1 Juan 4:7 - Kaqchikel Santo Domingo (Xenacoj)

⁷ Rix ri tzꞌan ngixinwojoꞌ, nibꞌij chiwa: Tiqajoꞌ qiꞌ chiqawech, porque rikꞌin ri Dios pataneq chi ngojojowan. Y konojel ri ngeꞌojowan, kikꞌuan chik ri kꞌaslen nduyaꞌ ri Dios y ketaman runoꞌoj ri Dios.

နောက်ထပ်ဗားရှင်းများ

Kaqchikel Santa Maria de Jesus

⁷ Ixreꞌ ri altíra nquixvajoꞌ, niꞌej chiva: Kajo-kiꞌ. Ruma ri amor can patanak riqꞌuin ri Dios. Xa nakajo-kiꞌ, kꞌalaj chi oj-alaxnak chic jun bꞌay y oj ralcꞌual chic ri Dios, y kataꞌn jeꞌ otz roch.

Kaqchiquel Bible

⁷ Rix ri yalan yixinwajo', tiqajowala' k'a qi' chiqawech, roma ri ajowabel kan peteneq-wi rik'in ri Dios. Wi yojajowan, niq'alajin chi qak'uan ri k'ak'a' alaxik y oj ralk'ual chik ri Dios, y chuqa' qetaman ruwech jebel.

Kaqchikel Central Guatemala

⁷ Rix c'a ri yalan yixinvajo', ninbij c'a chive: Tikajovala' c'a ki'. Roma ri ajovabel can petenek-vi riq'uin ri Dios. Vi yojajovan, nik'alajin chi kac'uan ri c'ac'a' alaxic y oj ralc'ual chic ri Dios, y chuka' ketaman ruvech jebel.

Re C'ac'a Testamento pa Kach'abal

⁷ Hermanos, yex re camas yixinjo', nimbij chiva che takajo-ki'. Roma re yajovan can riq'uin re Dios pitinak-va. Vo xa yoj yojovan, can k'alaj che yoj rajc'ual chic re Dios, y chuka' kataman rach.

Kaqchikel Western Solola

⁷ Riyix kach'alal ri sibilaj yixinwajo', nbij c'a chiwe: Tikajo' c'a ki'. Ruma ri ajowabel can riq'ui ri Dios petenak wi. Xabachique winek ri c'o ajowabel riq'ui, nik'alajin chi ruc'uan ri c'ac'ac' alaxic. Y chuka' retaman chic ruwech ri Dios.

1 Juan 4:7 ပူးပေါင်းရင်းမြစ်များ

San Juan 13:34

Jun kꞌakꞌakꞌ mandamiento niyaꞌ kan chiwa: Tiwojoꞌ iwiꞌ chiwech achel ngixinwojoꞌ riyin, keriꞌ chuqaꞌ tiwojoꞌ iwiꞌ chiwech.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

1 Corintios 8:3

Pero si jun ndojowan, ri jun riꞌ etaman ruwech roma ri Dios.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Gálatas 4:9

Pero wokami rix iwetaman chik ruwech ri Dios, o más utz ndiqabꞌij, chi ri Dios retaman iwech rix. Y roma keriꞌ, ¿achike roma ndiwojoꞌ ndiyaꞌ chik iwiꞌ chuxeꞌ ruchuqꞌaꞌ aj rochꞌulew costumbres ri xa maneq kuchuqꞌaꞌ chin ngixkikal y ma jun keqalen?

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

2 Timoteo 1:7

Porque ri espíritu ruyoꞌon ri Dios pa qánima, ma jun ta espíritu ri ndubꞌen chaqe chi ndiqaxibꞌij qiꞌ chi ndiqabꞌen ri samaj yoꞌon chaqe. Xa kin jun espíritu ri ndubꞌen chaqe chi ngojtiker ndiqabꞌen ri samaj riꞌ rikꞌin ruchuqꞌaꞌ rijaꞌ, ndubꞌen chuqaꞌ chaqe chi ngojojowan, y ndubꞌen chaqe chi ngojtiker ndiqaqꞌet qiꞌ chuwech ri itzel teq rayinik.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

1 Juan 2:10

Jakꞌa ri kin jabꞌel ndirajoꞌ ri ru-hermano, kin qetzij chi rukꞌuan rukꞌaslen chupan ri luz, y ma jun achike xtibꞌanun chare chi nduyaꞌ kan ri Dios.

