1 Pedro 2:24 - Kaqchikel Santo Domingo (Xenacoj)

²⁴ Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

နောက်ထပ်ဗားရှင်းများ

Kaqchikel Santa Maria de Jesus

²⁴ Y ja ri Cristo ri xucꞌuan ri ka-pecados choch cruz chi quireꞌ ojreꞌ nakayaꞌ can ri itziel tak kax, y nakucꞌuaj jun choj cꞌaslien. Jajaꞌ ri xsocotaj y xcon choch cruz chi quireꞌ ojreꞌ nicꞌujieꞌ jun otz kacꞌaslien.

Kaqchiquel Bible

²⁴ Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Kaqchikel Central Guatemala

²⁴ Ja ri Cristo ri xuc'uan ri kamac chuva ri cruz richin nikaya' can ri itzel c'aslen, y nikachop ta el jun c'aslen choj. Ja rija' ri xsocotej y xquen (xcom) chuva ri cruz richin nichojmir ri kac'aslen.

Re C'ac'a Testamento pa Kach'abal

²⁴ Y ja re Jesucristo re xc'uan re kamac cho cruz chin nakaya' can re itzel c'aslen y nakatz'am-a jun c'aslen choj. Ja reja' re xsocotaj y xcom cho cruz chin nichojmer re kac'aslen.

Kaqchikel Western Solola

²⁴ Y ya c'a ri Cristo xuc'uan ri kamac tek xcom chuwech ri crusin che', riche (rixin) chi xuben chake riyoj chi xojcom yan chuwech ri mac, riche (rixin) chi nikac'uaj jun c'aslen choj. Ruma yac'a Riya' ri xcom y xsocotej riche (rixin) chi xchojmir ri kac'aslen.

1 Pedro 2:24 ပူးပေါင်းရင်းမြစ်များ

San Mateo 8:17

Nojel reꞌ xubꞌen, chin xbꞌanatej ri rubꞌiꞌin kan ri profeta Isaías atoq xubꞌij: Ja rijaꞌ xelesan e ri qayabꞌil y ja rijaꞌ xukꞌuan ri qaqꞌaxomal.

Romanos 6:11

Keriꞌ chuqaꞌ rix, jumul tiyaꞌ pa iwánima chi rix kamineq chik chuwech ri mak, pero rix kꞌes chin ndinimrisaj rubꞌiꞌ ri Dios, porque xe jun ibꞌanun rikꞌin ri Cristo Jesús.

Apocalipsis 22:2

Pa runikꞌajal ri nimabꞌey chin ri kꞌakꞌakꞌ tinamit Jerusalén ndeqꞌax ri raqen yaꞌ riꞌ y chi kaꞌiꞌ lado chin ri raqen yaꞌ kꞌo ri cheꞌ ri ndiyoꞌon ri kꞌaslen ma ndikꞌis ta. Ri cheꞌ riꞌ kabꞌlajuj mul nduyaꞌ ruwech pa jun junaꞌ, ikꞌ-ikꞌ ndiwachin. Ri ruxaq ri cheꞌ ndikꞌatzin chin ngeꞌoqꞌomex ri jalajaj kiwech wineq ekꞌo chochꞌulew.

1 Juan 2:29

Rix iwetaman chi ri Jesucristo pa ruchojmil ndubꞌen nojel, romariꞌ tiwetamaj chuqaꞌ, chi konojel ri ndikikꞌuaj jun chojmilej kꞌaslen, ndiqꞌalajin chi kikꞌuan ri kꞌakꞌakꞌ alaxik nduyaꞌ ri Dios.

Santiago 5:16

Romariꞌ rix chiꞌiwachibꞌil iwiꞌ tiyaꞌ chiwij ri mak eꞌibꞌanaloꞌon, y tibꞌanaꞌ orar pa iwiꞌ chiwech chin ngixkꞌachaj chuwech ri iyabꞌil. Tiwetamaj chi ri oración ri ndubꞌen jun ri chojmilej rukꞌaslen, kꞌo ruchuqꞌaꞌ chin ndibꞌanatej ri ndukꞌutuj.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.

