1 Pedro 1:19 - Kaqchikel Santo Domingo (Xenacoj)

¹⁹ Rix xixloqꞌ rikꞌin ri nimalej reqalen rukikꞌel ri Cristo ri xsuj chuwech ri Dios, achel ndisuj rukikꞌel jun alaj karneꞌl tzꞌaqet ruqꞌa-raqen y jabꞌel chꞌajchꞌaj.

နောက်ထပ်ဗားရှင်းများ

Kaqchikel Santa Maria de Jesus

¹⁹ xa riqꞌuin ri santo ruquiqꞌuiel ri Cristo xixcolotaj-pa. Jajaꞌ incheꞌl jun alaj oveja ri man jun ruyabꞌil y can sak ri niyoꞌx choch ri Dios.

Kaqchiquel Bible

¹⁹ xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.

Kaqchikel Central Guatemala

¹⁹ Xa can riq'uin ri lok'olej ruquiq'uel ri Cristo xixcol-vi-pe. Y rija' can achi'el ri carne'l ri yesuj chire ri Dios. Carne'l ri man jun noc chique y jebel e ch'ajch'oj; y can que c'a ri' ri Cristo.

Re C'ac'a Testamento pa Kach'abal

¹⁹ Xa ja riq'uin re lok'olaj ruq'uiq'uel re Jesucristo xixcol-va-pa. Y reja' can ancha'l re ovejas re ye'suj cha re Dios. Ovejas re man jun yabil ndoc chique y jabal je ch'ajch'oj, y can quire' re Jesucristo.

Kaqchikel Western Solola

¹⁹ Xa can riq'ui c'a ri lok'olaj ruquiq'uel ri Cristo xixcol wi pe. Riya' can achi'el jun alaj carne'l ri nicamisex chuwech ri Dios; carne'l ri majun ruyabil y jabel ch'ajch'oj.

1 Pedro 1:19 ပူးပေါင်းရင်းမြစ်များ

1 Juan 1:7

Pero si ndiqakꞌuaj qakꞌaslen pa luz achel rijaꞌ kꞌo pa luz, riꞌ ndubꞌen chaqe chi xe jun ndiqabꞌen chiqawech kikꞌin ri hermanos, y ri rukikꞌel ri Jesús ri Rukꞌajol, qꞌij-qꞌij ngojruchꞌajchꞌojrisaj chuwech nojel qamak.

San Juan 1:29

Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

Apocalipsis 5:9

Rejeꞌ ndikibꞌixaj jun kꞌakꞌakꞌ bꞌix ri kereꞌ ndubꞌij: Ja rat ri kin rukꞌulun chi xakꞌen apu ri bꞌoton wuj y ndawelesaj ri wuquꞌ sellos tzꞌamayon richin, Porque altíra xasokotej atoq xakamisex. Y rikꞌin ri akikꞌel xaꞌalaqꞌ jalajaj kiwech wineq, ri jalajaj kichꞌabꞌel, kitinamit y kirochꞌulew chin xeꞌok ralkꞌuaꞌl ri Dios.

San Juan 1:36

Atoq ri Juan xutzꞌet chi ri Jesús ndeqꞌax chiriꞌ, xubꞌij: Titzꞌetaꞌ kꞌa, ja laꞌ ri Alaj Karneꞌl taqon pe roma ri Dios.

Efesios 1:7

Y roma xbꞌiyin ri rukikꞌel ri Rukꞌajol, xojrelesaj pa ruqꞌaꞌ ri tzꞌamayon qichin y xukuy qamak, chin keriꞌ ndiqꞌalajin chi ri favor ruyoꞌon pa qawiꞌ kin nimalej bꞌeyomal.

Colosenses 1:14

Y rikꞌin ri kamik xuqꞌasaj ri Rukꞌajol, xojrulaqꞌ chin xojrukal pa ruqꞌaꞌ ri tzꞌamayon qichin jumbꞌey kan y xukuy chuqaꞌ ri qamak.

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

Apocalipsis 7:14

Y riyin xinbꞌij chare: Táta, rat etamayon. Y rijaꞌ xubꞌij chuwa: Rejeꞌ ja ri eꞌeleneq pe chupan ri nimalej kꞌayew y kichꞌajchꞌojrisan pe kiꞌ chupan rukikꞌel ri Alaj Karneꞌl, achel ndubꞌen jun ri nduchꞌej rutziaq y kin puchupuj ndubꞌen chare.

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

San Mateo 26:28

Jareꞌ ri nukikꞌel ri ndibꞌiyin koma santienta wineq chin ndikuyutej kimak. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

Apocalipsis 14:1

Atoq xitzuꞌun chi apu, kꞌateꞌ ruwech xintzꞌet ri Karneꞌl peꞌel pariꞌ ri juyuꞌ rubꞌiniꞌan Sión, y rikꞌin rijaꞌ ekꞌo 144 mil wineq ri tzꞌibꞌan ri rubꞌiꞌ ri Alaj Karneꞌl y ri rubꞌiꞌ ri Rutataꞌ Dios pa runikꞌajal kiwech.

Apocalipsis 5:6

Y atoq xitzuꞌun apu apeꞌ kꞌo ri trono, pa kinikꞌajal ri kajiꞌ kꞌo kikꞌaslen y ri 24 rijilej teq achiꞌaꞌ, xintzꞌet jun Alaj Karneꞌl peꞌel apu chiriꞌ, y ndiqꞌalajin chi altíra sokotajneq roma ri kamik xuqꞌasaj. Xintzꞌet chi kꞌo wuquꞌ rukꞌaꞌ y wuquꞌ runaqꞌ teq ruwech, y riꞌ ja ri wuquꞌ teq espíritu chin ri Dios etaqon chuwech nojel ri rochꞌulew.

Romanos 3:25

Ri Dios xubꞌen chi rikꞌin rujachik rukꞌaslen ri Cristo Jesús pa kamik pa kikꞌexel, xkꞌis ri oyowal ri rukꞌulun chi xqaqa ta pa kiwiꞌ roma ri kimak, y xubꞌen chake chi nixta jun kimak ndikeqalej, atoq ndikitaqij chi ja ri rukikꞌel ri Cristo nditojo kimak, y chiriꞌ nditzꞌetetej chi ri Dios pa ruchojmil xubꞌen, atoq xerukachꞌ ri wineq ojer kan y ma xuyaꞌ yan ta rukꞌexel chake roma ri mak xekibꞌanalaꞌ.

1 Pedro 1:2

Ri Tataꞌaj Dios xe jampeꞌ pa nabꞌey rubꞌanun pe ruwech pa iwiꞌ rix chi rix ruchaꞌon pe chin nduchꞌajchꞌojrisaj ikꞌaslen roma ri samaj ndubꞌen ri Espíritu Santo pa ikꞌaslen, chin keriꞌ ngixniman, y chin chuqaꞌ ndichꞌaj ri mak chiwij rikꞌin ri rukikꞌel ri Jesucristo. Kin ta xtikꞌojeꞌ santienta uxlanen pa iwánima y ri favor ri nduyaꞌ ri Dios pa iwiꞌ.

Apocalipsis 14:5

Y nixta jun chꞌakatinik xilitej pa kichiꞌ, xa kin chꞌajchꞌaj ri kánima.