1 Pedro 1:7 - Kaqchikel Santo Domingo (Xenacoj)

⁷ Ri kꞌayew xa chin ndiqꞌalajin chi qetzij kuqul ikꞌuꞌx rikꞌin ri Dios, y más kꞌo reqalen chi kuqul ikꞌuꞌx ke chuwech ri qꞌanapueq ri xa ndikꞌis. Ri qꞌanapueq ndikꞌatzin ndiqꞌasex pa qꞌaqꞌ chin ndikanej kan ri qetzij qꞌusqꞌuj qꞌanapueq. Keriꞌ kꞌa chuqaꞌ rix, ndikꞌatzin ngixqꞌax pa kꞌayew, chin keriꞌ atoq iqꞌasan chik ri kꞌayew y ndiqꞌalajin chi kuqul ikꞌuꞌx, riꞌ kin ndukꞌen wi pe chiwa chi ndiyoꞌox iqꞌij y ndinimrisex ibꞌiꞌ chupan ri qꞌij atoq nduruqꞌalajrisaj chik riꞌ ri Jesucristo.

နောက်ထပ်ဗားရှင်းများ

Kaqchikel Santa Maria de Jesus

⁷ Y reꞌ can nicꞌatzin, chi quireꞌ nikꞌalajin xa ketzij icukubꞌan icꞌuꞌx riqꞌuin ri Dios o manak. Nicꞌatzin chi nquixtojtobꞌax incheꞌl niꞌan cha ri oro. Ri oro nikꞌasas pa kꞌakꞌ chi quireꞌ nitzꞌiet xa ketzij chi oro. Ri cukbꞌal cꞌuꞌx más rakalien choch ri oro, ruma ri oro xa niqꞌuis. Y antok nquixtojtobꞌax y nticochꞌ nojiel, xtiꞌeꞌx chiva chi otz ri xiꞌan. Y xticꞌujieꞌ cꞌa ikꞌij, antok xtipa chic ri Jesucristo.

Kaqchiquel Bible

⁷ Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Kaqchikel Central Guatemala

⁷ Y re' can nic'atzin-vi richin queri' nik'alajin, vi can kitzij chi icukuban ic'u'x riq'uin ri Dios. Nic'atzin chi yixtejtobex, achi'el nitejtobex ri ch'ich' rubini'an k'anapuek. Re ch'ich' re' nic'ovisex pa k'ak' richin queri' nitz'et vi utz o xa man utz ta. Y rix yixtejtobex chupan ri tijoj-pokonal, richin nik'alajin, vi can kitzij chi icukuban ic'u'x riq'uin ri Dios. Ri can nicukuba' ic'u'x riq'uin ri Dios más rejkalen que chuvech ri k'anapuek, ri xa niq'uis. Y tok xixtejtobex yan y xicoch' ronojel, xtibix c'a chive chi jebel ri xiben. Y ri Jesucristo xtuya' c'a chuka' ik'ij, tok rija' xtoc'ulun-ka.

Re C'ac'a Testamento pa Kach'abal

⁷ Y re' can nic'atzin-va, chin quire' nik'alajin vo xa can katzij che ibanon confiar-ivi' riq'uin re Dios. Nic'atzin che yixtojtobex, ancha'l niban cha k'anapuak, nik'asas pa k'ak' chin quire' nitz'et vo xa otz o man otz-ta. Y yex yixtojtobex chupan re tijoj-pokonal, chin che nik'alajin vo xa can katzij che ibanon confiar-ivi' riq'uin re Dios. Re naban confiar-avi' riq'uin re Dios más rajkalen que chach re k'anapuak, re xa niq'uis. Y tak yex xixtojtobex-yan y xicoch' ronojel, xtibex chiva che jabal re xiban. Y re Jesucristo xtuya' c'a ik'ij, tak reja' xte'c'ulum-pa chicaj.

Kaqchikel Western Solola

⁷ Y re' can nic'atzin wi riche (rixin) chi queri' nik'alajin chi c'o icukbel c'u'x riq'ui ri Dios. Nic'atzin chi yixtojtobex, achi'el nitojtobex ri ch'ich' rubini'an k'anapuek. Ri ch'ich' ri' nik'axex pa k'ak' riche (rixin) chi queri' nik'alajin pe wi kas kitzij k'anapuek y nelesex ca ri xa ma k'anapuek ta. Y riyix yixtojtobex chupan ri tijoj pokonal, riche (rixin) chi queri' nik'alajin ri icukbel c'u'x riq'ui ri Dios ri can más wi nim rejkalen que chuwech ri k'anapuek, ri xa niq'uis. Y tek xixtojtobex yan y xicoch' ronojel, xtibix c'a chiwe chi utz ri cukbel c'u'x c'o iwuq'ui. Y xtic'oje' c'a chuka' ik'ij, tek xtipe chic ri Jesucristo.

