1 Pedro 4:10 - Kaqchikel Santo Domingo (Xenacoj)

¹⁰ Chiꞌijununal tikusaj ri loqꞌolej sipanik yoꞌon chiwa roma ri Dios chin ngeꞌitoꞌ ri chꞌaqa chik hermanos. Kin ta qꞌalej chi rikꞌin nojibꞌel ndikusaj ri jalajaj ruwech loqꞌolej sipanik ngeruyaꞌ ri Dios roma ri nimalej ru-favor.

နောက်ထပ်ဗားရှင်းများ

Kaqchikel Santa Maria de Jesus

¹⁰ Can chiꞌijunal cꞌo isamaj xuyaꞌ ri Dios ruma altíra nquixrajoꞌ. Rumareꞌ kacusaj cꞌa ri ruyoꞌn-pa ri Dios chika, chi ncaꞌkatoꞌ ri nicꞌaj chic ri quiniman ri Dios. Kojuoc utzulaj tak samajiel, kabꞌanaꞌ chikajunal ri diferente roch samaj ri ruyoꞌn-pa ri Dios chika.

Kaqchiquel Bible

¹⁰ Chi'ijujunal k'o jun samaj ri yixtikir niben, ri rusipan ri Dios chiwe roma ri rutzil. Roma ri' tikusaj k'a richin ye'ito' ri ch'aqa' chik qach'alal, richin keri' niq'alajin ri ik'ulun.

Kaqchikel Central Guatemala

¹⁰ Can chi'ijujunal c'o jun samaj ri yixtiquir niben, samaj ri ruyo'on-rusipan ri Dios chive roma ri rutzil. Romari' tikucusaj c'a ri ruyo'on-pe ri Dios chike, richin yekato' ri ch'aka' chic ri quiniman ri Dios. Kojoc c'a utzilej tak samajela' ri nikachajij ri janíla ruvech samaj ri ruyo'on-pe ri Dios chike.

Re C'ac'a Testamento pa Kach'abal

¹⁰ Cada jun c'o jun samaj re nitiquir nuban, y re' xa roma re utzil re pitinak riq'uin re Dios. Mare' takacusaj re ruyi'om-pa re Dios chaka, chin ye'kato' re hermanos. Kojoc utzulaj tak samajela' chin nakachajij re samaj re je'ruyi'om-pa chaka.

Kaqchikel Western Solola

¹⁰ Can chi'ijujunal c'o c'a jun samaj ri yatajnek pe chiwe, ruma ri nimalaj rutzil ri Dios. Rumari' can tikabana' c'a ri samaj ri yatajnek pe chake ruma ri Dios, riche (rixin) chi yekato' ri nic'aj chic ri quiniman ri Dios. Koj-oc c'a utzilaj tak samajel riche (rixin) chi nikaben ri q'uiy ruwech chi samaj ri ruya'on pe ri Dios chake.

1 Pedro 4:10 ပူးပေါင်းရင်းမြစ်များ

Marcos 10:45

Porque riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

Hebreos 6:10

Porque ri Dios kin pa ruchojmil ndubꞌen nojel, romariꞌ ma ndumestaj ta ri samaj ibꞌanun pe pa rubꞌiꞌ, y ma ndumestaj ta chuqaꞌ chi rix ndiwojoꞌ rijaꞌ. Keriꞌ ndiqꞌalajin roma eꞌitoꞌon pe y kꞌa ngeꞌitoꞌ ri loqꞌolej teq ralkꞌuaꞌl.

1 Corintios 15:10

Pero roma ri favor ruyoꞌon ri Dios chuwa, yin okuneq apóstol, y ri favor riꞌ, ma xe ta keriꞌ xkꞌis, xa kin xubꞌen chi más santienta samaj nubꞌanun ke chikiwech ri chꞌaqa chik apóstoles. Pero ma riyin ta bꞌanayon ri samaj, xa kin ja ri ru-favor ri Dios ri ukꞌuayon wichin ri bꞌanayon ri samaj riꞌ.

