1 Tesalonicenses 2:16 - Kaqchikel Santo Domingo (Xenacoj)

¹⁶ Keriꞌ nibꞌij porque atoq ndiqajoꞌ ndiqatzijoj ri utzulej teq tzij chin kolotajik chake ri ma israelitas ta, ri israelitas ndikiqꞌet chiqawech, y roma kin keriꞌ jumul kibꞌanun pe, kimolon pe kimak chikij, y ri Dios rutaqon pe santienta castigo pa kiwiꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁶ Ruma antok ojreꞌ xkajoꞌ xkatzijuoj ri ruchꞌabꞌal ri Dios chica ri vinak ri man israelitas ta, chi ncaꞌcolotaj chupan ri qui-pecados, ri israelitas ri man quiniman ta ri Jesucristo xcajoꞌ ta xojquikꞌat chi xkatzijuoj. Quireꞌ ncaꞌjin riqꞌuin ri qui-pecados ri israelitas, rumareꞌ ri Dios ya ruyoꞌn ri castigo pa quiveꞌ.

Kaqchiquel Bible

¹⁶ Pa ruwi' ri', toq roj xqajo' xqatzijoj ruch'abel ri Dios richin kolotajik chike ri winaqi' ri man e judío ta, rije' janila itzel xkina', roma man xkajo' ta chi xojbe kik'in. K'iy ri kimak ri qawinaq judío. Y roma ri' ri Dios ruya'on chik ruk'ayewal pa kiwi'.

Kaqchikel Central Guatemala

¹⁶ Roma tok roj xkajo' xkatzijoj ruch'abel ri Dios chique ri vinek ri man e israelitas ta, rije' yalan itzel xquina'. Roj xkatzijoj ruch'abel ri Dios chique ri vinek man e israelitas ta, roma xkajo' chi rije' chuka' yecolotej ta pe chupan ri quimac. Pero ri israelitas ri man quiniman ta ri Jesucristo, man xcajo' ta chi xojbe quiq'uin ri man e israelitas ta. Q'uiy ri quimac ri israelitas. Y romari' ri Dios ruyo'on chic ruc'ayeval pa quivi'.

Re C'ac'a Testamento pa Kach'abal

¹⁶ Roma tak yoj xkatzijoj re ruch'abal re Dios chique re vinak re man je israelitas-ta, reje' camas itzel xquina'. Yoj xkatzijoj re ruch'abal re Dios chique re vinak man je israelitas-ta, roma xkajo' che reje' chuka' ye'colotaj-ta-pa chupan re quimac. Pero re israelitas re man quiniman-ta re Jesucristo, man xquijo-ta che xojba quiq'uin re man je israelitas-ta. Q'uiy quimac re israelitas. Y mare' re Dios ruyi'on chic re castigo pa quive'.

Kaqchikel Western Solola

¹⁶ Ruma tek riyoj xkajo' xkatzijoj ri ruch'abel ri Dios chique ri winek ri ma ye israelitas ta riche (rixin) chi xecolotej ta pe chupan ri quimac, ri israelitas xa xojquik'et chutzijoxic ri ruch'abel ri Dios. Y rumari' ri quimac ri israelitas xa benak chic pa nim chuwech ri Dios. Y wacami ri Dios xa ruya'on chic ri nimalaj ruc'ayewal pa quiwi'.

1 Tesalonicenses 2:16 ပူးပေါင်းရင်းမြစ်များ

Hechos 17:13

Atoq ri israelitas chin ri tinamit Tesalónica xkakꞌaxaj chi pa tinamit Berea ri Pablo ndutzijoj ri rutzij ri Dios, xebꞌeqaqa pa tinamit Berea y xkiyaꞌ tzij pa kixikin santienta wineq chin xeyakatej chirij ri Pablo.

Hechos 14:19

Pero jujun israelitas chin ri kaꞌiꞌ tinamit Antioquía y Iconio xebꞌeqaqa pa tinamit Listra y xkiyaꞌ tzij pa kixikin ri aj chiriꞌ chin xeyakatej chirij ri Pablo. Romariꞌ ri aj Listra xkikꞌeq chi abꞌej, y xkijororej e saqil chin ri tinamit, porque pa kitzij kamineq chik.

Marcos 16:16

Ri xtitaqin ri utzulej teq tzij chin kolotajik y xtubꞌen bautizar riꞌ, kin ndikolotej wi. Pero ri castigo ri nduyaꞌ ri Dios ndiqaqa pa ruwiꞌ ri ma xtitaqin ta.

San Mateo 23:32

¡Titzꞌaqatisaj kꞌa jumul ri kitzꞌukun kan ri ojer teq iwatit-imamaꞌ!

2 Tesalonicenses 2:10

Ri itzel achi riꞌ nojel ruwech itzel teq achike ngerubꞌanalaꞌ chin ngeruchꞌakatij ri wineq ebꞌaneq chupan ri bꞌey chin ma ngekolotej ta, porque ma jubꞌaꞌ xkitaqij nixta xkajoꞌ ri rutzij ri Dios ri ndichꞌaꞌa pa ruwiꞌ ri qetzij, chin ta xekolotej.