1 Pedro 1:7 ပူးပေါင်းရင်းမြစ်များ

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

1 Pedro 4:12

Hermanos, riyin tzꞌan ngixinwojoꞌ, y nibꞌij chiwa chi ma tisach ikꞌuꞌx roma ri kꞌayew ndiqꞌasaj, porque ri kꞌayew riꞌ chin nditojtobꞌex ri iwánima si qetzij kuqul ikꞌuꞌx rikꞌin ri Dios. Y ma tinaꞌ chi ja rix ri nabꞌey ndikꞌulwachij jun kꞌayew keriꞌ.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

1 Corintios 3:13

Pero ri samaj xtikibꞌen chikijununal, nditzꞌetetej chupan ri qꞌij atoq ri Cristo ndunikꞌoj ri samaj kibꞌanun ri rusamajelaꞌ, porque ri qꞌij riꞌ ndipuꞌun rikꞌin qꞌaqꞌ, y chupan ri qꞌaqꞌ riꞌ nditzꞌetetej ri achike xkikusaj ri samajelaꞌ chikijununal chin xkipabꞌaꞌ ri jay.

Judas 1:24

Kin nimalej ruqꞌij ri Dios ri nditiker ngixruchajij chin ma ngixtzaq pa mak, y nditiker chuqaꞌ ndubꞌen chiwa chi chꞌajchꞌaj ikꞌaslen ngixbꞌekꞌojeꞌ chuwech rijaꞌ ri kin nimalej ruqꞌij, apeꞌ santienta ngixbꞌekikot.

2 Pedro 1:4

Nojel riꞌ ruyoꞌon ri Dios chaqe, retal chi ruyoꞌon ri rusujun kan ri kin jabꞌel wi y nimalej reqalen. Y ruyoꞌon nojel riꞌ chaqe, chin keriꞌ rix ri xixanimej yan pe pa ruqꞌaꞌ ri itzel teq rayinik ri ekꞌo chochꞌulew, ndubꞌen qa ri ikꞌaslen achel rukꞌaslen rijaꞌ.

1 Pedro 2:4

Kixjel apu rikꞌin ri Ajaw. Ja rijaꞌ ri kꞌaslik abꞌej, ri pa kiwech ri wineq, ma jun rikꞌaꞌtz chin ta xkusex, pero pa ruwech ri Dios, ri abꞌej riꞌ, kin chaꞌon wi y yalan reqalen.

San Mateo 25:21

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

Apocalipsis 3:10

Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq.

Apocalipsis 2:10

Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Apocalipsis 1:7

Titzꞌetaꞌ, ri Jesucristo pataneq pa teq nube, Y konojel wineq ngetzꞌeto richin, Ndikitzꞌet chuqaꞌ ri xekamisan e richin, Y konojel ri jalajaj teq wineq chochꞌulew Ngeꞌoqꞌ roma rijaꞌ. ¡Kin keriꞌ wi ndibꞌanatej! Amén.

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

Hechos 8:20

Pero ri Pedro xubꞌij: Rat junan rikꞌin ri améra tikꞌis aqꞌij pa qꞌaqꞌ, porque xanojij chi rikꞌin améra ngatiker ndalaqꞌ re loqꞌolej sipanik nduyaꞌ ri Dios.

San Juan 12:26

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

San Juan 5:44

¿Achike modo xkinitaqij rix? Porque xa ndiwojoꞌ chi ndinimrisex ibꞌiꞌ koma ri wineq, y ma ndikanoj ta chi ndinimrisex ibꞌiꞌ roma ri qetzij Dios ri kin xe wi jun.

San Lucas 12:33

Tikꞌayilaꞌ ri ichajin y ri rajel tiyaꞌ chake ri maneq ok kichajin. Si keriꞌ ndibꞌen, chikaj ndikꞌojeꞌ jun iyakbꞌel ri ma nditziaqur ta, apeꞌ kꞌo cheꞌel ndiyek ibꞌeyomal ri ma ndikꞌis ta, nixta ndichikopir, y apeꞌ ma ngebꞌeqaqa ta eleqꞌomaꞌ.

San Mateo 25:23

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

San Mateo 19:28

Ri Jesús xubꞌij chake: Kin qetzij nibꞌij chiwa chi chupan ri qꞌij atoq ndibꞌan kꞌakꞌakꞌ chare nojel, atoq riyin ri aj chikaj ri xinuꞌalex chiꞌikajal ngitzꞌuyeꞌ pa nu-trono rikꞌin nimalej nuqꞌij, rix ri yin iwoqan ngixbꞌetzꞌuyeꞌ pa kabꞌlajuj tronos, chin ndiqꞌet tzij pa kiwiꞌ ri kiy-kimam kan ri kabꞌlajuj rukꞌajol ri Israel.

Apocalipsis 3:18

Romariꞌ ngatinpixabꞌaj chi taloqꞌoꞌ qꞌanapueq chꞌajchꞌojrisan pa qꞌaqꞌ ri nikꞌayij yin, chin keriꞌ ndikꞌojeꞌ ri qetzij bꞌeyomal awikꞌin. Taloqꞌoꞌ chuqaꞌ seq teq tzieq chin ndakusaj, y keriꞌ ma nditzꞌetetej ta chik ri akꞌix, porque xa rat chꞌanel. Taloqꞌoꞌ chuqaꞌ aqꞌon chin ndayaꞌ pa teq awech y keriꞌ chaj ngatzuꞌun.

