1 Tesalonicenses 5:27 - Kaqchikel Santo Domingo (Xenacoj)

²⁷ Y nibꞌen e mandar chiwa pa rubꞌiꞌ ri Ajaw, chi tibꞌan leer re wuj reꞌ chikiwech konojel ri hermanos ekꞌo chiriꞌ.

နောက်ထပ်ဗားရှင်းများ

Kaqchikel Santa Maria de Jesus

²⁷ Y pa rubꞌeꞌ ri Ajaf niꞌej chiva, chi tibꞌanaꞌ leer va carta va chiquivach quinojiel ri santos hermanos.

Kaqchiquel Bible

²⁷ Y pa rubi' ri ajaw ninbij k'a chiwe, chi tisik'ij re wuj re' chikiwech konojel ri qach'alal.

Kaqchikel Central Guatemala

²⁷ Y pa rubi' ri Ajaf ninbij c'a chive, chi tisiq'uij re carta re' chiquivech conojel ri lok'olej tak kach'alal.

Re C'ac'a Testamento pa Kach'abal

²⁷ Y pa rube' re Ajaf nimbij chiva, che tibana' leer re carta re' chiquivach conojel re hermanos.

Kaqchikel Western Solola

²⁷ Y pa rubi' ri Ajaf nbij c'a chiwe, chi tisiq'uij re wuj re' chiquiwech quinojel ri lok'olaj tak kach'alal.

1 Tesalonicenses 5:27 ပူးပေါင်းရင်းမြစ်များ

Colosenses 4:16

Y atoq rix xibꞌen yan leer re wuj reꞌ chikiwech ri hermanos chiriꞌ, titaqaꞌ e chuqaꞌ chake ri hermanos ri ndikimal kiꞌ pa rubꞌiꞌ ri Dios pa tinamit Laodicea chin ndikibꞌen leer. Y rix tibꞌanaꞌ leer ri wuj nutaqon e chake rejeꞌ atoq xtikiteq pe chiwa.

1 Timoteo 5:21

Y chuwech ri Dios y ri Cristo Jesús y chikiwech ri ángeles echaꞌon, nibꞌij chawa chi tabꞌanaꞌ nojel ri nubꞌiꞌin e chawa, ma nabꞌey tanojij jun achike chirij jun si ma awetaman ta chaj ri bꞌanatajneq, y junan kiwech kaꞌatzꞌetaꞌ konojel.

1 Timoteo 5:7

Rat tabꞌanaꞌ mandar chake konojel chi tikinimaj nojel reꞌ, chin keriꞌ nixta jun itzel achike xtilitej chirij ri kikꞌaslen.

1 Timoteo 1:3

Achel ri xinchilabꞌej kan chawa atoq ja nitzꞌen bꞌey chin ngibꞌa pa rochꞌulew Macedonia, keriꞌ chuqaꞌ nibꞌij chawa wokami, chi kakꞌojeꞌ pa tinamit Éfeso, chin ndabꞌij chake jujun ri ngeyoꞌon juley chik tijonik ri xa ma junan ta rikꞌin ri utzulej teq tijonik ri eqatijon kan roj rikꞌin, chi ma tikibꞌen chik keriꞌ,

Hechos 19:13

Pero ekꞌo jujun israelitas ri ngebꞌiyaj pa teq bꞌey y ngekelesalaꞌ itzel teq espíritu pa kikꞌaslen ri wineq ri xkajoꞌ xkikusaj rubꞌiꞌ ri Ajaw Jesús chin xkibꞌen ri kisamaj, y kereꞌ xkibꞌij chake ri itzel teq espíritu: Pa rubꞌiꞌ ri Jesús ri ndutzijoj ri Pablo ndiqabꞌij chiwa chi kixel, xechajeꞌ.

Marcos 5:7

Y xsikꞌin chubꞌixik: Rat Jesús, Rukꞌajol ri nimalej ruqꞌij Dios, ¿achike a-cuenta chuwa? ¡Nikꞌutuj chawa chi chuwech Dios tayaꞌ atzij chi ma nganabꞌen castigar!