1 Corintios 3:10

Yin roma ri favor ruyoꞌon ri Dios chuwa, xinok jun ri retaman nduyaꞌ ruxeꞌ ri jay riꞌ. Yin xintik qa ri ruxeꞌ y chꞌaqa chik samajelaꞌ ngetajin rikꞌin ri samaj pariꞌ ruxeꞌ ri jay riꞌ, pero chikijununal ndikꞌatzin ndikitzꞌet utz-utz achike rubꞌanik ndikibꞌen chare ri jay.

Efesios 4:11

Y ja rijaꞌ xyoꞌon loqꞌolej teq sipanik chake ri rutinamit. Chake jujun xuyaꞌ chi xeꞌok apóstoles, chake jujun chik xuyaꞌ chi ndikiqꞌalajrisaj ri ndubꞌij pe ri Dios pa kánima, chake jujun chik xuyaꞌ chi ndikitzijoj ri utzulej teq tzij chin kolotajik, y chake chꞌaqa chik xuyaꞌ chi xeꞌok ukꞌuey kibꞌey y chuqaꞌ kitijonelaꞌ ri hermanos.

Romanos 15:27

Ri hermanos riꞌ xalex pa kánima xkimal ri ofrenda riꞌ, pero kin kꞌas wi chikij chin ngetoꞌon. Porque ri ma israelitas ta xkil ri favor nduyaꞌ ri Dios koma ri israelitas, romariꞌ ndikꞌatzin chuqaꞌ chi rejeꞌ ngekitoꞌ ri israelitas rikꞌin ri ndikꞌatzin chake chin ndikiqꞌasaj ri kikꞌaslen.

Tito 1:7

Ri ndok ukꞌuey bꞌey kin ndikꞌatzin chi ma jun itzel ndilitej pa rukꞌaslen, porque pa ruwiꞌ rusamaj ri Dios ndiyoꞌox wi. Romariꞌ ndikꞌatzin chi ma nim kerunaꞌ chare, ma chaꞌanin ta ndipuꞌun royowal, nduqꞌet riꞌ chuwech rutijik yaꞌ, ma chꞌeyonel ta, y ma ndibꞌa ta ránima chirij méra ri ma pa ruchojmil ta ndichꞌak.

Efesios 3:8

Y riyin maske maneq ok weqalen ke chuwech ri más maneq ok ruqꞌij chikikajal ri loqꞌolej rutinamit rijaꞌ, chuwa riyin yoꞌon ri favor chi nitzijoj chake ri ma israelitas ta ri utzulej teq tzij chin kolotajik ri kin jun bꞌeyomal rukꞌamon pe ri Cristo, jun bꞌeyomal ri ma ngojtiker ta ndiqakꞌoxomaj janipeꞌ reqalen.

San Lucas 12:42

Ri Ajaw xubꞌij: Jun samajel ri ndubꞌen ri ndubꞌij ri rajaw chare y ndunojij utz-utz ri ngerubꞌanalaꞌ, ja samajel riꞌ ri ndichaꞌox roma ri rajaw chin nduyaꞌ pa kiwiꞌ chꞌaqa chik samajelaꞌ, chin keriꞌ atoq ndiril hora chin rujachik ri ndikꞌatzin chake chin ndikikꞌux, runabꞌan chi apu nojel chin ndujech chake.

1 Corintios 4:7

Porque rat ri keriꞌ ndabꞌen, ¿achike yoyon qꞌij chawa chin ndanikꞌoj kikꞌaslen chꞌaqa chik? ¿Pa atzij rat, ma ja ta ri Dios yoyon pe chawa ri ngatiker ndabꞌen? Y si nojel ri ngatiker ndabꞌen ja ri Dios yoyon pe chawa, ¿achike roma ndayaꞌ qa aqꞌij, achel ma ja ta ri Dios yoyon pe chawa keriꞌ?

San Lucas 19:13

Y atoq kꞌajani tibꞌa, xeroyoj lajuj loqꞌon rusamajelaꞌ, xujech kꞌiy méra pa kiqꞌaꞌ, y kereꞌ xubꞌij kan chake: Chupan ri tiempo ri ma ngikꞌojeꞌ ta, kixkꞌayin y kixloqꞌon rikꞌin re méra reꞌ.

San Lucas 8:3

Ebꞌaneq chuqaꞌ ri Susana, y jun ixaq rubꞌiniꞌan Juana, rixjayil jun achi rusamajel ri rey Herodes. Ri samajel riꞌ rubꞌiniꞌan Cuza. Ebꞌaneq chuqaꞌ ekꞌiy chik más ixoqiꞌ, y konojel ri ixoqiꞌ riꞌ ndikitoꞌ ri Jesús rikꞌin ri kichajin.

