1 Pedro 3:9 - Kaqchikel Santo Domingo (Xenacoj)

⁹ Ma titzolij rukꞌexel ri itzel ndibꞌan chiwa, nixta titzolij rukꞌexel ri mal teq tzij ndibꞌix chiwa. Pa rukꞌexel riꞌ, tikꞌutuj chare ri Dios chi tuyaꞌ ru-favor pa kiwiꞌ ri ngebꞌanun keriꞌ chiwa. Porque ri Dios rix royon chin nduyaꞌ ru-favor pa iwiꞌ.

နောက်ထပ်ဗားရှင်းများ

Kaqchikel Santa Maria de Jesus

⁹ Y antok niꞌan jun itziel kax chiva, man tiꞌan rucꞌaxiel. Y antok niꞌeꞌx jun tzij pakon chiva, man tiꞌej jeꞌ rucꞌaxiel. Xa ticꞌutuj cha ri Dios chi tubꞌanaꞌ bendecir ri nibꞌano quireꞌ chiva, ruma ri Dios xixrayuoj chi nuyaꞌ ru-bendición chiva.

Kaqchiquel Bible

⁹ Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

Kaqchikel Central Guatemala

⁹ Y tok niban jun itzel chive, man c'a tiben ruq'uexel. Y tok nibix ch'abel ri janíla e pokon chive, man c'a chuka' tibij jun chic ch'abel queri' rix richin niben ruq'uexel chire. Man tiben queri', xa tic'utuj chire ri Dios chi tuto' ri vinek ri'. Roma ri Dios can ix royon richin niben ri utz, y nrajo' c'a chuka' chi rix nic'ul ri utz.

Re C'ac'a Testamento pa Kach'abal

⁹ Y tak niban jun cosa man otz-ta chiva, man tiban ruq'uixel. Y tak nibex itzel tak tzij chiva, man titzolij rubixic, xa tic'utuj cha re Dios che tubana' bendecir re vinak re'. Roma re Dios yixrayon chin nic'ul re ru-bendición.

Kaqchikel Western Solola

⁹ Y tek niban jun pokon chiwe, man c'a titzolij ta ruq'uexel. Y tek nibix ch'abel ri sibilaj ye pokon chiwe, man c'a chuka' titzolij ta ruq'uexel, xa tic'utuj chare ri Dios chi tuto' ri winek ri nibano queri' chiwe. Ruma ri Dios can yix rusiq'uin (royon) wi riche (rixin) chi nic'ul bendición.

1 Pedro 3:9 ပူးပေါင်းရင်းမြစ်များ

San Mateo 19:29

Y xa achike na jun ri ruyoꞌon kan rachoch, ruchaqꞌ-runimal, eranaꞌ, rute-rutataꞌ, ralkꞌuaꞌl, o ruxolal woma riyin, kin ndiyoꞌox 100 mul más chare, y ndiyoꞌox chuqaꞌ ri kꞌaslen ma ndikꞌis ta chare.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

San Mateo 5:39

Pero riyin nibꞌij chiwa: Si kꞌo jun ndubꞌen jun itzel chawa, ma ndabꞌen rukꞌexel chare. Pa rukꞌexel chi keriꞌ ndabꞌen, si kꞌo jun ndutzꞌej ri rikiqꞌaꞌ aqꞌoꞌtz, tayaꞌ chi apu ri jun aqꞌoꞌtz chuwech.

San Mateo 5:44

Pero riyin nibꞌij chiwa: Keꞌiwojoꞌ ri ngebꞌanun oyowal chiwa, y tibꞌanaꞌ orar koma ri ngixkitzeqlebꞌej chin ndikibꞌen itzel chiwa,

Marcos 10:17

Atoq ri Jesús xel pe chiriꞌ, juꞌanin xbꞌeqaqa jun achi apeꞌ kꞌo rijaꞌ, xxukeꞌ qa chuwech y kereꞌ xukꞌutuj razón chare: Utzulej tijonel, ¿achike ndikꞌatzin nibꞌen chin ndok wichin ri kꞌaslen ma ndikꞌis ta?

