1 Tesalonicenses 1:3 - Kaqchikel Santo Domingo (Xenacoj)

³ porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

နောက်ထပ်ဗားရှင်းများ

Kaqchikel Santa Maria de Jesus

³ Siempre nquixkanataj choch ri Katataꞌ Dios ruma ri samaj ri ntiꞌan ixreꞌ ruma icukubꞌan icꞌuꞌx riqꞌuin ri Jesucristo. Nalka pa kaveꞌ chi altíra nquixsamaj ruma ntivajoꞌ ri Jesucristo. Y man chupunak ta ri esperanza iviqꞌuin richin ri kꞌij chi xtitzalaj chic pa ri Kajaf Jesucristo.

Kaqchiquel Bible

³ Roma jantape' noqaqa chiqak'u'x ri samaj ri niben, roma ikuquban ik'u'x rik'in ri Jesucristo; chuqa' janila yixsamej roma niwajo' rija', y rik'in koch'onik iwoyoben-apo ri q'ij toq xtipe chik.

Kaqchikel Central Guatemala

³ Roma jantape' noka' chikac'u'x ri samaj niben rix, roma icukuban ic'u'x riq'uin ri Jesucristo. Noka' chikac'u'x chi janíla yixsamej roma nivajo' ri Jesucristo. Y riq'uin coch'onic ivoyoben-apo ri k'ij tok xtipe chic ri Kajaf Jesucristo.

Re C'ac'a Testamento pa Kach'abal

³ Roma nojel tiempo ne'ka chakac'o'x re samaj niban yex, roma ibanon confiar-ivi' riq'uin re Jesucristo. Ne'ka chakac'o'x che camas yixsamaj roma nijo' re Jesucristo. Y can iyaben-apo re k'ij tak xtipa chic re Kajaf Jesucristo.

Kaqchikel Western Solola

³ Ruma binakil noka chikac'u'x ri samaj ri niben riyix, ruma icukuban ic'u'x riq'ui ri Jesucristo. Noka chikac'u'x chi sibilaj yixsamej ruma niwajo' ri Jesucristo. Y riq'ui coch'onic iwoyoben apo ri k'ij tek xtipe chic ri Kajaf Jesucristo.

1 Tesalonicenses 1:3 ပူးပေါင်းရင်းမြစ်များ

1 Corintios 13:13

Chupan re tiempo re rojkꞌo, kꞌo oxiꞌ achike pa qakꞌaslen roj wineq ri ma ndikꞌis ta kiqꞌij. Jun ja ri kuqul qakꞌuꞌx rikꞌin ri Ajaw, jun chik, ja ri qoyobꞌen chi ri Dios xtuyaꞌ chaqe ri rusujun, y ri jun chik ja ri ngojojowan rikꞌin nojel qánima. Pero chikiwech ri oxiꞌ riꞌ, ri más kꞌo reqalen ja ri ngojojowan rikꞌin nojel qánima.

Apocalipsis 2:19

Wetaman ri ngaꞌabꞌanalaꞌ, wetaman chi ngatojowan, chi yin ataqin, chi eꞌatoꞌon ri ndikꞌatzin kitoꞌik y akochꞌon ri kꞌayew ndaqꞌasaj pa akꞌaslen. Wetaman chuqaꞌ chi wokami más ndabꞌen ri nusamaj ke pa nabꞌey.

Gálatas 5:6

Porque rat ri xe jun abꞌanun rikꞌin ri Cristo Jesús, ma jun reqalen si abꞌanun circuncidar awiꞌ o naq. Ri kꞌo reqalen ja ri ataqin ri Cristo, y chi romariꞌ ndabꞌen ri utz porque ngatojowan.

2 Tesalonicenses 1:11

Romariꞌ roj jumul ndiqabꞌen orar iwoma. Ndiqakꞌutuj chare ri qa-Dios chi ngixrutoꞌ chukꞌuaxik jun kꞌaslen ri ndubꞌen chi ndikikot rijaꞌ chi xixroyoj. Ndiqakꞌutuj chuqaꞌ chi rijaꞌ rikꞌin ri ruchuqꞌaꞌ ndubꞌen chiwa chi ngixtiker ndibꞌen ri utz ri ndiwojoꞌ ndibꞌen, y chi ngixtiker ndikꞌis kan nojel ri itzꞌamon rubꞌanik roma kuqul ikꞌuꞌx rikꞌin.

