1 Pedro 2:21 - Kaqchikel Santo Domingo (Xenacoj)

²¹ Porque xixoyox roma ri Dios chin ndiqꞌasaj jubꞌaꞌ kꞌayew roma ri utz ngixtajin rikꞌin, porque ri Cristo chuqaꞌ xuqꞌasaj kꞌayew iwoma, y keriꞌ xuyaꞌ kan ejemplo chiwech chi tiwoqaj ri achel xubꞌen rijaꞌ pa rukꞌaslen.

နောက်ထပ်ဗားရှင်းများ

Kaqchikel Santa Maria de Jesus

²¹ Quireꞌ nrajoꞌ ri Dios chiva; jajaꞌ xixrayuoj chi ntiꞌan incheꞌl xuꞌon ri Cristo. Jajaꞌ xuꞌon sufrir kuma, y riqꞌuin reꞌ xucꞌut can chakavach chi kacachꞌoꞌ antok nakaꞌan sufrir.

Kaqchiquel Bible

²¹ Richin re' toq ri Dios xixroyoj, roma ri Cristo chuqa' xutej poqon iwoma rix, richin chi rix niben chuqa' keri'.

Kaqchikel Central Guatemala

²¹ Queri' nrajo' ri Dios chi niben chi'ivonojel rix ri xixoyox roma rija'. Nrajo' chi niben achi'el xuben ri Cristo. Rija' can xutej pokon koma roj. Y riq'uin ri' xuc'ut can chikavech chi man tikapokonaj yojapon chuvech ri tijoj-pokonal.

Re C'ac'a Testamento pa Kach'abal

²¹ Quire' nrajo' re Dios che niban chiyixnojel yex re xixvayox roma reja'. Nrajo' che niban ancha'l xuban re Jesucristo. Reja' can xuk'asaj-va tijoj-pokonal koma yoj. Y riq'uin re' xuc'ut can chakavach che man takapokonaj yojapon pa tijoj-pokonal.

Kaqchikel Western Solola

²¹ Ruma can riche (rixin) wi chi niben queri' tek xixsiq'uix (xixoyox) ruma ri Dios. Ruma ri Cristo xutij chuka' pokon kuma riyoj. Y riq'ui ri' xuc'ut ca chkawech chi tikacoch'o' ri tijoj pokonal achi'el ri xuben Riya'.

1 Pedro 2:21 ပူးပေါင်းရင်းမြစ်များ

1 Juan 2:6

Ri ndibꞌiꞌin chi jumul xe jun rubꞌanun rikꞌin ri Dios, ndikꞌatzin chi ri rukꞌaslen achel ri kꞌaslen xukꞌuaj ri Jesucristo chochꞌulew.

San Mateo 16:24

Ja atoq riꞌ ri Jesús xubꞌij chake ri ru-discípulos: Si kꞌo jun ndirajoꞌ ngiroqaj, ma tuyaꞌ pa nabꞌey ri ndurayij rijaꞌ, xa tubꞌanaꞌ achel rutelen ru-cruz chin ndekamisex y kiroqaj.

San Juan 13:15

Riyin jun ejemplo xinyaꞌ chiwech, chin keriꞌ achel xinbꞌen yin, keriꞌ chuqaꞌ tibꞌanaꞌ rix.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

1 Juan 3:16

Y rikꞌin ri xuyaꞌ rukꞌaslen ri Jesucristo qoma, xqetamaj achike rubꞌeyal ri qetzij ngojojowan. Qojojowan kꞌa roj achel ngojojowex roma ri Dios, tiqayaꞌ qakꞌaslen chikitoꞌik ri hermanos.

1 Pedro 2:24

Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

1 Corintios 11:1

Tiwoqaj rukꞌuaxik ri nukꞌaslen, achel riyin woqan rukꞌuaxik rukꞌaslen ri Cristo.

1 Pedro 4:1

Roma kꞌa riꞌ, achel ri Cristo xuqꞌasaj kꞌayew pa ru-cuerpo, rix tiyaꞌ pa iwánima chi keriꞌ ndikꞌatzin ndiqꞌasaj chuqaꞌ, porque si jun hermano nduqꞌasaj kꞌayew pa ru-cuerpo roma rutaqin ri Cristo, maneq chik más ruchuqꞌaꞌ ri mak pa rukꞌaslen.

Filipenses 2:5

Tibꞌanaꞌ chare ri iwánima, achel xubꞌen chare ránima ri Cristo Jesús,

San Mateo 11:29

Tiyaꞌ ri nu-yugo chirij iwiꞌ, y tiwetamaj ri nibꞌen riyin, porque riyin ma ninimrisaj ta wiꞌ y loqꞌ ok wánima, y keriꞌ rix ndiwil uxlanen chin ri iwánima.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

San Mateo 10:38

Y jun wineq ri ndirajoꞌ ndok wichin yin, ndikꞌatzin chi ma ndupoqonaj ta nduqꞌasaj kꞌayew roma ngiroqaj, achel xa ta kin bꞌaneq chuxeꞌ ru-cruz chin ndekamisex. Jakꞌa ri wineq ri xa ndupoqonaj nduqꞌasaj kꞌayew roma ngiroqaj, ri jun riꞌ ma rukꞌulun ta chi ndok wichin yin.

