1 Timoteo 3:16 - Kaqchikel Santo Domingo (Xenacoj)

¹⁶ Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

နောက်ထပ်ဗားရှင်းများ

Kaqchikel Santa Maria de Jesus

¹⁶ Y ketzij chi can nem rakalien ri xuꞌej ri Dios chakavach vacame, ri nichꞌoꞌ chirij ri chica cꞌaslien nika choch jajaꞌ; ruma chupan ri ruchꞌabꞌal ri tzꞌibꞌan can, nuꞌej: Ri Dios xcꞌujieꞌ vaveꞌ choch-ulief, xuoc vinak incheꞌl ojreꞌ. Xcꞌut chakavach ruma ri Espíritu Santo chi choj rucꞌaslien. Xtzꞌiet jeꞌ cuma ri ángeles. Xtzijos chica ri vinak ri man israelitas ta, y can iqꞌuiy ri icꞌo choch-ulief xaꞌniman richin. Y xꞌan recibir chicaj riqꞌuin namalaj rukꞌij.

Kaqchiquel Bible

¹⁶ Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Kaqchikel Central Guatemala

¹⁶ Y kitzij na vi chi can janíla nim rejkalen ri ruk'alajirisan chic ri Dios chikavech re vacami, y tok rubanon can xa man ruk'alajirisan ta. Vacami can xuc'ut yan c'a chikavech achique rubanic ri c'aslen ri nika' chuvech. Roma chupan ri ruch'abel ri Dios ri tz'ibatel can, nubij: Chi ri Dios xc'oje' vave' chuvech re ruvach'ulef, xoc vinek achi'el roj. Xc'ut chikavech roma ri Lok'olej Espíritu chi can choj vi ruc'aslen. Chuka' xtz'etetej coma ri ángeles. Xtzijox chuvech ronojel re ruvach'ulef, y e q'uiy xeniman richin. Y tok xel-el chuvech re ruvach'ulef, xc'ul chila' chicaj riq'uin ruk'ij-ruc'ojlen.

Re C'ac'a Testamento pa Kach'abal

¹⁶ Y can katzij-va che camas nem rajkalen re ruc'utun chic can re Dios chakavach vocame, y tak rubanon can xa man ruc'utun-ta. Vocame can xuc'ut-yan chakavach andex rubanic re c'aslen re nika chach reja'. Roma chupan re ruch'abal re Dios re tz'iban can, nubij: Che re Dios xc'ue' vova' chach re ruch'ulef, xoc vinak ancha'l yoj. Y ja re Espíritu Santo re xc'utu chakavach che can choj-va ruc'aslen. Chuka' xtz'et coma re ángeles. Xtzijos chach ronojel ruch'ulef, y je q'uiy xe'niman richin. Y tak xel-a chach re ruch'ulef, xc'ul chila' chicaj y xc'ue' chic ruk'ij.

Kaqchikel Western Solola

¹⁶ Y can kitzij wi chi sibilaj nim ruc'ojlen ri ruk'alajsan chic ri Dios chkawech re wacami, ri nich'o chrij ri achique rubanic ri c'aslen ri nika chuwech. Ruma chupan ri ruch'abel ri Dios ri tz'ibatal ca, nubij: Ri Dios xc'oje' wawe' chuwech re ruwach'ulef, y xoc winek. Xc'ut chkawech ruma ri Lok'olaj Espíritu chi can choj wi ri ruc'aslen. Chuka' xtz'etetej cuma ri ángeles. Xtzijox chique ri winek ri ma ye israelitas ta, xnimex cuma ye q'uiy chuwech re ruwach'ulef. Y xc'ul chila' chicaj riq'ui ruk'ij ruc'ojlen.

1 Timoteo 3:16 ပူးပေါင်းရင်းမြစ်များ

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

Marcos 16:19

Y atoq ri Ajaw Jesús xukꞌis rubꞌixik nojel ri xrajoꞌ xubꞌij chake ri discípulos, xukꞌuꞌex e chikaj y xbꞌetzꞌuyeꞌ pa rikiqꞌaꞌ ri Dios.

