1 Pedro 3:21 - Kaqchikel Santo Domingo (Xenacoj)

²¹ Y achel xkibꞌen ri wineq ojer ri xkikal kiꞌ chupan ri yaꞌ, roj wokami ndiqabꞌen bautizar qiꞌ, chin ndiqakꞌut chi xojkolotej yan chuwech ri castigo nduyaꞌ ri Dios. Ri bautismo ma chin ta nduchꞌajchꞌojrisaj ri qa-cuerpo. Ri bautismo ndukꞌut chi ndiqajoꞌ chi jumul utz rubꞌanun ri qánima chuwech ri Dios, y chi rijaꞌ roj rukolon roma ri Jesucristo xkꞌastej pe chikikajal ri animaꞌiꞌ.

နောက်ထပ်ဗားရှင်းများ

Kaqchikel Santa Maria de Jesus

²¹ Y quireꞌ jeꞌ nuꞌon ri yaꞌ chika ojreꞌ vacame. Antok nkojꞌan bautizar, ri yaꞌ nucꞌut chi xojcolotaj, pero man richin ta nuchꞌaj ri ka-cuerpo. Ri yaꞌ nucꞌut chi ojreꞌ nakajoꞌ nakaꞌan ri otz choch ri Dios. Y ri ka-pecados ncaꞌiel-el ruma ri Jesucristo xcon y xcꞌastaj-pa chiquicajol ri quiminakiꞌ.

Kaqchiquel Bible

²¹ Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

Kaqchikel Central Guatemala

²¹ Y ja chuka' ri' nic'atzin-vi ri ya' chike roj vacami. Tok yojban bautizar, ri ya' noc jun retal ri kacolotajic. Ri ya' man nic'atzin ta richin chi nuch'ej-el ri tz'il richin ri kach'acul. Man que ta ri'. Ri ya' nuc'ut c'a chi roj nikajo' nikaben ri utz chuvech ri Dios. Nikajo' chi ch'ajch'oj ri kánima chuvech. Y ri kamac ye'el c'a roma ri camic y ri c'astajibel richin ri Jesucristo.

Re C'ac'a Testamento pa Kach'abal

²¹ Y yoj tak yojban bautizar, re ya' ndoc jun seña chin xojcolotaj chach re kamac. Re ya' man nic'atzin-ta chin che nuch'aj-a re tz'il chin re ka-cuerpo. Re ya' nuc'ut che yoj nakajo' nakaban re otz y nakajo' che ch'ajch'oj re kánma chach re Dios. Y re kamac ye'el-a roma re Jesucristo xcom koma yoj y c'are' xc'astaj chic-pa.

Kaqchikel Western Solola

²¹ Y quec'ari' nic'atzin wi ri ya' chake riyoj wacami. Tek yojban bautizar yojcolotej ruma ri ruc'astajbel ri Jesucristo. Pero tek yojban bautizar, ma riche (rixin) ta chi nuch'ej el ri tz'il riche (rixin) ri kach'acul, ma que ta ri', xa riche (rixin) chi nuc'ut c'a chi riyoj nikajo' nikaben ri utz, nikajo' chi ch'ajch'oj ri kánima chuwech ri Dios.

1 Pedro 3:21 ပူးပေါင်းရင်းမြစ်များ

Marcos 16:16

Ri xtitaqin ri utzulej teq tzij chin kolotajik y xtubꞌen bautizar riꞌ, kin ndikolotej wi. Pero ri castigo ri nduyaꞌ ri Dios ndiqaqa pa ruwiꞌ ri ma xtitaqin ta.

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

Gálatas 3:27

Porque roj qonojel ri qabꞌanun bautizar qiꞌ pa rubꞌiꞌ ri Cristo, xe jun qabꞌanun rikꞌin. Y kin ndiqꞌalajin ri Cristo pa qakꞌaslen, achel qaweqon ta qiꞌ rikꞌin ri rukꞌaslen rijaꞌ.

Hechos 22:16

Wokami, ¿achike awoyobꞌen? Kayakatej, tabꞌanaꞌ bautizar awiꞌ, y tataqij ri Ajaw Jesús, chin ndikuyutej ri amak, xchajeꞌ chuwa. Y keriꞌ xinbꞌen.

