1 Timoteo 6:4 - Kaqchikel Santo Domingo (Xenacoj)

⁴ xa ruyon chuwech nim ndunaꞌ y ma jun rukꞌoxoman pa ruwiꞌ ri ngerubꞌilaꞌ. Xa kin ndiqaꞌ chuwech ndutaqꞌ kiwech wineq pa ruwiꞌ tzij ri ma jun utz ndukꞌen pe, tzij ri xa ndukꞌen pe chi ri wineq itzel ndikinaꞌ roma utz kibꞌanun chꞌaqa chik, ndukꞌen pe chuqaꞌ oyowal, ndukꞌen pe chi ri wineq ngechꞌaꞌa itzel chirij jun chik, ndukꞌen pe chi ndinojix itzel teq achike chirij jun chik,

နောက်ထပ်ဗားရှင်းများ

Kaqchikel Santa Maria de Jesus

⁴ ri nibꞌano quireꞌ, ruyuon jajaꞌ nem nuna-riꞌ. Jun quireꞌ, man jun runoꞌj, ruma joꞌc tzij ri man jun quikalien ri ncaꞌruꞌej chiquij kax ri man jun ncaꞌcꞌatzin-ve. Y rumareꞌ itziel nutzꞌat jun chic ruma otz cꞌo. Nutzꞌuc ayoval, itziel nichꞌoꞌ chiquij nicꞌaj chic, y itziel nuꞌon pensar chiquij nicꞌaj chic.

Kaqchiquel Bible

⁴ ri wineq ri' kan niq'alajin chi janila runimirisan-ri', y xa man jun retaman. Xa yalan niqa' chuwech ri tzij ri man jun nikik'en-pe y jari' nibanon chire chi itzel nuna' chire jun chik roma utz k'o, xaxe oyowal nuben, nubila' itzel taq tzij chikij ch'aqa' chik, k'o itzel ch'obonik pa ránima chirij jun chik wineq.

Kaqchikel Central Guatemala

⁴ ri achin ri' can nik'alajin-vi chi janíla nunimirisaj-ri'. Chuka' man c'o ta etamabel riq'uin. Xa yalan nika' chuvech ri tzij ri man jun niquiq'uen-pe chire. Y tzij que tak ri' xa nuben chire chi itzel nuna' chire jun chic, roma ri utz ri c'o. Y nuq'uen-pe oyoval chire riq'uin ri ch'obonic ri man junan ta. Y nuben chi nubila' itzel tak tzij chique ch'aka' chic. Y nuq'uen chuka' pe nojin tak tzij.

Re C'ac'a Testamento pa Kach'abal

⁴ re ache re' can k'alaj che camas ruk'ij nuna'. Re ache quire' nibano man jun rutaman. Xa camas nika chach re tzij re man jun otz niquic'am-pa cha. Y tzij qui tak re' xa nuban cha che nic'uxc'ut rupan cha jun chic vinak, roma otz c'o. Y nuc'am-pa ayoval cha riq'uin re na'oj man junan-ta. Y nuban che nubila' itzel tak tzij chique nic'aj chic hermanos. Y chuka' nuban cha che nubila' chique re hermanos che man otz-ta jec'o riq'uin re Dios.

Kaqchikel Western Solola

⁴ ri winek ri' can nik'alajin wi chi sibilaj nunimirisaj ri'. Y xa majun retaman. Xa sibilaj nika chuwech ri tzij ri majun utz niquic'om pe chare. Tzij ri xa niquiben chare chi itzel nuna' chare jun chic ri utz c'o, xa niquiyec royowal, xa niquiben chare chi niyok'on chiquij ri nic'aj chic, niquiben chuka' chare chi nipe itzel tak ch'obonic pa ránima chrij jun chic winek,

1 Timoteo 6:4 ပူးပေါင်းရင်းမြစ်များ

2 Timoteo 2:23

Riyin nikamuluj rubꞌixik chawa: Ma ndatzeq awiꞌ chupan tzij ri nixta jun kibꞌeyal y nixta jun utz ndikikꞌen pe. Rat awetaman chi tzij achel riꞌ xa ndikikꞌen pe oyowal.

2 Timoteo 3:4

Xtikijech kachibꞌil pa kiqꞌaꞌ wineq itzel kinoꞌoj, ma xtikinojij ta jubꞌaꞌ achike ndukꞌen pe ri ngekibꞌanalaꞌ, nim xtikinaꞌ kiꞌ chikiwech chꞌaqa chik. Más xtikikanoj ri ndiqaꞌ chikiwech chochꞌulew, pa rukꞌexel chi ndikikanoj ri Dios.