2 Pedro 1:1

Riyin Simón Pedro, samajel y apóstol chin ri Jesucristo, niteq e ruxunaqil iwech rix ri ikuqubꞌan ikꞌuꞌx rikꞌin rijaꞌ achel qabꞌanun roj chuqaꞌ. Ri qakuqubꞌan qakꞌuꞌx kin achel jun nimalej bꞌeyomal ri yoꞌon chaqe roma ri chojmilej samaj xubꞌen ri qa-Dios y Qakolonel Jesucristo.

1 Pedro 2:7

Pa iwech rix ri ngixtaqin richin rijaꞌ, ri abꞌej riꞌ yalan reqalen, pero pa kiwech ri ma kitaqin ta, ma jun reqalen, achel ndubꞌij chupan ri rutzij ri Dios tzꞌibꞌan kan: Ri abꞌej ri pa kiwech ri bꞌanuy teq jay ma jun rikꞌaꞌtz chin ta xkikusaj, Ja abꞌej riꞌ, ri xkꞌatzin chin xok ruchuqꞌaꞌ ruxeꞌ ri jay.

1 Pedro 1:5

Y roma kuqul ikꞌuꞌx rikꞌin ri Dios, rijaꞌ ngixruchajij rikꞌin ri nimalej ruchuqꞌaꞌ, chin keriꞌ ndiwil ri kolotajik ri runabꞌan chik chin nduqꞌalajrisaj chupan ri rukꞌisibꞌel teq qꞌij.

Romanos 2:29

Ri qetzij israelita chuwech ri Dios, ja ri ruchꞌajchꞌojrisan ránima, y ri qetzij circuncisión ja ri samaj ndubꞌen ri Espíritu Santo pa ránima jun wineq, ma ja ta ri circuncisión ri ndubꞌij ri ley xyoꞌox chare ri Moisés. Ri chꞌajchꞌojrisan ránima roma ri Espíritu Santo, maske ma ndinimrisex ta rubꞌiꞌ koma ri wineq, xa kin ja ri Dios ndinimrisan rubꞌiꞌ.

San Lucas 17:30

Y achel xekibꞌanalaꞌ ri wineq pa ru-tiempo ri Lot, keriꞌ chuqaꞌ xkekibꞌanalaꞌ ri wineq chupan ri qꞌij atoq nginuqaqa chik jumbꞌey riyin ri aj chikaj ri xinuꞌalex chiꞌikajal.

Romanos 2:10

Pero ri ngekibꞌanalaꞌ ri utz, kin xtikꞌojeꞌ kiqꞌij rikꞌin ri Dios, y ri Dios ndunimrisaj kibꞌiꞌ y nduyaꞌ uxlanen pa kánima. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

Romanos 8:19

Nojel ri ebꞌanun roma ri Dios bꞌaneq kánima chiroyobꞌexik ri qꞌij riꞌ, atoq ndiqꞌalajrisex achike ri eqetzij ralkꞌuaꞌl ri Dios.

1 Pedro 1:13

Roma kꞌa riꞌ, utz rukusaxik tibꞌanaꞌ ri inojibꞌal, y kin pa iwuxnaqil tibꞌanaꞌ nojel. Nojel iwánima tiwoyobꞌej ri favor rusujun ri Dios chin nduyaꞌ chiwa chupan ri qꞌij atoq nduruqꞌalajrisaj chik riꞌ ri Jesucristo.

1 Pedro 4:13

Pa rukꞌexel chi ndisach ikꞌuꞌx, xa kixkikot chi jajun rix ndiqꞌasaj jubꞌaꞌ kꞌayew achel xuqꞌasaj ri Cristo iwoma, chin keriꞌ atoq nduruqꞌalajrisaj riꞌ chupan ri nimalej ruqꞌij, rix chuqaꞌ kin santienta xkixkikot rikꞌin.

1 Pedro 5:1

Y roma re qabꞌiꞌin pe, ngixinpixabꞌaj chuqaꞌ rix ri ukꞌuey bꞌey chikiwech ri hermanos. Riyin chuqaꞌ yin jun ukꞌuey bꞌey achel rix, y yin jun ri xintzꞌet ri kꞌayew xuqꞌasaj ri Cristo. Riyin chuqaꞌ jun ri ndikꞌojeꞌ nuqꞌij chikikajal ri ndikꞌojeꞌ kiqꞌij atoq ri Cristo xtuqꞌalajrisaj chik riꞌ chupan ri nimalej ruqꞌij.

2 Pedro 3:14

Roma kꞌa riꞌ, rix hermanos ri tzꞌan ngixinwojoꞌ, nibꞌij chiwa chi rikꞌin ri iwoyobꞌen chi ndibꞌanatej nojel reꞌ, titijaꞌ iqꞌij chi atoq nduqaqa ri qꞌij riꞌ, kin ta kꞌo uxlanen pa iwánima rikꞌin ri Dios, chꞌajchꞌaj ta ri ikꞌaslen y nixta jun itzel achike ndilitej chiwij.