Efesios 5:26

Y achel ndikusex ri yaꞌ chin ndibꞌan chꞌajchꞌaj chare jun achike, ri Cristo ja ri rutzij ri Dios xukusaj chin xuchꞌajchꞌojrisaj ri qakꞌaslen, chin keriꞌ xubꞌen loqꞌolej chaqe,

1 Pedro 1:3

Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey, roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan.

1 Corintios 12:13

Porque roj qonojel xojbꞌan bautizar rikꞌin ri Espíritu Santo ri kin xe wi jun, chin xojok jun cuerpo rikꞌin ri Cristo, y ma jun ndubꞌen si roj israelitas o naq, si roj loqꞌon teq samajelaꞌ o naq. Qonojel xyoꞌox jun mismo Espíritu chaqe.

Colosenses 2:12

Atoq xixbꞌan bautizar, rix kin achel xixmuq rikꞌin ri Cristo keriꞌ, y achel xixkꞌastajbꞌex pe junan rikꞌin ri Cristo chikikajal ri animaꞌiꞌ, porque kuqul ikꞌuꞌx rikꞌin ri nimalej ruchuqꞌaꞌ ri Dios ri xukꞌastajbꞌaꞌ pe ri Cristo chikikajal ri animaꞌiꞌ.

San Mateo 28:19

Romariꞌ kixbꞌiyin, y keꞌitijoj nojel kiwech wineq chochꞌulew chin ngeꞌok nu-discípulos. Keꞌibꞌanaꞌ bautizar pa rubꞌiꞌ ri Tataꞌaj Dios, pa nubꞌiꞌ riyin ri Rukꞌajol, y pa rubꞌiꞌ ri Espíritu Santo.

Hebreos 9:24

Keriꞌ nibꞌij chiwa porque ri Cristo, ma chupan ta ri aj rochꞌulew rachoch ri Dios, ri kin rachibꞌel wi ri qetzij rachoch ri Dios, xok chin xusuj ri rukikꞌel. Ri Cristo xbꞌa e chikaj, y xbꞌeqaqa chuwech ri Dios chin ndukꞌutuj favor pa qawiꞌ.

1 Timoteo 6:12

Rikꞌin ri kuqubꞌel kꞌuxlaj kꞌo pa awánima, tatijaꞌ aqꞌij chi jumul ndabꞌen pa akꞌaslen ri ndubꞌij ri rutzij ri Dios. Kin tiqꞌalajin utz-utz chi kꞌo chik awikꞌin ri kꞌaslen ma ndikꞌis ta, porque chin riꞌ xatoyox roma ri Dios. Y kin chikiwech ekꞌiy testigos xabꞌij chi akuqubꞌan akꞌuꞌx rikꞌin ri Ajaw.

2 Corintios 7:1

Y roma keriꞌ rusujun ri Dios chi nduyaꞌ, rix hermanos aj Corinto ri tzꞌan ngixqajoꞌ, ndiqabꞌij chiwa chi tiqachꞌajchꞌojrisaj qiꞌ, tiqabꞌanaꞌ cuenta ri qa-cuerpo y ri qa-espíritu chuwech ri ndichꞌabꞌaqrisan kichin. Qꞌij-qꞌij más loqꞌolej tiqabꞌanaꞌ chare ri qakꞌaslen chuwech ri Dios rikꞌin ri ndiqanimaj rutzij.

1 Corintios 4:6

Hermanos, re ejemplos re nubꞌiꞌin pe chiwa, pa ruwiꞌ ri nukꞌaslen riyin y ri rukꞌaslen ri Apolos xichꞌaꞌa, chin kꞌo utz ndukꞌen pe chiwa. Niwojoꞌ chi rikꞌin re ejemplos reꞌ, ndiwetamaj chi xaxe ri ndubꞌij chupan ri rutzij ri Dios tzꞌibꞌan kan ri tibꞌanaꞌ, chin keriꞌ nixta jun kin víva xkerunaꞌ chare roma roqan jun ri pa ruwech rijaꞌ más utz, y keriꞌ nduqasaj ruqꞌij jun chik samajel.