1 Timoteo 3:6

Ma rukꞌulun ta chi ri ukꞌuey bꞌey, jun hermano ri kꞌa jubꞌaꞌ ok tiempo tutaqij ri Jesucristo, ma kꞌateꞌ tunimrisaj riꞌ y keriꞌ ndukꞌulwachij ri castigo xukꞌulwachij ri itzel roma xunimrisaj riꞌ.

Judas 1:10

Jakꞌa ri wineq ri eꞌokuneq chiꞌikajal, ndikibꞌilaꞌ itzel teq tzij chirij nojel achike ri ma ketaman ta rubꞌeyal. Pero ri itzel teq achike ri ndurayij ri ki-cuerpo, ri kin etaman wi rubꞌanik, ndikikichilaꞌ kiꞌ chupan. Eꞌachel teq awej, ri xetal ngetajiyaj. Ma ndikinojij ta si utz o ma utz ta ndukꞌen pe chake ri itzel teq achike ngekibꞌanalaꞌ, y jariꞌ ri ndikꞌiso kiqꞌij.

2 Pedro 2:12

Pero ri itzel teq tijonelaꞌ riꞌ, itzel ngechꞌaꞌa chirij ri nixta ketaman rubꞌeyal. Rejeꞌ xa eꞌachel chikap maneq kinoꞌoj y ndikiyaꞌ kiꞌ chin ngetzꞌan y ngekamisex. Y achel ndikikꞌulwachij ri chikap, keriꞌ chuqaꞌ ndikikꞌulwachij ri tijonelaꞌ riꞌ.

2 Timoteo 2:14

Rat Timoteo, takꞌuxlaꞌaj nojel reꞌ chake ri hermanos. Chuwech ri Dios tabꞌij chake chi ma tikichuquchaꞌ kiꞌ pa kiwiꞌ tzij, porque ma jun utz ndukꞌen pe chake. Xa ndusuqꞌ kinoꞌoj ri ngeꞌakꞌaxan richin.

Judas 1:16

Ri wineq ri eꞌokuneq chiꞌikajal, nojel achike ngechꞌaꞌa chirij, ma jun ndiqaꞌ chikiwech, xe ri itzel teq rayinik kꞌo pa kánima ngekibꞌanalaꞌ, kiyon ndikinimrisalaꞌ kiꞌ chikiwech, y ndikinimrisalaꞌ rubꞌiꞌ jun wineq rikꞌin jabꞌel teq tzij, xe chin kꞌo achike ndikelesaj chiruqꞌaꞌ.

2 Pedro 2:18

Atoq ngechꞌaꞌa, ngekibꞌilaꞌ tzij chin ndikinimrisalaꞌ kiꞌ, pero ri ndikibꞌilaꞌ, xa nixta jun rubꞌeyal. Rejeꞌ ngekibꞌochilaꞌ ri kꞌa jubꞌaꞌ qꞌij kekolotej pe chikikajal ri wineq ri sachineq rubꞌey ri Dios chikiwech, y ndikibꞌilaꞌ chake chi ma tikijekꞌ kiꞌ chuwech ri ndiqaꞌ chikiwech y tikibꞌanalaꞌ xa achike na ri ndurayij ri ki-cuerpo.

1 Timoteo 1:7

Rejeꞌ ndikinaꞌ chi etijonelaꞌ chin ri ley xyoꞌox chare ri Moisés, pero ma kikꞌoxoman ta utz-utz ri achike ndikibꞌilaꞌ, y ri tijonik ri ndikibꞌij chi kin keriꞌ, nixta riꞌ kikꞌoxoman utz-utz.

1 Timoteo 1:4

y chi ma tikiyaꞌ kixikin rikꞌin tzij ri ngetzijox pa kiwiꞌ ri tzaq teq wineq ri xekꞌojeꞌ e chochꞌulew ojer, tzij ri eyoꞌon qa ruqꞌa-raqen, y ma jumbꞌey ngekꞌis, ri ndikibꞌen chake ri wineq chi ndikichuquchaꞌ kiꞌ pa ruwiꞌ ri xa ma jun reqalen. Tzij achel riꞌ ma ngerutoꞌ ta ri wineq chin ta más ndikikuqubꞌaꞌ kikꞌuꞌx rikꞌin ri Dios chubꞌanik ri ndirajoꞌ rijaꞌ.

Santiago 1:19

Hermanos ri tzꞌan ngixinwojoꞌ, tikꞌuxlaꞌaj ri nibꞌij chiwa: Rix iwonojel tiwakꞌaxaj utz-utz nabꞌey ri ndibꞌix chiwa, ma xetal paqiꞌ titzolij ruwech jun tzij y ma chaꞌanin paqiꞌ tipuꞌun iwoyowal pa ruwiꞌ jun achike.

