1 Tesalonicenses 1:5 - Kaqchikel Santo Domingo (Xenacoj)

⁵ Porque atoq xqatzijoj chiwa ri utzulej teq tzij chin kolotajik, ma xe ta rikꞌin qatzij xqabꞌen, xa kin xqꞌalajin chuqaꞌ ruchuqꞌaꞌ ri Espíritu Santo rikꞌin ri milagros ri xebꞌanatej chiqaqꞌaꞌ, y xqꞌalajin chuqaꞌ chi nojel ri xqabꞌij, kuqul qakꞌuꞌx chi kin qetzij wi. Y rix iwetaman chi keriꞌ, porque xitzꞌet ri achike chi kꞌaslen xqakꞌuaj chiꞌikajal roma ndiqajoꞌ chi kꞌo utz ndukꞌen pe chiwa.

နောက်ထပ်ဗားရှင်းများ

Kaqchikel Santa Maria de Jesus

⁵ Ruma antok xkatzijuoj ri evangelio chiva, man kayuon ta ojreꞌ xkatzijuoj. Xa ja ri Espíritu Santo ri xtoꞌn kichin chi xkatzijuoj riqꞌuin poder. Y ja ri Espíritu Santo ri xsamaj riqꞌuin ivánima. Can xkꞌalajin chivach chi ri xkatzijuoj chiva can ketzij. Y ixreꞌ xitzꞌat cheꞌl ri kacꞌaslien kucꞌuan, ruma nakajoꞌ ri otz chiva.

Kaqchiquel Bible

⁵ Roma toq xqatzijoj ri utzilej ch'abel richin kolotajik chiwe, man xqatzijoj ta xaxe rik'in ch'abel, jak'a chuqa' rik'in ri uchuq'a' ri nuya' ri Loq'olej Espíritu, y rik'in chuqa' ri kuqubabel-qak'u'x niqatzijoj. Rix iwetaman ri k'aslen ri qak'uan roj, roma niqajo' ri utz chiwe rix.

Kaqchikel Central Guatemala

⁵ Roma tok xkatzijoj ri utzilej ch'abel richin colotajic chive, man kayon ta roj ri xkatzijoj. Xa can ja ri Lok'olej Espíritu ri xojto'on chutzijoxic. Y ja ri Lok'olej Espíritu chuka' xsilon ivánima. Y xk'alajin chi ri xkatzijoj chive, can ruch'abel vi ri Dios. Y chuka' xitz'et ri c'aslen xkac'uaj. Roma xkajo' chi xinimaj ri utzilej ch'abel richin colotajic. Y romari' can xkachajij-ki', richin utz ri c'aslen ri xkac'uaj chivech.

Re C'ac'a Testamento pa Kach'abal

⁵ Roma tak xkatzijoj chiva re utzulaj ch'abal chin re Dios re nibex evangelio cha, man kayon-ta yoj re xojtzijon. Xa can ja re Espíritu Santo re xojta'o chutzijosic. Y ja re Espíritu Santo chuka' xsilon ivánma. Y xk'alajin che re xkatzijoj chiva, can ruch'abal-va re Dios. Y chuka' xitz'at re c'aslen xkac'uaj. Roma xkajo' che xinimaj re utzulaj ch'abal chin re Dios. Y mare' can xkachajij-ki', chin otz re c'aslen xkac'uaj chivach.

Kaqchikel Western Solola

⁵ Ruma tek xkatzijoj chiwe ri lok'olaj ch'abel ri niya'o colotajic, ma kayon ta riyoj ri xojtzijon. Xa can ya ruchuk'a' ri Lok'olaj Espíritu ri xojto'o chutzijoxic. Y xk'alajin chi ri xkatzijoj chiwe, can ruch'abel wi ri Dios. Y chuka' tek xojc'oje' chicojol, riyix xitz'et ri utzilaj c'aslen ri xkac'uaj. Ruma xkajo' chi xinimaj ri lok'olaj ch'abel ri niya'o colotajic.

1 Tesalonicenses 1:5 ပူးပေါင်းရင်းမြစ်များ

Marcos 16:20

Y ri discípulos chi nej chi naqaj xebꞌa chutzijoxik ri utzulej teq tzij chin kolotajik, y ri Ajaw ngerutoꞌ y ndubꞌen chi ndiqꞌalajin chi qetzij ri ndikibꞌij, rikꞌin ri nimalej teq retal ruchuqꞌaꞌ ngerubꞌen.

San Lucas 1:1

Rat nimalej aqꞌij Teófilo, ekꞌo ekꞌiy xkitij yan kiqꞌij chin ndikinukꞌ ruchiꞌ nojel ri kin qetzij wi xerubꞌen ri Dios chiqakajal, chin xkitzꞌibꞌaj kan,

Hechos 11:21

Ri ruchuqꞌaꞌ ri Ajaw kin kꞌo pa kiwiꞌ ri achiꞌaꞌ riꞌ, y kꞌiy wineq xkitaqij ri xkibꞌij, y xkiyaꞌ kánima rikꞌin ri Ajaw.