1 Juan 5:3

Keriꞌ nibꞌij chiwa, porque atoq ndiqabꞌen ri ndubꞌij ri ru-mandamientos ri Dios, ndiqꞌalajin chi ndiqajoꞌ rijaꞌ, y ri mandamientos riꞌ ma cuesta ta chin ngeqanimaj.

Gálatas 6:9

Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

1 Juan 3:3

Y konojel ri koyobꞌen chi keriꞌ ndibꞌanatej, jumul ndikichꞌajchꞌojrisaj ri kikꞌaslen, chin ndikibꞌen chare achel rukꞌaslen ri Jesucristo, ri kin chꞌajchꞌaj wi.

1 Tesalonicenses 3:6

Pero atoq xtzolij pe ri Timoteo, xukꞌen pe utzulej itzijol, porque xubꞌij chi rix kuqul ikꞌuꞌx rikꞌin ri Cristo y ngixojowan. Y xubꞌij chuqaꞌ chi ngixkikot ngojikꞌuxlaꞌaj y kin ndirayij ngojuꞌitzꞌetaꞌ, achel chuqaꞌ roj ndiqarayij ngixbꞌeqatzꞌetaꞌ.

1 Juan 3:18

Rix ri kin achel rix walkꞌuaꞌl keriꞌ, ma xe rikꞌin qachiꞌ tiqabꞌij chi ngeqajoꞌ ri hermanos, xa kin qetzij qojojowan rikꞌin ri utz ri ngeqabꞌanalaꞌ chikitoꞌik.

Hebreos 10:36

Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

1 Corintios 15:58

Roma kꞌa riꞌ, rix nu-hermanos ri tzꞌan ngixinwojoꞌ, nibꞌij kꞌa chiwa: Kixkꞌojeꞌ chupan ri tijonik qakꞌutun kan chiwech, kaw tipabꞌaꞌ iwiꞌ chupan. Ma kixtaneꞌ chi ndibꞌen rusamaj ri Ajaw, porque rix iwetaman chi nojel ri ndibꞌen pa rubꞌiꞌ, ma xe ta keriꞌ xtikꞌis.

2 Tesalonicenses 1:3

Hermanos, roj kin ndikꞌatzin chi jutaqil ngojmatioxin chare ri Dios iwoma, y kin rukꞌulun chi keriꞌ ndiqabꞌen, porque rix qꞌij-qꞌij más ikuqubꞌan ikꞌuꞌx rikꞌin ri Ajaw Jesús, y más kꞌiyineq pa iwánima chi ndiwojoꞌ iwiꞌ chiwech.

1 Juan 3:21

Y nibꞌij chiwa rix ri tzꞌan ngixinwojoꞌ: Si pa qánima ma jun qamak qewan chuwech ri Dios, riꞌ ndubꞌen chaqe chi kuqul qakꞌuꞌx ngojjel apu chuwech rijaꞌ.

1 Pedro 3:4

Ri iweqbꞌel ndikꞌatzin, ja ri ndikꞌuaj jun jabꞌel yalan noꞌoj y ki-kiꞌ iwánima. Jun weqbꞌel keriꞌ, kin santienta reqalen chuwech ri Dios.

Hebreos 11:17

Ri Dios xutojtobꞌej ránima ri Abraham chin xutzꞌet si ndiniman, romariꞌ xubꞌij chare chi tusujuꞌ ri Isaac ri junayon rukꞌajol pa kamik chuwech. Y roma kuqul rukꞌuꞌx rikꞌin ri Dios, ri Abraham kin xniman y xuyaꞌ ri Isaac pariꞌ jun altar chin ta xusuj chuwech ri Dios. Keriꞌ xubꞌen ri Abraham ri achoq chare kꞌo achike esujun roma ri Dios.

Hebreos 6:15

Y keriꞌ ri Abraham ma xkꞌo ta rukꞌuꞌx chiroyobꞌexik ri xsuj chare, y kin xyoꞌox wi chare.

1 Timoteo 2:3

Riꞌ kin utz wi y ndiqaꞌ chuwech ri Dios ri Qakolonel.