Romanos 16:25

Tiqayaꞌ ruqꞌij ri Dios, ri nditiker ndubꞌen chiwa chi más ndikꞌojeꞌ ruchuqꞌaꞌ iwánima rikꞌin, achel ndubꞌij ri utzulej teq tzij chin kolotajik ri niyaꞌ rutzijol, ri ndichꞌaꞌa pa ruwiꞌ ri Jesucristo. Ja utzulej tzij riꞌ ri runabꞌan pe ri Dios chin ndukusaj chin ngerukal ri jalajaj kiwech wineq chochꞌulew, y xe jampeꞌ pa nabꞌey ewan pe rubꞌeyal,

San Lucas 24:4

Y keriꞌ sachineq kikꞌuꞌx pa ruwiꞌ ri bꞌanatajneq, kꞌateꞌ ruwech xebꞌepeꞌeꞌ kaꞌiꞌ kꞌajolaꞌ chikinaqaj kikusan tzieq ndiyikꞌilan.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

1 Juan 1:2

Ri Jun ri ndiyoꞌon kꞌaslen, xuruqꞌalajrisaj riꞌ chochꞌulew y roj rikꞌin qawech xqatzꞌet, y ndiqatzijoj chi qetzij porque xqatzꞌet. Y ri kꞌaslen nduyaꞌ rijaꞌ, ja ri kꞌaslen ma ndikꞌis ta. Y ri ndiyoꞌon ri kꞌaslen riꞌ, kin xixkꞌo wi rikꞌin ri Tataꞌaj Dios, y xuruqꞌalajrisaj riꞌ chiqawech.

1 Pedro 3:22

Ri Jesucristo atoq xbꞌa e chikaj, xbꞌekꞌojeꞌ pa rikiqꞌaꞌ ri Dios y chuxeꞌ rutzij ekꞌo ángeles, ekꞌo chuqaꞌ ri chꞌaqa chik espíritus ri kꞌo uchuqꞌaꞌ pa kiqꞌaꞌ, y ekꞌo chuqaꞌ ri nimalej kuchuqꞌaꞌ.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

Colosenses 2:2

Niwojoꞌ chi ndikꞌojeꞌ ruchuqꞌaꞌ iwánima, y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo.

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

Colosenses 1:6

Ri utzulej teq tzij chin kolotajik xbꞌeqaqa rutzijol chiꞌikajal, y jabꞌel ndikꞌiy y ndiwachin achel jun tikoꞌ. Ri utzulej teq tzij riꞌ kꞌiyineq nojel apeꞌ chuwech ri rochꞌulew y kꞌiyineq chuqaꞌ chiꞌikajal rix, xe jampeꞌ xiwetamaj y qetzij xikꞌoxomaj pe ri ru-favor ri Dios.

San Lucas 22:43

Y atoq ri Jesús ndubꞌen orar, xuqꞌalajrisaj riꞌ jun ángel chin ri Dios chuwech chin xuyaꞌ ruchuqꞌaꞌ ránima.

San Mateo 3:16

Y atoq ri Jesús xbꞌan bautizar, xe xbꞌeꞌel pe pa yaꞌ, kꞌateꞌ ruwech xjaqatej ri kaj, y xutzꞌet ri Espíritu chin ri Dios pataneq chikaj y ndiqaqa pe pariꞌ achel jun paloma.

1 Juan 3:5

Rix iwetaman chi ri Jesucristo xuqaqa chochꞌulew chin xurelesaj ri mak qeqalen, pero rijaꞌ nixta jun rumak.

