1 Timoteo 6:5 - Kaqchikel Santo Domingo (Xenacoj)

⁵ y ndukꞌen pe chi jutaqil kꞌo oyowal chikikajal wineq. Ri ngekꞌutu jun chik tijonik, xa kin suqꞌurneq kinoꞌoj roma ri itzel ngekinojilaꞌ, y kiyoꞌon kan rokacheq chuwech ri qetzij, y xa ndikinojij chi rikꞌin ri tijonik ndikiyaꞌ, kin kꞌo cheꞌel ndikibꞌen méra chin ngebꞌeyomer.

နောက်ထပ်ဗားရှင်းများ

Kaqchikel Santa Maria de Jesus

⁵ Y nuꞌon chi nitzꞌucutaj ayoval chiquicajol nicꞌaj chic ri cꞌaxtajnak jeꞌ ri quinoꞌj ruma ri itziel y man cataꞌn ta ri ruchꞌabꞌal ri Dios ri ketzij. Ijejeꞌ nicajoꞌ ncaꞌbꞌayomer ruma niquicꞌut ri ruchꞌabꞌal ri Dios. Atreꞌ man tayuj-aviꞌ quiqꞌuin ri ncaꞌbꞌano quireꞌ.

Kaqchiquel Bible

⁵ Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Kaqchikel Central Guatemala

⁵ Y nuben chire chi benek-ruvech c'o oyoval chiquicojol. Y rija' xa yojtajinek (yujtajinek) ri runa'oj roma ri etzelal, y man retaman ta ri kitzij ruch'abel ri Dios. Xa nuch'ob nunimaj, xaxe richin chi noc beyon. Tach'ara' c'a avi' quiq'uin ri yebanon queri'.

Re C'ac'a Testamento pa Kach'abal

⁵ Y nuban cha che nojel tiempo c'o ayoval chiquicojol. Y reja' xa satzanak runa'oj roma re etzelal, y man rutaman-ta re katzij ruch'abal re Dios. Xa nunojij nunimaj, xaxe che ndoc biyom. Tajich'aj-a-avi' quiq'uin re ye'bano quire'.

Kaqchikel Western Solola

⁵ y niquiben chuka' chi yejalajo' chiquiwech chiquij ch'abel ri xa majun quejkalen. Tzij ri achi'el ri' xa quiche (quixin) winek ri xa yojtajnek ri quina'oj, y xa majun ri kas kitzij quiq'ui, ruma niquich'ob chi ri nac'uaj jun c'aslen ri nika chuwech ri Dios xa riche (rixin) chi nic'oje' arajil. Riyit ma tayuj ta awi' quiq'ui ri yebano queri'.

1 Timoteo 6:5 ပူးပေါင်းရင်းမြစ်များ

2 Timoteo 3:5

Rejeꞌ xtikibꞌananej achel ndikibꞌen ta ri ndiqaꞌ chuwech ri Dios, pero ma xtikiyaꞌ ta qꞌij chare chin ndujel ri kikꞌaslen. Ma tatzeq awiꞌ kikꞌin wineq ri ngebꞌanun keriꞌ.

2 Pedro 2:3

Y roma ngejamem chirij méra, ri itzel teq tijonelaꞌ riꞌ kin xtikikanolaꞌ rubꞌeyal jun tijonik chin ndikelesaj méra chiꞌiqꞌaꞌ. Pero xe jampeꞌ ojer bꞌiꞌin pe pa kiwiꞌ roma ri Dios chi ngebꞌan castigar, y maneq cheꞌel ndikikal kiꞌ chuwech ri castigo riꞌ.

Tito 1:11

Rukꞌulun chi ndibꞌan chake ri ngeyoꞌon jun tijonik keriꞌ chi kechꞌojochiꞌ, porque ngekichꞌakatij chi teꞌej-tataꞌatz y ri kalkꞌuaꞌl. Y ma xe ta riꞌ ndikibꞌen, xa kin ndikajoꞌ chi ngetoj roma ri tijonik ndikiyaꞌ, tijonik ri ma rukꞌulun ta chi ndiyoꞌox.

2 Timoteo 3:8

Y kin achel ri Janes y ri Jambres ojer kan xkipabꞌaꞌ kiꞌ chuwech ri Moisés, keriꞌ chuqaꞌ ri achiꞌaꞌ ri ngeꞌok pa teq achoch, ndikipabꞌaꞌ kiꞌ chuwech ri qetzij. Suqꞌurneq kinoꞌoj roma ri itzel ngekinojilaꞌ. Ndikibꞌananej chi kitaqin ri Dios, pero xa ma ke ta riꞌ.

1 Timoteo 6:6

Pero ri más nim bꞌeyomal ja ri akꞌuan jun loqꞌolej kꞌaslen y ngakikot rikꞌin ri achajin.

1 Timoteo 3:3

nditiker nduqꞌet riꞌ chuwech rutijik yaꞌ, ma chꞌeyonel ta, kin utz runoꞌoj, maneq oyowal ndirajoꞌ y ma ndijamem ta chirij méra.

San Mateo 23:13

¡Juyo iwech rix tijonelaꞌ chin ri ley xyoꞌox chare ri Moisés y chuqaꞌ rix fariseos, ri xa kaꞌiꞌ ipalej! Roma ndiqꞌet chikiwech ri wineq ri bꞌey chin ngeꞌok chupan ru-reino ri aj chikaj Dios, porque ma ngixok ta rix, nixta ndiyaꞌ qꞌij chake chi ngeꞌok ri ndikajoꞌ ngeꞌok.

