1 Timoteo 4:15 - Kaqchikel Santo Domingo (Xenacoj)

¹⁵ Tatijaꞌ aqꞌij chi jumul ndabꞌen nojel reꞌ, chin ndiqꞌalajin chikiwech konojel chi kꞌiyineq ri akꞌaslen chiraqen ri Ajaw.

နောက်ထပ်ဗားရှင်းများ

Kaqchikel Santa Maria de Jesus

¹⁵ Can riqꞌuin nojiel avánima tabꞌanaꞌ ri samaj, chi quireꞌ ncatzꞌiet cuma quinojiel chi kꞌij-kꞌij ncaqꞌuiy y ncatuoc jun utzulaj rusamajiel ri Dios.

Kaqchiquel Bible

¹⁵ Xa kan rik'in ronojel awánima tabana' ronojel re'. Y rik'in ri' yatz'et koma konojel chi achapon ak'iyinen rik'in ri Dios.

Kaqchikel Central Guatemala

¹⁵ Xa can riq'uin ronojel avánima tabana' ri samaj ri'. Y riq'uin ri' yatz'et coma conojel chi yatoc-el jun utzilej rusamajel ri Dios.

Re C'ac'a Testamento pa Kach'abal

¹⁵ Xa can riq'uin ronojel avánma tabana' re samaj re'. Y riq'uin re' yatz'et coma conojel che yatoc jun utzulaj samajel chin re Dios.

Kaqchikel Western Solola

¹⁵ Y can yac'ari' tabana' riq'ui ronojel awánima. Y riq'ui ri' yatz'etetej cuma quinojel chi yatajin yaq'uiy chupan ri samaj ri yatajnek chawe ruma ri Dios.

1 Timoteo 4:15 ပူးပေါင်းရင်းမြစ်များ

San Mateo 5:16

Keriꞌ kꞌa tiyikꞌan ri ikꞌaslen rix chikiwech ri wineq, chin tikitzꞌetaꞌ ri utz ngeꞌibꞌanalaꞌ, y keriꞌ ndikiyaꞌ ruqꞌij ri Tataꞌaj Dios kꞌo chikaj.

Hechos 6:4

Y keriꞌ roj ndiqajech qiꞌ pa oración, y chutzijoxik ri utzulej rutzij ri Dios, xechajeꞌ.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

1 Timoteo 4:6

Y rat Timoteo, si ngaꞌatijoj ri hermanos rikꞌin ri tijonik nitzꞌibꞌaj e chawa, kin ndiqꞌalajin chi rat jun utzulej rusamajel ri Cristo Jesús, ri kin kꞌiyineq pa awánima ri utzulej teq tijonik awoqan pe pa akꞌaslen y kꞌiyineq chuqaꞌ pa awánima ri utzulej teq tzij ri rubꞌanun chawa chi akuqubꞌan akꞌuꞌx rikꞌin ri Cristo Jesús.

2 Corintios 8:5

Y kin xkibꞌen más chuwech ri qoyobꞌen roj chi ndikibꞌen. Porque nabꞌey xkiyaꞌ kikꞌaslen pa ruqꞌaꞌ ri Ajaw, y kꞌateriꞌ xkiyaꞌ ri kikꞌaslen chubꞌanik ri ndiqabꞌij roj, roma xkinaꞌ chi jariꞌ rurayibꞌel ri Ajaw.

1 Corintios 16:15

Hermanos, rix iwetaman chi ri Estéfanas y ri ekꞌo pa rachoch, ja rejeꞌ ri nabꞌey xetaqin ri Cristo chiꞌikajal rix aj rochꞌulew Acaya, y chuqaꞌ kitijon kiqꞌij chi jalajaj toꞌonik ndikiyaꞌ chake ri loqꞌolej ralkꞌuaꞌl ri Dios.

2 Corintios 4:14

Y qetaman chuqaꞌ chi ri xkꞌastajbꞌan e ri Ajaw Jesús chikikajal ri animaꞌiꞌ, más apu chiqawech ngojrukꞌastajbꞌaꞌ chuqaꞌ roj, achel xubꞌen chare ri Jesús, y junan iwikꞌin ngojrukꞌuaj apeꞌ kꞌo rijaꞌ.

1 Timoteo 4:14

Tabꞌanaꞌ cuenta ri loqꞌolej sipanik ruyoꞌon ri Espíritu Santo chawa, sipanik ri xqꞌalajrisex pe roma ri Dios chin ndiyoꞌox chawa y kin xyoꞌox wi atoq ri eꞌukꞌuey bꞌey chikiwech ri rutinamit ri Dios xkiyaꞌ kiqꞌaꞌ pa awiꞌ.

1 Timoteo 4:16

Tachajij ri akꞌaslen y tachajij chuqaꞌ ri tijonik ndayaꞌ. Jumul keriꞌ tabꞌanaꞌ, porque si keriꞌ ndabꞌen, ma xe ta rat ngakolotej, xa kin ngekolotej chuqaꞌ ri ngeꞌakꞌaxan awichin.