Hechos 16:33

Ja hora riꞌ chin ri aqꞌaꞌ, ri chajinel xuchꞌajlaꞌ ri kisokotajik ri Pablo y ri Silas, y xbꞌan bautizar ri chajinel y konojel ri aj pa rachoch.

Hechos 8:36

Atoq kitzꞌamon bꞌey ebꞌaneq, xebꞌeqaqa pa jun lugar apeꞌ kꞌo yaꞌ, y ri achi xubꞌij: ¡Tatzꞌetaꞌ! Kꞌo yaꞌ waweꞌ. ¿Kꞌo kami jun achike ndiqꞌato wichin chi ngibꞌan bautizar?

Romanos 5:14

Rikꞌin riꞌ, ndiqabꞌij chi xe jampeꞌ pa ru-tiempo ri Adán, hasta kꞌa xuqaqa na ri qꞌij atoq xyoꞌox ri ley chare ri Moisés, kin xqꞌalajin chi ri wineq xkibꞌen mak, porque konojel xeken, maske ri wineq ma xkiqꞌej ta jun mandamiento achel xubꞌen ri Adán ri ma xunimaj ta ri ru-mandamiento ri Dios. Ri xubꞌen ri Adán kꞌo xukꞌen pe, achel chuqaꞌ kꞌo xukꞌen pe ri xubꞌen ri Jun ri bꞌiꞌin kan chi nduqaqa.

Hebreos 11:19

Ri Abraham xutaqij chi maske xken ta ri Isaac, ri Dios kin kꞌo ruchuqꞌaꞌ chin nduyaꞌ chik rukꞌaslen. Y keriꞌ ndiqabꞌij chi achel ta qetzij xken ri Isaac, y xyoꞌox chik rukꞌaslen roma ri Dios y xjach chare ri rutataꞌ.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

1 Timoteo 1:5

Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

Hebreos 9:14

Y si keriꞌ ngetiker ndikibꞌen ri kikikꞌel y ri kichajil ri chikap, ¡kin más wi nditiker ndubꞌen ri rukikꞌel ri Cristo! Porque ri rukikꞌel ri xbꞌiyin cho cruz, nduchꞌajchꞌojrisaj ri qánima chuwech ri itzel teq achike eqabꞌanaloꞌon ri xa pa kamik ngojrukꞌuaj. Keriꞌ xubꞌen ri Cristo chin ndiqayaꞌ ruqꞌij ri Kꞌaslik Dios. Ri Cristo rikꞌin ri ruchuqꞌaꞌ ri Espíritu ri jumul kꞌo rukꞌaslen, xusuj riꞌ chi chꞌajchꞌaj ofrenda chuwech ri Dios.

Hebreos 10:22

Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Hebreos 13:18

Tibꞌanaꞌ orar qoma roj, porque kuqul qakꞌuꞌx chi utz ngojtajin rikꞌin, y ndiqarayij chi kin ta jumul keriꞌ ndiqabꞌen pa ruwiꞌ nojel.

1 Pedro 3:16

Pero atoq nditzolij ruwech kitzij, tibꞌanaꞌ rikꞌin jun iwánima ri nixta jun oyowal ndurayij y rikꞌin yalan teq tzij. Tikꞌuaj jun chꞌajchꞌaj kꞌaslen, chin ma itzel tunaꞌ ri iwánima, chin keriꞌ ri ngewalal chirij ri utzulej kꞌaslen ikꞌuan roma itaqin ri Cristo, xa kiyon ndikikꞌixbꞌisaj qa kiꞌ roma ri tzij ndikibꞌilaꞌ chiwij.

San Juan 13:9

Ri Simón Pedro xubꞌij: Ajaw, si keriꞌ, ma xe ta re waqen tachꞌajaꞌ, tachꞌajaꞌ chuqaꞌ ri nuqꞌaꞌ y ri nujolon.

Hechos 8:37

Y ri Felipe xubꞌij: Si rat rikꞌin nojel awánima ndataqij ri Jesucristo, kꞌo cheꞌel ndabꞌen bautizar awiꞌ. Y ri achi xubꞌij: Jaꞌn, nitaqij chi ja ri Jesucristo ri Rukꞌajol ri Dios, xchajeꞌ.