1 Pedro 2:1 - Kaqchikel Santo Domingo (Xenacoj)1 Romariꞌ, rix tiyaꞌ kan nojel ri itzel teq achike kꞌo pa iwánima chikij chꞌaqa, tiyaꞌ kan nojel ruwech chꞌakatinik, ri kaꞌiꞌ ipalej, ri itzel ndinaꞌ chare roma utz kibꞌanun chꞌaqa chik, y nojel itzel teq tzij ri ndikusaj chin ndiqasaj kiqꞌij chꞌaqa. အခန်းကိုကြည့်ပါ။နောက်ထပ်ဗားရှင်းများKaqchikel Santa Maria de Jesus1 Mareꞌ tiyaꞌ can nojiel itziel tak kax; man chic tiꞌan maña chica ri vinak, man chic tiꞌan caꞌyeꞌ ipalaj, man itziel titzꞌat jun chic ruma otz cꞌo, ni itziel quixchꞌoꞌ chiquij nicꞌaj. အခန်းကိုကြည့်ပါ။Kaqchiquel Bible1 Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij, အခန်းကိုကြည့်ပါ။Kaqchikel Central Guatemala1 Roma ja ri c'ac'a' ic'aslen ichapon-el, tiya' c'a can ronojel ruvech etzelal. Man chic c'a que'ik'olola' vinek. Y vi ca'i' ipalej xiben tok rubanon can, tiya' c'a can rubanic. Man c'a itzel tina' chire jun vinek ri c'o utzil ruc'ulun. Ni man c'a que'ibila' tzij ri man pa rubey ta, ni man e ruc'amon ta. အခန်းကိုကြည့်ပါ။Re C'ac'a Testamento pa Kach'abal1 Roma ic'uan re c'ac'a c'aslen, mare' tiya' can ronojel rach etzelal. Man chic que'ik'ol vinak. Y vo xa ca'e' ipalaj rubanon can, tiya' can. Man itzel tina' cha jun vinak. Y man itzel quixch'o chij. အခန်းကိုကြည့်ပါ။Kaqchikel Western Solola1 Y ruma chi riyix ichapon el ri c'ac'ac' c'aslen, rumari' tiya' c'a ca ronojel ruwech etzelal. Ma que'ik'ol ta chic ri winek. Y wi ca'i' ipalej xiben tek rubanon ca, tiya' c'a ca rubanic. Man c'a itzel ta tina' chare jun winek ri utz c'o. Ni man c'a que'ibila' ta tzij chiquij nic'aj chic winek xaxu (xaxe wi) riche (rixin) chi nikasaj quik'ij. အခန်းကိုကြည့်ပါ။ |
1 Pedro 2:1
50 ပူးပေါင်းရင်းမြစ်များ
Hermanos, riyin nibꞌij chiwa chi ma utz ta ngixwalal chirij jun chik. Ri ndiwalal chirij jun hermano, o ndubꞌij chi ma ja ta ri ndajin rikꞌin, xa kin chirij ri ley chin ri Dios ndiwalal y ndubꞌen chi ri ley maneq reqalen. Y si jun maneq reqalen ndubꞌen chare ri ru-ley ri Dios, xa ma ndunimaj ta ri ley. Pa rukꞌexel riꞌ, xa ndeqꞌax rutzij pa ruwiꞌ ri ley.
Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.
Keriꞌ chuqaꞌ ri ixoqiꞌ ndikꞌatzin chi kereꞌ ndiqꞌalajin pa kikꞌaslen: Kikꞌuan jun chojmilej kꞌaslen chikiwech ri wineq, man ta chuqaꞌ eꞌixokiꞌ ri ma ndikiqꞌet ta kiꞌ rikꞌin ri kaqꞌ chikij wineq, ketaman ndikiqꞌet kiꞌ rikꞌin ri ngekibꞌanalaꞌ, y kuqul kikꞌuꞌx ri hermanos kikꞌin chi pa ruchojmil ndikibꞌen ri samaj.