Hebreos 12:2

Y jumul tiqayaꞌ qawech chirij ri Jesús ri xjaqo bꞌey chiqawech chin ndiqakuqubꞌaꞌ qakꞌuꞌx rikꞌin ri Dios y nditoꞌon qichin chin jumul kuqul qakꞌuꞌx hasta pa rukꞌisibꞌel. Ri Jesús roma retaman chi kin xtikikot, ma xupoqonaj ta riꞌ xuqꞌasaj ri kꞌix xukꞌen pe ri kamik xuqꞌasaj cho cruz, xa kin xukachꞌ. Y xbꞌetzꞌuyeꞌ e pa rikiqꞌaꞌ ri Dios ri tzꞌuyul pa ru-trono.

1 Timoteo 3:9

Ndikꞌatzin chuqaꞌ chi rikꞌin chꞌajchꞌaj kánima ndikikuqubꞌaꞌ kikꞌuꞌx rikꞌin ri utzulej teq tijonik ri ndichꞌaꞌa pa ruwiꞌ ri Cristo, tijonik ri ruqꞌalajrisan ri Dios chiqawech chupan re tiempo reꞌ.

San Juan 20:12

Y xerutzꞌet kaꞌiꞌ ángeles seq kitziaq, etzꞌuyul apeꞌ xkꞌojeꞌ ri ru-cuerpo ri Jesús, jun tzꞌuyul apeꞌ xliꞌeꞌ ri rujolon y ri jun chik apeꞌ xliꞌeꞌ ri raqen.

San Mateo 1:23

Tiyaꞌ kꞌa cuenta chare chi ri xten ndiroyobꞌej qa akꞌual, maske kꞌajani tikꞌojeꞌ rikꞌin achi Y jun chꞌuti ral alaꞌ ndikꞌojeꞌ. Ri akꞌual riꞌ ndubꞌiniꞌaj Emanuel, y riꞌ ndubꞌij tzij: Dios kꞌo chiqakajal.

Apocalipsis 7:9

Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.

1 Pedro 1:20

Ri Cristo kin bꞌiꞌin wi pe pa ruwiꞌ chi nduken pa kikꞌexel ri wineq, y riꞌ kin xe atoq kꞌajani tibꞌan ri rochꞌulew. Pero kꞌaja chupan re rukꞌisibꞌel teq tiempo rojkꞌo, xtaq pe chin xukꞌen pe utz chiwa.

Hebreos 7:7

Y kin qetzij wi chi ri más nimalej ruqꞌij, jariꞌ ri ndibꞌanun bendecir ri más maneq ok ruqꞌij.

Efesios 6:19

Tikꞌutuj chuqaꞌ chare ri Dios woma riyin, chi nduyaꞌ tzij pa nuchiꞌ chin niqꞌalajrisaj chikiwech ri wineq ri utzulej teq tzij chin kolotajik ri ma kin ta qꞌalej rubꞌeyal rubꞌanun kan, y man ta nixibꞌij wiꞌ chubꞌixik.

Efesios 1:9

chin xqakꞌoxomaj ri rurayibꞌel, ri ma kin ta qꞌalej rubꞌeyal ojer kan y chupan re tiempo reꞌ xuqꞌalajrisaj chiqawech, porque keriꞌ xubꞌen ruwech xe jampeꞌ pa nabꞌey chi ndubꞌen y ja ri Cristo xukusaj chin xubꞌen.

Gálatas 4:4

Pero atoq xuqaqa ri tiempo ri rubꞌanun pe ruwech ri Dios, rijaꞌ xuteq pe ri Rukꞌajol chin xuꞌalex chochꞌulew chiruqꞌaꞌ jun xten, y xukꞌojeꞌ chuxeꞌ ruchuqꞌaꞌ ri ley ri xyoꞌox chare ri Moisés,

1 Corintios 15:47

Ri nabꞌey achi Adán, rikꞌin ulew xbꞌan, romariꞌ kin aj rochꞌulew. Pero ri rukan Adán, kin aj chikaj, y riꞌ ja ri Jesucristo.

