1 Pedro 3:4 - Kaqchikel Santo Domingo (Xenacoj)

⁴ Ri iweqbꞌel ndikꞌatzin, ja ri ndikꞌuaj jun jabꞌel yalan noꞌoj y ki-kiꞌ iwánima. Jun weqbꞌel keriꞌ, kin santienta reqalen chuwech ri Dios.

နောက်ထပ်ဗားရှင်းများ

Kaqchikel Santa Maria de Jesus

⁴ Xa titijaꞌ ikꞌij chi ja ri ivánima otz choch ri Dios, y riqꞌuin jun utzulaj noꞌj y ticꞌutuꞌ chi cꞌo uxlanien riqꞌuin ivánima. Ruma xa ixreꞌ ntiꞌan quireꞌ, reꞌ man xtiqꞌuis ta; y choch ri Dios jareꞌ ri más cꞌo rakalien.

Kaqchiquel Bible

⁴ Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

Kaqchikel Central Guatemala

⁴ Xa titija' ik'ij richin ja ta ri ivánima jebel vikil (vekil) chuvech ri Dios. Tivika-ivi' (tiveka-ivi') riq'uin jun c'aslen ch'uch'uj y riq'uin jun c'aslen ri nuc'ut chi jebel ina'oj quiq'uin ri ch'aka' chic. Roma re vikbel re' (re vekbel re') man xtiq'uis ta, y jare' ri más rejkalen chuvech ri Dios.

Re C'ac'a Testamento pa Kach'abal

⁴ Xa titija' ik'ij chin che ja-ta re ivánma jare' re jabal ruvekon-ri' chach re Dios. Tiveka-ivi' riq'uin jun c'aslen ch'o'l y riq'uin jun c'aslen re nuc'ut che otz ina'oj quiq'uin re nic'aj chic vinak. Roma riq'uin re nivak-ivi' quire' man niq'uis-ta, y jare' re más rajkalen chach re Dios.

Kaqchikel Western Solola

⁴ Xa titija' ik'ij riche (rixin) chi ya ta ri iwánima jabel wikil chuwech ri Dios. Tiwika' iwi' riq'ui jun c'aslen ch'uch'uj y riq'ui jun c'aslen ri nuc'ut chi jabel ina'oj. Ruma ri wikbel ri' ma xtiq'uis ta, y yari' ri más rejkalen chuwech ri Dios.

1 Pedro 3:4 ပူးပေါင်းရင်းမြစ်များ

San Mateo 11:29

Tiyaꞌ ri nu-yugo chirij iwiꞌ, y tiwetamaj ri nibꞌen riyin, porque riyin ma ninimrisaj ta wiꞌ y loqꞌ ok wánima, y keriꞌ rix ndiwil uxlanen chin ri iwánima.

San Mateo 21:5

Tibꞌij chake ri israelitas ekꞌo pa tinamit Sión: Titzꞌetaꞌ chi ri i-Rey, ja pataneq, Y loqꞌ ránima tzꞌuyul pe chirij jun burro, Ral jun awej chin eqaꞌ, xchajeꞌ.

San Mateo 23:26

¡Rix fariseos, xa achel rix soqꞌ! Nabꞌey tichꞌajaꞌ rupan ri vaso chin chꞌajchꞌaj ndubꞌen nojel. Tichꞌajchꞌojrisaj ri iwánima, chin keriꞌ qetzij chꞌajchꞌaj ndubꞌen nojel pa ikꞌaslen.

San Mateo 5:5

Kin jabꞌel rokiqꞌij ri ndikiqasaj kiꞌ, Porque chake rejeꞌ xtiyoꞌox ri ulew rusujun ri Dios chi nduyaꞌ.

San Lucas 11:40

Rix fariseos xa achel maneq inoꞌoj keriꞌ. ¿Ma iwetaman ta kꞌa chi ri xbꞌanun ri cuerpo rubꞌanun chuqaꞌ ri iwánima?

San Lucas 16:15

Y ri Jesús xubꞌij chake: Rix chikiwech ri wineq kin ndibꞌananej chi rix utzulej teq wineq, pero ri Dios retaman ri kꞌo pa iwánima. Porque ri kin utz pa kiwech ri wineq, pa ruwech ri Dios ma ke ta riꞌ, xa ndimulu rukꞌuꞌx rikꞌin.

Romanos 1:23

Rejeꞌ xkiyaꞌ kan rokacheq chuwech ri nimalej ruqꞌij Dios ri jumul kꞌo rukꞌaslen, chin xekiyalaꞌ kiqꞌij kachibꞌel wineq ri xa ngeken, kachibꞌel aj xikꞌ teq chikap, chikap kajkej kaqen y kumatziꞌ teq chikap, y xa xkibꞌen kitiox chake.