Gálatas 5:11

Hermanos, ekꞌo ngebꞌiꞌin chi riyin kꞌa nitzijoj chake ri wineq chi ndikꞌatzin ndikibꞌen circuncidar kiꞌ chin ma jun kimak ndikeqalej chuwech ri Dios. Xa ta qetzij chi keriꞌ nitzijoj, ri nuwinaqul israelitas man ta nginkitzeqlebꞌej chin ndikibꞌen itzel chuwa y man ta chik itzel ndikinaꞌ chare rutzijoxik ri rukamik ri Cristo cho cruz ri niyaꞌ riyin.

Hechos 14:5

Pero ri israelitas y ri ma israelitas ta ri ma kitaqin ta ri Ajaw, junan kikꞌin ri kꞌo uchuqꞌaꞌ pa kiqꞌaꞌ pa ruwiꞌ ri kitinamit, xkibꞌen ruwech chi ndikibꞌen itzel chake ri Pablo y ri Bernabé y ngekikꞌeq chi abꞌej.

Hechos 13:50

Pero ri israelitas xekiyalaꞌ tzij pa kixikin jujun nimalej teq kiqꞌij ixoqiꞌ ri ndikiyaꞌ ruqꞌij ri Dios, y pa kixikin ri achiꞌaꞌ kꞌo ruchuqꞌaꞌ kitzij pa tinamit, xekiyek chikij ri Pablo y ri Bernabé chin xekitzeqlebꞌej chin ndikibꞌen itzel chake y xekoqotaj e pa kirochꞌulew.

1 Timoteo 2:4

Porque rijaꞌ ndirajoꞌ chi konojel wineq ngekolotej y ndiketamaj utz-utz ri qetzij.

Hechos 13:45

Pero ri israelitas ri ma ndikitaqij ta ri Jesús, atoq xkitzꞌet chi santienta wineq kimolon kiꞌ kikꞌin ri Pablo y ri Bernabé, ndiququt kánima chikij, y ndikibꞌilaꞌ tzij chupalej ri Pablo y ndikibꞌij chi ri tijonik nduyaꞌ ma qetzij ta.

San Mateo 12:45

Ja atoq riꞌ ndibꞌa, ngebꞌerukꞌamaꞌ wuquꞌ teq espíritu más eꞌitzel chuwech rijaꞌ y konojel ngeꞌok pa rukꞌaslen ri jun wineq riꞌ chin ndikibꞌen kachoch chare. Y ri rukꞌaslen ri jun wineq riꞌ más pior ndubꞌen qa ke chuwech ri rubꞌanun pa nabꞌey. Kin keriꞌ xtibꞌanatej kikꞌin ri wineq aj wokami ri kin eꞌitzel chikibꞌanik.

San Mateo 3:12

Y kin xtubꞌen achel ndubꞌen jun achi ri rukꞌuan chik pa ruqꞌaꞌ jun cheꞌ kaꞌi-oxiꞌ rutzaꞌ y ndujech rij ri trigo rikꞌin ri ruwech. Ndumal ri trigo chin nderuyaꞌ pa rukꞌujay, pero nduporoj rij ri trigo pa qꞌaqꞌ. Keriꞌ chuqaꞌ ri Jun ri nduqaqa, kin xkerukal ri xketaqin richin y ngeruyaꞌ ri ma ngetaqin ta chupan ri qꞌaqꞌ ri ma jumbꞌey ndichuputej, xchajeꞌ.

Apocalipsis 22:11

Ri ma kikꞌuan ta jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun seqꞌ kꞌaslen, kꞌa keriꞌ tikibꞌanaꞌ chuqaꞌ. Ri kikꞌuan jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun loqꞌolej kꞌaslen, kꞌa keriꞌ tikibꞌanaꞌ.

Hebreos 6:8

Pero ri wineq ri ndikimalij kan ri Dios, xa eꞌachel jun ulew ri ma jun rikꞌaꞌtz, porque xa qꞌayis y kꞌix ngebꞌeꞌel pe chuwech. Jun ulew achel riꞌ xa itzel nditzꞌat y pa rukꞌisibꞌel xa ndikꞌatisex nojel ruwech.

1 Tesalonicenses 1:10

y chi iwoyobꞌen chuqaꞌ chi nditzolij pe chikaj ri Rukꞌajol ri Dios, ri xkꞌastajbꞌex pe roma ri Dios chikikajal ri animaꞌiꞌ, y riꞌ ja ri Jesús ri ndikolo qichin chuwech ri castigo pataneq.

Efesios 3:13

Romariꞌ nikꞌutuj kamelal chiwa chi ma tipoꞌ ikꞌuꞌx roma ri kꞌayew niqꞌasaj riyin iwoma. Porque ri kꞌayew niqꞌasaj, xa kin chin ndikꞌojeꞌ iqꞌij rix.

