1 Tesalonicenses 2:9 - Kaqchikel Santo Domingo (Xenacoj)

⁹ Keriꞌ nibꞌij chiwa hermanos, porque rix ndikꞌuxlaꞌaj chi xojsamej chi chaqꞌaꞌ chi paqꞌij, xojkos chuchꞌakik ri ndikꞌatzin chaqe pa qakꞌaslen, chin keriꞌ ma xojok ta jun eqaꞌ chiwa atoq xqatzijoj chiwa ri utzulej teq tzij chin kolotajik ri pataneq rikꞌin ri Dios.

နောက်ထပ်ဗားရှင်းများ

Kaqchikel Santa Maria de Jesus

⁹ Hermanos, ixreꞌ ivataꞌn chi ojreꞌ man jun bꞌay cꞌo ta ri xkacꞌutuj chiva. Ojreꞌ xojsamaj pakꞌij chi chakꞌaꞌ chi xkachꞌec ri xcꞌatzin chika, ruma man xkajoꞌ ta xkayaꞌ jun akaꞌn chivij antok xojcꞌujieꞌ iviqꞌuin chi xkatzijuoj ri ru-evangelio ri Dios chiva.

Kaqchiquel Bible

⁹ Qach'alal, jebel iwetaman chi man jun bey xqak'utuj qaway chiwe. Jak'a roj xojsamej chi paq'ij chi chaq'a' richin xqach'ek qaway, richin man xixqaya' ta pa k'ayew, toq xojk'oje' iwik'in chubixik ri utzilej ruch'abel ri Dios ri nik'amon-pe kolotajik.

Kaqchikel Central Guatemala

⁹ Kach'alal, jebel ivetaman chi man jun bey xkac'utuj kavay chive. Roj xojsamej chi pak'ij chi chak'a' richin xkach'ec kavay. Roma man xkajo' ta xixkaya' pa c'ayef, tok xojc'oje' iviq'uin chubixic ri utzilej ruch'abel ri Dios ri nic'amon-pe colotajic.

Re C'ac'a Testamento pa Kach'abal

⁹ Hermanos, jabal itaman che man jun bey xkac'utuj kavay chiva. Yoj xojsamaj che pak'ij che chak'a' chin xkach'ac kavay. Roma man xkajo-ta xixkaya' pa c'ayef, tak xojc'ue' iviq'uin chubixic re utzulaj ch'abal chin re Dios.

Kaqchikel Western Solola

⁹ Queri' nikabij chiwe riyix kach'alal, ruma ninatej chiwe chi majun bey c'o ta ri xkac'utuj chiwe. Riyoj xa can xojsamej chi pak'ij chi chak'a' riche (rixin) chi xkach'ec ri nic'atzin chake. Ruma ma xkajo' ta xkaya' jun ejka'n chiwij tek xojc'oje' iwuq'ui chutzijoxic ri lok'olaj ruch'abel ri Dios ri niya'o colotajic.

1 Tesalonicenses 2:9 ပူးပေါင်းရင်းမြစ်များ

2 Corintios 11:9

Y atoq xikꞌojeꞌ chiꞌikajal y maneq nikusaj, nixta jun chiꞌikajal rix ri xinyaꞌ ta ri eqaꞌ chirij, porque ri hermanos aj rochꞌulew Macedonia xinkitoꞌ rikꞌin ri xkꞌatzin chuwa atoq xebꞌeqaqa chiriꞌ. Riyin xintij nuqꞌij chi nixta jun eqaꞌ xinyaꞌ chiwij, y kꞌa keriꞌ na xtinbꞌen ri más chiqawech apu.

Hechos 18:3

Y roma junan samaj ndikibꞌen chi eꞌoxiꞌ, ri Pablo xkanej kikꞌin, porque chi eꞌoxiꞌ ngekitꞌis pimilej teq kꞌul chin ngebꞌan carpas.