1 Juan 2:29

Rix iwetaman chi ri Jesucristo pa ruchojmil ndubꞌen nojel, romariꞌ tiwetamaj chuqaꞌ, chi konojel ri ndikikꞌuaj jun chojmilej kꞌaslen, ndiqꞌalajin chi kikꞌuan ri kꞌakꞌakꞌ alaxik nduyaꞌ ri Dios.

1 Juan 2:3

Si roj ndiqabꞌen ri ndubꞌij ri ru-mandamientos ri Dios, jariꞌ ndikꞌutu chi qetzij qetaman runoꞌoj rijaꞌ.

1 Juan 2:4

Pero si kꞌo jun ndubꞌij chi retaman runoꞌoj ri Dios, y ma ndubꞌen ta ri ndubꞌij ri ru-mandamientos, xa ndireqꞌon y maneq ri qetzij pa ránima.

1 Juan 2:7

Hermanos ri tzꞌan ngixinwojoꞌ, re mandamiento re nitzꞌibꞌaj e wokami chiwa ma kꞌakꞌakꞌ ta, xa kin ja ri mandamiento xyoꞌox chiwa atoq xitaqij ri Cristo. Re ojer mandamiento reꞌ ja ri iwakꞌaxan pe.

1 Juan 3:9

Konojel ri kikꞌuan ri kꞌaslen nduyaꞌ ri Dios, ma ndikibꞌen chi ta mak, porque ri ru-Espíritu ri Dios kꞌo pa kánima, y jariꞌ ri ndibꞌanun chake chi ma ndikibꞌen chi ta mak.

1 Juan 4:11

Rix ri tzꞌan ngixinwojoꞌ, nibꞌij chiwa: Si ri Dios keriꞌ xubꞌen chin xukꞌut chi ngojrajoꞌ, roj chuqaꞌ ndikꞌatzin ndiqajoꞌ qiꞌ chiqawech.

1 Juan 4:12

Ri Dios ma jumbꞌey tzꞌeton ruwech roma jun wineq, pero si ndiqajoꞌ qiꞌ chiqawech, rijaꞌ jumul xe jun rubꞌanun qikꞌin, y keriꞌ qetaman chi tzꞌaqet ngojojowan.

1 Juan 4:16

Y roj qetaman y ndiqataqij chi ri Dios ngojrajoꞌ. Ri Dios kin richin wi chi ndojowan, y ri jun ri jumul ndojowan, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.

1 Juan 4:20

Si kꞌo jun ri kereꞌ ndubꞌij: Riyin niwojoꞌ ri Dios, ndichajeꞌ, pero xa itzel ndutzꞌet ruwech ri ru-hermano, xa ndireqꞌon. Porque si ma ndirajoꞌ ta ri ru-hermano ri kin ndutzꞌet wi ruwech, ma nditiker ta chuqaꞌ ndirajoꞌ ri Dios, ri ma jumbꞌey rutzꞌeton.

1 Juan 4:8

Jakꞌa ri ma ndojowan ta, ma retaman ta runoꞌoj ri Dios, porque ri Dios kin richin wi chi ndojowan.

1 Juan 5:1

Konojel ri ndikitaqij chi ri Jesús jariꞌ ri Jun taqon pe roma ri Dios chukolik ri rutinamit, kikꞌuan chik ri kꞌakꞌakꞌ alaxik nduyaꞌ ri Dios. Y konojel ri ndikajoꞌ jun tataꞌatz, ndikajoꞌ chuqaꞌ ri ralkꞌuaꞌl ri tataꞌatz riꞌ.

2 Juan 1:5

Wokami kꞌa hermanos, nikꞌutuj kamelal chiwa chi tiqajoꞌ qiꞌ chiqawech, achel ndubꞌij ri mandamiento ruyoꞌon kan ri Dios pa nabꞌey atoq xqataqij ri Ajaw, y re mandamiento re nitzꞌibꞌaj e chiwa ma kꞌakꞌakꞌ ta.