2 Corintios 1:20 - Kaqchikel Santo Domingo (Xenacoj)

²⁰ porque nojel ri rusujun pe ri Dios, rikꞌin ri Cristo Jesús ndiqil wi. Roma kꞌa riꞌ, atoq ngojchꞌaꞌa chare ri Dios pa rubꞌiꞌ ri Cristo, ndiqabꞌij: Amén, kin qetzij wi chi ndabꞌen ri ndabꞌij, ngojchajeꞌ chare, chin ndiyoꞌox ruqꞌij qoma roj.

နောက်ထပ်ဗားရှင်းများ

Kaqchikel Santa Maria de Jesus

²⁰ Ruma nojiel ri ranun prometer ri Dios chi nuyaꞌ chika, can riqꞌuin cꞌa ri Cristo nikil-ve y rumareꞌ ojreꞌ can pa rubꞌeꞌ ri Jesucristo nakaꞌej chi quireꞌ. Quireꞌ nakaꞌej chi nakayaꞌ rukꞌij ri Dios.

Kaqchiquel Bible

²⁰ Roma kan ronojel k'a ri rusujun ri Dios, kan rik'in k'a ri Cristo nibanatej-wi. Roma ri' kan pa rubi' k'a ri Jesucristo niqabij chi kan keri' wi toq niqaya' ruq'ij-ruk'ojlen ri Dios.

Kaqchikel Central Guatemala

²⁰ Roma can ronojel c'a ri rusujun ri Dios, can riq'uin c'a ri Cristo nilitej y nibanatej-vi, roma ri Dios can rucha'on-vi richin ri' y kitzij chi can nilitej-vi riq'uin. Roj can pa rubi' c'a ri Jesucristo nikabij-vi chi can que vi ri'. Roj queri' nikabij tok nikaya' ruk'ij-ruc'ojlen ri Dios.

Re C'ac'a Testamento pa Kach'abal

²⁰ Roma can ronojel re rusujun re Dios, can riq'uin re Jesucristo nilitaj-va y nibanataj-va, roma re Dios can chin-va re' tak rucha'on y can katzij che riq'uin reja' nilitaj-va. Yoj pa rube' re Jesucristo nakabij-va che can quire-va. Y yoj ja quire' nakabij tak nakaya' ruk'ij re Dios.

Kaqchikel Western Solola

²⁰ Ruma can ronojel c'a ri rutzujun (rusujun) ri Dios, can riq'ui c'a ri Cristo nikil wi, y rumari' riyoj can pa rubi' c'a ri Jesucristo nikabij wi amén. Riyoj queri' nikabij tek nikaya' ruk'ij ruc'ojlen ri Dios.

2 Corintios 1:20 ပူးပေါင်းရင်းမြစ်များ

Hebreos 13:8

Ri Jesucristo kin ja achel pa nabꞌey, keriꞌ wokami y chin jumul.

Gálatas 3:22

Pero ri rutzij ri Dios ri tzꞌibꞌan kan ndubꞌij chi konojel wineq eꞌaj mak, chin keriꞌ ndiqꞌalajin chuqaꞌ achike roma ndikꞌatzin chi konojel ndikitaqij ri Jesucristo chin ndiyoꞌox chake ri rusujun kan ri Dios.

Apocalipsis 7:12

Y ndikibꞌilaꞌ: ¡Amén! Ri qa-Dios kin utz ndibꞌix utzulej teq tzij chare, kin utz ndiyoꞌox ruqꞌij, Kin richin rijaꞌ nojel nojibꞌel, kin utz ndiyoꞌox matioxinik chare, Kin utz ndinimrisex rubꞌiꞌ. Rijaꞌ kin rukꞌulun wi chi ndubꞌen mandar pa ruwiꞌ nojel y chi kꞌo nojel ruwech uchuqꞌaꞌ pa ruqꞌaꞌ chin jumul. ¡Amén!

Efesios 1:6

chin ndiqayaꞌ ruqꞌij ri Tataꞌaj Dios, roma ri nimalej ru-favor rusipan chaqe y ruyoꞌon pa qawiꞌ roj ri xe jun qabꞌanun rikꞌin ri Rukꞌajol ri kin tzꞌan ndirajoꞌ.

Romanos 11:36

Porque nojel ri ebꞌanun, ja rijaꞌ ri bꞌanayon kichin, ja rijaꞌ ri tzꞌamayon kichin, y chin ndikiyaꞌ ruqꞌij rijaꞌ erubꞌanun. ¡Kin ta jumul xtiyoꞌox ruqꞌij! Amén.

