1 Timoteo 1:4 - Kaqchikel Santo Domingo (Xenacoj)

⁴ y chi ma tikiyaꞌ kixikin rikꞌin tzij ri ngetzijox pa kiwiꞌ ri tzaq teq wineq ri xekꞌojeꞌ e chochꞌulew ojer, tzij ri eyoꞌon qa ruqꞌa-raqen, y ma jumbꞌey ngekꞌis, ri ndikibꞌen chake ri wineq chi ndikichuquchaꞌ kiꞌ pa ruwiꞌ ri xa ma jun reqalen. Tzij achel riꞌ ma ngerutoꞌ ta ri wineq chin ta más ndikikuqubꞌaꞌ kikꞌuꞌx rikꞌin ri Dios chubꞌanik ri ndirajoꞌ rijaꞌ.

နောက်ထပ်ဗားရှင်းများ

Kaqchikel Santa Maria de Jesus

⁴ Nicꞌatzin jeꞌ naꞌej chica chi man tiquiyaꞌ quixiquin cha ri tzij ri nitzijos chiquij ri vinak ri xaꞌcꞌujieꞌ ojier can y nicꞌaj chic tzij ri choj i-maluon-ka; ri tzij quireꞌ nucꞌam-pa ayoval ruma man jun bꞌay xcaꞌqꞌuis. Y reꞌ man nkojquitoꞌ ta chi nkojqꞌuiy chupan ri kacꞌaslien riqꞌuin ri Dios, cꞌaslien chi nakacukubꞌaꞌ kacꞌuꞌx riqꞌuin jajaꞌ.

Kaqchiquel Bible

⁴ Chuqa' man tikiya' rejqalen ri tzij ri xa choj e tz'ukun-pe. Ni man tikinimirisaj-ki' roma ri rucholajen ri kibi' ri kati't-kimama', roma ronojel re' xa nuk'en-pe oyowal. Y man nuto' ta ri rubin kan ri Dios, ri rik'in kuqubabel-k'u'x niqanimaj.

Kaqchikel Central Guatemala

⁴ Chuka' nic'atzin chi nabij chique chi man tiquiya' rejkalen ri tzij ri yeban chiquij ri quibi' ri vinek ri xec'oje' ojer can y ri ch'aka' chic tzij ri xa choj e tz'ucutajinek-pe. Tzij que tak ri' jantape' ec'o-pe y man jun bey xqueq'uis ta. Yetzijolox, pero chike roj man jun utz ri nuq'uen ta pe. Y man yojquito' ta chubanic ri rubin can ri Dios. Roma rija' rubin can chi tikacukuba' kac'u'x riq'uin rija'.

Re C'ac'a Testamento pa Kach'abal

⁴ Chuka' nic'atzin che nabij chique che man tiquiya' pa cuenta re tzij nibex chiquij re quibe' re vinak re xe'c'ue' ajuer can y re nic'aj chic tzij re xa choj quire' je'tz'uculun-ka. Tzij qui tak re' can nojel tiempo jec'o y man jun bey xque'q'uis-ta che ye'tzijos, pero chaka yoj man jun otz nuc'am-pa. Y man yojquito-ta chubanic re rubin can re Dios. Roma reja' rubin can che takabana' confiar-ki' riq'uin reja'.

Kaqchikel Western Solola

⁴ Chuka' tabij chique chi ma tiquiya' ta quixquin chare ri nitzijox chiquij ri winek ri xec'oje' ojer ca y ri nic'aj chic tzij ri xa choj ye tz'ucutajnek pe. Tzij achi'el ri' can yec'o pe y majun bey xqueq'uis ta. Yetzijolox, pero xa niquisuk' kana'oj. Y xa ma yojquito' ta riche (rixin) chi yojq'uiy chupan ri kac'aslen riq'ui ri Dios, c'aslen riche (rixin) ri kacukbel c'u'x riq'ui Riya'. Yac'are' nbij chawe.

1 Timoteo 1:4 ပူးပေါင်းရင်းမြစ်များ

Tito 3:9

Pero ma tachuquchaꞌ awiꞌ kikꞌin wineq pa ruwiꞌ tzij ri ma jun utz ndikikꞌen pe, achel ri tzij ngetzijox pa ruwiꞌ nukꞌun teq bꞌiꞌaj kichin wineq ri xekꞌojeꞌ ojer kan. Y ma tabꞌen oyowal, nixta tatzeq apu awiꞌ chupan tzij ngekibꞌanalaꞌ ri wineq ri ma junan ta ngenojin pa ruwiꞌ ri ndubꞌij ri ley xyoꞌox chare ri Moisés. Porque nojel tzij achel riꞌ xa ma jun kibꞌeyal y ma jun utz ndikikꞌen pe chawa.

Tito 1:14

Tabꞌij chuqaꞌ chake chi ma tikiyaꞌ kixikin rikꞌin tzꞌukun y nojin teq tzij eyoꞌon qa ruqꞌa-raqen, ri ndikitzijoj ri nuwinaqul israelitas, nixta tikiyaꞌ kixikin rikꞌin mandamientos ri xa epataneq kikꞌin wineq ri ndikiyaꞌ kan rokacheq chuwech ri qetzij.

