1 Tesalonicenses 4:9 - Kaqchikel Santo Domingo (Xenacoj)

⁹ Pero pa ruwiꞌ ri ndiwojoꞌ iwiꞌ chiwech, ma ndikꞌatzin ta nitzꞌibꞌaj e más rubꞌeyal chiwa, porque ja ri Dios bꞌanayon chi rix tijon rikꞌin ri ndiwojoꞌ iwiꞌ chiwech.

နောက်ထပ်ဗားရှင်းများ

Kaqchikel Santa Maria de Jesus

⁹ Pero ri Dios xucꞌut yan chivach ixreꞌ hermanos chi tivajo-iviꞌ, rumareꞌ man chic nicꞌatzin ta chi nitzꞌibꞌaj chiva,

Kaqchiquel Bible

⁹ Jak'a chirij ri ajowabel ri k'o chi nik'oje' chi'ikojol rix chi'iwach'alal-iwi', ri Dios ruk'utun chik chiwech chi k'o chi niwajowala-iwi'. Y roma ri' man nik'atzin ta chi ninnataj chik chiwe.

Kaqchikel Central Guatemala

⁹ Jac'a chirij ri ajovabel ri c'o chi nic'oje' chi'icojol rix chi'ivach'alal ivi', ri Dios ruc'utun chic chivech chi c'o chi nivajovala-ivi'. Y romari' man nic'atzin ta chi ninnataj chive, chi tivajo-ivi'.

Re C'ac'a Testamento pa Kach'abal

⁹ Y re Dios ruc'utun chic chivach che nijo-ivi'. Y mare' man nic'atzin-ta che ninataj chic jun bey chiva, che tijo-ivi'.

Kaqchikel Western Solola

⁹ Yac'a chrij ri ajowabel, ri Dios can ruc'utun chic chiwech chi niwajo' iwi' chi'iwach'alal iwi', y rumari' ma nic'atzin ta chic chi ntz'ibaj el rubixic chiwe.

1 Tesalonicenses 4:9 ပူးပေါင်းရင်းမြစ်များ

1 Juan 3:11

Porque ri tijonik ri xyoꞌox pe rubꞌixik chiwa xe jampeꞌ xitaqij pe ri Cristo jareꞌ: Tiqajoꞌ qiꞌ chiqawech.

Romanos 12:10

Rix ichaqꞌ-inimal iwiꞌ roma itaqin ri Cristo, romariꞌ tiwojoꞌ iwiꞌ chiwech rikꞌin nojel iwánima, y tinaꞌ iwiꞌ chiꞌijununal chi más jubꞌaꞌ ok iqꞌij ke chikiwech ri ichaqꞌ-inimal iwiꞌ kikꞌin.

1 Juan 3:23

Y ri mandamiento ruyoꞌon kan ri Dios chaqe, jareꞌ: Tiqataqij ri Jesucristo ri Rukꞌajol, y tiqajoꞌ qiꞌ chiqawech achel xubꞌen kan mandar chaqe.

1 Juan 4:21

Y jareꞌ ri mandamiento ri ruyoꞌon kan ri Cristo: Ri ndirajoꞌ ri Dios, tirajoꞌ chuqaꞌ ri ru-hermano.

Hebreos 13:1

Hermanos, jumul tiwojoꞌ iwiꞌ achel ri ibꞌanun pe.

1 Tesalonicenses 5:1

Hermanos, pa ruwiꞌ ri tiempo y ri qꞌij atoq ndibꞌanatej nojel re qabꞌiꞌin pe, ma ndikꞌatzin ta chi kꞌo nditzꞌibꞌex e chiwa.

Hechos 4:32

Ri kitaqin ri Jesús, kin ekꞌiy wi, y konojel xe jun ruwech kitzij y xe jun kánima kibꞌanun, nixta jun chikikajal ndubꞌij ta chi ri ruchajin kin xe ta richin rijaꞌ, y nojel ri kichajin kin xe jun kánima kibꞌanun pa ruwiꞌ.

1 Juan 2:10

Jakꞌa ri kin jabꞌel ndirajoꞌ ri ru-hermano, kin qetzij chi rukꞌuan rukꞌaslen chupan ri luz, y ma jun achike xtibꞌanun chare chi nduyaꞌ kan ri Dios.

2 Pedro 1:7

y pa ruwiꞌ ndikꞌuaj jun kꞌaslen achel ndirajoꞌ ri Dios, rix ri itaqin ri Jesucristo ndiwojoꞌ iwiꞌ chiwech, y pa ruwiꞌ ndiwojoꞌ iwiꞌ chiwech, kin ngixojowan achel ndojowan ri Dios.

1 Pedro 4:8

Y pa ruwiꞌ nojel ri ndibꞌen pa ikꞌaslen, ri más ndikꞌatzin ja ri ndiwojoꞌ iwiꞌ rikꞌin nojel iwánima. Porque ri ngixojowan ndubꞌen chiwa chi ndikuy santienta mak.

1 Pedro 3:8

Ri rukꞌuꞌx nojel re ngitajin chutzꞌibꞌaxik chiwa, jareꞌ: Xe jun iwánima tibꞌanaꞌ rix iwonojel, kixpoqonan, tiwojoꞌ iwiꞌ chiwech, utz inoꞌoj tibꞌanaꞌ y ma tinimrisaj iwiꞌ.

Hebreos 10:16

Atoq xeꞌeqꞌax yan ri qꞌij riꞌ, Jareꞌ ri pacto xtinbꞌen kikꞌin ri wineq: Niyaꞌ ri nu-ley pa kánima Y nitzꞌibꞌaj pa kinojibꞌal.

San Juan 14:26

Y ri Espíritu Santo ri Bꞌochinel ri nditaq pe roma ri Tataꞌaj Dios pa nubꞌiꞌ, ngixurutijoj rikꞌin nojel y ndurukꞌuxlaꞌaj nojel ri nubꞌiꞌin kan chiwa.

San Mateo 22:39

Y ri rukan mandamiento más kꞌo reqalen, jubꞌama junan rikꞌin ri nabꞌey y kereꞌ ndubꞌij: Kaꞌawojoꞌ ri wineq achel ndawojoꞌ awiꞌ rat.

2 Corintios 9:1

Pa ruwiꞌ ri ofrenda chin kitoꞌik ri loqꞌolej teq ralkꞌuaꞌl ri Dios, ma ndikꞌatzin ta nitzꞌibꞌaj e más chiwa.

Filipenses 3:15

Roma kꞌa riꞌ, qonojel ri roj kꞌiyineq pa qakꞌaslen chuwech ri Dios, keriꞌ tiqanojij, pero si rix ma junan ta ndinojij wikꞌin, ri Dios kin xtuqꞌalajrisaj chuqaꞌ rubꞌeyal chiwech.