1 Tesalonicenses 1:8 - Kaqchikel Santo Domingo (Xenacoj)

⁸ Porque iwikꞌin rix eleneq e chi bꞌaneq rutzijol ri rutzij ri Ajaw, ma xe ta pa irochꞌulew Macedonia y pa rochꞌulew Acaya, xa kin más nej bꞌaneq rutzijol. Y bꞌaneq chuqaꞌ rutzijol chi rix kuqul ikꞌuꞌx rikꞌin ri Dios, y ma ndikꞌatzin ta chi kꞌaja ta na roj ngojbꞌiꞌin keriꞌ.

နောက်ထပ်ဗားရှင်းများ

Kaqchikel Santa Maria de Jesus

⁸ Y man joꞌc ta ri icꞌo chupan Macedonia y Acaya caxan chi icukubꞌan icꞌuꞌx riqꞌuin ri Dios, xa nojiel lugar nitzijos-ve. Y ruma quireꞌ nitzijos chivij, xꞌa rutzijoxic ri ruchꞌabꞌal ri Ajaf Dios. Y man nicꞌatzin ta chi ojreꞌ nkuꞌeꞌn quireꞌ.

Kaqchiquel Bible

⁸ Y man xaxe ta ri aj-Macedonia y ri aj-Acaya kak'axan chi rix ikuquban ik'u'x. Xa kan chijun ruwach'ulew nitzijox-wi. Y roma ri' man nik'atzin ta chi roj yojtzijon pa ruwi' ri'.

Kaqchikel Central Guatemala

⁸ Y man xe ta chiri' pa Macedonia y Acaya ac'axan chi riq'uin ronojel ivánima iniman ri Dios. Xa chi jun ruvach'ulef nitzijox-vi. Y roma ri queri' nitzijox chivij, xbe rutzijol ruch'abel ri Ajaf Dios. Y man ja ta roj ri yojtzijon.

Re C'ac'a Testamento pa Kach'abal

⁸ Y man xe-ta chire' pa Macedonia y re Acaya c'axan che riq'uin ronojel ivánma iniman re Dios. Xa can che jun ruch'ulef nitzijos-va. Y roma quire' nitzijos chivij, xba rutzijol re ruch'abal re Ajaf Dios. Y mana-ta yoj re yojtzijon chivij.

Kaqchikel Western Solola

⁸ Y rumari' xbe c'a rutzijoxic ri ruch'abel ri Ajaf pa ronojel lugar y ma xu (xe) ta c'a ri pa Macedonia y Acaya ri xetamex wi, xa can xetamex chuka' cuma ri winek pa ronojel lugar chi riyix can iniman ri Dios riq'ui ronojel iwánima y ma rajawaxic ta chi nikatzijoj riyoj.

1 Tesalonicenses 1:8 ပူးပေါင်းရင်းမြစ်များ

Hechos 18:12

Pero chupan ri tiempo atoq ja ri achi rubꞌiniꞌan Galión okuneq gobernador pa ruwiꞌ ri rochꞌulew Acaya, ri israelitas jun ruwech kitzij xkibꞌen chin xkitzꞌen e ri Pablo y xkikꞌuaj pa qꞌatbꞌel tzij apeꞌ nduqꞌet tzij ri Galión.

Romanos 1:8

Ri nabꞌey niwojoꞌ nibꞌij chupan re wuj reꞌ, jareꞌ: Nimatioxij chare ri nu-Dios pa rubꞌiꞌ ri Ajaw Jesucristo iwoma rix. Porque chuwech nojel ri rochꞌulew nditzijox chi kuqul ikꞌuꞌx rikꞌin ri Jesucristo.

Romanos 15:26

Porque ri hermanos aj rochꞌulew Macedonia y aj rochꞌulew Acaya, xalex pa kánima xkimal jun ofrenda chin kitoꞌik ri hermanos ri maneq ok kichajin ri ekꞌo chikikajal ri loqꞌolej teq ralkꞌuaꞌl ri Dios pa tinamit Jerusalén.