Hechos 16:14

Y chikikajal ri ixoqiꞌ riꞌ, kꞌo jun ixaq rubꞌiniꞌan Lidia, aj tinamit Tiatira. Ri ixaq riꞌ, ma israelita ta y nduyaꞌ ruqꞌij ri Dios, y ngerukꞌayij chuqaꞌ kꞌul morado kꞌiy kajel. Ri Dios xuyaꞌ pa ránima chi xrakꞌaxaj utz-utz ri ndubꞌij ri Pablo.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

Romanos 1:16

Y ma ngikꞌix ta nitzijoj ri utzulej teq tzij chin kolotajik, porque ja utzulej tzij riꞌ ri uchuqꞌaꞌ ndukusaj ri Dios chin ngerukal konojel ri ndikitaqij. Ri utzulej teq tzij riꞌ nabꞌey xtzijox chake ri israelitas, y chake chuqaꞌ ri ma israelitas ta.

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

Romanos 2:16

Y ri Dios ja ri Cristo Jesús ndukusaj chin nduqꞌet tzij pa kiwiꞌ ri wineq roma ri itzel teq achike kewan pa kánima, y pa ruqꞌaꞌ ri Cristo Jesús rujachon chin nduyaꞌ rukꞌexel chake. Keriꞌ ndubꞌij ri utzulej teq tzij chin kolotajik ri niyaꞌ rutzijol riyin.

1 Corintios 1:24

Jakꞌa chaqe ri roj oyon roma ri Dios chin ngojkolotej, chi israelitas y ma israelitas ta, ri rukamik ri Cristo jariꞌ ri nimalej ruchuqꞌaꞌ y runoꞌoj ri Dios.

1 Corintios 10:33

Xa kin tibꞌanaꞌ achel nibꞌen riyin, nitij nuqꞌij chi nojel ri nibꞌen pa nukꞌaslen ndiqaꞌ chikiwech konojel. Riꞌ ndubꞌij tzij chi ma nibꞌen ta ri xe chuwa riyin kꞌo utz ndukꞌen pe, xa kin nibꞌen chuqaꞌ ri kꞌo utz ndukꞌen pe chake chꞌaqa, roma niwojoꞌ chi ngekolotej chuqaꞌ rejeꞌ.

1 Corintios 3:16

¿Ma iwetaman ta kꞌa chi rix ri itaqin ri Cristo, rix rachoch ri Dios y ri Espíritu chin ri Dios kꞌo pa iwánima?

1 Corintios 3:6

Riyin Pablo, xitiko ri rutzij ri Dios pa iwánima, ri Apolos xuyiꞌaj ri xintik kan riyin, pero ja ri Dios xbꞌanun chi xkꞌiy pe ri tzij tikil pa iwánima.

1 Corintios 4:20

Porque ri ru-reino ri Dios, ma rikꞌin ta tzij ri ngebꞌix ndiqꞌalajin, xa kin rikꞌin ri ndubꞌen ruchuqꞌaꞌ ri Dios.

1 Corintios 9:14

Keriꞌ chuqaꞌ ri Ajaw rubꞌanun kan mandar chi ri ngetzijon ri utzulej teq tzij chin kolotajik, kin tiyoꞌox chake ri ndikꞌatzin pa kikꞌaslen, roma ri samaj ndikibꞌen.

2 Corintios 3:6

Ja rijaꞌ bꞌanayon chaqe chi ngojtiker ndiqabꞌen ri samaj chupan ri kꞌakꞌakꞌ pacto. Y ri rukꞌuꞌx ri pacto riꞌ, kin ja ri Espíritu Santo, y ma ja ta ri ndubꞌij chupan ri ley xyoꞌox chare ri Moisés. Porque chupan ri ley riꞌ ndubꞌij chi ndiqaqa kamik pa kiwiꞌ ri ngebꞌanun mak, pero ri Espíritu Santo nduyaꞌ kꞌaslen.

Gálatas 2:2

Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

Gálatas 5:5

Pero roj roma qataqin ri Cristo, y roma chuqaꞌ kꞌo ri Espíritu Santo pa qánima, kuqul qakꞌuꞌx qoyobꞌen chi ri Dios ndubꞌen chaqe chi nixta jun qamak ndiqeqalej chuwech.

Efesios 2:10

Porque ja ri Dios bꞌanayon kꞌakꞌakꞌ chare ri qakꞌaslen roj ri xe jun qabꞌanun rikꞌin ri Cristo Jesús, chin keriꞌ ndiqabꞌanalaꞌ ri utz ri runabꞌan pe ri Dios chin ndiqabꞌen.