2 Timoteo 1:3

Riyin jumul ngatinkꞌuxlaꞌaj pa nu-oración. Chi chaqꞌaꞌ chi paqꞌij nimatioxij chare ri Dios, ri Dios ri niyaꞌ ruqꞌij rikꞌin chꞌajchꞌaj wánima achel kibꞌanun pe ri watit-numamaꞌ.

1 Timoteo 5:5

Pero ri malkaꞌ ixaq ri ma jun roxpochel nditoꞌon richin, royobꞌen rutoꞌik rikꞌin ri Dios y chi chaqꞌaꞌ chi paqꞌij ndubꞌen orar y jumul ndukꞌutuj chare ri Dios ri ndikꞌatzin chare.

1 Timoteo 4:10

Romariꞌ ndiqatij qaqꞌij y ndiqakosisaj qiꞌ chin ndiqabꞌen rusamaj ri Dios. Porque qakuqubꞌan qakꞌuꞌx rikꞌin ri Kꞌaslik Dios chi nduyaꞌ chaqe ri qoyobꞌen. Xe wi rijaꞌ ri ndikolo kichin konojel wineq, y ja ri ngetaqin richin ri ngerukal.

1 Tesalonicenses 2:6

Nixta ndiqakanoj chi ri wineq utz ngechꞌaꞌa chiqij; nixta rix, nixta chꞌaqa chik.

1 Corintios 9:18

Romariꞌ, ¿achike kꞌa rajel-rukꞌexel ndiyoꞌox chuwa? Ri rajel-rukꞌexel ndiyoꞌox chuwa, ja ri ngikikot nitzijoj re utzulej teq tzij reꞌ, y ma nikꞌutuj ta ri rukꞌulun chi ndiyoꞌox chuwa.

1 Corintios 9:15

Pero riyin, ma nukꞌutun ta chiwa ri rukꞌulun chi ndiyoꞌox chuwa, y nitzꞌibꞌaj e reꞌ ma chin ta niwojoꞌ nginiwilij. Porque chuwa riyin, xa más utz ngiken pa rukꞌexel chi nikꞌutuj nutoꞌik chiwa, roma ri rutzijoxik ri rutzij ri Dios ri nibꞌen chiꞌikajal, porque xa ta nikꞌutuj, maneq chik cheꞌel ngikikot chi ma jun nutoꞌik nukꞌutun chiwa.

Hechos 20:31

Romariꞌ, tichajij iwiꞌ. Tikꞌuxlaꞌaj chi riyin oxiꞌ junaꞌ chi chaqꞌaꞌ chi paqꞌij xixinpixabꞌaj, y hasta pa woqꞌej xinbꞌij chiwa chi tibꞌanaꞌ cuenta iwiꞌ.

1 Timoteo 1:11

utzulej teq tijonik ri rukꞌuan riꞌ rikꞌin ri utzulej teq tzij chin kolotajik ri pataneq rikꞌin ri Dios ri kin jabꞌel roruqꞌij. Y ja utzulej teq tzij riꞌ ri ruchilabꞌen ri Dios chuwa chi niyaꞌ rutzijol.

1 Tesalonicenses 3:10

Chi chaqꞌaꞌ chi paqꞌij ndiqakꞌutuj chare chi tuyaꞌ qꞌij chaqe chi ngixbꞌeqatzꞌetaꞌ chik, chin ngixqatijoj kan rikꞌin ri kꞌa ma iwetaman ta pa ruwiꞌ ri tijonik chin ri Ajaw.

1 Tesalonicenses 2:2

Iwetaman chuqaꞌ chi xqaqꞌasaj kꞌayew y xbꞌan itzel chaqe pa tinamit Filipos atoq kꞌajani qojbꞌeqaqa pa itinamit, pero ri Dios xuyaꞌ ruchuqꞌaꞌ qánima chin xbꞌeqatzijoj chiwa rix ri utzulej teq tzij chin kolotajik ri pataneq rikꞌin rijaꞌ, maske santienta wineq xeyakatej chiqij pa itinamit.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

Filipenses 4:16

Y ma xe ta riꞌ xibꞌen, porque atoq yinkꞌo chik pa tinamit Tesalónica, rix ma xe ta jumbꞌey xiteq pe ri achike xkꞌatzin chuwa.

