1 Timoteo 4:6 - Kaqchikel Santo Domingo (Xenacoj)

⁶ Y rat Timoteo, si ngaꞌatijoj ri hermanos rikꞌin ri tijonik nitzꞌibꞌaj e chawa, kin ndiqꞌalajin chi rat jun utzulej rusamajel ri Cristo Jesús, ri kin kꞌiyineq pa awánima ri utzulej teq tijonik awoqan pe pa akꞌaslen y kꞌiyineq chuqaꞌ pa awánima ri utzulej teq tzij ri rubꞌanun chawa chi akuqubꞌan akꞌuꞌx rikꞌin ri Cristo Jesús.

နောက်ထပ်ဗားရှင်းများ

Kaqchikel Santa Maria de Jesus

⁶ Atreꞌ Timoteo, xa xcaꞌtijuoj ri hermanos riqꞌuin ri xinꞌej yan chava chupan va carta va, ncatuoc jun utzulaj rusamajiel ri Jesucristo, ncaqꞌuiy chirij ri chꞌabꞌal ri nichꞌoꞌ chirij ri cukbꞌal cꞌuꞌx y xcaqꞌuiy jeꞌ riqꞌuin ri ketzij ri cꞌutun chavach, ri animan.

Kaqchiquel Bible

⁶ Y rat Timoteo, wi xke'atijoj ri qach'alal chire ri xinbij yan qa chawe chupan re wuj re', at jun utzilej rusamajel ri Jesucristo, tijon rik'in ri kuqubabel-k'u'x rik'in rija' y rik'in ri utzilej taq tijonik.

Kaqchikel Central Guatemala

⁶ Y rat Timoteo, vi xque'atijoj ri kach'alal chire ri xinbij yan ka chave chupan re carta re', at jun utzilej rusamajel ri Jesucristo. Y riq'uin ri acukuban ac'u'x riq'uin ri Jesucristo y naben ri niquibij ri utz tak tijonic, xtac'uaj jun c'aslen más utz.

Re C'ac'a Testamento pa Kach'abal

⁶ Y rat Timoteo, vo xa xca'tijoj re hermanos cha re ximbij-yan-ka chava chupan re carta re', yat jun utzulaj samajel chin re Jesucristo. Y roma can abanon confiar-avi' riq'uin re Jesucristo y naban re nubij re utzulaj enseñanza, xtiq'uiy más re ac'aslen.

Kaqchikel Western Solola

⁶ Y riyit Timoteo, wi xque'atijoj ri kach'alal chare ri xinbij yan ka chawe chupan re wuj re', can yatoc jun utzilaj rusamajel ri Jesucristo ri nik'alajin chi can ntajin niq'uiy ri ac'aslen riq'ui ri utzilaj ch'abel riche (rixin) ri cukbel c'u'x y riq'ui chuka' ri utzilaj tijonic ri animan.

1 Timoteo 4:6 ပူးပေါင်းရင်းမြစ်များ

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

Tito 2:1

Pero rat Tito, kin ja achel ndirajoꞌ ri utzulej teq tijonik ruyoꞌon ri Dios ri kꞌutun kan chawech, jariꞌ ri tatzijoj.

Colosenses 4:7

Ri hermano Tíquico ri tzꞌan niwojoꞌ nderuyaꞌ rutzijol chiwa nojel ri achike rubꞌanun ri nukꞌaslen. Rijaꞌ jun wachibꞌil ri kin rikꞌin nojel ránima ndubꞌen rusamaj ri Ajaw.

San Mateo 13:52

Y ri Jesús xubꞌij chake: Roma rix ndibꞌij chi ndikꞌoxomaj, romariꞌ nibꞌij chiwa: Nojel tijonel chin ri ley ri xyoꞌox chare ri Moisés ri rutijon pe riꞌ chirij ri ru-reino ri aj chikaj Dios, ri tijonel riꞌ achel jun rajaw achoch ri kꞌo kꞌakꞌakꞌ y ojer teq bꞌeyomal ruyakon y atoq ndikꞌatzin, ngerelesaj pe chin ngerukusaj.

Judas 1:5

Niwojoꞌ nikꞌuxlaꞌaj chiwa jujun teq achike ri iwetaman chik, chi atoq ri Ajaw Dios erelesan chi pe ri israelitas pa rochꞌulew Egipto, ri ma xetaqin ta, xukꞌis kiqꞌij.

2 Juan 1:9

Xa achike na jun ri nduyaꞌ qa más ruwiꞌ ri tijonik chin ri Cristo, ma kꞌo ta ri Dios pa ránima. Jakꞌa ri jun ri jumul kꞌo chupan ri tijonik chin ri Cristo, kꞌo ri Tataꞌaj Dios y ri Rukꞌajol ri Dios pa ránima.