2 Corintios 6:1

Romariꞌ, roj ri junan ngojsamej pa rusamaj ri Dios, ngixqapixabꞌaj: Ma tibꞌen chare ri ru-favor ri Dios ri rusipan chiwa achel maneq ta reqalen keriꞌ.

Romanos 15:25

Pero nabꞌey ndikꞌatzin ngibꞌa pa tinamit Jerusalén chin nejachaꞌ jun ofrenda chin kitoꞌik ri loqꞌolej teq ralkꞌuaꞌl ri Dios ekꞌo chiriꞌ.

San Mateo 25:44

Rejeꞌ ndikibꞌij chuwa: Ajaw, ¿jampeꞌ xatiqatzꞌet chi ndichꞌumu apan o ndichaqiꞌj achiꞌ? ¿Jampeꞌ rat achel fuerano xabꞌeqaqa pa qatinamit y ma xqakꞌen ta awech? ¿Jampeꞌ xatiqatzꞌet chi maneq chi ok atziaq ndakusaj o xayawej o xayoꞌox pa cheꞌ y ma xatiqatoꞌ ta?

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

2 Timoteo 1:18

Rat awetaman chuqaꞌ chi rijaꞌ tzꞌan toꞌonik xuyaꞌ atoq xkꞌojeꞌ pa tinamit Éfeso. Ri Ajaw kin ta xtujoyowaj ruwech chupan ri qꞌij atoq nditzolij pe ri Cristo Jesús.

San Mateo 24:45

Y xubꞌij chuqaꞌ: Jun loqꞌon samajel ri ndubꞌen ri ndubꞌij ri rajaw chare y ndunojij utz-utz ri ngerubꞌanalaꞌ, ja samajel riꞌ ri ndichaꞌox roma ri rajaw chin nduyaꞌ pa kiwiꞌ chꞌaqa chik samajelaꞌ, chin keriꞌ atoq ndiril hora chin rujachik ri ndikꞌatzin chake chin ndikikꞌux, runabꞌan chi apu nojel chin ndujech chake.

San Mateo 24:14

Y re utzulej teq tzij chin kolotajik reꞌ, ri ndichꞌaꞌa pa ruwiꞌ ru-reino ri Dios, ndeyoꞌox rutzijol nojel teq apeꞌ chochꞌulew, chin ndakꞌaxex koma konojel kiwech wineq, y kꞌajariꞌ nduqaqa ri rukꞌisibꞌel chin ri tiempo rojkꞌo.

2 Corintios 9:1

Pa ruwiꞌ ri ofrenda chin kitoꞌik ri loqꞌolej teq ralkꞌuaꞌl ri Dios, ma ndikꞌatzin ta nitzꞌibꞌaj e más chiwa.

San Mateo 24:21

Porque chupan teq ri qꞌij riꞌ, nduqaqa jun nimalej kꞌayew, ri ma jumbꞌey bꞌanatajneq xe jampeꞌ tzꞌukutajneq pe ri rochꞌulew hasta wokami, y nixta ndibꞌanatej chik jumbꞌey.

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.

1 Pedro 5:12

Ri Silvano xirutoꞌ chin xintzꞌibꞌaj e re wuj reꞌ chiwa. Rijaꞌ jun hermano ri kin kuqul nukꞌuꞌx rikꞌin. Chupan re wuj reꞌ ma kꞌiy ta ok achike nutzꞌibꞌan e chiwa, pero ri achike nutzꞌibꞌan e, kin chin ngixinpixabꞌaj y chin chuqaꞌ nibꞌij chiwa chi ri favor iwilon ndikꞌutu chi qetzij ri Dios ngixrajoꞌ. Roma kꞌa riꞌ, ma jumbꞌey kixel e chuxeꞌ ri favor riꞌ.

San Mateo 25:17

Keriꞌ chuqaꞌ xubꞌen ri samajel ri xjach kan kaꞌiꞌ talentos pa ruqꞌaꞌ, kin xuchꞌek chik kaꞌiꞌ talentos pa ruwiꞌ.