Efesios 3:8

Y riyin maske maneq ok weqalen ke chuwech ri más maneq ok ruqꞌij chikikajal ri loqꞌolej rutinamit rijaꞌ, chuwa riyin yoꞌon ri favor chi nitzijoj chake ri ma israelitas ta ri utzulej teq tzij chin kolotajik ri kin jun bꞌeyomal rukꞌamon pe ri Cristo, jun bꞌeyomal ri ma ngojtiker ta ndiqakꞌoxomaj janipeꞌ reqalen.

Hechos 19:9

Pero jujun teq israelitas ri ekꞌo chikikajal xkikowirisaj kánima. Ma xkinimaj ta ri rutzij ri Dios y chikiwech ri wineq itzel xechꞌaꞌa chirij ri utzulej bꞌey chin ri Dios. Romariꞌ ri Pablo xel e chikikajal, y xerukꞌuaj ri kitaqin ri Jesús, y qꞌij-qꞌij nditzijon kikꞌin pa ruwiꞌ ri rutzij ri Dios pa jun tijobꞌel richin jun achi rubꞌiniꞌan Tirano.

Hechos 14:2

Pero ri israelitas ri ma xkajoꞌ ta xkitaqij, xkiyaꞌ tzij pa kixikin ri ma israelitas ta, chin xeyakatej chikij ri kitaqin ri Ajaw.

Hechos 4:12

Y xa kin xe rikꞌin ri Jesús ndilitej kolotajik, porque maneq chik jun ri taqon pe roma ri Dios chochꞌulew chin ngerukal ri wineq, xa kin xe ri Jesús, xchajeꞌ ri Pedro.

San Mateo 24:14

Y re utzulej teq tzij chin kolotajik reꞌ, ri ndichꞌaꞌa pa ruwiꞌ ru-reino ri Dios, ndeyoꞌox rutzijol nojel teq apeꞌ chochꞌulew, chin ndakꞌaxex koma konojel kiwech wineq, y kꞌajariꞌ nduqaqa ri rukꞌisibꞌel chin ri tiempo rojkꞌo.

San Mateo 24:6

Chupan teq ri qꞌij riꞌ, ndiwakꞌaxaj chi ngetajin guerras y chi ngetzꞌukutej qa guerras. Rix ma tixibꞌij iwiꞌ, porque ndikꞌatzin chi keriꞌ ndibꞌanatej. Pero ma ja yan ta nduqaqa ri rukꞌisibꞌel chin nojel.

Hechos 9:23

Atoq kꞌiy chik tiempo tikꞌojeꞌ ri Saulo pa tinamit Damasco, ri israelitas jun ruwech kitzij xkibꞌen chin ndikikamisaj.

Hechos 21:21

Pero bꞌiꞌin chake chi rat ndakꞌut chikiwech ri israelitas ri ekꞌo pa teq kitinamit ri ma israelitas ta, chi ma tikibꞌen chik ri ndubꞌij ri ley xyoꞌox chare ri Moisés, porque ndabꞌij chake chi ma kekibꞌen circuncidar ri chꞌuteq kꞌajolaꞌ, y ma tikibꞌen ri kikꞌutun kan ri ojer teq qatit-qamamaꞌ.

Hechos 23:12

Atoq xseqresan pe, ri israelitas xkibꞌen ruwech chi ndikikamisaj ri Pablo, y xkibꞌen jurar chikiwech chi tiqaqa kamik pa kiwiꞌ si ngewaꞌ o ndikitij kiyaꞌ nabꞌey chi ndikikamisaj.

Hechos 24:9

Ri israelitas ri ekꞌo apu chiriꞌ, ndikisujuj chuqaꞌ ri Pablo, y ndikibꞌij chi qetzij nojel ri xubꞌij ri Tértulo.

Hechos 25:2

Pa tinamit Jerusalén, chuwech ri Festo xebꞌeqaqa ri sacerdotes israelitas más kꞌo ruchuqꞌaꞌ kitzij y jujun israelitas kꞌo kiqꞌij chikiwech ri tinamit, chin xbꞌekisujuj ri Pablo.

Hechos 25:7

Atoq xbꞌeqaqa ri Pablo chuwech ri Festo, ri israelitas ri eꞌeleneq e pa tinamit Jerusalén kin ja paqiꞌ xbꞌekimoloꞌ kiꞌ chirij, y ndikiyaꞌ jalajaj teq sujunik chirij ri Pablo, y ndikibꞌij chi erubꞌanun nimaꞌq teq chꞌaꞌoj, pero ma xetiker ta xkil jun reqal chin ndikikꞌut chi qetzij ri sujunik ndikiyaꞌ chirij.

1 Corintios 10:33

Xa kin tibꞌanaꞌ achel nibꞌen riyin, nitij nuqꞌij chi nojel ri nibꞌen pa nukꞌaslen ndiqaꞌ chikiwech konojel. Riꞌ ndubꞌij tzij chi ma nibꞌen ta ri xe chuwa riyin kꞌo utz ndukꞌen pe, xa kin nibꞌen chuqaꞌ ri kꞌo utz ndukꞌen pe chake chꞌaqa, roma niwojoꞌ chi ngekolotej chuqaꞌ rejeꞌ.