1 Timoteo 4:7

Ma tayaꞌ axikin kikꞌin tzij eyoꞌon qa ruqꞌa-raqen ri ndikiqasaj ruqꞌij ri Dios, ri xa rijilej teq ixoqiꞌ etzijoyon pe. Xa kin tatijaꞌ aqꞌij chi qꞌij-qꞌij ndakꞌuaj jun utzulej kꞌaslen chuwech ri Dios.

2 Timoteo 4:4

Ri tiempo riꞌ, ri wineq xa ndikiyaꞌ kan rokacheq chuwech ri qetzij, chin ndikiyaꞌ kixikin rikꞌin tzꞌukun y nojin teq tzij eyoꞌon qa ruqꞌa-raqen.

2 Pedro 1:16

Nojel re nibꞌij chiwa kin qetzij, porque roj apóstoles ma qakusan ta tzꞌukun y nojin teq tzij eyoꞌon qa ruqꞌa-raqen chin qabꞌiꞌin chiwa ri uchuqꞌaꞌ kꞌo pa ruqꞌaꞌ ri Qajaw Jesucristo y chi rijaꞌ nduqaqa chik jumbꞌey. Xa kin rikꞌin qawech xqatzꞌet ri nimalej ruqꞌij.

1 Timoteo 6:20

Y rat Timoteo, tatijaꞌ aqꞌij ndabꞌen cuenta ri utzulej tijonik ri chilabꞌen chawa chi ndayaꞌ. Ma tatzeq awiꞌ chupan teq tzij ri ma jun rubꞌeyal. Y ma kaꞌawakꞌaxaj tzij ri ndibꞌix nimalej nojibꞌel chake, pero xa ma ke ta riꞌ, tzij ri eyakatajneq chirij ri tijonik ndayaꞌ.

Hebreos 13:9

Ma tiyaꞌ qꞌij chi ngixukꞌuꞌex chunimaxik jalajaj teq tijonik ri ma junan ta rikꞌin ri ndubꞌij ri rutzij ri Dios. Porque más utz chi rix ndiwil ruchuqꞌaꞌ iwánima rikꞌin ri favor nduyaꞌ ri Dios, ke kikꞌin tijonik ri ndubꞌij achike utz o ma utz ta chin ndikꞌuxeꞌ, porque ri tijonik riꞌ ma ndukꞌen ta pe kuqubꞌel kꞌuxlaj chake ri ngeniman kichin.

2 Timoteo 2:14

Rat Timoteo, takꞌuxlaꞌaj nojel reꞌ chake ri hermanos. Chuwech ri Dios tabꞌij chake chi ma tikichuquchaꞌ kiꞌ pa kiwiꞌ tzij, porque ma jun utz ndukꞌen pe chake. Xa ndusuqꞌ kinoꞌoj ri ngeꞌakꞌaxan richin.

2 Timoteo 2:22

Rat Timoteo, taqꞌataꞌ awiꞌ chuwech ri itzel teq rayinik achel ri kꞌo pa kánima ri kꞌajolaꞌ y ri xtaniꞌ. Pa rukꞌexel riꞌ, takꞌuaj jun chojmilej kꞌaslen ri ndukꞌut chi xe jun ruwech atzij ayoꞌon chare ri Dios. Katojowan y takanoj chi ndikꞌojeꞌ uxlanen chikikajal ri hermanos. Keriꞌ tabꞌanaꞌ junan kikꞌin ri hermanos ri rikꞌin chꞌajchꞌaj kánima ngebꞌiꞌin chi ja ri Ajaw ri kikolonel.

1 Timoteo 6:11

Pero rat Timoteo, rat jun achi rusamajel ri Dios. Katanimej chuwech nojel ri ngetajin rikꞌin rejeꞌ. Takꞌuaj jun chojmilej kꞌaslen, tabꞌanaꞌ ri ndiqaꞌ chuwech ri Dios, takuqubꞌaꞌ más akꞌuꞌx rikꞌin rijaꞌ, katojowan, kakochꞌon y loqꞌ awánima tabꞌanaꞌ chake konojel.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

Tito 1:1

Riyin Pablo, yin rusamajel ri Dios y ru-apóstol ri Jesucristo y yin taqon chikitoꞌik ri echaꞌon roma ri Dios chin ndikitaqij ri Jesucristo. Yin taqon chuqaꞌ chin ndiketamaj utz-utz ri qetzij ri ndukꞌut chikiwech achike ndikibꞌen chin ndikikꞌuaj jun loqꞌolej kꞌaslen achel ndirajoꞌ ri Dios.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

Efesios 3:2

Y riyin ninaꞌ pa wánima chi rix iwakꞌaxan chi ri Dios pa nuqꞌaꞌ ruyoꞌon chi nitzijoj ri utzulej rutzij chiwa, chin ndiwil ri favor nduyaꞌ.

2 Timoteo 2:23

Riyin nikamuluj rubꞌixik chawa: Ma ndatzeq awiꞌ chupan tzij ri nixta jun kibꞌeyal y nixta jun utz ndikikꞌen pe. Rat awetaman chi tzij achel riꞌ xa ndikikꞌen pe oyowal.