1 Pedro 2:2

Achel ri chꞌuteq akꞌolaꞌ ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul,

2 Timoteo 4:3

Porque nduqaqa tiempo atoq ri wineq ma ndikajoꞌ ta ndikakꞌaxaj ri utzulej teq tijonik ruyoꞌon ri Dios, xa kin ndikꞌaqet kixikin chin ndikakꞌaxaj xa apux chi tijonik, y romariꞌ ekꞌiy kitijonelaꞌ ngekꞌojeꞌ ri ngekꞌutu chikiwech chi kin utz ngekibꞌanalaꞌ ri itzel teq rayinik.

2 Timoteo 3:10

Pero rat, Timoteo, awoqan utz-utz ri tijonik ri rat nutijon rikꞌin. Awoqan rubꞌeyal ri utzulej kꞌaslen nukꞌuan. Kꞌo chuqaꞌ pa awánima ri achike roma ngitajin rikꞌin ri samaj nibꞌen, chi kin kuqul nukꞌuꞌx rikꞌin ri Dios, chi ma poyineq ta nukꞌuꞌx nibꞌen ri samaj, chi nginojowan y chi nukochꞌon nuwech chupan ri kꞌayew niqꞌasaj.

2 Timoteo 1:6

Y romariꞌ nikꞌuxlaꞌaj chawa chi tatijaꞌ aqꞌij chi ma tichup qa ri loqꞌolej sipanik ruyoꞌon ri Dios chawa atoq xinyaꞌ nuqꞌaꞌ pa awiꞌ. Porque ja ri Dios ri xyoꞌon ri loqꞌolej sipanik riꞌ chawa.

1 Timoteo 6:3

Xa achike na jun ri ndukꞌut jun chik tijonik ri ma junan ta rubꞌeyal rikꞌin ri utzulej tijonik chin ri Qajaw Jesucristo, y ma junan ta chuqaꞌ rubꞌeyal rikꞌin ri tijonik ri ndukꞌen pe utzulej kꞌaslen ri ndiqaꞌ chuwech ri Dios,

1 Timoteo 4:16

Tachajij ri akꞌaslen y tachajij chuqaꞌ ri tijonik ndayaꞌ. Jumul keriꞌ tabꞌanaꞌ, porque si keriꞌ ndabꞌen, ma xe ta rat ngakolotej, xa kin ngekolotej chuqaꞌ ri ngeꞌakꞌaxan awichin.

1 Timoteo 1:10

Xyoꞌox chuqaꞌ koma ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri achiꞌaꞌ ri ndikikꞌamalaꞌ qa kiꞌ chi achiꞌaꞌ chin ndikibꞌen mak, ri ngekitzꞌen wineq chin ngekikꞌayij, ri ngereqꞌon, ri ngeꞌukusan rubꞌiꞌ ri Dios chin ngereqꞌon, y koma chuqaꞌ ri eyakatajneq chirij ri utzulej teq tijonik ruyoꞌon ri Dios,

1 Tesalonicenses 3:2

y xqateq ri Timoteo chiꞌitzꞌetik. Rijaꞌ jun qa-hermano y rusamajel ri Dios ri ngojrutoꞌ chutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo. Roj xqateq chin nderuyaꞌ ruchuqꞌaꞌ ri iwánima y chin chuqaꞌ ngixbꞌerupixabꞌaj chi más ndikuqubꞌaꞌ ikꞌuꞌx rikꞌin ri Cristo.

Colosenses 2:19

Ri wineq riꞌ, ma jun ta kánima kibꞌanun rikꞌin ri Cristo ri ukꞌuey bꞌey qichin roj ri qataqin rijaꞌ y roj okuneq ru-cuerpo. Ri Cristo nduyaꞌ ri ndikꞌatzin chare ri qakꞌaslen chin ngojkꞌiy achel ndirajoꞌ ri Dios. Roj achel jun cuerpo ri kin jabꞌel rutunun y ruyuqen riꞌ ri rubꞌochꞌil chin ndikꞌiy utz-utz.

Filipenses 3:16

Pero ma qojtzolij chiqij, xa kin jumul tiqꞌalajin qikꞌin ri jarupeꞌ roj kꞌiyineq pa qakꞌaslen chuwech ri Dios.

Efesios 6:21

Ri hermano Tíquico ri tzꞌan niwojoꞌ nderutzijoj chiwa ri rubꞌanun ri nukꞌaslen, y ri ax cheꞌel yinkꞌo. Rijaꞌ xe jun rubꞌanun rikꞌin ri Ajaw y rikꞌin nojel ránima ndubꞌen rusamaj ri Ajaw.