San Mateo 26:63

Pero ri Jesús nixta jun achike xubꞌij. Y ri más nimalej ruqꞌij sacerdote xubꞌij chare: Pa rubꞌiꞌ ri Kꞌaslik Dios nibꞌen mandar chawa chi tabꞌij chaqe si ja rat ri Rukꞌajol ri Dios, ri nditaq pe chukolik ri rutinamit, o naq.

Hebreos 3:1

Romariꞌ, loqꞌolej teq hermanos ri rix oyon roma ri Dios chin ngixok richin, tiyaꞌ utz-utz cuenta chare ri ndubꞌen ri Jesús, ri qa-Apóstol y más nimalej ruqꞌij qa-Sacerdote, ri achoq ikꞌin kuqul qakꞌuꞌx achel ndiqatzijoj.

2 Timoteo 4:1

Ri Ajaw Jesucristo ri nduqaqa chik jumbꞌey, y ndiqꞌalajin chi kin Rey wi, rijaꞌ nduruqꞌataꞌ tzij pa kiwiꞌ ri wineq kꞌa ekꞌes y pa kiwiꞌ ri ekamineq chi e. Chuwech rijaꞌ y chuwech ri Dios, nichilabꞌej chawa rat Timoteo,

1 Timoteo 6:17

Tachilabꞌej chake ri kꞌo kibꞌeyomal wokami chochꞌulew chi ma tikinimrisaj kiꞌ, nixta tikikuqubꞌaꞌ kikꞌuꞌx rikꞌin ri bꞌeyomal kichajin, porque ri bꞌeyomal riꞌ xa ndikꞌis. Tabꞌij chake chi tikikuqubꞌaꞌ kikꞌuꞌx rikꞌin ri Dios ri nduyaꞌ nojel ruwech achike chaqe chin ndikikot ri qánima.

1 Timoteo 6:13

Y chuwech ri Dios ri ndiyoꞌon rukꞌaslen nojel y chuwech ri Cristo Jesús ri xubꞌij chi rukuqubꞌan rukꞌuꞌx rikꞌin ri Dios atoq kꞌo chuwech ri Poncio Pilato, nibꞌij chawa:

1 Timoteo 1:18

Y rat Timoteo, ri kin rat achel nukꞌajol roma ataqin ri Cristo, nichilabꞌej chawa chi tatzijoj nojel re nubꞌiꞌin chawa. Ma tamestaj ri tzij kibꞌiꞌin pa awiꞌ ri hermanos ri ngeqꞌalajrisan ri ndubꞌij pe ri Dios pa kánima. Rikꞌin ri tzij riꞌ tawilaꞌ ruchuqꞌaꞌ ri awánima chin ndabꞌen ri utzulej rusamaj ri Dios ri ruyoꞌon chawa chin ndabꞌen.

2 Tesalonicenses 3:14

Si kꞌo jun chiꞌikajal ri ma ndirajoꞌ ta ndubꞌen ri qatzꞌibꞌan e chupan re wuj reꞌ, tibꞌanaꞌ chi ndiqꞌalajin chikiwech konojel achike ri ndibꞌanun keriꞌ y ma tiwachibꞌilaj, chin keriꞌ tikꞌix.

1 Tesalonicenses 2:11

Iwetaman chuqaꞌ chi xqayaꞌ ruchuqꞌaꞌ ri iwánima y xixqabꞌochiꞌij chiꞌijununal, achel ndubꞌen jun tataꞌatz chake ri eralkꞌuaꞌl. Xixqapixabꞌaj chi tikꞌuaj jun utzulej kꞌaslen, achel rukꞌulun chi ndikꞌuaj chuwech ri Dios ri xoyon iwichin chin ngixok pa ru-reino y ngixkꞌojeꞌ chupan ri nimalej ruqꞌij.

Hechos 1:15

Chupan teq ri qꞌij riꞌ, kimolon kiꞌ jun laꞌeq 120 ri kitaqin ri Jesús, y ri Pedro xpeꞌeꞌ pa kinikꞌajal y kereꞌ xubꞌij: