1 Timoteo 5:22 - Kaqchikel Santo Domingo (Xenacoj)

²² Ma xetal chaꞌanin tayaꞌ aqꞌaꞌ pariꞌ jun hermano chin ndok pa rusamaj ri Dios, si ma awetaman ta achike rubꞌanun rukꞌaslen. Ma kꞌateꞌ ndajin rikꞌin mak, y jajun rat ndaweqalej ri rumak. Xa kin tachajij awiꞌ, chin keriꞌ jabꞌel chꞌajchꞌaj ri akꞌaslen.

နောက်ထပ်ဗားရှင်းများ

Kaqchikel Santa Maria de Jesus

²² Man tayaꞌ akꞌaꞌ chaꞌnin paroꞌ jun ri xa man avataꞌn ta ri chica rubꞌanun ri rucꞌaslien, chi quireꞌ man navakaliej ta ri ru-pecados ri i-rubꞌanun. Can tabꞌanaꞌ cuenta-aviꞌ chi quireꞌ sak nicꞌujieꞌ ri acꞌaslien.

Kaqchiquel Bible

²² Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

Kaqchikel Central Guatemala

²² Man taya' k'ij chire jun kach'alal chi noc chupan ri rusamaj ri Dios, vi man avetaman ta achique chi c'aslen ruc'uan. Roma vi nek'alajin-pe chi man utz ta ruc'aslen ruc'uan, rat yatejkalen ri rumac rija'. Y rat can tachajij c'a avi' richin queri' ch'ajch'oj nec'ulun ri ac'aslen.

Re C'ac'a Testamento pa Kach'abal

²² Man taya' k'ij cha jun hermano che ndoc chupan re rusamaj re Dios, vo xa man ataman-ta andex che c'aslen ruc'uan. Roma vo xa ne'k'alajim-pa che man otz-ta ruc'aslen ruc'uan, rat yakalen re rumac reja'. Y rat chuka' tachajij-avi' chin quire' man tatz'ilbisaj re ac'aslen.

Kaqchikel Western Solola

²² Ma chanin ta taya' ri ak'a' pa ruwi' jun kach'alal riche (rixin) chi ntoc pa rusamaj ri Dios, wi xa ma awetaman ta achique chi c'aslen ruc'uan, riche (rixin) chi queri' majun nawejkalej, wi c'o mac rubanon. Riyit xa can tachajij awi' jabel.

1 Timoteo 5:22 ပူးပေါင်းရင်းမြစ်များ

Efesios 5:11

Ma titzeq iwiꞌ chupan ri itzel teq achike ngekibꞌanalaꞌ ri wineq ri pa qꞌequꞌ kꞌo kikꞌaslen, porque ri ngekibꞌanalaꞌ ma jun utz ndukꞌen pe. Xa kin titijaꞌ iqꞌij chin ndiqꞌalajrisaj chikiwech chi ma utz ta ri ngetajin rikꞌin.

1 Timoteo 3:10

Ri ngeꞌok diáconos, nabꞌey ndikꞌatzin chi tzꞌeton pe achike chi kꞌaslen kikꞌuan, y si ma jun achike ndilitej chikij, utz ndikitzꞌen ri samaj.

1 Timoteo 3:6

Ma rukꞌulun ta chi ri ukꞌuey bꞌey, jun hermano ri kꞌa jubꞌaꞌ ok tiempo tutaqij ri Jesucristo, ma kꞌateꞌ tunimrisaj riꞌ y keriꞌ ndukꞌulwachij ri castigo xukꞌulwachij ri itzel roma xunimrisaj riꞌ.

1 Timoteo 4:14

Tabꞌanaꞌ cuenta ri loqꞌolej sipanik ruyoꞌon ri Espíritu Santo chawa, sipanik ri xqꞌalajrisex pe roma ri Dios chin ndiyoꞌox chawa y kin xyoꞌox wi atoq ri eꞌukꞌuey bꞌey chikiwech ri rutinamit ri Dios xkiyaꞌ kiqꞌaꞌ pa awiꞌ.

Hechos 6:6

Ri xechaꞌox, xeꞌukꞌuꞌex chikiwech ri apóstoles, y ri apóstoles xkibꞌen orar y xkiyaꞌ kiqꞌaꞌ pa kiwiꞌ ri ewuquꞌ achiꞌaꞌ, retal chi ndikitzꞌen ri samaj.