1 Pedro 3:9

Ma titzolij rukꞌexel ri itzel ndibꞌan chiwa, nixta titzolij rukꞌexel ri mal teq tzij ndibꞌix chiwa. Pa rukꞌexel riꞌ, tikꞌutuj chare ri Dios chi tuyaꞌ ru-favor pa kiwiꞌ ri ngebꞌanun keriꞌ chiwa. Porque ri Dios rix royon chin nduyaꞌ ru-favor pa iwiꞌ.

San Juan 16:33

Y nojel reꞌ nibꞌij kan chiwa, chin keriꞌ rix, roma xe jun ibꞌanun wikꞌin, ndiwil uxlanen chin ri iwánima. Chochꞌulew ndiqꞌasaj kꞌayew, pero ma tixibꞌij iwiꞌ, porque riyin xitiker yan pa ruqꞌaꞌ nojel reꞌ.

Apocalipsis 12:11

Y ri qa-hermanos riꞌ xetiker chirij ri itzel, Roma rukikꞌel ri Alaj Karneꞌl Y roma chuqaꞌ xkiyaꞌ rutzijol chi kitaqin rijaꞌ. Ma xkipoqonaj ta ri kikꞌaslen, maske xekamisex.

Hebreos 2:10

Porque ri Dios ri achoq ichin nojel ri achike ekꞌo y achoq roma ebꞌanun nojel, rijaꞌ roma ndirajoꞌ chi santienta ralkꞌuaꞌl ngebꞌekꞌojeꞌ chupan ri nimalej ruqꞌij, romariꞌ xubꞌen chi xuqꞌasaj qꞌaxomal ri Jesús chin xok nojel ri xrajoꞌ ri Dios chi xok, y keriꞌ ja ri Jesús ri xjaqo bꞌey chin ngekolotej ri ralkꞌuaꞌl ri Dios.

2 Timoteo 3:12

Y qetzij wi, konojel ri xe jun kibꞌanun rikꞌin ri Cristo Jesús y ndikajoꞌ ndikikꞌuaj jun utzulej kꞌaslen chuwech ri Dios, kin ngetzeqlebꞌex chin ndibꞌan itzel chake.

1 Pedro 1:20

Ri Cristo kin bꞌiꞌin wi pe pa ruwiꞌ chi nduken pa kikꞌexel ri wineq, y riꞌ kin xe atoq kꞌajani tibꞌan ri rochꞌulew. Pero kꞌaja chupan re rukꞌisibꞌel teq tiempo rojkꞌo, xtaq pe chin xukꞌen pe utz chiwa.

1 Tesalonicenses 4:2

Porque rix iwetaman achike chi mandamientos xqayaꞌ kan chiwa pa rubꞌiꞌ ri Ajaw Jesús.

1 Tesalonicenses 3:3

Chin keriꞌ man ta jun chiꞌikajal ndipoꞌ rukꞌuꞌx roma ma ndiril ta achike ndubꞌen chupan ri kꞌayew nduqꞌasaj. Porque rix iwetaman chi chupan ri rubꞌanun ruwech ri Dios pa qawiꞌ, kin kꞌo wi kꞌayew ndiqaqꞌasaj.

Hechos 17:3

Ngerutijoj y nduyaꞌ rubꞌeyal chikiwech chi ri Jun xtaq pe roma ri Dios chukolik ri rutinamit, kin xkꞌatzin wi chi xken y xkꞌastej pe chikikajal ri animaꞌiꞌ. Y ri Pablo kereꞌ ndubꞌilaꞌ: Ri Jun xtaq pe roma ri Dios, ja ri Jesús ri nitzijoj riyin chiwa, ndichajeꞌ.

Hechos 9:16

Y riyin nikꞌut chuwech janipeꞌ kꞌayew nderuqꞌasaj roma nderuyaꞌ utzulej nutzijol, xchajeꞌ.

San Lucas 24:26

¿La ma bꞌiꞌin ta kꞌa kan chi ri Jun ri nditaq pe roma ri Dios chukolik ri rutinamit, ndikꞌatzin nduqꞌasaj nojel re kꞌayew nditzijoj rix, y kꞌateriꞌ ndibꞌa chi e chikaj chin ndikꞌojeꞌ nimalej ruqꞌij?

1 Pedro 4:13

Pa rukꞌexel chi ndisach ikꞌuꞌx, xa kixkikot chi jajun rix ndiqꞌasaj jubꞌaꞌ kꞌayew achel xuqꞌasaj ri Cristo iwoma, chin keriꞌ atoq nduruqꞌalajrisaj riꞌ chupan ri nimalej ruqꞌij, rix chuqaꞌ kin santienta xkixkikot rikꞌin.