San Mateo 12:33

Ri Jesús xubꞌij chuqaꞌ: Si jun cheꞌ utz, utz ruwech nduyaꞌ. Si jun cheꞌ ma utz ta, ma utz ta ruwech nduyaꞌ. Porque roma ri ruwech nduyaꞌ ndetamex si utz o ma utz ta ri cheꞌ.

1 Timoteo 1:6

Porque ekꞌo jujun sachineq chikiwech chi jariꞌ ri ndirajoꞌ ri Dios chake, y xa xbꞌa kánima chirij tzij ri ma jun utz ndukꞌen pe.

Apocalipsis 18:3

Porque ri jalajaj kiwech wineq ekꞌo chochꞌulew Xkiqꞌabꞌarisaj kiꞌ chupan ri rumak xubꞌen. Keriꞌ chuqaꞌ xkibꞌen ri reyes chin ri rochꞌulew Xkikꞌamalaꞌ qa kiꞌ rikꞌin chin xkibꞌen mak, Y ri ngekꞌayin, Xebꞌeyomer rikꞌin ri rukꞌisik méra xubꞌen roma xulaqꞌ xa achike na ndurayilaꞌ, xchajeꞌ ri ángel.

Judas 1:11

¡Juyo kiwech rejeꞌ! Porque koqan rukꞌuaxik ri kꞌaslen xukꞌuaj ri Caín, y roma ngejamem chirij méra, xeqaqa chupan ri mak xubꞌen ri Balaam, y ndikꞌis kiqꞌij achel xkꞌis ruqꞌij ri Coré, roma xeyakatej chirij ri Dios.

2 Pedro 2:15

Rejeꞌ xkiyaꞌ kan ri chojmilej bꞌey chin ri Ajaw, xesach roma xkoqaj rubꞌey rukꞌaslen ri profeta Balaam, rukꞌajol jun achi rubꞌiniꞌan Bosor. Ri Balaam riꞌ, ri xkꞌojeꞌ ojer kan, xurayij xuchꞌek méra, maske ma utz ta xtajiyaj rikꞌin chin ta xuchꞌek.

1 Timoteo 3:8

Y keriꞌ chuqaꞌ ri diáconos, jareꞌ rubꞌeyal kikꞌaslen ndikꞌatzin ndikikꞌuaj: Ndikꞌatzin chi chojmilej kikꞌaslen, ma kaꞌiꞌ ta ruwech kitzij ndikiyaꞌ, ndikiqꞌet kiꞌ chuwech rutijik yaꞌ, y ma bꞌaneq ta kánima chirij rubꞌanik itzel teq achike chuchꞌakik méra.

2 Tesalonicenses 3:6

Hermanos, pa rubꞌiꞌ ri Qajaw Jesucristo ndiqabꞌen mandar chiwa, chi ma keꞌiwachibꞌilaj ri hermanos eqꞌoroy y ma ndikinimaj ta ri tijonik yoꞌon chaqe roj ri qabꞌiꞌin kan chake.

San Mateo 21:13

Y kereꞌ xubꞌij chake: Chupan ri rutzij ri Dios tzꞌibꞌan kan ndubꞌij: Ri wachoch kin xtibꞌix chare achoch chin ndibꞌan orar. Keriꞌ tzꞌibꞌan kan. Pero rix xa kikꞌojlibꞌel eleqꞌomaꞌ ibꞌanun chare, xchajeꞌ.

Apocalipsis 18:13

Keriꞌ chuqaꞌ canela, jubꞌulej teq qꞌayis, pon, mirra, jubꞌulej teq aqꞌon, vino, aceite, harina, trigo, wakx, karneꞌl, kej, carruajes y wineq chin ngekꞌayix.

1 Corintios 11:16

Pero si kꞌo jun ri ma ke ta riꞌ ndunojij, tiretamaj kꞌa chi roj ri rusamajelaꞌ ri Dios y ri bꞌotzaj ralkꞌuaꞌl ri Dios pa teq tinamit, xa kin keriꞌ wi ndikibꞌen ri achiꞌaꞌ y ri ixoqiꞌ chiqakajal.

1 Timoteo 4:7

Ma tayaꞌ axikin kikꞌin tzij eyoꞌon qa ruqꞌa-raqen ri ndikiqasaj ruqꞌij ri Dios, ri xa rijilej teq ixoqiꞌ etzijoyon pe. Xa kin tatijaꞌ aqꞌij chi qꞌij-qꞌij ndakꞌuaj jun utzulej kꞌaslen chuwech ri Dios.

1 Timoteo 4:8

Porque ri ndabꞌen ejercicio qꞌij-qꞌij ndukꞌen pe jubꞌaꞌ utz chare ri a-cuerpo. Pero ri ndakꞌuaj jun utzulej kꞌaslen chuwech ri Dios kꞌo utz ndukꞌen pe chare nojel akꞌaslen, porque kꞌo utz ndukꞌen pe chare ri akꞌaslen chireꞌ wokami y chare ri akꞌaslen nduyaꞌ ri Dios más chiqawech apu.