1 Corintios 2:7

Ri nojibꞌel ri ndiqatzijoj roj, ja ri nimalej nojibꞌel pataneq rikꞌin ri Dios, ri ewan rubꞌeyal jumbꞌey kan. Ri nimalej nojibꞌel riꞌ, ri Dios rubꞌanun wi pe ruwech xe atoq kꞌajani titzꞌukutej pe ri rochꞌulew chin nduqꞌalajrisaj chiqawech roj qonojel ri qataqin rijaꞌ, chin ndikꞌojeꞌ qaqꞌij rikꞌin.

Romanos 10:18

Pero riyin nibꞌij: ¿La ma xkakꞌaxaj ta kami ri wineq re utzulej tzij reꞌ? Kin xkakꞌaxaj wi. Porque chupan ri rutzij ri Dios kereꞌ ndubꞌij: Chuwech nojel ri rochꞌulew xakꞌaxex kitzij ri ngetzijon ri rutzij ri Dios, Hasta ri lugar más nej chin ri rochꞌulew xbꞌeqaqa ri kitzij. Keriꞌ ndubꞌij ri tzꞌibꞌan kan.

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

Gálatas 2:8

Porque ri Dios achel rutoꞌon ri Pedro chin rubꞌanun samaj chin jun apóstol chikikajal ri israelitas, keriꞌ chuqaꞌ yin rutoꞌon riyin chin nubꞌanun samaj chin jun apóstol chikikajal ri ma israelitas ta.

Romanos 9:5

Rejeꞌ ekiy-kimam kan ri Abraham, ri Isaac y ri Jacob, y chikikajal xuꞌalex ri Jun ri xtaq pe roma ri Dios chukolik ri rutinamit. Riꞌ ja ri Jesucristo ri kin Dios wi pa ruwiꞌ nojel. ¡Kin ta jumul xtiyoꞌox ruqꞌij! Amén.

Hechos 10:34

Ja atoq riꞌ ri Pedro xutzꞌuk xchꞌaꞌa y kereꞌ xubꞌij: Wokami nikꞌoxomaj chi ri Dios ma xe ta jun ruwech wineq ri ngeruchaꞌ chin ngerajoꞌ,

Romanos 8:3

Porque rikꞌin ri xqatij qaqꞌij chin xqabꞌen ri ndubꞌij ri ley ruyoꞌon pe ri Dios, ma xkꞌis ta ruchuqꞌaꞌ ri mak, porque nixta jun wineq nditiker ndubꞌen nojel ri ndubꞌij ri ley, pero ri Dios chin xojrukal xuteq pe ri Rukꞌajol chochꞌulew y xuyaꞌ jun cuerpo chare achel qa-cuerpo roj wineq ri roj aj mak, pero rijaꞌ kin ma aj mak ta, y ri Dios xujech pa kamik chutojik ri qamak y keriꞌ xukꞌis ruchuqꞌaꞌ ri mak.

Hechos 14:27

Atoq xebꞌeqaqa, xekimal ri hermanos ekꞌo chiriꞌ, y xkitzijoj ri samaj xubꞌen ri Dios chikiqꞌaꞌ, y xkitzijoj chuqaꞌ chi jajun chake ri ma israelitas ta, ri Dios ruyoꞌon qꞌij chi ngekolotej roma ndikitaqij rijaꞌ.

San Juan 16:28

Apeꞌ kꞌo ri Tataꞌaj Dios yin eleneq wi pe, y xinuqaqa chochꞌulew. Y wokami, niyaꞌ kan ri rochꞌulew chin ngitzolij e apeꞌ kꞌo rijaꞌ.

San Lucas 24:51

Y atoq ndajin chukꞌutuxik ru-favor ri Dios pa kiwiꞌ, xeruyaꞌ kan y xukꞌuꞌex e chikaj.

Apocalipsis 17:7

Y ri ángel xubꞌij chuwa: ¿Achike roma xsach akꞌuꞌx? Riyin niqꞌalajrisaj chawech achike ndubꞌij tzij ri itzel chikap keq rij, wuquꞌ rujolon y lajuj rukꞌaꞌ, y ri ixaq tzꞌuyul chirij.

