaqchikel Santo Domingo (Xenacoj)

¹ Kinikochꞌoꞌ jubꞌaꞌ roma ri kaꞌi-oxiꞌ tzij nibꞌij qa chiwa, porque xa achel ma nunojin ta ngichꞌaꞌa. ¡Kinikochꞌoꞌ kꞌa!

နောက်ထပ်ဗားရှင်းများ

Kaqchikel Santa Maria de Jesus

¹ ¡Inreꞌ nicꞌutuj cꞌa favor chiva ixreꞌ chi quinicachꞌoꞌ bꞌaꞌ ruma cꞌo tzij ri xcaꞌnꞌej chiva, incheꞌl rutzij jun chꞌuꞌj!

Kaqchiquel Bible

¹ Nink'utuj k'a utzil chiwe chi kinikoch'o' chik juba', rik'in ri nuch'ujerik, roma k'a k'o ri ninwajo' ninbij chiwe.

Kaqchikel Central Guatemala

¹ Stape' yin q'uiy ch'abel ri xquenbij chive; ch'abel ri xa e ch'obon man ch'obon ri ye'el pa nuchi', ninc'utuj c'a utzil chive rix chi quinicoch'o' juba'. Roma xa can jari' ri rurayibel ri vánima chi nink'alalajirisaj chive.

Re C'ac'a Testamento pa Kach'abal

¹ Yen ninc'utuj utzil chiva che can quinicoch'o' ba', roma re tzij re xque'mbila' chiva can ancha'l tich'o jun vinak re c'o ruch'ujil rue'. Pero jare' re nurayij re vánma che nimbij, mare' can xinc'utuj utzil chiva pa nabey che quinicoch'o' ba'.

Kaqchikel Western Solola

¹ Riyin nc'utuj c'a utzil chiwe riyix chi quinicoch'o' juba' ruma c'o ch'abel ri xquenbij chiwe chi achi'el xa yin ch'ujernek. Ruma can queri' nrajo' ri wánima chi nbij chiwe, rumari' can quinicoch'o' c'a juba'.

2 Corintios 11:1 ပူးပေါင်းရင်းမြစ်များ

San Mateo 17:17

Ri Jesús xubꞌij chake ri discípulos: ¡Rix wineq aj wokami, xa ma kuqul ta ikꞌuꞌx rikꞌin ri Dios y xa ndijel ruwech rubꞌeyal ri ndibꞌix chiwa! ¿Rix ndinojij chi jumul ngikꞌojeꞌ chiꞌikajal? ¿Jarupeꞌ chik tiempo ngixinkachꞌ ndibꞌij rix? Tikꞌamaꞌ pe ri kꞌajol chinuwech.

Hechos 18:14

Y atoq ri Pablo ja ndirajoꞌ ndichꞌaꞌa chin ndutoꞌ riꞌ, ri Galión kereꞌ xubꞌij chake ri israelitas: Si re jun achi reꞌ kꞌo ta jun mak o jun ta chꞌaꞌoj nim rubꞌanun, kin rukꞌulun ta chi niwakꞌaxaj ri sujunik ikꞌamon pe.

Hechos 26:29

Ri Pablo xubꞌij: Si jubꞌaꞌ o kꞌa kꞌiy tiempo ndirajoꞌ, kin ta xtirajoꞌ Dios chi rat y konojel ri ngeꞌakꞌaxan wichin ngixok oqey richin ri Cristo achel riyin. Pero ri ma niwojoꞌ ta, ja ri xkixxim rix rikꞌin cadenas achel bꞌanun chuwa riyin, xchajeꞌ ri Pablo.

1 Corintios 1:21

Porque ri Dios roma ri santienta nojibꞌel ruchajin, kin rubꞌanun chik ruwech chi ri wineq ma roma ta ri aj rochꞌulew nojibꞌel kichajin xtiketamaj achike rijaꞌ. Xa kin xqaꞌ chuwech chi roma rutzijoxik rukamik ri Cristo cho cruz ngerukal ri wineq ri ngetaqin richin, maske chake chꞌaqa, ri tzij riꞌ xa chꞌujulej teq tzij.