2 Corintios 6:5

qakochꞌon qaroqik, qakochꞌon atoq xojyoꞌox pa cheꞌ, qakochꞌon atoq santienta wineq xeyakatej chiqij, qakosisan qiꞌ pa samaj y qakochꞌon, qakochꞌon chi ma roj warneq ta, y qakochꞌon wayijal.

1 Corintios 4:12

Ngojkos ngojsamej rikꞌin qaqꞌaꞌ chin ndiqachꞌek ri ndikꞌatzin chaqe. Atoq itzel ndirayix pa qawiꞌ, roj ndiqakꞌutuj ru-favor ri Dios pa kiwiꞌ ri keriꞌ ngebꞌanun, y atoq ngojtzeqlebꞌex chin ndibꞌan itzel chaqe, kin ndiqakachꞌ qawech.

Romanos 15:19

Y ri samaj riꞌ, ndiqꞌalajin rikꞌin nimalej teq retal ruchuqꞌaꞌ ri Dios y nimalej teq achike ri ma jumbꞌey etzꞌeton, ri erubꞌanun pe ri ruchuqꞌaꞌ ri Espíritu Santo chinuqꞌaꞌ. Riyin pa tinamit Jerusalén nutzꞌukun pe rutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo, y nojel teq apeꞌ yin qꞌaxneq wi, nuyoꞌon pe rutzijol hasta pa rochꞌulew Iliria.

Romanos 15:16

chi yin okuneq jun sacerdote rusamajel ri Cristo Jesús chin ngenjech ri ma israelitas ta pa ruqꞌaꞌ ri Dios. Ndikꞌatzin nitzijoj ri utzulej teq tzij chin kolotajik chake, utzulej tzij ri pataneq rikꞌin ri Dios, chin keriꞌ ngeꞌok jun ofrenda ri ndiqaꞌ chuwech rijaꞌ, jun ofrenda chꞌajchꞌojrisan roma ri Espíritu Santo.

Romanos 1:1

Riyin Pablo rusamajel ri Cristo Jesús, yin oyon chin xinok jun apóstol, yin chaꞌon pe chuqaꞌ roma ri Dios chin nitzijoj ri utzulej teq tzij chin kolotajik ri pataneq rikꞌin rijaꞌ.

San Lucas 18:7

Achike ndibꞌij rix, ¿la ma xkerutoꞌ ta kami ri Dios ri eruchaꞌon, ri chi chaqꞌaꞌ chi paqꞌij ndikikꞌutuj kitoꞌik chare? ¿Kꞌarunaj kami xkerutoꞌ?

San Lucas 2:37

y ja 84 junaꞌ tok kan malkaꞌ, y jumul kꞌo apu pa rachoch ri Dios. Chi chaqꞌaꞌ chi paqꞌij ndubꞌen orar y ndubꞌen ayunar chin nduyaꞌ ruqꞌij ri Dios.

Hechos 20:24

Pero riyin ma ja ta ri nukꞌaslen ri más kꞌo reqalen chinuwech. Ri kꞌo reqalen, ja ri ndikikot wánima nekꞌisaꞌ ri samaj ruyoꞌon ri Ajaw Jesús pa nuqꞌaꞌ, chi niyaꞌ rutzijol ri utzulej teq tzij chin kolotajik ri ndikꞌutu chiqawech chi roma ru-favor ri Dios ngojkolotej.

1 Corintios 9:4

Roj kin rukꞌulun chi ngojtzuq roma ri samaj ndiqabꞌen pa rubꞌiꞌ ri Ajaw.

2 Corintios 11:27

Nuqꞌasan kosik roma ri samaj enubꞌanun, kꞌiy mul ma yin warneq ta, nuqꞌasan wayijal, nuqꞌasan chaqiꞌj chiꞌ. Kiy mul ma yin wayineq ta roma ri samaj, kiy mul nusikiken pe tew y kꞌisneq qa nutziaq chuwij.