Romanos 2:29

Ri qetzij israelita chuwech ri Dios, ja ri ruchꞌajchꞌojrisan ránima, y ri qetzij circuncisión ja ri samaj ndubꞌen ri Espíritu Santo pa ránima jun wineq, ma ja ta ri circuncisión ri ndubꞌij ri ley xyoꞌox chare ri Moisés. Ri chꞌajchꞌojrisan ránima roma ri Espíritu Santo, maske ma ndinimrisex ta rubꞌiꞌ koma ri wineq, xa kin ja ri Dios ndinimrisan rubꞌiꞌ.

Romanos 6:6

Qetaman chi ri itzel kꞌaslen xqakꞌuaj rubꞌanun kan, xbꞌajix cho cruz junan rikꞌin ri Cristo ri nixta jun rumak, y keriꞌ ri itzel rurayinik ri qa-cuerpo xkꞌis ruchuqꞌaꞌ, chin keriꞌ ma ngojkꞌojeꞌ chi ta chuxeꞌ ruchuqꞌaꞌ ri mak.

Romanos 7:22

Keriꞌ nibꞌij porque riyin pa wánima tzꞌan ngikikot rikꞌin ri ley xuyaꞌ ri Dios,

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

2 Corintios 4:16

Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe.

Gálatas 5:23

loqꞌ ránima y nditiker nduqꞌet ri ru-cuerpo chuwech ri itzel teq rayinik. Si keriꞌ ri ikꞌaslen ndikꞌuaj, nixta jun ley ri xtubꞌij chiwij chi ma utz ta ri ngixtajin rikꞌin.

Efesios 4:2

Tiqasaj iwiꞌ, utz inoꞌoj tibꞌanaꞌ chake ri wineq, ma tikꞌo ikꞌuꞌx chupan ri ndiqꞌasaj, rikꞌin ajowabꞌel tikochꞌoꞌ iwiꞌ chiwech,

Colosenses 3:12

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

Colosenses 3:3

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.

1 Tesalonicenses 4:11

Jumul titijaꞌ iqꞌij chi man ta ndikꞌojeꞌ oyowal chiwech, chiꞌijununal titzꞌetaꞌ pa iwiꞌ rix mismo y ma titzeq iwiꞌ pa kikꞌaslen chꞌaqa chik. Kixsamej rikꞌin iqꞌaꞌ chin ndichꞌek ri ndikꞌatzin chiwa achel qabꞌanun kan mandar chiwa.

2 Tesalonicenses 3:12

Chake rejeꞌ ndiqachilabꞌej y ndiqabꞌen mandar pa rubꞌiꞌ ri Ajaw Jesucristo, chi chaj kesamej chin ndikichꞌek ri kiway.

1 Timoteo 2:2

y tibꞌan chuqaꞌ orar koma ri reyes y koma konojel ri kꞌo uchuqꞌaꞌ pa kiqꞌaꞌ, chin keriꞌ ndikꞌojeꞌ uxlanen chiqakajal roj wineq y ma jun oyowal xtibꞌanatej, chin ma cuesta ta ndiqakꞌuaj jun loqꞌolej kꞌaslen chuwech ri Dios y chikiwech ri wineq.

2 Timoteo 2:25

Ki-kiꞌ awánima takꞌutuꞌ ruchojmil ri rutzij ri Dios chikiwech ri ndikipabꞌaꞌ kiꞌ chuwech ri qetzij, kolopeꞌ ri Dios xtisamej pa kánima chin ndijalatej ri kinoꞌoj y keriꞌ ndikiyaꞌ yan chik pa cuenta ri qetzij,

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

Santiago 1:21

Romariꞌ, tiwelesaj e pa ikꞌaslen nojel ri ndichꞌabꞌaqrisan richin y nojel ri itzel teq achike kꞌo pa iwánima. Tiqasaj iwiꞌ chuwech ri Dios chunimaxik ri rutzij tikon kan pa iwánima, porque ri utzulej teq tzij riꞌ kꞌo ruchuqꞌaꞌ chin ngixrukal.

1 Pedro 1:23

Rix xixalex chik jumbꞌey, pero ri jun alaxik riꞌ, ma achel ta ri alaxik chikiqꞌaꞌ ri ite-itataꞌ ri xa ngeken e, xa kin xixalex roma rutzij ri Dios, ri kin kꞌaslik wi y ma ndikꞌis ta.

1 Pedro 3:15

Pa iwánima tinimrisaj ruqꞌij ri Cristo, rikꞌin ndibꞌen chare chi ja rijaꞌ rajaw ri ikꞌaslen. Kin jumul kꞌes inoꞌoj chin nditzolij ruwech kitzij ri ngekꞌutun razón chiwa chi achike roma kuqul ikꞌuꞌx iwoyobꞌen ri rusujun kan ri Dios.