Apocalipsis 17:5

Pa runikꞌajal ruwech ri ixaq riꞌ, tzꞌibꞌan jun bꞌiꞌaj ri ma kin ta qꞌalej rubꞌeyal ri achike ndubꞌij tzij: Ri nimalej tinamit Babilonia, kiteꞌ ri ixoqiꞌ ri ndikikꞌayilaꞌ kiꞌ chake achiꞌaꞌ, y kiteꞌ ri ngebꞌanun seqꞌ teq mak chochꞌulew ri ndimulu rukꞌuꞌx ri Dios kikꞌin.

Hebreos 8:1

Ri rukꞌuꞌx nojel ri ngojtajin chubꞌixik chiwa, jareꞌ: Pa qawiꞌ roj kꞌo jun más nimalej ruqꞌij Sacerdote tzꞌuyul pa rikiqꞌaꞌ ri ru-trono ri nimalej Dios chikaj.

2 Tesalonicenses 2:7

Keriꞌ nibꞌij chiwa, porque wokami ndisamej chik chilaqꞌel jun itzel uchuqꞌaꞌ pa kánima ri wineq, ri ndibꞌanun chi ma jun ley ndikajoꞌ. Y kꞌo jun qꞌatayon richin ri itzel uchuqꞌaꞌ riꞌ, chin ma ndeqꞌax ta ruwiꞌ, pero nderilaꞌ qꞌij atoq ndelesex e ri jun qꞌatayon richin.

2 Tesalonicenses 1:10

Nojel reꞌ ndibꞌanatej chupan ri qꞌij atoq ri Ajaw nduqaqa, chin keriꞌ ri loqꞌolej rutinamit ndikiyaꞌ ruqꞌij y chin chuqaꞌ ndisach kikꞌuꞌx chirij konojel ri xetaqin richin. Y chikikajal ri xetaqin rixkꞌo rix, porque xitaqij chuqaꞌ ri utzulej teq tzij chin kolotajik ri xqatzijoj kan chiwa.

Hechos 1:19

Y konojel ri ekꞌo pa tinamit Jerusalén xkakꞌaxaj achike modo xken ri Judas. Romariꞌ, ri jun ulew riꞌ ndibꞌix Hacéldama chare, y reꞌ pa qachꞌabꞌel roj, ndubꞌij tzij, ulew apeꞌ xbꞌiyin rukikꞌel jun wineq.

San Juan 17:5

Wokami, Nataꞌ, tabꞌanaꞌ chi ndikꞌojeꞌ chik nuqꞌij jumbꞌey, achel ri nuqꞌij xkꞌojeꞌ awikꞌin atoq kꞌajani tikꞌojeꞌ ri rochꞌulew.

San Juan 15:26

Pero atoq nduqaqa ri Bꞌochinel ri niteq pe riyin pa rubꞌiꞌ ri Tataꞌaj Dios, nduruqꞌalajrisaj achike riyin. Y ri Bꞌochinel riꞌ, ja ri Espíritu Santo ri ndiqꞌalajrisan ri qetzij. Rijaꞌ rikꞌin ri Tataꞌaj Dios ndel wi pe.

San Juan 6:62

¿Achike ta kꞌa ndinaꞌ rix chare, xa ta nginitzꞌet riyin ri aj chikaj ri xinuꞌalex chiꞌikajal chi ngibꞌa e chikaj apeꞌ yinkꞌo pa nabꞌey?

San Lucas 2:32

Rijaꞌ kin xtuyikꞌaj kikꞌaslen ri ma israelitas ta, Y roma rijaꞌ ndikꞌojeꞌ qaqꞌij roj israelitas, xchajeꞌ ri Simeón.

Marcos 16:5

Y atoq xeꞌok apu chupan ri jul, xkitzꞌet jun kꞌajol tzꞌuyul pa rikiqꞌaꞌ apeꞌ xliꞌeꞌ ri Jesús. Ri kꞌajol riꞌ rukusan tzieq seq ri ndiqaqa kꞌa chiruqul raqen. Y ri ixoqiꞌ tur xkibꞌen qa roma kixibꞌriꞌil.