Tito 3:9

Pero ma tachuquchaꞌ awiꞌ kikꞌin wineq pa ruwiꞌ tzij ri ma jun utz ndikikꞌen pe, achel ri tzij ngetzijox pa ruwiꞌ nukꞌun teq bꞌiꞌaj kichin wineq ri xekꞌojeꞌ ojer kan. Y ma tabꞌen oyowal, nixta tatzeq apu awiꞌ chupan tzij ngekibꞌanalaꞌ ri wineq ri ma junan ta ngenojin pa ruwiꞌ ri ndubꞌij ri ley xyoꞌox chare ri Moisés. Porque nojel tzij achel riꞌ xa ma jun kibꞌeyal y ma jun utz ndikikꞌen pe chawa.

Hechos 15:2

Riꞌ xubꞌen chi ri Pablo y ri Bernabé ndikichuquchaꞌ kiꞌ chi tzij kikꞌin rejeꞌ, y hasta xmeqꞌeꞌ qa chake ri ndikibꞌilaꞌ. Y roma keriꞌ xbꞌanatej, ri hermanos pa tinamit Antioquía xekichaꞌ ri Pablo y ri Bernabé y jujun chik hermanos chin xekiteq e pa tinamit Jerusalén apeꞌ ekꞌo ri apóstoles y ri eꞌukꞌuey bꞌey chikiwech ri hermanos, chin ndikikanoj rubꞌeyal nojel reꞌ.

Apocalipsis 3:17

Rat kereꞌ ndabꞌilaꞌ: Yin bꞌeyon, santienta nuchajin, y ma jun achike ri man ta kꞌo wikꞌin, ngachajeꞌ. Pero ma ndanaꞌ ta awiꞌ chi xa juyo awech, lutz rubꞌanun ri akꞌaslen, maneq achike achajin, y xa achel rat soqꞌ y rat chꞌanel keriꞌ.

2 Tesalonicenses 2:4

Ri jun itzel achi riꞌ, ndupabꞌaꞌ riꞌ y ndunimrisaj riꞌ pa ruwiꞌ nojel ri ndibꞌix Dios chare, y pa ruwiꞌ nojel ri ndiyoꞌox ruqꞌij koma ri wineq, hasta ndetzꞌuyeꞌ pa rachoch ri Dios y ndubꞌij chi ja rijaꞌ ri qetzij Dios.

Colosenses 2:18

Ma tiyaꞌ qꞌij chi ngixchꞌakatix koma ri ngebꞌiꞌin chi ma rukꞌulun ta ndiyoꞌox chiwa ri rusujun ri Dios, porque ma ndibꞌen ta achel ndikibꞌanalaꞌ rejeꞌ, ri kimána ndikibꞌen chi ndikiqasaj kiꞌ, y ndikiyalaꞌ kiqꞌij ángeles. Ndikibꞌilaꞌ chi ja ri Dios qꞌalajrisayon chikiwech ri ndikitzijoj, pero xa aj rochꞌulew noꞌoj ri ngekinojilaꞌ y nim ngekinaꞌ chare.

Filipenses 2:14

Y nojel ri ndibꞌen, ma tibꞌen rikꞌin wololenik, nixta tichꞌolilaꞌ iwiꞌ pa ruwiꞌ.

Filipenses 2:3

Atoq ndibꞌen jun achike, ma tibꞌen xe chin ndiwojoꞌ ngixqꞌalajin chi más kꞌo iqꞌij ke chuwech jun chik, nixta tibꞌen xe roma nim ndinaꞌ chare, xa kin tiqasaj iwiꞌ. Chiꞌijununal tinaꞌ pa iwánima chi más kꞌo keqalen ri chꞌaqa chik.

Filipenses 1:15

Kin qetzij chi ekꞌo jujun ri ndikiyaꞌ rutzijol ri Cristo xa roma ndiququt kánima chuwij y ndikajoꞌ ndikiqasaj ruqꞌij ri samaj ngitajin rikꞌin. Pero ekꞌo chik chꞌaqa, kin rikꞌin chꞌajchꞌaj kánima ndikiyaꞌ rutzijol ri Cristo.

Gálatas 6:3

Porque si jun ndunaꞌ chi kin kꞌo ruqꞌij y romariꞌ ma ngerutoꞌ ta chꞌaqa chik, xa ruyon chuwech nduchꞌakatij qa riꞌ.

Gálatas 5:26

Ma tiqanimrisalaꞌ qiꞌ, ma tiqabꞌanalaꞌ oyowal chiqawech, y ma itzel tiqanaꞌ chare roma utz kibꞌanun chꞌaqa chik chiqakajal.

Gálatas 5:15

Pero si xa ndikꞌuxlaꞌ iwiꞌ chiwech y ndichapalaꞌ iwiꞌ, titzꞌetaꞌ na pe peꞌ chi iyon ndikꞌislaꞌ qa iwiꞌ chiwech.