Gálatas 5:13

Rix hermanos, rix oyon roma ri Dios chin xixel libres, pero ma roma ta rix libres, utz ta chi ndibꞌanalaꞌ ri itzel teq rayinik chin ri i-cuerpo. Pa rukꞌexel riꞌ, titolaꞌ iwiꞌ chiwech roma ndiwojoꞌ iwiꞌ.

Gálatas 1:4

Ri Ajaw Jesucristo xujech riꞌ pa kamik roma ri qamak chin xojrukal pa ruqꞌaꞌ ri itzel teq rayinik ekꞌo chochꞌulew wokami. Keriꞌ xubꞌen porque jariꞌ rurayibꞌel ri Qatataꞌ Dios.

Romanos 16:6

Tiyaꞌ ruxunaqil ruwech ri María. Rijaꞌ kin kꞌiy samaj rubꞌanun chiꞌikajal.

Romanos 15:4

Porque ri xtzꞌibꞌex chupan ri rutzij ri Dios ojer kan, xtzꞌibꞌex chin ngojtijox roj, chin keriꞌ roma ri xtzꞌibꞌex kan, ndiqil ruchuqꞌaꞌ qánima y ngojkochꞌon pa qakꞌaslen chiroyobꞌexik ri rusujun ri Dios.

Romanos 12:12

Tzꞌan kixkikot chiroyobꞌexik ri favor nduyaꞌ ri Dios. Tikochꞌoꞌ ri kꞌayew ndiqꞌasaj pa ikꞌaslen, y jumul tibꞌanaꞌ orar.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

Hechos 10:31

Y kereꞌ xubꞌij chuwa: Cornelio, ri oración abꞌanun xakꞌaxex roma ri Dios, y ri kitoꞌik ri wineq abꞌanun ma rumestan ta.

Hechos 3:19

Romariꞌ, tiyaꞌ chiwij chi ma utz ta ri xibꞌen, titzolij pe iwánima rikꞌin ri Dios y titaqij ri Jesús, chin ndikuyutej ri imak.

San Juan 14:15

Ri Jesús xubꞌij chuqaꞌ: Ri retal chi qetzij nginiwojoꞌ, ja ri ngeꞌinimaj ri nu-mandamientos.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

Hebreos 4:11

Romariꞌ tiqatijaꞌ qaqꞌij chi ngojok chupan ri uxlanen ndusuj ri Dios, ma kꞌateꞌ kꞌo jun xtoqan rubꞌey kikꞌaslen ri ma xeniman ta ojer.

2 Corintios 2:17

Keriꞌ nibꞌij chiwa, porque roj ma roma ta chꞌakoj méra ndiqatzijoj ri rutzij ri Dios achel ndikibꞌen ekꞌiy. Roj ndiqatzijoj ri rutzij ri Dios chake ri wineq rikꞌin nojel qánima, roma xe jun qabꞌanun rikꞌin ri Cristo. Keriꞌ ndiqabꞌen chuwech ri Dios ri taqayon qichin chin ndiqabꞌen ri samaj riꞌ.

Romanos 16:26

pero chupan re tiempo rojkꞌo, xqꞌalajrisex chiqawech. Y achel kiqꞌalajrisan kan ri profetas chi kꞌo jun qꞌij ndibꞌanatej, y achel chuqaꞌ rubꞌanun kan mandar ri Dios ri kin jumul kꞌo, roj ndiqayaꞌ rutzijol chake ri jalajaj kiwech wineq chochꞌulew chi tikitaqij ri Jesucristo y tikinimaj rutzij.

San Juan 15:10

Si rix ndibꞌen ri ndikibꞌij ri nu-mandamientos, kin jumul ngixkꞌojeꞌ chupan ri wajowabꞌel. Achel riyin nibꞌen ri ndikibꞌij ri ru-mandamientos ri Nataꞌ, y romariꞌ kin jumul yinkꞌo chupan ri rajowabꞌel rijaꞌ.

Apocalipsis 3:10

Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq.

1 Timoteo 1:14

Pero ri Qajaw tzꞌan favor xuyaꞌ pa nuwiꞌ, y xuyaꞌ pa wánima chi kuqul nukꞌuꞌx rikꞌin y chi nginojowan roma nutaqin ri Cristo Jesús.