Marcos 1:13

Y xkꞌojeꞌ chiriꞌ 40 qꞌij, y nditaqchiꞌix roma ri itzel chin ta nditzaq pa mak. Ri Jesús xkꞌojeꞌ apeꞌ ekꞌo ri kꞌuxunel teq chikap, y ri ángeles ndikilij.

San Mateo 28:2

Y kꞌateꞌ ruwech xbꞌanatej jun nim kobꞌraqen, porque jun ángel chin ri Ajaw xqaqa pe chikaj y xjel apu chuchiꞌ ri jul, xusirirej ri abꞌej chin xrelesaj e, y xtzꞌuyeꞌ pariꞌ.

San Mateo 13:11

Ri Jesús xubꞌij: Chiwa rix yoꞌon qꞌij chin ndiwetamaj ri ewan pe rubꞌeyal xe ojer kan pa ruwiꞌ ri ru-reino ri aj chikaj Dios, pero chake rejeꞌ ma yoꞌon ta qꞌij.

San Mateo 4:11

Ja atoq riꞌ ri itzel xuyaꞌ kan ri Jesús, y xebꞌeqaqa ángeles apeꞌ kꞌo ri Jesús, y ndikilij.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

Romanos 10:12

Porque chuwech ri Dios, junan kiwech ri israelitas y ri ma israelitas ta, porque rijaꞌ Ajaw pa kiwiꞌ konojel wineq. Y tzꞌan favor nduyaꞌ pa kiwiꞌ konojel ri wineq ri ndikikꞌutuj kikolotajik chare.

Romanos 3:4

¡Ma ke ta riꞌ! Ri Dios kin ndubꞌen wi ri rubꞌiꞌin chi ndubꞌen, maske konojel wineq xa etzꞌukuy aqꞌ, achel ndubꞌij chupan ri rutzij ri Dios tzꞌibꞌan kan ri kereꞌ ndubꞌij: Kin ta xtiqꞌalajin chikiwech ri wineq chi kin chojmilej wi ri ndabꞌij, Y kin ta xtikitzꞌet chi pa ruchojmil xabꞌen chi xayaꞌ castigo pa nuwiꞌ. Keriꞌ tzꞌibꞌan kan.

Romanos 16:26

pero chupan re tiempo rojkꞌo, xqꞌalajrisex chiqawech. Y achel kiqꞌalajrisan kan ri profetas chi kꞌo jun qꞌij ndibꞌanatej, y achel chuqaꞌ rubꞌanun kan mandar ri Dios ri kin jumul kꞌo, roj ndiqayaꞌ rutzijol chake ri jalajaj kiwech wineq chochꞌulew chi tikitaqij ri Jesucristo y tikinimaj rutzij.

2 Corintios 1:19

Porque ri Jesucristo, ri Rukꞌajol ri Dios, ma ndubꞌij ta jun achike ri ma ndubꞌen ta, rijaꞌ kin jumul wi ndubꞌen ri ndubꞌij, keriꞌ ri qatzijon kan riyin Pablo, ri Silvano y ri Timoteo chiwa, y rikꞌin ri Cristo nditzꞌetetej chi ri Dios kin jumul wi ndubꞌen ri ndubꞌij,

1 Pedro 1:21

Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.

1 Juan 3:8

Pero ri jun ri xe mak roma, xa kin chin wi ri itzel, porque ri itzel xe jampeꞌ kꞌajani tibꞌan ri kaj y ri rochꞌulew ndajin rikꞌin mak. Y ri Rukꞌajol ri Dios xuqꞌalajrisaj riꞌ chin ndurukꞌisaꞌ ruqꞌij rusamaj ri itzel.

San Lucas 20:44

Xu ri David xubꞌij Ajaw chare ri Jun nditaq pe roma ri Dios chukolik ri rutinamit, y riy-rumam kan chuqaꞌ, ¿achike rubꞌeyal riꞌ? xchajeꞌ ri Jesús.