2 Corintios 11:20

Y ngeꞌikachꞌ chuqaꞌ ri ngixkiyaꞌ chuxeꞌ kitzij, ri ngewaꞌ chiwij, ri ngixkichꞌakatij, ri nixta jun iweqalen ndikibꞌen y ri ndikitzꞌajilaꞌ iwech.

1 Corintios 11:18

Nabꞌey nibꞌij chiwa ri wakꞌaxan, chi rix atoq ndimal iwiꞌ pa rubꞌiꞌ ri Dios, xa kaꞌi-oxiꞌ ruwech itzij ndibꞌen qa. Y riyin nitaqij jubꞌaꞌ chi keriꞌ.

1 Corintios 11:16

Pero si kꞌo jun ri ma ke ta riꞌ ndunojij, tiretamaj kꞌa chi roj ri rusamajelaꞌ ri Dios y ri bꞌotzaj ralkꞌuaꞌl ri Dios pa teq tinamit, xa kin keriꞌ wi ndikibꞌen ri achiꞌaꞌ y ri ixoqiꞌ chiqakajal.

1 Corintios 3:18

Nixta jun tuchꞌakatij qa riꞌ ruyon chuwech. Si kꞌo jun chiꞌikajal ndunaꞌ chi kꞌo aj rochꞌulew nojibꞌel ruchajin, más utz tubꞌanaꞌ chi maneq reqalen ri nojibꞌel riꞌ, chin keriꞌ ndiril ri qetzij nojibꞌel pataneq rikꞌin ri Dios.

1 Corintios 3:3

Keriꞌ nibꞌij chiwa, porque rix kꞌa rix ukꞌuan roma ri achike ndirayij, roma xe jun samajel chin ri Dios ndiqaꞌ chiwech y ma ndiqaꞌ ta chiwech jun chik, y hasta ndibꞌen oyowal chiwech romariꞌ. Riꞌ ndubꞌij tzij chi ri ikꞌaslen ukꞌuan roma ri irayinik, y ri ngixnojin xa achel ngenojin ri wineq ri ma ekꞌo ta pa rubꞌey ri Dios.

Romanos 14:1

Tikꞌamaꞌ apu kiwech ri hermanos ri kꞌa maneq ok ruchuqꞌaꞌ kánima rikꞌin ri Ajaw, pero ma chin ta ndichuquchaꞌ iwiꞌ chi tzij kikꞌin roma ma junan ta ndinojij pa ruwiꞌ jun achike.

Romanos 13:13

Tiqakꞌuaj jun chꞌajchꞌaj y chojmilej kꞌaslen, achel rukꞌulun chi ndikikꞌuaj ri ekꞌo pa luz, y ma tiqabꞌanalaꞌ xa apux chi mak rikꞌin ri qa-cuerpo, ma tiqaqꞌabꞌarisaj qiꞌ, ma tiqakꞌamalaꞌ qa qiꞌ xa achoq na ikꞌin chin ndiqabꞌen mak, ma tiqabꞌanalaꞌ ri itzel teq rayinik chin ri cuerpo, ma tiqabꞌen oyowal y ma itzel tiqanaꞌ chare chikij wineq ri utz kibꞌanun.

Romanos 12:16

Junan ruwech itzij tibꞌanaꞌ chiwech, ma tinimrisaj iwiꞌ, xa kin utz tinaꞌ chare ngeꞌiwachibꞌilaj ri maneq ok kiqꞌij. Ma tibꞌen chi achel xe ta rix tzꞌan iwetaman chikiwech chꞌaqa chik.

Romanos 2:8

Pero kin xtiqaqa royowal chikij ri jumul xe rejeꞌ ndikinaꞌ chi kꞌo keqalen y ma ndikinimaj ta ri qetzij chin ta ndikiyaꞌ kan ri itzel teq noꞌoj ngetajin rikꞌin.

Hechos 18:15

Pero ri sujunik ikꞌamon pe chirij, xa pa ruwiꞌ tzij, pa ruwiꞌ bꞌiꞌaj y pa ruwiꞌ ri i-ley. Romariꞌ tibꞌanaꞌ rukꞌojlen rix chiwech, porque yin maneq sujunik achel reꞌ nibꞌen rukꞌojlen, xchajeꞌ chake.

Hechos 8:9

Pero chiriꞌ kꞌo jun achi aj qꞌij rubꞌiniꞌan Simón ri rubꞌanun chake ri wineq aj rochꞌulew Samaria chi sachineq pe kikꞌuꞌx chirij ri ngerubꞌanalaꞌ, y ruqꞌabꞌan pe riꞌ chi nim ruqꞌij.