1 Tesalonicenses 5:11 - Kaqchikel Santo Domingo (Xenacoj)

¹¹ Roma kꞌa riꞌ, tibꞌochilaꞌ iwiꞌ y tiyaꞌ ruchuqꞌaꞌ iwánima chiwech, achel ibꞌanun pe.

နောက်ထပ်ဗားရှင်းများ

Kaqchikel Santa Maria de Jesus

¹¹ Rumareꞌ tiyaꞌ ruchukꞌaꞌ ri ivánima ixreꞌ chibꞌil-iviꞌ. Y titola-iviꞌ richin chi nquixqꞌuiy chupan ri icꞌaslien incheꞌl ibꞌanun-pa.

Kaqchiquel Bible

¹¹ Roma ri' tikuqubala' ik'u'x chi'iwachibil-iwi'. Y chuqa' titola-iwi' richin chi yixk'iy rik'in ri ik'aslen, kan achi'el ri ibanon-pe.

Kaqchikel Central Guatemala

¹¹ Roma c'a ri' ticukubala' ic'u'x chi'ivachibil ivi'. Y chuka' titola-ivi' richin chi yixq'uiy riq'uin ri ic'aslen, can achi'el ri ibanon-pe.

Re C'ac'a Testamento pa Kach'abal

¹¹ Mare' ticukuba' ic'o'x chivach-ka yex. Y chuka' titola-ivi' chin che yixq'uiy riq'uin re ic'aslen, can ancha'l re ibanom-pa.

Kaqchikel Western Solola

¹¹ Rumac'ari' ticukubala' ic'u'x chi'iwachibil iwi'. Y chuka' titola' iwi' riche (rixin) chi yixq'uiy chupan ri ic'aslen riq'ui ri Dios, can achi'el ri ibanon pe.

1 Tesalonicenses 5:11 ပူးပေါင်းရင်းမြစ်များ

Efesios 4:29

Ma tibꞌij itzel teq tzij, xa kin xe utzulej teq tzij ri ndukꞌen pe kꞌiyilen chake chꞌaqa chik. Tibꞌij tzij ri kin rukꞌulun chi ndibꞌij ri ndukꞌen pe ru-favor ri Dios pa kikꞌaslen ri ngeꞌakꞌaxan iwichin.

Hebreos 10:25

Ma tiqayaꞌ kan chi ndiqamal qiꞌ pa rubꞌiꞌ ri Ajaw, achel rukꞌamon chake jujun chi ndikibꞌen. Xa kin timoloꞌ iwiꞌ chin ndibꞌochilaꞌ iwiꞌ, y más ndikꞌatzin chi keriꞌ ndibꞌen wokami, porque ndiqatzꞌet chi ja nduqaqa ri qꞌij chi ri Ajaw nditzolij pe.

Romanos 15:2

Chiqajununal tiqabꞌanaꞌ ri ndiqaꞌ chikiwech ri hermanos, chin kꞌo utz ndukꞌen pe chake y ndikꞌojeꞌ más ruchuqꞌaꞌ kánima rikꞌin ri Ajaw.

Hebreos 3:13

Pa rukꞌexel riꞌ, qꞌij-qꞌij tibꞌochilaꞌ y tipixabꞌaj iwiꞌ chiwech, utz kꞌa yoꞌon tiempo chaqe, achel ndubꞌij ri rutzij ri Dios, chin keriꞌ nixta jun xtichꞌakatix roma ri mak y xtikowir qa ri ránima.

1 Tesalonicenses 4:18

Romariꞌ hermanos, tibꞌochilaꞌ iwiꞌ y tiyaꞌ ruchuqꞌaꞌ iwánima chiwech rikꞌin re tzij reꞌ.

Romanos 14:19

Y roma kꞌa riꞌ, tiqatijaꞌ qaqꞌij chi ndiqabꞌen ri ndukꞌen pe uxlanen chiqakajal, y tiqakanoj achike ndiqabꞌen chin ndiqatoꞌ qiꞌ chiqawech chin ngojkꞌiy pa qakꞌaslen chiraqen ri Ajaw.

1 Corintios 14:12

Keriꞌ chuqaꞌ ndibꞌanatej iwikꞌin rix atoq ma ndikꞌoxomaj ta ri ndubꞌij jun pa jun chik chꞌabꞌel. Romariꞌ, kꞌo kaꞌiꞌ achike niwojoꞌ nibꞌij chiwa: Nabꞌey, rix ri ndirayij chi ndiyoꞌox chiwa ri loqꞌolej teq sipanik ri nduyaꞌ ri Espíritu Santo, tirayij chi ndiyoꞌox chiwa ri loqꞌolej teq sipanik ri ndubꞌen chake ri eralkꞌuaꞌl ri Dios chi ngekꞌiy pa kikꞌaslen chuwech rijaꞌ.

Efesios 4:12

Rijaꞌ xeruyaꞌ re samajelaꞌ reꞌ chin ngekitijoj ri loqꞌolej rutinamit ri Dios, chin keriꞌ ri tinamit riꞌ ndikibꞌen chuqaꞌ ri rusamaj, y keriꞌ ngekꞌiy ebꞌaneq pa kikꞌaslen chuwech ri Dios konojel ri ruwachinel ruqꞌa-raqen ri Cristo.