Ri kánima nojneq rikꞌin ri ma chaj ta ndikibꞌanalaꞌ, eꞌitzel chikibꞌanik, ngejamem chirij xa achike na, itzel teq kinoꞌoj chi wineq, itzel ndikinaꞌ chare roma utz kibꞌanun chꞌaqa chik, ekamisanel, xe oyowal koma, tzꞌan ngechꞌakatin, ndikikusaj ri kinojibꞌal chin ndikibꞌen itzel chake chꞌaqa chik, ja ma ja teq tzij ndikibꞌilaꞌ chikij wineq,
Si rat qꞌatel jun ten pa awech, ¿achike roma kaw awech ndabꞌij kereꞌ chare ri a-hermano: Tayaꞌ qꞌij chuwa chi niwelesaj la chꞌuti kꞌin qꞌatel pa awech? Y ma ndanaꞌ ta awiꞌ chi qꞌatel jun ten pa awech. ¡Rat xa kaꞌiꞌ apalej! Nabꞌey tawelesaj e ri ten qꞌatel pa awech, y keriꞌ chaj ngatzuꞌun chin ndawelesaj ri chꞌuti kꞌin qꞌatel pa ruwech ri a-hermano.
Riyin nurayin chi atoq xkixbꞌentzꞌetaꞌ, chojmilej ta chi kꞌaslen ikꞌuan, pero xa nuxibꞌin wiꞌ, porque rikꞌin jubꞌaꞌ ma ke ta riꞌ ri kꞌaslen ikꞌuan atoq xkibꞌeqaqa apeꞌ rixkꞌo. Y riꞌ xtubꞌen chi ma xtenbꞌanaꞌ ta chiꞌikajal achel ri iwoyobꞌen chuwa. Porque ma kꞌateꞌ ngixbꞌenwilaꞌ chi ngixtajin rikꞌin oyowal, o ekꞌo ri itzel ndikinaꞌ chare roma utz kibꞌanun chꞌaqa chik, o ekꞌo ri ndiququt kánima chikij wineq, o ekꞌo ndikibꞌen xe ri kꞌo utz ndukꞌen pe chake, o ekꞌo ri ndikibꞌilaꞌ itzel teq tzij chikij chꞌaqa chik, o ekꞌo ri ngechꞌaꞌa chikij wineq, o ekꞌo ri nim ndikinaꞌ kiꞌ o kꞌo ngebꞌanatej chiꞌikajal ri ma pa ruchojmil ta.
Tiqabꞌanaꞌ achel kin ta jumul rojkꞌo pa nimaqꞌij Pascua, y achel ri israelitas ndikelesaj pa teq kachoch nojel levadura chin kꞌo cheꞌel ngekꞌojeꞌ pa nimaqꞌij, keriꞌ chuqaꞌ roj tiqelesaj e chiqakajal ri xbꞌanun ri mak, y tiqelesaj chuqaꞌ pa qakꞌaslen nojel ri itzel teq achike ngeqabꞌanalaꞌ chake chꞌaqa y nojel itzel noꞌoj. Atoq kꞌo jun achike ndiqabꞌij o ndiqabꞌen, kin ta ja ri qetzij ukꞌuayon qichin.
¡Juyo iwech! Porque rix achel kikꞌojlibꞌel animaꞌiꞌ, kꞌojlibꞌel ri ma ngetzꞌetetej chi ta, y ri wineq ri ngeꞌeqꞌax pariꞌ ma ndikiyaꞌ ta cuenta chare chi ndikichꞌabꞌaqrisaj ri kikꞌaslen chuwech ri Dios. Keriꞌ chuqaꞌ ri itzel kꞌaslen ikꞌuan rix nduchꞌabꞌaqrisaj kikꞌaslen ri wineq y rejeꞌ ma ndikiyaꞌ ta cuenta chare.
ကြော်ငြာတွေ