2 Corintios 6:4

Pa rukꞌexel riꞌ, ndiqatij qaqꞌij chi nditzꞌetetej pa qakꞌaslen chi qetzij roj rusamajelaꞌ ri Dios rikꞌin nojel ri ndiqabꞌen. Qakochꞌon ri qꞌaxomal ndiqaqꞌasaj pa kiqꞌaꞌ ri wineq, qakochꞌon atoq maneq ndutzꞌen qaqꞌaꞌ, qakochꞌon ri kꞌayew qaqꞌasan pe,

2 Corintios 3:6

Ja rijaꞌ bꞌanayon chaqe chi ngojtiker ndiqabꞌen ri samaj chupan ri kꞌakꞌakꞌ pacto. Y ri rukꞌuꞌx ri pacto riꞌ, kin ja ri Espíritu Santo, y ma ja ta ri ndubꞌij chupan ri ley xyoꞌox chare ri Moisés. Porque chupan ri ley riꞌ ndubꞌij chi ndiqaqa kamik pa kiwiꞌ ri ngebꞌanun mak, pero ri Espíritu Santo nduyaꞌ kꞌaslen.

1 Corintios 4:17

Romariꞌ xinteq ri Timoteo apeꞌ rixkꞌo. Rijaꞌ kin achel walkꞌuaꞌl, tzꞌan niwojoꞌ y kin ndubꞌen ri ndubꞌij ri Ajaw. Ja rijaꞌ ndekꞌuxlaꞌan chiwa ri achike chi kꞌaslen nukꞌuan roma xe jun nubꞌanun rikꞌin ri Cristo Jesús, achel nikꞌut nojel teq apeꞌ chikiwech ri eralkꞌuaꞌl ri Dios ri ndikimal kiꞌ pa rubꞌiꞌ.

Romanos 15:15

Pero riyin xinkowij wiꞌ xintzꞌibꞌaj jujun teq achike chupan re wuj reꞌ, chin nikꞌuxlaꞌaj chiwa ri iwetaman chik. Keriꞌ nibꞌen porque ri Dios kin ruyoꞌon ri ru-favor pa nuwiꞌ

Hechos 20:35

Rikꞌin nojel ri xinbꞌen pa nukꞌaslen, xinkꞌut chiwech chi ndikꞌatzin ngojsamej chin ngeqatoꞌ ri ndikiqꞌasaj kꞌayew. Tikꞌuxlaꞌaj ri tzij ri xubꞌij kan ri Ajaw Jesús: Más jabꞌel roruqꞌij ri ndiyoꞌon jun achike, ke chuwech ri ndiyoꞌox jun achike chare. Keriꞌ rubꞌiꞌin kan, xchajeꞌ ri Pablo.

Hechos 20:31

Romariꞌ, tichajij iwiꞌ. Tikꞌuxlaꞌaj chi riyin oxiꞌ junaꞌ chi chaqꞌaꞌ chi paqꞌij xixinpixabꞌaj, y hasta pa woqꞌej xinbꞌij chiwa chi tibꞌanaꞌ cuenta iwiꞌ.

San Lucas 1:3

Romariꞌ, jajun riyin xintij nuqꞌij xinwetamaj utz-utz nojel rubꞌeyal ri erubꞌanun pe ri Dios, y xinnaꞌ chi utz ninukꞌ e rutzꞌibꞌaxik chawa,

Hechos 1:15

Chupan teq ri qꞌij riꞌ, kimolon kiꞌ jun laꞌeq 120 ri kitaqin ri Jesús, y ri Pedro xpeꞌeꞌ pa kinikꞌajal y kereꞌ xubꞌij:

2 Corintios 11:23

Rejeꞌ nim ndikinaꞌ chare roma ndikibꞌij chi erusamajelaꞌ ri Cristo. Pero riyin kꞌo cheꞌel más nim ninaꞌ chare porque kꞌo más samaj chin ri Cristo nubꞌanun ke chikiwech rejeꞌ, maske atoq keriꞌ nibꞌij, xa yin achel jun wineq ri ngerubꞌilaꞌ tzij ri ma erunojin ta. Riyin más nutijon nuqꞌij nibꞌen rusamaj ri Cristo, más kꞌiy mul yin tzꞌapin pa cheꞌ, más kꞌiy mul yin roqon y kꞌiy mul jubꞌama yin kamisan.

Filipenses 2:20

Porque maneq chik jun chikiwech ri ekꞌo wikꞌin ri kin ta junan qánima rikꞌin pa ruwiꞌ ri ndikꞌatzin chiwa rix, porque rijaꞌ qetzij nderutijaꞌ ruqꞌij chin ndubꞌen ri kꞌo utz ndukꞌen pe chiwa.

Filipenses 2:22

Y rix iwetaman ri utzulej runoꞌoj ri Timoteo, porque kin samajneq pe wikꞌin chutzijoxik ri utzulej teq tzij chin kolotajik, rubꞌanun pe achel jun akꞌual ri ndiretamaj apu rusamaj ri rutataꞌ.