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.

Efesios 4:16

Ja rijaꞌ ndibꞌanun chi qonojel ri roj ruwachinel ruqꞌa-raqen ndiqatoꞌ qiꞌ chin ndiqil qakꞌiyilen roj qonojel. Achel ndibꞌanatej pa ru-cuerpo jun wineq, nojel rubꞌochꞌil kiyuqen kiꞌ ndikitoꞌ kiꞌ. Keriꞌ chuqaꞌ ndibꞌanatej qikꞌin roj. Atoq ndiqajoꞌ qiꞌ, ndiqabꞌen ri samaj yoꞌon chaqe chupan ri ru-cuerpo ri Cristo, y qayuqen qiꞌ ngojkꞌiy y ndikꞌojeꞌ pe quchuqꞌaꞌ.

1 Corintios 10:23

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma nojel ta ndubꞌen chaqe roj ri qataqin ri Ajaw chi ngojkꞌiy pa qakꞌaslen.

2 Pedro 1:12

Romariꞌ hermanos, re nutzꞌibꞌan chiwa chupan re wuj reꞌ, kin kꞌo pa wánima chi jumul nikꞌuxlaꞌaj chiwa, maske rix iwetaman chik rubꞌeyal y kin kuqul ikꞌuꞌx rikꞌin ri qetzij kꞌutun kan chiwech.

2 Corintios 12:19

Rikꞌin jubꞌaꞌ rix ndinojij chi qabꞌiꞌin nojel reꞌ roma ndiqajoꞌ ndiqatoꞌ qiꞌ chiwech, pero ma ke ta riꞌ. Xa kin qetzij ri ndiqabꞌij roma xe jun qabꞌanun rikꞌin ri Cristo y kin chuwech ri Dios ngojchꞌaꞌa wi. Y nojel ri ngojtajin chubꞌixik chiwa rix ri tzꞌan ngixqajoꞌ, xa kin chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa.

1 Corintios 14:29

Y keriꞌ chuqaꞌ, si ekꞌo ngeqꞌalajrisan ri ndubꞌij pe ri Dios pa kánima, xe ekaꞌiꞌ o eꞌoxiꞌ ri kechꞌaꞌa, y konojel ri kimolon kiꞌ pa rubꞌiꞌ ri Dios tikitzꞌetaꞌ utz-utz si rikꞌin ri Dios pataneq o naq ri ngetajin chubꞌixik.

Romanos 15:14

Nu-hermanos, riyin kin kuqul nukꞌuꞌx chi bꞌaneq iwánima chubꞌanik ri utz, y kin kꞌiy iwetaman pa ruwiꞌ ri rutzij ri Dios, y ngixtiker chuqaꞌ ndipixabꞌaj iwiꞌ chiwech pa ruwiꞌ ri utz chi ndibꞌen.

1 Timoteo 1:4

y chi ma tikiyaꞌ kixikin rikꞌin tzij ri ngetzijox pa kiwiꞌ ri tzaq teq wineq ri xekꞌojeꞌ e chochꞌulew ojer, tzij ri eyoꞌon qa ruqꞌa-raqen, y ma jumbꞌey ngekꞌis, ri ndikibꞌen chake ri wineq chi ndikichuquchaꞌ kiꞌ pa ruwiꞌ ri xa ma jun reqalen. Tzij achel riꞌ ma ngerutoꞌ ta ri wineq chin ta más ndikikuqubꞌaꞌ kikꞌuꞌx rikꞌin ri Dios chubꞌanik ri ndirajoꞌ rijaꞌ.

1 Tesalonicenses 4:10

Y kin qetzij chi ngixojowan, porque ngeꞌiwojoꞌ konojel ri hermanos ekꞌo pa nojel rochꞌulew Macedonia. Pero ndiqabꞌij chiwa hermanos chi qꞌij-qꞌij más tiwojoꞌ iwiꞌ.

1 Corintios 14:5

Riyin niwojoꞌ chi rix iwonojel ndiyoꞌox ta chiwa chi ngixtiker ngixchꞌaꞌa pa jalajaj teq chꞌabꞌel ri ma itijon ta iwiꞌ rikꞌin, pero más niwojoꞌ chi ndiyoꞌox ta chiwa rix iwonojel chi ngixtiker ndiqꞌalajrisaj ri ndubꞌij pe ri Dios pa iwánima. Porque ri loqꞌolej sipanik chin ndaqꞌalajrisaj ri ndubꞌij pe ri Dios pa awánima, más kꞌo reqalen ke chuwech ri loqꞌolej sipanik ri ndubꞌen chawa chi ngatiker ngachꞌaꞌa pa jun chik chꞌabꞌel ri ma atijon ta awiꞌ rikꞌin. Pero si ri ngechꞌaꞌa pa jalajaj teq chꞌabꞌel ndiqꞌalajrisex ri ndikibꞌij, riꞌ chuqaꞌ ndubꞌen chake ri kimolon kiꞌ chi ngekꞌiy pa kikꞌaslen chuwech ri Dios.