Apocalipsis 3:14

Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Laodicea: Riyin ri Jesucristo, kin ja wi ri nibꞌij, y ri achike nuqꞌalajrisan, kin qetzij y ma jumbꞌey nujalon ruwech. Ja riyin ri xirukusaj ri Dios chin xubꞌen nojel ri kꞌo, y ja riyin ri kereꞌ nibꞌij:

Efesios 2:7

Keriꞌ xubꞌen rijaꞌ, porque ndirajoꞌ chi ndiqꞌalajin chupan ri tiempo más chiqawech apu, ri nimalej favor ruyoꞌon pa qawiꞌ roma utzulej runoꞌoj qikꞌin roj ri xe jun qabꞌanun rikꞌin ri Cristo Jesús.

Romanos 6:23

Porque ri tojik ndukꞌen pe ri mak, ja ri kamik, jakꞌa ri Dios ndusipaj ri kꞌaslen ma ndikꞌis ta, y riꞌ roma xe jun qabꞌanun rikꞌin ri Qajaw Cristo Jesús.

Hebreos 11:13

Konojel ri wineq ri roj chꞌoyineq pe pa kiwiꞌ, xeken e, y ma yoꞌon yan ta chake ri rusujun ri Dios, pero roma kuqul kikꞌuꞌx chi ri Dios kin nduyaꞌ wi ri rusujun, rejeꞌ xekikot chi kꞌo jun qꞌij ndok kichin ri sujun chake. Y hasta xkibꞌij chi maneq kitinamit chochꞌulew y xaxe jubꞌaꞌ teq qꞌij ekꞌo chuwech.

Hebreos 7:6

Pero ri Melquisedec maske ma riy-rumam ta kan ri Leví, xjach ri diezmo pa ruqꞌaꞌ roma ri Abraham, y ri Melquisedec xubꞌen bendecir ri Abraham ri achoq chare kꞌo rusujun kan ri Dios.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

1 Corintios 14:16

Porque si rat ndayaꞌ ruqꞌij ri Dios xe rikꞌin ri chꞌabꞌel ri ma atijon ta awiꞌ rikꞌin, y si kꞌo jun ngarakꞌaxaj y ma ndukꞌoxomaj ta ri ndabꞌij, rijaꞌ ma nditiker ta ndimatioxin chare ri Dios junan awikꞌin, roma ma xukꞌoxomaj ta ri xabꞌij.

1 Juan 5:11

Y jareꞌ ri ruqꞌalajrisan ri Dios chiqawech: Ruyoꞌon ri kꞌaslen ma ndikꞌis ta chaqe, y ri kꞌaslen riꞌ yoꞌon chaqe roma xe jun qabꞌanun rikꞌin ri Rukꞌajol.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

2 Corintios 4:15

Y nojel ri ndiqaqꞌasaj pa qakꞌaslen, ndiqaqꞌasaj chin kꞌo utz ndukꞌen pe chiwa, chin keriꞌ qꞌij-qꞌij más santienta wineq ndikil ri ru-favor ri Dios y más kꞌiy matioxinik ndukꞌen pe pa kánima y keriꞌ ndikiyaꞌ ruqꞌij ri Dios.

San Juan 3:5

Ri Jesús xubꞌij: Kin qetzij nibꞌij chawa, si jun wineq ma ndalex ta rikꞌin yaꞌ y rikꞌin ri alaxik nduyaꞌ ri Espíritu Santo, ri wineq riꞌ maneq cheꞌel ndok pa ru-reino ri Dios.

San Juan 1:17

Keriꞌ ndiqꞌalajin, porque ri ley pa ruqꞌaꞌ ri Moisés xjach wi chin ndukꞌut rubꞌeyal ri kꞌaslen chiqawech, y wokami yoꞌon chaqe ri qetzij y ri ru-favor ri Dios, y ri kꞌamayon pe richin, ja ri Jesucristo ri Jun taqon pe roma ri Dios chukolik ri rutinamit.

2 Tesalonicenses 1:10

Nojel reꞌ ndibꞌanatej chupan ri qꞌij atoq ri Ajaw nduqaqa, chin keriꞌ ri loqꞌolej rutinamit ndikiyaꞌ ruqꞌij y chin chuqaꞌ ndisach kikꞌuꞌx chirij konojel ri xetaqin richin. Y chikikajal ri xetaqin rixkꞌo rix, porque xitaqij chuqaꞌ ri utzulej teq tzij chin kolotajik ri xqatzijoj kan chiwa.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

San Lucas 2:14

¡Kin tiyoꞌox ruqꞌij ri nimalej Dios chikaj! ¡Y chochꞌulew tikꞌojeꞌ uxlanen pa kánima ri wineq ri kꞌo ri favor nduyaꞌ ri Dios pa kiwiꞌ!

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.