1 Timoteo 1:12 - Kaqchikel Santo Domingo (Xenacoj)

¹² Nimatioxij chare ri Qajaw Cristo Jesús ri ruyoꞌon wuchuqꞌaꞌ chin nibꞌen ri rusamaj, porque xunikꞌoj ri wánima, xutzꞌet chi kin xtinbꞌen wi ri rusamaj nduyaꞌ pa nuqꞌaꞌ, y nimatioxij chuqaꞌ chare chi xiruyaꞌ chin nibꞌen ri samaj riꞌ.

နောက်ထပ်ဗားရှင်းများ

Kaqchikel Santa Maria de Jesus

¹² Niyaꞌ tiox bꞌaꞌ cha ri Kajaf Jesucristo ruma ruyoꞌn vuchukꞌaꞌ chi niꞌan ri samaj reꞌ. Ruma xutzꞌat chi nuyoꞌn vánima riqꞌuin y rumareꞌ xuꞌon chi xinuoc rusamajiel.

Kaqchiquel Bible

¹² Ja ri qajaw Jesucristo ri yoyon wuchuq'a' chi ninben re samaj re'. Y yin ninmatioxij chire roma xukuquba' ruk'u'x wik'in, y roma ri' xirucha' richin xinok rusamajel.

Kaqchikel Central Guatemala

¹² Ja ri Kajaf Jesucristo ri yoyon vuchuk'a' chi ninben re samaj re'. Y yin ninmatioxij chire rija' roma xutz'et chi can cukul-vi nuc'u'x riq'uin y romari' xirucha' richin xinoc rusamajel.

Re C'ac'a Testamento pa Kach'abal

¹² Ja re Kajaf Jesucristo re ya'yon vuchuk'a' che nimban re samaj re'. Y yen nintioxij cha reja' roma xutz'at che can nbanon confiar-vi' riq'uin y mare' xinrucha' chin xinoc rusamajel.

Kaqchikel Western Solola

¹² Sibilaj c'a yimatioxin chare ri Kajaf Cristo Jesús, ri can ruya'on wuchuk'a' y rucukuban ruc'u'x chuwij chi can nben wi ri rusamaj. Rumari' xuben chuwe chi xinoc rusamajel.

1 Timoteo 1:12 ပူးပေါင်းရင်းမြစ်များ

Filipenses 4:13

Chupan nojel ri niqꞌasaj pa nukꞌaslen ngitiker ngikikot, porque xe jun nubꞌanun rikꞌin ri Cristo ri ndiyoꞌon wuchuqꞌaꞌ.

2 Timoteo 4:17

Pero ri Ajaw ma xiruyaꞌ ta kan, xa kin xirutoꞌ y xuyaꞌ wuchuqꞌaꞌ chin keriꞌ xintzijoj ri utzulej teq tzij chin kolotajik, y keriꞌ xkakꞌaxaj konojel ri ma israelitas ta ri utzulej teq tzij riꞌ. Y ri Ajaw xirukal chuwech ri kamik.

Colosenses 1:25

Ri Dios rubꞌanun chuwa chi yin okuneq samajel kichin ri ralkꞌuaꞌl ri Dios, roma ruchilabꞌen chuwa chi ngisamej chin ngixintoꞌ rix ri ma israelitas ta. Y rijaꞌ ndirajoꞌ chi niyaꞌ rubꞌeyal ri utzulej rutzij nojel apeꞌ.

Filipenses 2:11

Y konojel tikibꞌij chi ri Jesucristo kin Ajaw wi, Chin ndiyoꞌox ruqꞌij ri Tataꞌaj Dios.

2 Corintios 4:1

Romariꞌ, roj roma rujoyowan qawech ri Dios, ma ndiqamalij ta qa qakꞌuꞌx chupan ri samaj ruyoꞌon rijaꞌ chiqaqꞌaꞌ.

1 Corintios 7:25

Wokami kꞌa, pa ruwiꞌ ri ndikꞌutuj razón pa kiwiꞌ ri qꞌopojiꞌ chupan ri wuj xiteq pe, ma jun mandamiento ruyoꞌon ri Ajaw chuwa, pero roma wilon rujoyowaxik nuwech rikꞌin ri Ajaw, rix kꞌo cheꞌel kuqul ikꞌuꞌx rikꞌin re kaꞌi-oxiꞌ pixabꞌanik niyaꞌ pa kiwiꞌ rejeꞌ:

Hechos 9:22

Pero ri Saulo qꞌij-qꞌij más nditiker ndichꞌaꞌa pa ruwiꞌ ri Ajaw Jesús chake ri israelitas pa tinamit Damasco, y ndusuqꞌ kinoꞌoj porque ndukusaj ri rutzij ri Dios chin ndukꞌut chi ja ri Jesús ri xtaq pe roma ri Dios chukolik ri rutinamit.

Hechos 9:15

Pero ri Ajaw xubꞌij chare: Rat taꞌakanoj ri Saulo, porque riyin nuchaꞌon chin nderuyaꞌ utzulej nutzijol chake ri ma israelitas ta, chake reyes y chake ri israelitas chuqaꞌ.