Gálatas 3:13

Ri Cristo xojrulaqꞌ atoq kꞌa rojkꞌo pa ruqꞌaꞌ ri castigo ruqꞌaton ri ley pa qawiꞌ, roma ja rijaꞌ xkꞌojeꞌ chuxeꞌ ri castigo riꞌ pa qakꞌexel roj ri roj aj mak. Kin qꞌalej chi xkꞌojeꞌ chuxeꞌ ri castigo porque chupan ri rutzij ri Dios tzꞌibꞌan kan ndubꞌij: Xa achike na jun ri nditzeqebꞌex chuwech jun cheꞌ, ri castigo ri nduyaꞌ ri Dios kin qꞌalej chi qajneq pa ruwiꞌ.

Romanos 6:2

¡Ma utz ta! Porque roj xqayaꞌ yan kan ri mak, y achel roj kamineq chik chuwech, romariꞌ ma utz ta chi kꞌa ndiqabꞌen mak.

Colosenses 3:3

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

San Juan 1:29

Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.

1 Juan 3:7

Rix ri kin achel rix walkꞌuaꞌl keriꞌ, nixta jun tichꞌakatin iwichin, porque ri ndikitij kiqꞌij ndikibꞌen nojel pa ruchojmil, kin chojmilej kikꞌaslen chuwech ri Dios, achel ri Jesucristo kin chojmilej rukꞌaslen.

Romanos 6:7

Porque si jun wineq kamineq chik chuwech ri mak, ri mak maneq chik ruchuqꞌaꞌ pa ruwiꞌ.

Romanos 6:16

¿Ma iwetaman ta kꞌa chi atoq rix ndiyaꞌ iwiꞌ chuxeꞌ rutzij jun chin ndinimaj, kin ja ri achoq chare ngixniman ri okuneq ajaw pa iwiꞌ? Si rix ndichaꞌ ndiyaꞌ iwiꞌ chuxeꞌ ruchuqꞌaꞌ ri mak chin ndibꞌen ri ndirajoꞌ, riꞌ ngixrukꞌuaj pa kamik, pero si ndichaꞌ ndiyaꞌ iwiꞌ pa ruqꞌaꞌ ri Dios chin ndinimaj rutzij, riꞌ ngixrukꞌuaj chin ndibꞌen ri chaj wi chin ndibꞌan.

2 Corintios 6:17

Romariꞌ, ri Ajaw ndubꞌij chuqaꞌ: Kixel pe chikikajal ri ma enutinamit ta y tijachaꞌ e iwiꞌ kikꞌin, Ma titzꞌen jun achike ri ndichꞌabꞌaqrisan ri ikꞌaslen, Y riyin nikꞌen apu iwech,

Hechos 5:30

Ri Dios ri xkiyaꞌ ruqꞌij ri ojer teq qatit-qamamaꞌ xukꞌastajbꞌaꞌ pe ri Jesús chikikajal ri animaꞌiꞌ, ri Jesús ri xikamisaj e rix, atoq xikꞌutuj chi xbꞌajix chuwech jun cheꞌ.

San Lucas 4:18

Ri Espíritu chin ri Ajaw kꞌo pa nuwiꞌ, Roma yin ruchaꞌon Chin niqꞌalajrisaj ri utzulej teq tzij chin kolotajik chake ri maneq ok kichajin, Yin rutaqon pe chuqaꞌ chin ngenwelesaj ri wineq pa ruqꞌaꞌ ri itzel, Yin taqon chuqaꞌ chin nibꞌen chake ri wineq esoqꞌ chi ngetzuꞌun Y yin taqon chin ngeꞌel libre ri etzꞌamon,

San Mateo 5:20

Porque riyin nibꞌij chiwa chi ndikꞌatzin chi más chaj ri ngixtajin pa ikꞌaslen ke chuwech ri ngetajin ri fariseos y ri tijonelaꞌ chin ri ley xyoꞌox chare ri Moisés, porque si ma ke ta riꞌ, ma ngixok ta chupan ru-reino ri aj chikaj Dios.

Hebreos 12:13

Tiyaꞌ pa iwánima chi ndikꞌuaj jun chojmilej kꞌaslen, chin keriꞌ ri ngejetzꞌmaꞌy ma ngeꞌel ta e chupan ri utzulej bꞌey y ngekꞌachaj.

Hechos 13:29

Atoq xbꞌanatej yan nojel ri tzꞌibꞌan kan pa ruwiꞌ ri Jesús chupan ri rutzij ri Dios, xqasex pe chuwech ri cruz apeꞌ xbꞌajix, y xbꞌemuq.