San Lucas 10:25

Kꞌateꞌ ruwech jun tijonel chin ri ley xyoꞌox chare ri Moisés xbꞌeqaqa chuwech ri Jesús, y chin ta xrajoꞌ xqaqa ri Jesús pa ruqꞌaꞌ, kereꞌ xukꞌutuj razón chare: Tijonel, ¿achike ri ndikꞌatzin nibꞌen chin ndok wichin ri kꞌaslen ma ndikꞌis ta?

San Lucas 18:18

Y jun achi israelita ri kꞌo uchuqꞌaꞌ pa ruqꞌaꞌ, kereꞌ xukꞌutuj razón chare ri Jesús: Utzulej Tijonel, ¿achike ndikꞌatzin nibꞌen chin ndok wichin ri kꞌaslen ma ndikꞌis ta?

Romanos 12:14

Tikꞌutuj ru-favor ri Dios pa kiwiꞌ ri wineq ri ngixkitzeqlebꞌej chin ndikibꞌen itzel chiwa. Ja ri utz tikꞌutuj y ma tikꞌutuj chi ndiqaqa kꞌayew pa kiwiꞌ.

Romanos 12:17

Ma tibꞌen rukꞌexel chake ri ndikibꞌen itzel chiwa, titijaꞌ iqꞌij chi ndibꞌen ri kin utz pa kiwech konojel.

Romanos 8:28

Y roj ri ndiqajoꞌ ri Dios, qetaman chi nojel ri ngebꞌanatej pa qakꞌaslen, rijaꞌ ndubꞌen chare chi kꞌo utz ndukꞌen pe chaqe. Keriꞌ ndubꞌen chaqe roj ri roj royon, porque keriꞌ wi rubꞌanun pe ruwech pa qawiꞌ.

Romanos 8:30

Y ri echaꞌon pe, xeroyoj chin xkiyaꞌ kánima chare, y ri xeroyoj xubꞌen chake chi nixta jun kimak ndikeqalej chuwech, y ri nixta jun kimak keqalen, xubꞌen chake chi ndikꞌojeꞌ kiqꞌij chupan ri nimalej ruqꞌij rijaꞌ.

Gálatas 3:14

Keriꞌ xubꞌen ri Cristo, chin keriꞌ ri favor sujun chare ri Abraham roma ri Dios, kin ndiyoꞌox chake ri jalajaj kiwech wineq ma israelitas ta ri ndikitaqij rijaꞌ. Y keriꞌ roj qonojel ri ndiqataqij ri Cristo, ndiyoꞌox pa qánima ri Espíritu Santo ri rusujun ri Dios chi nduyaꞌ.

Efesios 4:32

Pa rukꞌexel riꞌ, utz inoꞌoj tibꞌanaꞌ chiwech, kixpoqonan y tikuyuꞌ imak chiwech, achel ri Dios rix rukuyun roma xe jun ibꞌanun rikꞌin ri Cristo.

1 Tesalonicenses 5:15

Titzꞌetaꞌ chi man ta jun ndutzolij rukꞌexel chare jun ri rubꞌanun itzel chare. Pa rukꞌexel riꞌ, titijaꞌ iqꞌij chi jumul ndibꞌen utz chake konojel, chake ri kitaqin ri Cristo y chake ri ma kitaqin ta.

Hebreos 12:17

Porque rix iwetaman chi atoq xqꞌax ri tiempo, ri Esaú xrajoꞌ chi xyoꞌox ta ri bendición riꞌ chare, pero maske santienta xoqꞌ, maneq cheꞌel xutzolij ri xbꞌanatej yan, y ri rutataꞌ ma xuyaꞌ chi ta ri bendición chin ri nimalaꞌtz chare.

Hebreos 6:14

Y xubꞌij chare: Kin qetzij wi, riyin santienta favor niyaꞌ pa awiꞌ, y nibꞌen chawa chi santienta awiy-amam ngebꞌekꞌojeꞌ, xchajeꞌ ri Dios.

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.