1 Corintios 3:18

Nixta jun tuchꞌakatij qa riꞌ ruyon chuwech. Si kꞌo jun chiꞌikajal ndunaꞌ chi kꞌo aj rochꞌulew nojibꞌel ruchajin, más utz tubꞌanaꞌ chi maneq reqalen ri nojibꞌel riꞌ, chin keriꞌ ndiril ri qetzij nojibꞌel pataneq rikꞌin ri Dios.

1 Corintios 4:10

Roj roma ndiqajoꞌ ri Cristo, achel roj nakaneq ngojtzꞌetetej, jakꞌa rix santienta inojibꞌal roma itaqin ri Cristo. Roj xa ma jun qeqalen ngojtzꞌetetej, jakꞌa rix santienta iweqalen. Roj ngojtzeꞌex, jakꞌa rix kin ndinimrisex ibꞌiꞌ.

1 Corintios 4:8

Rix ndinaꞌ chi nojel ri ndusipaj ri Dios kꞌo chik iwikꞌin, ndinaꞌ chi kꞌo ibꞌeyomal, ndinaꞌ chi achel ndibꞌen chik reinar, y roj ma ngojkꞌatzin chi ta chiwa. Qetzij ta chi ndibꞌen chik reinar, utz ta riꞌ, chin keriꞌ jajun ta ok roj ndiqabꞌen reinar iwikꞌin.

2 Corintios 11:19

Porque rix maske ndinaꞌ chi kꞌiy iwetaman, xa kin kiꞌ chiwa ngeꞌiwakꞌaxaj ri ngebꞌiꞌin tzij ri ma kinojin ta rubꞌixik.

2 Corintios 11:21

Riyin niyaꞌ chuwij chi kꞌo razón ichajin atoq ndibꞌij chi ma qakowirisan ta qiꞌ chin ndiqabꞌen achel kibꞌanun ri wineq riꞌ chiwa. ¿Kꞌix kami ndukꞌen pe chaqe roma ma xqakowirisaj ta qiꞌ chin ta xqabꞌen keriꞌ chiwa? Pero roma rejeꞌ ndikiyaꞌ kiqꞌij, riyin chuqaꞌ keriꞌ nibꞌen, maske rikꞌin ri keriꞌ nibꞌen xkitzꞌetetej achel jun ri ma ndunojij ta ri achike ngerubꞌilaꞌ.

2 Corintios 11:4

Rix ndikꞌen apu ruwech jun ri nderutzijoj jun chik Jesús chiwa, y ma ja ta ri Jesús ri qatzijon kan roj chiwa, y rikꞌin nojel ikꞌuꞌx ikꞌamon apu chuqaꞌ ruwech jun chik espíritu, pero ma ja ta ri Espíritu Santo ri kꞌo chik pa iwánima, y ikꞌulun apu chuqaꞌ jun chik tijonik ri achel ta utzulej teq tzij chin kolotajik keriꞌ, pero ma ja ta ri qatzijon kan roj chiwa.

2 Corintios 12:11

Qetzij wi kin achel yin jun achi ri ma ndunojij ta ri ngerubꞌilaꞌ ngiqꞌalajin chiwech, pero ja rix ri xixok chuwa chi xkꞌatzin xinyaꞌ jubꞌaꞌ nuqꞌij. Porque ja ta rix ri xkꞌatzin chi xibꞌij chi kꞌo nuqꞌij, roma riyin ma wíta ta weqalen ke chikiwech ri ndikibꞌij chi enimalej teq apóstoles. Keriꞌ nibꞌij chiwa maske wetaman chi maneq ok nuqꞌij.

2 Corintios 5:13

Porque si kꞌo ngojkitzꞌet achel ta ngojchꞌujuyaj, riꞌ kin chin ndiqayaꞌ ruqꞌij ri Dios, pero si ngojtzꞌetetej chi pa ruchojmil ndiqabꞌen rusamaj ri Dios, riꞌ kin chin ndukꞌen pe utz chiwa rix.

Hebreos 5:2

Ri sacerdote riꞌ xa wineq ok chuqaꞌ ri maneq ruchuqꞌaꞌ ránima chuwech ri mak, romariꞌ nditiker ndupoqonaj kiwech ri wineq ri ma ketaman ta ri ndirajoꞌ ri Dios y sachineq rubꞌey ri Dios chikiwech.