Efesios 3:20

Tiqayaꞌ ruqꞌij ri Dios ri nditiker ndubꞌen más chuwech ri achike ndiqakꞌutuj o ndiqanojij, rikꞌin ri nimalej ruchuqꞌaꞌ ri ndisamej pa qánima.

Filipenses 2:13

Porque ja ri Dios ndiyoꞌon pa iwánima chi ndirayij ndibꞌen ri ndiqaꞌ chuwech, y nduyaꞌ chuqaꞌ iwuchuqꞌaꞌ chin ndibꞌen.

Filipenses 4:9

Y nojel ri tijonik nuyoꞌon chiwa, nojel ri xiwakꞌaxaj chi yin xinbꞌij, y nojel ri xitzꞌet chi yin xinbꞌen, nojel riꞌ tibꞌanaꞌ. Si keriꞌ xtibꞌen, ri Dios ri ndiyoꞌon uxlanen pa qánima kin xtikꞌojeꞌ iwikꞌin.

Colosenses 2:2

Niwojoꞌ chi ndikꞌojeꞌ ruchuqꞌaꞌ iwánima, y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo.

1 Tesalonicenses 2:13

Rix roma xikꞌen qa pa iwánima ri rutzij ri Dios ri xqatzijoj kan chiwa, romariꞌ roj jutaqil ngojmatioxin chare ri Dios iwoma, porque ma xibꞌij ta chi xa relik kitzij wineq, xa kin xiyaꞌ pa iwánima chi qetzij rutzij ri Dios ri xqatzijoj chiwa. Y kin qetzij chi ri rutzij ri Dios ndubꞌen samaj pa ikꞌaslen rix ri itaqin ri Cristo.

2 Tesalonicenses 2:14

Kin chin wi ngixkolotej xixroyoj ri Dios, y ja roj ri xojrukusaj chin xqatzijoj ri utzulej teq tzij ri xukꞌen pe kolotajik chiwa, chin keriꞌ ndikꞌojeꞌ iqꞌij rikꞌin ri Qajaw Jesucristo chupan ri nimalej ruqꞌij.

2 Timoteo 2:10

Romariꞌ nikachꞌ nojel ri kꞌayew niqꞌasaj. Keriꞌ nibꞌen koma ri eruchaꞌon ri Dios chin ngekolotej roma xe jun ndikibꞌen rikꞌin ri Cristo Jesús, y keriꞌ ngebꞌeqaqa apeꞌ kꞌo rijaꞌ y ndikꞌojeꞌ kiqꞌij chin jumul.

2 Timoteo 2:8

Kin takꞌuxlaꞌaj ri Jesucristo ri riy-rumam kan ri rey David. Rijaꞌ xken y xkꞌastajbꞌex pe chikikajal ri animaꞌiꞌ. Jareꞌ ri utzulej teq tzij chin kolotajik ri nitzijoj riyin.

Hebreos 10:22

Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Hebreos 6:11

Pero ndiqarayij chi chiꞌijununal nditij iqꞌij chi ngixtoꞌon y keriꞌ ta kꞌa jumul ndibꞌen hasta pa rukꞌisibꞌel, chin keriꞌ rikꞌin kuqubꞌel kꞌuxlaj ndiwoyobꞌej apu ri qꞌij chin ndiwil ri favor rusujun kan.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

1 Pedro 1:3

Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey, roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan.

1 Pedro 5:3

Ma tibꞌen achel rix kajaw ri hermanos ri ejachon pa iqꞌaꞌ chin ngeꞌichajij. Pa rukꞌexel riꞌ, titijaꞌ iqꞌij tikꞌuaj jun chojmilej kꞌaslen chikiwech, chin keriꞌ ndikoqaj ri ikꞌaslen.

2 Pedro 1:10

Romariꞌ, hermanos, roma rix oyon y rix chaꞌon roma ri Dios, titijaꞌ iqꞌij chi kin ta ngekꞌiyer nojel re utzulej teq noꞌoj reꞌ pa ikꞌaslen, porque si keriꞌ ndibꞌen, ma jumbꞌey ndiwil jun roma ndiyaꞌ kan ri Dios.

2 Pedro 1:19

Y rikꞌin ri xqatzꞌet y xqakꞌaxaj, ndiqꞌalajin chi qetzij ri kitzꞌibꞌan kan ri profetas ojer, y rix utz ndibꞌen si ndiyaꞌ pa cuenta utz-utz ri kitzꞌibꞌan kan. Porque ri kitzꞌibꞌan kan rejeꞌ, kin achel jun lámpara ri ndiyikꞌan pa qꞌequꞌ, y nduyaꞌ luz hasta ke ndiseqresan na pe, y nduqaqa na ri Cristo ri nduyikꞌaj ri iwánima achel ndiyikꞌan ri jun chꞌumil chin kumaj saqer.