1 Pedro 2:10 - Kaqchikel Santo Domingo (Xenacoj)

¹⁰ Rix jumbꞌey kan, nixta rix rutinamit ri Dios, pero wokami rix rutinamit. Jumbꞌey kan, ri Dios ma rujoyowan ta iwech, pero wokami kin rujoyowan iwech.

နောက်ထပ်ဗားရှင်းများ

Kaqchikel Santa Maria de Jesus

¹⁰ Chupan ri tiempo ri xakꞌax can, man ix rutanamit ta ri Dios. Pero vacame, can ix rutanamit chic ri Dios. Y chupan jeꞌ ri tiempo ri xakꞌax can, man rujoyovan ta ivach. Pero vacame ri Dios can nujoyovaj ivach.

Kaqchiquel Bible

¹⁰ Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.

Kaqchikel Central Guatemala

¹⁰ Y tok rubanon can, ni man jun ta tinamit ri ibanon. Jac'a re vacami, jun tinamit ri ibanon y can ix rutinamit chic ri Dios. Y tok rubanon can chuka', man ivetaman ta chi riq'uin ri Dios c'o joyovanic. Jac'a re vacami ivetaman chic chi ri Dios can nujoyovaj-vi ivech, roma xixrucol yan chupan ri imac.

Re C'ac'a Testamento pa Kach'abal

¹⁰ Y tak rubanon can, man yoj rutenemit-ta re Dios. Jac'a vocame can yoj rutenemit chic reja'. Y chuka' tak rubanon can, man kataman-ta che re Dios nujoyovaj kavach, roma c'a yojc'o chupan re kamac. Jac'a vocame itaman chic che reja' can nujoyovaj-va kavach, roma xojrucol-yan chupan re kamac.

Kaqchikel Western Solola

¹⁰ Y tek rubanon ca, ma yix ta rutinamit ri Dios. Yac'a re wacami, can yix rutinamit chic. Y tek rubanon ca chuka', majun ri xjoyowan ta iwech. Yac'a re wacami ri Dios can rujoyowan chic iwech.

1 Pedro 2:10 ပူးပေါင်းရင်းမြစ်များ

Romanos 10:19

Pero nibꞌij chuqaꞌ: ¿La ma xkikꞌoxomaj ta kami ri nuwinaqul israelitas re tzij reꞌ? ¡Xkikꞌoxomaj wi! Nabꞌey niwojoꞌ chi ndiqatzꞌet ri rutzij ri Dios ri rutzꞌibꞌan kan ri Moisés ri kereꞌ ndubꞌij: Nduqaqa jun qꞌij atoq nibꞌen chiwa chi ndiqꞌaxa iwánima Chirij jun tinamit ri ma nutinamit ta. Y nibꞌen chiwa chi ndipuꞌun iwoyowal chake Porque niyaꞌ ri nu-favor pa kiwiꞌ, maske pa iwech rix, rejeꞌ ma jun kinoꞌoj.

Romanos 11:30

Rubꞌanun kan rix ma xixniman ta chuwech ri Dios, pero xjoyowex iwech roma ri Dios, y riꞌ roma ri israelitas ma xeniman ta chuwech.

1 Corintios 7:25

Wokami kꞌa, pa ruwiꞌ ri ndikꞌutuj razón pa kiwiꞌ ri qꞌopojiꞌ chupan ri wuj xiteq pe, ma jun mandamiento ruyoꞌon ri Ajaw chuwa, pero roma wilon rujoyowaxik nuwech rikꞌin ri Ajaw, rix kꞌo cheꞌel kuqul ikꞌuꞌx rikꞌin re kaꞌi-oxiꞌ pixabꞌanik niyaꞌ pa kiwiꞌ rejeꞌ:

1 Timoteo 1:13

Xiruyaꞌ pa rusamaj, maske rubꞌanun kan riyin xinyoqꞌolaꞌ rubꞌiꞌ y xentzeqlebꞌej ri kitaqin rijaꞌ chin xinbꞌen itzel chake; y santienta kichapik xinbꞌen. Pero ri Dios xujoyowaj nuwech, porque ri tiempo riꞌ, kꞌajani tintaqij ri Cristo y pa nutzij riyin, kin utz ri ngitajin rikꞌin.

Hebreos 4:16

Y roma chikaj kꞌo wi ri más nimalej ruqꞌij qa-Sacerdote, kuqul qakꞌuꞌx tiqakꞌutuj qatoꞌik chare ri Dios ri tzꞌuyul pa ru-trono, chin keriꞌ ndiqil rujoyowaxik qawech y ri ru-favor ri Dios atoq ndikꞌatzin chaqe.