2 Juan 1:11

Porque ri ndiyoꞌon ruxunaqil ruwech, jajun rijaꞌ ndireqalej ri itzel ndajin rikꞌin ri jun riꞌ.

2 Timoteo 1:6

Y romariꞌ nikꞌuxlaꞌaj chawa chi tatijaꞌ aqꞌij chi ma tichup qa ri loqꞌolej sipanik ruyoꞌon ri Dios chawa atoq xinyaꞌ nuqꞌaꞌ pa awiꞌ. Porque ja ri Dios ri xyoꞌon ri loqꞌolej sipanik riꞌ chawa.

Hebreos 6:2

o ri tijonik pa ruwiꞌ bautismos, o ri tijonik pa ruwiꞌ ri achike roma ndiyoꞌox qꞌaꞌaj pa kiwiꞌ ri hermanos, o ri tijonik pa ruwiꞌ ri kikꞌastajibꞌel ri animaꞌiꞌ, o ri tijonik pa ruwiꞌ ri qꞌaton tzij ri maneq chik cheꞌel ndijalatej ri xtubꞌen ri Dios pa kiwiꞌ ri wineq.

2 Timoteo 2:2

Ri utzulej tijonik xawakꞌaxaj junan kikꞌin santienta wineq ri xeꞌakꞌaxan wichin, ja tijonik riꞌ tachilabꞌej chake hermanos ri ndanaꞌ chi kin xtikibꞌen rusamaj ri Dios y kꞌes kinoꞌoj chin ngekitijoj chꞌaqa chik.

1 Timoteo 4:12

Man ta jun ri xtubꞌen chawa chi ma jun aweqalen roma kꞌa rat kꞌajol. Pero chin ma tibꞌanatej keriꞌ, katok ejemplo chikiwech ri hermanos rikꞌin ri tzij ngeꞌel pa achiꞌ, rikꞌin chuqaꞌ akꞌuan jun chojmilej kꞌaslen, rikꞌin ngatojowan, rikꞌin kuqul akꞌuꞌx rikꞌin ri Dios, y rikꞌin akꞌuan jun chꞌajchꞌaj kꞌaslen.

Hechos 13:3

Y atoq xkꞌachaj ri oración y ri ayuno, ri hermanos xkiyaꞌ kiqꞌaꞌ pa kiwiꞌ ri Bernabé y ri Saulo, y xekiteq chin ndekibꞌanaꞌ ri samaj riꞌ.

Apocalipsis 18:4

Y xinwakꞌaxaj jun chꞌabꞌel chikaj ri ndubꞌij: Rix nutinamit, kixel pe chiriꞌ, Chin ma tibꞌen mak achel ndikibꞌen rejeꞌ, Y keriꞌ ma ndiqaqa ta pa iwiꞌ rix ri castigo ndiqaqa pa kiwiꞌ rejeꞌ.

Hechos 20:26

Romariꞌ, chupan re qꞌij reꞌ, nibꞌij kan chiwa chi ma numak ta riyin si ekꞌo jujun chiꞌikajal ri ma xkekolotej ta.

Hechos 18:6

Pero ri israelitas riꞌ xyakatej koyowal chare y ndikibꞌilaꞌ tzij chupalej, romariꞌ ri Pablo xutotaꞌ ri rutziaq chikiwech y xubꞌij chake: Riyin xinel chuwech ri rubꞌiꞌin ri Dios chuwa chi nibꞌen chiꞌikajal. Ja rix kꞌo imak si xtiqaqa ri castigo nduyaꞌ ri Dios pa iwiꞌ. Wokami ngixinyaꞌ kan y ngibꞌa kikꞌin ri ma israelitas ta chin netzijoj ri utzulej teq tzij chin kolotajik chake, xchajeꞌ.

1 Timoteo 3:2

Pero ri ukꞌuey bꞌey, ndikꞌatzin chi kereꞌ ndiqꞌalajin pa rukꞌaslen: Man ta jun itzel ndibꞌix chirij ri kꞌaslen rukꞌuan, xaxe jun rixjayil kꞌo, retaman nduqꞌet riꞌ rikꞌin ri ngerubꞌanalaꞌ, kin ndikaney runoꞌoj, kin utz nditzꞌetetej rukꞌaslen koma chꞌaqa chik, jabꞌel ndukꞌen apu kiwech pa rachoch ri epataneq jukꞌan chik apeꞌ, jabꞌel nditiker nduyaꞌ tijonik pa ruwiꞌ ri rutzij ri Dios,