1 Pedro 5:4 - Kaqchikel Santo Domingo (Xenacoj)

⁴ Y keriꞌ, atoq nduruqꞌalajrisaj chik riꞌ jumbꞌey ri Cristo ri nimalej Yuqꞌunel kichin ri yuqꞌunelaꞌ, kin xtiyoꞌox chiwa jun nimalej rajel-rukꞌexel, y riꞌ, ja ri xtikꞌojeꞌ iqꞌij chin jumul.

နောက်ထပ်ဗားရှင်းများ

Kaqchikel Santa Maria de Jesus

⁴ Y xa ixreꞌ otz xtiꞌan chiquivach y otz xquiꞌchajij, can xtiyoꞌx chiva jun premio, jun corona ri man xtiqꞌuis ta; y can xtiꞌan chiva chi cꞌo ikꞌij. Reꞌ xtiyoꞌx chiva antok xtipa chic ri Cristo, ri Namalaj Pastor.

Kaqchiquel Bible

⁴ Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

Kaqchikel Central Guatemala

⁴ Y vi choj c'a xtiben rix chiquivech y jebel ye'ichajij, xtic'ul c'a jun lok'olej sipanic ri man jun bey xtiq'uis, y romari' rix xtic'ul c'a ik'ij. Y re' xtic'ul c'a tok xtoc'ulun chic ka ri Cristo, ri nimalej Aj-Yuk'.

Re C'ac'a Testamento pa Kach'abal

⁴ Y vo xa ja re otz re xtiban yex chiquivach y jabal ye'chajij xtic'ul jun premio ancha'l jun corona re man jun bey xtiq'uis. Y mare' yex xtic'ul ik'ij y re' xtic'ul ja tak xte'c'ulum-pa re Jesucristo, re namalaj Chajinel.

Kaqchikel Western Solola

⁴ Y wi choj c'a xtiben riyix chiquiwech y jabel ye'ichajij, xtic'ul c'a jun lok'olaj sipanic ri majun bey xtiq'uis ta, y rumari' riyix xtiya'ox (xtya') c'a ik'ij tek xtoc'ulun chic ka ri Cristo, ri cajawalul ri pastores.

1 Pedro 5:4 ပူးပေါင်းရင်းမြစ်များ

San Juan 10:11

Ja riyin ri utzulej Yuqꞌunel. Ri utzulej Yuqꞌunel nduyaꞌ rukꞌaslen koma ri rukarneꞌl.

1 Corintios 9:25

Konojel ri ndikitijlaꞌ kanin pa jun etzꞌanin, ndikijekꞌ kiꞌ chuwech ri ma utz ta ndubꞌen chare ri ki-cuerpo. Keriꞌ ndikibꞌen chin ndikichꞌek jun premio ri xa ndikꞌis, jakꞌa roj ndiqatij qaqꞌij chi ndiqachꞌek jun nimalej rajel-rukꞌexel ri ma ndikꞌis ta.

2 Timoteo 4:8

Y wokami yakel apu jun nimalej rajel-rukꞌexel ri ndiyoꞌox chuwa roma nukꞌuan jun chojmilej kꞌaslen, y ja ri Ajaw ri utzulej Qꞌatoy tzij ri xtiyoꞌon chuwa chupan ri qꞌij atoq nduqꞌet tzij. Y ri rajel-rukꞌexel riꞌ ma xe ta chuwa riyin nduyaꞌ wi, xa kin ndiyoꞌox chuqaꞌ chake konojel ri bꞌaneq kánima chiroyobꞌexik chi nduqaqa chik jumbꞌey ri Ajaw.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

1 Pedro 1:4

Y ndubꞌen chuqaꞌ chi ndiyoꞌox ri herencia yakon apu chiwa chikaj roma ri Dios. Ri herencia riꞌ ma ndiqꞌey ta, kin jumul chꞌajchꞌaj y ma ndikꞌis ta ruqꞌij.

1 Pedro 2:25

Porque rix jumbꞌey kan, rix achel karneꞌl sachineq bꞌey chikiwech, pero wokami xtzolij pe iwánima rikꞌin ri Cristo ri Yuqꞌunel y Chajinel chin ri iwánima.

1 Pedro 5:2

Keꞌichajij utz-utz ri hermanos achel ndubꞌen jun yuqꞌunel kikꞌin ri rukarneꞌl, porque ri hermanos riꞌ erichin ri Dios y ejachon pa iqꞌaꞌ rix chin ngeꞌichajij. Ma tinaꞌ chi jun eqaꞌ chiwij, xa kin nojel iwánima keꞌichajij achel ndirajoꞌ ri Dios chi ndibꞌen. Ma tibꞌen ri samaj roma ndiwojoꞌ ndiwelesaj méra chikiqꞌaꞌ, xa kin tibꞌa iwánima chikichajixik.

1 Juan 3:2

Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

Apocalipsis 1:7

Titzꞌetaꞌ, ri Jesucristo pataneq pa teq nube, Y konojel wineq ngetzꞌeto richin, Ndikitzꞌet chuqaꞌ ri xekamisan e richin, Y konojel ri jalajaj teq wineq chochꞌulew Ngeꞌoqꞌ roma rijaꞌ. ¡Kin keriꞌ wi ndibꞌanatej! Amén.

Apocalipsis 2:10

Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Apocalipsis 3:11

Riyin nginuqaqa yan. Ma tayaꞌ kan chi yin ataqin, chin keriꞌ nixta jun xtimajo ri nimalej rajel-rukꞌexel xtiyoꞌox chawa.