Hechos 10:35

xa kin ngeruchaꞌ chikikajal nojel kiwech wineq ri ngeniman y ndikikꞌuaj chojmilej kꞌaslen.

Hebreos 7:26

Y keriꞌ kꞌa, ja ri Jesús ri más nimalej ruqꞌij Sacerdote ri ndikꞌatzin chaqe, porque rijaꞌ kin loqꞌolej wi, ma jumbꞌey rubꞌanun mak, y nixta jun itzel kꞌo pa ránima. Ma junan ta rukꞌaslen kikꞌin ri wineq, porque ri wineq kin eꞌaj mak wi, y rijaꞌ kin más nim ruqꞌij bꞌanun chare chikaj.

Colosenses 2:20

Rix ri xixken yan rikꞌin ri Cristo, xixken yan chuwech ri aj rochꞌulew costumbres, y maneq chik kiqꞌaꞌ chiwa. Y roma keriꞌ, ¿achike roma rix kꞌa ndibꞌen ri aj rochꞌulew costumbres kichin ri wineq?

Romanos 6:22

Pero wokami, xixelesex yan pe chuxeꞌ ruchuqꞌaꞌ ri mak y xixok rusamajelaꞌ ri Dios, y riꞌ kꞌo utz ndukꞌen pe chiwa porque ndubꞌen chare ri ikꞌaslen chi ndok loqꞌolej y pa rukꞌisibꞌel ndok iwichin ri kꞌaslen ma ndikꞌis ta.

Hechos 10:39

Y roj ndiqayaꞌ qatzij chi rikꞌin qawech qatzꞌeton nojel ri xubꞌen ri Jesús pa teq qatinamit roj israelitas, y ri xubꞌen pa tinamit Jerusalén chuqaꞌ, y ja Jesús riꞌ ri xkikamisaj ri nuwinaqul israelitas atoq xkibꞌajij cho cruz.

San Mateo 27:26

Ja atoq riꞌ ri Pilato xusoqꞌopij e ri Barrabás, y xubꞌij chi tiroq ri Jesús, y xujech e chin ndebꞌajix cho cruz.

Efesios 5:9

Porque jun ri kꞌo pa luz, kin kereꞌ ndiqꞌalajin pa rukꞌaslen: Utz ndubꞌen chake chꞌaqa chik, kin rukꞌuan jun chojmilej kꞌaslen, y ja ri qetzij roqan.

San Juan 19:1

Romariꞌ, ri Pilato xubꞌij chi tiroq ri Jesús.

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

Marcos 15:15

Y ri Pilato roma ndirajoꞌ chi utz nditzꞌat koma ri wineq, xusoqꞌopij e ri Barrabás, y atoq xubꞌij yan chi tiroq ri Jesús, xujech e chin ndebꞌajix cho cruz.

1 Corintios 15:3

Y achel ri xqꞌalajrisex chinuwech, kin jariꞌ ri xinbꞌij kan chiwa, y ri rukꞌuꞌx ri xinbꞌij kan chiwa jareꞌ: Ri Cristo xken roma ri qamak, achel ndubꞌij ri rutzij ri Dios tzꞌibꞌan kan,

Colosenses 2:14

Roj ma xojtiker ta xqabꞌen nojel ri ndubꞌij chupan ri ley xyoꞌox chare ri Moisés, pero ri Dios xrelesaj e ri castigo qꞌaton kan pa qawiꞌ y xojrukal rikꞌin rukamik ri Cristo cho cruz.

Hebreos 10:5

Romariꞌ, atoq ri Cristo ja nduꞌalex chochꞌulew, kereꞌ xubꞌij chare ri Dios: Rat ma ndarayij ta chi ngesuj kikikꞌel awej teq chikap y jalajaj teq sipanik chawech, Romariꞌ, xanabꞌaꞌ jun aj rochꞌulew cuerpo chuwa chin nisuj chawech.

Hebreos 10:10

Ri Dios xubꞌen chꞌajchꞌaj chaqe roma ri Jesucristo xubꞌen ri rurayibꞌel ri Dios, atoq xusuj ri ru-cuerpo pa kamik xe jumbꞌey y chin jumul.