Romanos 16:19

Konojel wineq ketaman chi kin ngixniman chuwech ri Dios, y riꞌ ndubꞌen chuwa chi tzꞌan ngikikot. Pero niwojoꞌ chi kꞌes inoꞌoj chin ndibꞌen ri utz, y tibꞌanaꞌ chi ma kꞌes ta inoꞌoj chuwech ri itzel teq achike.

1 Corintios 14:36

Keriꞌ nibꞌij chiwa, porque ma iwikꞌin ta rix xtzꞌukutej e rutzijoxik ri rutzij ri Dios, nixta xe chiwa rix tzijon kan.

2 Corintios 2:14

Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ.

2 Corintios 3:4

Y chuwech ri Dios ndiqabꞌij chi kin kuqul qakꞌuꞌx chi keriꞌ wi, roma ri samaj xubꞌen ri Cristo chiqaqꞌaꞌ chiꞌikajal.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

2 Tesalonicenses 1:4

Y roma keriꞌ ngixtajin rikꞌin rix, roj ngojkikot ndiqatzijoj chake ri hermanos ri ndikimal kiꞌ pa rubꞌiꞌ ri Dios pa chꞌaqa chik tinamit, chi maske rix tzeqlebꞌen chin ndibꞌan itzel chiwa y maske kꞌo kꞌayew ndiqꞌasaj pa ikꞌaslen, kin ikochꞌon nojel y jumul kuqul ikꞌuꞌx rikꞌin ri Dios.

2 Tesalonicenses 3:1

Hermanos, jun chik achike niwojoꞌ nibꞌij chiwa, jareꞌ: Tibꞌanaꞌ orar qoma, chin keriꞌ chaꞌanin ndibꞌa rutzijoxik ri utzulej rutzij ri Ajaw chꞌaqa chik apeꞌ, y chi ri wineq ndikiyaꞌ nim reqalen ri utzulej teq tzij riꞌ, achel ndiyaꞌ reqalen rix.

1 Timoteo 2:8

Niwojoꞌ chi ri achiꞌaꞌ tikibꞌanaꞌ orar xa achike na chi lugar. Rikꞌin chꞌajchꞌaj kánima tikijotobꞌaꞌ kiqꞌaꞌ chikaj atoq ndikibꞌen orar, y ma jun oyowal kiyakon pa kánima chikij chꞌaqa chik.

2 Timoteo 2:9

Y roma nitzijoj ri utzulej teq tzij riꞌ, niqꞌasaj kꞌayew, y hasta yin ximon pa cheꞌ achel yin ta jun itzel achi keriꞌ. Pero ri rutzij ri Dios ma qꞌaton ta rutzijoxik.

3 Juan 1:12

Konojel hermanos ndikibꞌij chi ri hermano Demetrio jun utzulej hermano, porque kin ukꞌuan rukꞌaslen roma ri qetzij. Roj chuqaꞌ utz rutzijol ndiqayaꞌ ri Demetrio, y rat awetaman chi ri ndiqabꞌij kin qetzij wi.

Apocalipsis 14:6

Y xintzꞌet jun chik ángel ndirapap pa runikꞌajal ri kaj rukꞌuan ri utzulej teq tzij chin ri kolotajik chin jumul, chin nderuyaꞌ rutzijol chake ri ekꞌo chochꞌulew, chake konojel wineq jalajaj kirochꞌulew, jalajaj katit-kimamaꞌ, kichꞌabꞌel y kitinamit.

Apocalipsis 22:17

Ri Espíritu Santo y ri xten ri ndok rixjayil ri Alaj Karneꞌl kereꞌ ndikibꞌij: ¡Katuqaqa yan! Y ri ndirakꞌaxaj, tubꞌij chuqaꞌ: ¡Katuqaqa yan! Ri ndichaqiꞌj ruchiꞌ, tipuꞌun, y ri ndirajoꞌ ndutij ri yaꞌ ndisipex, tutijaꞌ ri yaꞌ ndiyoꞌon ri kꞌaslen ma ndikꞌis ta.