Hechos 16:15

Ri Lidia xutaqij ri Ajaw, y xbꞌan bautizar junan kikꞌin ri aj pa rachoch, y kereꞌ xubꞌij chaqe: Si qetzij rix ndinaꞌ chi riyin xintaqij ri Ajaw, kixámpe pa wachoch chin ngixkꞌojeꞌ chiriꞌ. Y kin xutij ruqꞌij chi xojkanej pa rachoch.

1 Timoteo 1:11

utzulej teq tijonik ri rukꞌuan riꞌ rikꞌin ri utzulej teq tzij chin kolotajik ri pataneq rikꞌin ri Dios ri kin jabꞌel roruqꞌij. Y ja utzulej teq tzij riꞌ ri ruchilabꞌen ri Dios chuwa chi niyaꞌ rutzijol.

1 Corintios 15:10

Pero roma ri favor ruyoꞌon ri Dios chuwa, yin okuneq apóstol, y ri favor riꞌ, ma xe ta keriꞌ xkꞌis, xa kin xubꞌen chi más santienta samaj nubꞌanun ke chikiwech ri chꞌaqa chik apóstoles. Pero ma riyin ta bꞌanayon ri samaj, xa kin ja ri ru-favor ri Dios ri ukꞌuayon wichin ri bꞌanayon ri samaj riꞌ.

San Juan 5:23

chin keriꞌ, konojel wineq ndikiyaꞌ nuqꞌij riyin ri Rukꞌajol, achel ndikiyaꞌ ruqꞌij ri Nataꞌ. Y ri ma nduyaꞌ ta nuqꞌij riyin, ma nduyaꞌ ta chuqaꞌ ruqꞌij ri Nataꞌ ri taqayon pe wichin.

1 Corintios 3:5

¿Achike kꞌa más ri Apolos, y achike kꞌa más riyin Pablo ndibꞌij rix? Roj, xa roj ok rusamajelaꞌ ri Dios, ri xojrukusaj chin xitaqij ri Ajaw. Y chiqajununal xyoꞌox chaqe achike chi samaj xqabꞌen chiꞌikajal y jariꞌ ri xqabꞌen.

Gálatas 3:26

Keriꞌ nibꞌij chiwa porque rix iwonojel ri itaqin ri Cristo Jesús, rix ralkꞌuaꞌl chik ri Dios.

Gálatas 3:28

Y chiqakajal roj ri xe jun qabꞌanun rikꞌin ri Cristo Jesús, ma jun ri más ta kꞌo ruqꞌij o maneq ta ok ruqꞌij chuwech ri Dios, si roj israelitas o ma roj ta israelitas, si rojkꞌo chuxeꞌ rutzij jun ajaw chochꞌulew o naq, si achiꞌaꞌ o ixoqiꞌ.

1 Timoteo 1:1

Riyin Pablo, jun ru-apóstol ri Cristo Jesús, roma keriꞌ xkibꞌen mandar ri Dios Qakolonel y ri Cristo Jesús ri achoq roma qoyobꞌen ri qakolotajik.

1 Timoteo 1:2

Nitzꞌibꞌaj e re wuj reꞌ chawa rat Timoteo, ri kin qetzij rat achel nukꞌajol roma ataqin ri Cristo. Ri Qatataꞌ Dios y ri Qajaw Cristo Jesús kin ta xtikiyaꞌ ki-favor pa awiꞌ, xtikijoyowaj awech, y xtikiyaꞌ uxlanen pa awánima.

1 Timoteo 6:13

Y chuwech ri Dios ri ndiyoꞌon rukꞌaslen nojel y chuwech ri Cristo Jesús ri xubꞌij chi rukuqubꞌan rukꞌuꞌx rikꞌin ri Dios atoq kꞌo chuwech ri Poncio Pilato, nibꞌij chawa:

2 Timoteo 2:2

Ri utzulej tijonik xawakꞌaxaj junan kikꞌin santienta wineq ri xeꞌakꞌaxan wichin, ja tijonik riꞌ tachilabꞌej chake hermanos ri ndanaꞌ chi kin xtikibꞌen rusamaj ri Dios y kꞌes kinoꞌoj chin ngekitijoj chꞌaqa chik.

Tito 1:4

Nitzꞌibꞌaj e re wuj reꞌ chawa rat Tito, ri kin qetzij rat achel nukꞌajol roma junan qataqin ri Cristo Jesús. Ri Qatataꞌ Dios y ri Qakolonel Cristo Jesús kin ta xtikiyaꞌ ki-favor pa awiꞌ y xtikiyaꞌ chuqaꞌ uxlanen pa awánima.

Filemón 1:9

pero ma niwojoꞌ ta nibꞌen mandar chawa. Xa más utz nikꞌutuj kamelal chawa roma ri ajowabꞌel chin ri Ajaw kꞌo pa qánima. Takꞌuxlaꞌaj chi yin rijilej chik achi, y pa ruwiꞌ riꞌ, wokami chuqaꞌ yin tzꞌapel pa cheꞌ roma nitzijoj ri rutzij ri Cristo Jesús.

San Mateo 20:4

Y xubꞌij chake: Kixbꞌesamej chuqaꞌ rix pa wulew, y riyin xtintaj chiwa ri rukꞌulun chi nitaj roma ri samaj ndibꞌen, xchajeꞌ. Y keriꞌ, ri samajelaꞌ riꞌ xebꞌesamej chuqaꞌ.